爆丼丼 (已結業)

網上瘋傳超級如堆山一樣的刺身飯，今期還做第二碗半價優惠「四重爆丼」賣點，如堆山的刺身，大大粒帆立貝、大大隻海膽、還有兩片厚三文魚拖羅、碎吞拿魚，所有刺生都好新鮮「安格斯牛肉鵝肝」大大件鵝肝，超多牛肉，牛肉汗多，不乾，不靱，厚厚的鵝肝，甘香回味，如果再煎香點會更好

係網上見到爆丼丼做緊第二碗丼飯半價嘅優惠，火速突登入荃灣黎食之前已經食過幾次，簡直係食過番尋味！七點幾八點食飯時間，出面大排長龍，但等位都算等得快，20分鐘左右就有得入。不過舖面細，人太多，坐得有啲迫今次食嘅係極上生魚丼（$188）睇見個樣都知道唔少野！有海膽、三文魚腩、油甘魚、帆立貝、赤蝦！全部都好新鮮，特別係油甘魚同三文魚腩，厚切到不得了，一片等於出面兩片咁濟，king size級魚生！碗飯好似好細，但食到後面都食唔哂啲飯，一定夠飽啊！另外嗌左安格斯肉眼丼（$168）同行友人話肉嘅份量都夠，煎得唔算太韌，加上日本燒肉汁，佢兩三下手勢就食完碗飯，我影都影唔切最後折完埋單加埋一，總數係$299，平均一個飯都係$150，抵食過另外一間丼飯專門店好多！

好耐無食刺身飯，見有新優惠第二碗丼飯半價，即刻衝去試🐕叫左一碗滑蛋豬扒飯，一碗三文魚親子丼，落單時職員已講可有第二碗半價。刺身飯等左20分鐘先有，耐左小小不過都可以接受...不過質素就無乜好讚，唯一與別不同係刺身係厚切，不過味道一般，食落無乜特別。滑蛋豬扒飯，都係普通，唔係好夠汁，主要係蛋漿，豬扒炸得幾好, 唔會乾。炸物應該唔錯的，可惜無叫到小食我地被安排坐喺一個出單機下面，店員經常出入，而通道極狹窄，每次店員出入都有碰撞到客人背脊，食得不太舒服。

想試很久了，一個人特別想食日本菜時可以去這間，入去即時有位，午餐價格親民，所以一個人算叫得比較多了，抵食又好味，心心念念再會去試其他，減肥貪吃人士去午餐多吃些也没壓力🤣

叫咗個四重爆丼同埋火山爆丼，佢做緊優惠第二碗半價，另外再加一，埋單就三百幾蚊，如果正價就四百幾蚊，唔算好貴，但佢食物嘅質素就真係唔係幾對得住佢個定價。因為比較早，個日去到唔洗等位，直接就入得去。睇某傳媒嘅介紹，的確有d期待。不過d嘢食嚟到之後呢，真係有詫異。首先d Toro多筋到⋯⋯望落似和牛，連Toro蓉都係有筋嘅，海膽叫過得去啦⋯個麵豉湯就好似水咁⋯跟住個飯，又淋又爛爛哋咁⋯食落嘅味道同口感完全唔覺係壽司飯。佢嘅質素絕對佢唔值咁嘅價囉，唔會再去。飽得嚟完全冇滿足感。

放工後同朋友仔食dinner，見呢間爆丼丼個名好得意，就食呢間。點知朋友仔遲左少少收工，見個營業時間寫收10點半，我地9點20分到，仲驚會食到好趕，點知呢間效率又幾快，加上店內客人唔多，證明我既擔憂係多餘既送的麵豉湯熱辣辣，食野前暖下個肚，味道正常。呢個粒粒魚生丼份量十足，侍應好貼心地俾左個碗仔我，但食果陣好驚d魚生會跌落枱，入面有蟹籽、希靈魚、三文魚、吞拿魚等，味道都幾新鮮，因為驚食唔哂，最尾我就筆走d飯，只食魚生算

今個weekend 又係荃灣搵食啦～第一次食呢一間爆丼丼～上網見到啲相都覺得好吸引，而且價錢唔貴位置有少少遠離車站，注意喔～可能我哋又係較早食嘅關係所以都唔使等位我地點左一客「四重爆丼」，跟埋一碗麵豉湯麵 開頭我覺得好似會唔夠食，諗住食完唔夠再嗌。食食下原來啱啱好之後就冇再加野lu 講返個丼先，黎到個樣同啲相都一樣成個丼啲料都好多下，特別係海膽。而我哋今次食嘅海膽都好鮮甜冇苦味！吞拿魚茸同三文魚子都好多呢個價錢我覺得OK啊

