營豐海南雞專門店 (柴灣道)

營業中

休息中

雖然住咗柴灣已經好耐，都唔知道原來柴灣開咗一間專食海南雞飯嘅專門店添，今日原本打算去美心西餅買麵包，結果無意之中發現左呢間鋪頭，本來打算去茶餐廳買午餐嘅我，就轉左去呢一間店舖買一個外賣打算做我嘅午餐啦，去到門口，都有好多選擇㗎，當然主打係海南雞啦，仲有咖喱飯添，因為我係第一次去幫襯，咁當然梗係要試吓佢哋專門店賣嘅海南雞飯啦😃我買咗一個海南雞飯套餐，店舖阿姐問我要油飯定係白飯，我就要左油飯啦，因為平時屋企係唔會自己煲油飯㗎嘛😅跟住個套餐仲會跟埋個湯或者嘢飲，係我諗緊之際，阿姐就推介我佢哋個老火湯啦，佢話俾我聽佢哋嘅湯係每日朝頭早新鮮煲起架，絕對冇任何味精，我本着一試嘅心態就要左個湯啦，另外我喺櫥櫃嗰度見到佢哋有其他小食，我就加咗$20蚊有5隻雞翼，返到屋企一打開，賣相唔錯，分量十足，先試下阿姐個推介老火湯先，果然冇味精，而且好足材料添😲，我今日飲嘅係花生木瓜雞腳湯，原來佢每日有唔同嘅是日例湯架，今餐食得好飽好滿足，盛惠共$65元。

喺柴灣開咗間專做外賣嘅'營豐海南雞專門店'，我成日行過都總會見到有人幫襯緊，有時仲會排長龍添。今日又行過，就決定斬隻雞返屋企加餸。一直都以為呢間店只有海南雞賣，點知行近D，就見到除咗雞之外，仲有其他產品，例如鴨、豬排、豬頸肉、雞腎、雞翼、炸雞，連豬手都有。花多眼亂，最後決定買半隻無骨海南雞和半隻醉雞。無骨海南雞: 肉質嫩，雞皮下沒有太多肥膏，而且啖啖肉，男女老幼都啱食。醉雞: 比海南雞多一碗調咗味嘅酒，食之前半個鐘倒D酒落雞度，再放入雪櫃，凍醉雞，啱晒夏天食。本人對酒類太熟悉，但估計應是花雕酒，酒味好香，也不會太烈，好味。另外，收銀姐姐嘅服務好好，好用心咁講解儲存方法同食法，值得一讚。Good。

依排見到開左好多形形色色賣雞的舖頭 專做外賣的 生意好像也不錯 每晚收工經過都會見到不少人排隊 於是今天諗住買黎做午餐 試下係咪真係咁好味.點解會揀依間係因為比佢舖面吸引 招牌幾sharp 離遠已望到，於是心諗，今次就試依間啦.來到後望一望招牌 平時可以單買雞塊、豬排、雞腳、牛肚等等為屋企加送，每樣都是以磅計的，定價尚算合理，而我因為海南雞平時食太多 所以試下豬頸肉飯+5隻雞翼試試.兩樣加埋共$58 送埋湯.打開一看 飯量不少 很滿，豬頸肉不是平時其他店食既4-5塊，驟眼望落已超過十塊以上。如果不要雞翼都只是$38，簡直就係窮人恩物.豬頸肉爽口彈牙 不會太乾 幾好食，不過雞翼就淡左少少 冇乜味 可以改善一下.整體味道不錯 值得幫襯.

本身我係非常之喜歡食海南雞飯，有屋企人係附近住，有時行開行埋都見到呢間舖賣海南雞飯，今日咁啱經過見唔太多人就去食啦。一去到店員都主動推介有咩食，仲推介埋啲唔同小食，但一個人食，驚食唔晒，所以無嗌到小食，不過啲小食睇落都吸引，今餐食過好食嘅下次試埋小食先。😋買咗個麻辣口水雞配油飯，飯夠多，加上啲雞嘅份量都算多仲要大大件，食落個感覺仲多過平時食燒味雙拼飯啲餸。而雞肉啱啱離骨個隻熟，係正嘅，加埋個口水辣汁仲正，個汁唔算太辣，少少甜都幾特別。 而油飯本身都算Ok唔太油，唔使加錢轉喎，緊係轉油飯啦。😂佢跟餐仲送左個例湯，可能啲雞同個飯比較濃味，個湯飯落有啲清，不過我寧願佢清淡啲，好過加味精呀，例湯無味精味算少見。👍Overall，50蚊有找，又夠飽又好食，都抵食呀，下次要試埋啲小食先。✌️

