燧記廚房 (巧運工業大廈)

營業中

休息中

抵食有禮貌 川菜館午市經過見到人人都行上去跟住試下職員態度好好可惜人多位少 必定要搭枱小菜形式多人去分享先可以試多啲菜選擇咗酸菜魚飯魚肉好滑好嫩加5蚊有汔汽水已經選擇咗小辣還呢辣酸味剛剛好送飯非常好整碗飯吃光光還有很多小菜好想食要再試

每次黎觀塘，都會忍唔住黎呢間食一黎扺食，二黎環境都好坐今日夜晚同個朋友2個人黎食，2人餐都係$115，熱飲+$2，凍飲 +$4，仲有2個飯，兩個餸，加一個娃娃菜。酸豆角肉碎呢個真係送飯一流，肉碎同酸豆角酸酸流流，配上白飯，忍唔住食完一碗又一砣！辣子雞經典川菜，青椒仔加辣椒仔炒雞肉，入口好麻。雞肉煎到好香口，好惹味。娃娃菜食咗咁多辣嘢，食個青青地嘅中和番食咗咁多嘢，埋單都係每人$60左右，高質又好味！

自從有朋友帶過我黎一次之後，因為性價比，我都回頭咗好多次，人均消費都係$60-$80。蒸蛋味道都好家常，無味精梅菜扣肉，啲肉好腍，梅菜送飯一流娃娃菜跟餐送，健康

今日同朋友上partyroom玩⭐️中間叫左燧記既外賣自取一齊share食。首先點左既小炒黃牛肉同埋孜然牛肉，係調味之下都係鑊氣十足，肉汁豐富。口水雞入味，不過略嫌有d貴 ，24蚊只有3隻🥲至於辣子雞就不得不讚！脆口香辣😍但略嫌雞肉不多，幾個人share好快就食到淨返辣椒🥲如果有更多雞肉就好啦～上湯娃娃菜清淡可口，夾埋啲川菜一齊食中和就岩岩好😇叫左咁多野食，圍返都係$327，都算係實惠之選，係附近partyroom玩既朋友下次都可以試下。❤️‍🔥❤️‍🔥0

🍚🥢🥄觀塘香辣小菜午餐▫️午市套餐有免費湯/汽水🆗 乾鍋花菜炒肉 - $68包裝幾好，有2層，下層係白飯上層係餸。辣度不可選擇，但都還好，吾會話太辣或太淡，幾惹味。白飯份量夠，而且粒粒分明，幾好食。但餸嘅份量好似有d少，食左一半飯已經冇晒餸。椰菜花吾會好硬，但腩肉份量較少，炒到好碎，而且好乾硬晒。跟嘅湯係紫菜蛋花湯，冇咩味，清清地。$68係觀塘有好多選擇，間吾中想食辣野可以考慮下呢間，但性價比不算高。

同朋友lunch，想食辣嘢就揀咗呢間，佢係去買咗先嘅，好似大家樂咁樣，不過煮好咗佢會拎俾你。我order嗰陣個姐姐已經好好咁問我要唔要加飯，可能佢都知個份量唔係咁多，不過就算加飯都冇用啦，因為我發現係啲餸比較少，冇加飯都唔夠餸🤣🤣🤣。麻辣子雞，雞肉偏軟，都夠辣嘅用嚟送飯都好正孜然牛肉，呢個份量好似多番少少，味道都唔錯

今次來觀塘想試下辣野，特登搵到呢間小店。店面唔算大，有係二樓，都算隱世。我地嗌左辣子雞同埋麻婆豆腐。兩道菜味道都幾正宗，麻麻辣辣，好有鑊氣。我最鍾意既係佢既辣子雞，雞肉切丁，好乾爽又唔鞋，配上紅辣椒花椒，非常惹味。麻婆豆腐配飯食，味道好正，超級滿足。

🍴上樓吃點辣 🌶觀塘有一間上樓川菜，午市提供性價比超強套餐和小食，午市套餐包罐裝飲品，或加$5轉樽裝豆漿。愛吃辣的朋友可不要錯過啊！觀塘有一間上樓川菜，午市提提套餐、小食，愛吃辣的朋友可不要錯過啊！🐮孜然牛肉套餐 $60牛肉成本昂貴，但套餐中有不少牛肉。牛肉算嫩滑，配以豆角、紅椒和洋蔥，香味四溢的孜然粉，令餸菜惹味又好吃。🐔麻辣子雞套餐 $55香麻的辣子雞丁配以青紅辣椒，加上有大量花椒作調味，開胃滋味無窮。雞肉起骨，啖啖肉，下飯一流。套餐附送紫菜蛋花湯，可配餐飲用或自行製作泡飯食用。🥟 焦香脆皮餃 $32 （全份-8隻）餃子炸得香脆，是白菜豬肉餃，蘸點醋吃，味道不錯。全份有八隻炸餃子，也可點半分四隻餃子。🔸小總結：午市套餐相當抵食，有小菜、白飯、飲品及紫菜湯，餐廳環境舒適好坐，性價比高，值得回訪。👅 味道：4.7/5💰CP值：4.7/5🕴🏻服務：4.8/5🔰餐廳環境：4.8/5👀回頭率：4.7/5🍽 餐廳：燧記餐廳🌐地址: 觀塘駿業街66號巧明工業大廈1樓A號舖