🐹肥老鼠跟鼠弟出了荃灣行街，先來食過遲來的lunch，但荃灣有刺身的日本餐廳選擇不多，最後選了這家名字聽起來很吸引的爆丼丼。帆立貝+油甘魚刺身（$32+$36）刺身很大塊，啖啖肉。帆立貝口感略帶爽彈，沒有冷藏味。油甘魚沒有鮮味，就是沒有什麼味道，也沒有什麼油脂感，非常一般，這個價錢這個質素真是貴了點滑蛋豬排丼（$58）豬排鞋了點，沒有鮮嫩的感覺，十分普通。米飯也有點乾，沒有珍珠米的軟熟飯香。最好已經是蛋，全熟但都能保持滑溜。鹽燒鯖魚丼（$58）肥老鼠最愛就是燒鯖魚，最好的燒鯖魚就是燒得外皮香脆，而肉質又不會過鞋。這個燒鯖魚做到我喜歡的水準，外皮脆而不煨。灑上檸檬汁，香口開胃，十分下飯總結而言，這家店真是十分一般，根據食的兩款魚生，感覺他們的魚生丼也會很一般。不過，平平地食過lunch還是可以的，百多元以上的魚生飯就不了。🐹聽日一定食到更好既野食嫁，你話係咪呀肥老鼠

海膽迷海膽迷我每一間都唔會錯過荃灣美食真係多 呢間爆丼丼前身都係一間日本餐廳而家轉左手 轉整丼飯我去食嘅時候都幾多人排隊前面都有五六張枱等緊因為佢真係大件夾抵食 去覓食梗係想搵又平又好味㗎啦呢個飯有吞拿魚茸 帶子 魚子埋海膽每一樣都好新鮮海膽唔會臭帶子同埋吞拿魚茸都食到佢嘅鮮味 另外佢個魚子唔會喊所以成個飯撈埋之後味道咸度適中

今日幫公司到荃灣送完文件,順便在附近找地方食午餐,因想食魚生飯,所以上openrice搜尋吓,見到評論話呢間粒粒魚生飯幾好,決定去試吓。叫咗個粒粒魚生飯,包一罐飲品,裏面啲魚生都幾多,以這價錢比,都好抵食。

第一次寫食評，原因好簡單，搵倒間好野，好想分享比大家。早排約左朋友去荃灣攞野，順便就係附近搵埋野食，我同朋友都鍾意食日本野，就搵倒呢間試下，我叫左碗極上海鮮當，有三文魚腩，帆立貝，油魽魚，赤蝦同海膽，見倒已經流晒口水😀三文魚同油魽魚油好鮮味，油花又香，赤蝦同海膽都ok，成碗飯食晒好滿足。一定會再黎

路過荃灣想食啲生冷野，經過見到呢間咁多人係入面既日本餐廳就入左去食，價錢相當平，一個丼飯都係7 80蚊左右既，份糧好足料，三文魚好大塊仲有開花既生文魚腩，配埋魚子食就變左係咁多選擇入面我最中意既一款！雖然唔係話最新鮮，不過食材既流量又快又大都唔會去到食屙人既程度，我地仲叫左炸餃子同炸年糕share黎食添🤤

爆丼丼，其實食物質素好唔穩定，之前食過四重爆丼，第一次食覺得好鬼正，海膽原全冇苦味，帶子同吞拿魚容都好鮮味；但第二次食就出事啦，海膽有苦味🤮同侍應投訴，雖然佢肯換另一碗比我，但分別唔大，其實睇番openrice 一般留言都係彈海膽有苦味🙄所以算把啦，呢間唔再食海膽架啦。但係魚生黎講每次都保持倒水準，午市$62一個粒粒魚生丼，魚生份量都幾多，魚生冇雪味，鮮味十足👍🏻套餐仲配埋沙律🥗仲有飲品，都算幾抵食

星期六晚去食人唔多得2-3枱2人，睇menu嗌左個四重爆丼 見佢相好吸引有海膽又吞拿魚蓉帶子 咁吸引就試 等左15分鐘到，第一時間先試海膽 一入口。。。嘩 好苦 試第二舊都係苦同個侍應講 佢同吧枱講 講完就拎入去 唔知係唔係換左第二批海膽比我 但係都係苦 不過冇頭先果批咁苦 算啦今次冇換到 繼續食 食食下聽到侍應同個吧枱講可能係老闆黎 話頭先原來有幾枱客都話海膽苦再試過吞拿魚蓉 應該係急凍貨 完全冇吞拿魚味又冇鮮味最正常都算係個帶子同三文魚子算係不過不失 依間食一次就夠 絕對唔會再有下次好失望

見網上好多人食, 評價亦唔錯, 經過荃灣就去試吓啦睇相見到好足料, 於是就叫左最多人叫嘅魚生飯試下, 點知個飯一到, 先知原來都幾細🤦🏻‍♀️完全性價比好低, 老實講有少少失望, 令我係女士都覺得食完唔飽, 何況係男士們😨雖然食物選材都算係新鮮, 但係價錢來講真係有啲高🤦🏻‍♀️可能我哋對佢寄望比較高, 所以有啲失望持平啲來講, 食物嘅賣相的確唔錯, 如果想嘗嘗鮮, 又或者影下相上網打卡, 的確係推薦嘅但係如果為咗搵好嘢食, 要性價比高, 就唔推薦喇