本身我係非常之喜歡食海南雞飯，一直都知道屋企附近有間小店出名賣海南雞，但平日好多人排隊，今日咁岩經過見唔太多人就去食啦。一黎到店員好親切主動推介我有咩出名既食物，同埋話比我知今日有咩湯。最後我都只揀左兩樣野食，就係雞腎同海南雞飯。首先講吓無骨海南雞飯，雞肉非常嫰滑又多汁，雞味濃郁得來唔會有臭腥味。 而油飯本身上色得黎都好入味，油而不膩。值得一讚嘅係份量超級多， 一般女仔應該好難自己食得哂😂佢另外仲送左個例湯（合掌瓜煲甘筍粟米），雖然唔算超濃味，但飲得出係無味精😃本身我對味精好敏感，所以都好怕食完會口乾。 但食完呢個海南雞飯，唔會覺得口渴 。另外雞腎都好出色，好爽口，醬汁酸酸甜甜，好味道。總括黎講，性價比好高，一定會再黎👍🏻👍🏻

屋企樓下新開左一間海南雞，忍唔住要前黎一食，見到店鋪除左海南雞之外都仲有其他小食選擇既，而且價錢都唔會話好貴，雞既質地都算可以起碼不會太鞋，都幾滑身.如果唔鍾意食雞，都可以試下其他野架.

見屋企附近新開左一間海南雞飯好似唔錯，於是老公話今晚加料送飯😆😆而且價錢都唔算貴一盒飯都係$35-$45 係出面食個海南雞飯都唔指呢個價錢🤩🤩🤩🤩.見到有好多小食好正😆😆遠遠都聞到濃濃既香味🤤🤤因為同老公兩個食飯，所以叫左個半隻雞如果多人食真係好想叫一隻😣😣雖然叫左半隻雞但係啲肉都好大塊好滑身，平時好少食雞皮，但係呢度啲雞皮一啲都唔肥連同啲肉一齊食口感好滑身👍🏻👍🏻有三個醬料搭配👍🏻送飯一流

呢排係附近做野，OT後就唔翻屋企煮，諗住隨便買翻去食就算。行行下見到佢呢度既飯盒好平就快定試下。叫左個香茅煎豬扒飯同無骨海南雞飯，份量超大，配多個小食就可以3個人食2個飯😂😂無骨海南雞飯$45，雞肉有成2層甘多，雖然冇加錢要雞腿位，但唔會好硬好乾，亦重雞味。油飯超香，唔會好淋同好油，十分推薦！另外有配多包醬，掂海南雞點同撈飯一流！香茅煎豬扒飯$36，呢個重抵食😂😂飯量一樣甘多，豬扒又係有2層😂😂好易咬唔會乾，有肥膏既位置仲香🤤🤤呢個CP值仲高！某幾款飯仲會送湯/細罐可樂，就要左1個湯試下。飲完唔會口渴，幾清淡🤟🏻👍🏻👍🏻呢度仲有其他小食，但得2個人就冇叫怕太多食唔唒😂😂

收工嚟到買外賣食，見到新開左間海南雞飯專門店，就嚟買啦💁🏻‍♀️💁🏻‍♀️.平均32到45蚊左右就有一個飯！仲包一碗湯或coke 🥴 另外亦可以單叫雞或其他菜，價錢都幾平下💪🏻💪🏻 我地就叫左一份冇骨海南雞跟油飯($45)🐤🐤 雞肉真心幾多下，肉質軟嫩，唔會好肥🐣 油飯唔洗特登加錢，幾重油香，份量多到爭d食唔哂🐥.另外一個叫左豬扒飯($36) 豬扒都幾厚切，重香茅味，肉質幾嫩，唔會好似出面嘅咁dry~ 🐷🐷.下次要再試下其他先得！haha~