收工同個同事行過…見到招牌有個字唔識讀😅好自然就望多兩眼😆再睇真啲原來係一間都幾隱蔽嘅工廈食肆！反正冇飯開就一心試吓先返歸！行樓梯上一層好方便，入門口發現中式小炒但以快餐店形式經營，真心good快靚正👍🏽地方唔算好大但相當企理，座位唔係密質質，距離感滿分💯呢度仲有一部自動販賣點餐，半自助好方便呀！午市繁忙時間一定幫到手啫🥳講到食物…呢度有蒸水蛋清清地，其他都係惹味菜😍😍😍孜然牛肉：人氣之選！上菜見到好多辣椒🌶️但唔算太辣，不過係勁惹味😋乾鍋花菜炒肉：椰菜花🥦炒到少少脆好香口！加埋五花腩肉餸飯一流！食飽飽飲埋個紫菜蛋花湯，清清地！好滿足🤗

觀塘人多食肆一樣多，最近又有一間中餐食肆新登場，有一系列既中式飯餸提供，包括自家風味既三色蒸蛋、紅燒馬鈴薯排骨、西蘭花炒牛肉；熱炒乾鍋花菜炒肉、川味回鍋肉、麻辣子雞等一樣有得揀，外賣自取仲有9折，買返上寫字樓慢慢食都OK~ 蔥蔥衝地球 蔥爆牛肉 $60(套餐) $55(單點)呢度既餸菜全部勁岩用黎送飯~蔥爆牛肉牛肉口感軟嫩，而且蔥燒既香氣好濃郁，就連配菜洋蔥都煮得鮮甜軟淋，撈飯食岩哂~咸甜嫩滑 醬爆雞丁 $55(套餐) $50(單點)醬爆雞丁用上切粒既雞胸肉，同埋青椒同紅椒一齊炒，炒得軟嫩入味；加埋甜椒既味道，相對清爽啲~

請問打開飯盒發現有張order單喺飯面(已經焗咗10分鐘)係乜嘢玩法？等候時間已經由15~20分鐘縮短至5~10分鐘。份量亦足夠，唔須要加底(張單)，同埋張單應該唔洗加熱，麻煩下次張單就咁貼飯盒面，億萬個唔該!

10月2日星期六長週要返工，到收工已經係下午2:30，肚仔有啲餓，想食返個下午茶，近近地去附近燧記試吓佢哋嘅下午茶，叫咗一個麻辣醬雞炒腸粉飲可樂價錢唔係太貴$38，侍應送到上枱睇落賣相唔錯，熱氣騰騰都幾香，但係食落發覺有啲唔多妥，就係鹹咗啲，好彩叫咗罐可樂又夠凍，食咗三份之二，最後頂唔順太鹹唯有放棄，我向個侍應反映問題，佢話雞肉係師傅預先醃好，煮好之後再加花椒粉，唯有提提廚房留意吓。 其實之前都喺度食過晚飯幾次，環境舒服乾淨清靜，食物有質素，侍應服務有禮貌，但今次真係令我有啲失望，不過侍應態度都唔錯很接受客人意見，真心希望佢哋真係會改善問題。

觀塘，堂食，等45分鍾，寕願退錢都唔追。仲唔止一次，所以曾經backlist左。因為冇投訴電話，冇分店經埋，就係唔理你。。。但之後試過經open rice外賣就正常速度(遲左係咪罰款架？），而且賣相仍然都同圖片一樣，所以唔想受氣唯有叫外賣。只是經app叫不可以堂食。味道方面，大约值60~70元。。。只賣50元所以人很多。味道非常稳定，而且即炒所以好香。另外，烝蛋宮保雞丁炒牛等小莱多人叫，可能快些。炒四季豆或者其他嘢自求多福。

本身想食泰國嘢 見到依間小菜幾吸引就入咗尼 收銀態度友善 主動介紹野食 食物水準高價格又平 環境乾淨 店員仲會主動關心好唔好食 夠唔夠 態度好友善 係一間充滿人情味既小店 會再幫襯👍🏻

在公司附近的一家小店，如果專門去吃沒有必要，但是解決工作的午餐晚餐還可以，價格不貴，我一個人點了兩個菜也不過100💰，味道中規中矩，不會太差，也不算特別好吃，腐竹炒肉的味道更合我心意，辣子雞丁，稍有雞味