爆丼丼 (已結業)

係荃灣既一間睇落唔起眼，但由於成日坐小巴都會經過。每次行話都比佢既海報圖片吸引左，今日見自己一個，就籍今次機會試下。當日我食果陣做緊感謝祭：「叫兩碗，第二碗半價。」好抵食！但可惜我果日自己一個人，食唔到兩個飯🥺係云云選擇之中，叫左個三色丼個飯睇落好細個，點知食完飽到不得了！值得一提既係，佢個三文魚係好厚。不分兩啖食😋😋😋甜蝦同埋油甘魚都好新鮮，融雪處理得好好！唔會食到碎冰/太凍。午餐晚餐同價，下次我會食dinner同三五知己不仿去試試😍

係網上見到優惠做緊第二碗半價😋所以心思思想黎試下見到餐牌選擇都幾多，有唔同嘅丼飯、拉麵、刺身、小食，同埋季節限定推介。我就嗌左三文魚帆立貝丼😋影出黎就無餐牌上嘅相咁靚🤣但三文魚同帆立貝都好大舊，三文魚嘅魚油好豐富，帆立貝味道好鮮甜，可惜嘅係壽司飯太淋，有啲痴埋左一齊。整體黎講有改善空間但價錢的確幾抵食！

爆丼丼位於平日搭開嘅小巴站頭，所以我已經留意咗一段好長嘅時間。門外嘅海報好吸引，每次都流晒口水咁，但次次都只係過門而不入，見佢可以响競爭咁大嘅荃灣生存到，應該都唔係泛泛之輩！今日我為咗避開人流，專登過咗 lunch hour 先去，去到入面一個人都冇，嚇得我吖！店內面積唔算大，但非常乾淨企理，坐得好舒服。最近有優惠，第二碗半價（以價錢較低計算）。所有今日一於試吓佢哋嘅鎮店之寶 - 四重爆丼，安格斯牛肉鵝肝丼（贈送飲品或味噌湯）。等咗一陣，四重爆丼就上枱喇！真係非。常。震。撼。真係同海報一樣，只係size 不似預期啫！你以為大大碗，其實只係同普通飯碗差唔多，但飯量都有一碗多啲，一般女士或細食男士都夠飽嘅！海膽佔咗一半，份量有一板咁多，仲4大隻帶子、佔咗1/4 嘅三文魚籽，中間有吞拿魚他他。海鮮新鮮冇異味，大口大口咁食，非常滿足。等咗十分鐘左右，安格斯牛肉鵝肝丼就上枱喇！因為佢要即叫即做，保證熱辣辣先好食。安格斯牛肉味道濃郁，牛肉分量好多，食極都有。牛肉烤至微焦非常香口，配以偏甜醬汁，配飯一流。鵝肝有兩大片，煎至脆邊入口即溶，原本以為唔夠飽，點知一碗就已經大滿足！以午餐嚟講，真係幾貴吓，但

夲身點一第二碗有半價既丼是到九月但職員話老闆想做到十月 唔知真的還是要再決定不過今天既然來到梗係不能錯過呢個優惠啦。基本上我食番上次既海鮮丼朋友就點了四色丼未食就已知食不哂、果然是的希望優惠再延長啦

在荃灣區返工近一星期，今日自己一個出外食午飯，行經這間食店，鍾意食魚生的我，就入去試下。粒粒魚生丼，份量幾多，裏面魚生粒有三文魚，油甘魚，吞拿魚，希靈魚，同好多蟹籽，有汽水，都只係$62，仲免加一，抵食

有一日呢間嘢做緊優惠，第二碗半價！即刻覺得好抵，仲要睇相見到好吸引，即刻就走去試下啦～～平日既晚飯時間，特登早啲黎拎定位，都有十幾個人等位架，好彩都唔算等得耐，大約四個字到就入得去啦！一打開menu好多選擇，我呢啲選擇困難症既人揀左好耐，決定同男朋友揀左呢兩款！個四色魚生丼整到好似新式既甜品咁，好得意，顏色咁靚，胃口都大開添！但好誇張好大碗架原來，啲魚生仲好新鮮鮮甜～我地兩個本身餓住肚過黎食，都不敵佢咁大杯，食唔哂真係好唔意思，但真心好味既

$100唔洗 就食到超足料既魚生飯 好驚喜超中意食魚生既我 第一次食唔哂啲魚生魚生好厚切 新鮮 仲有第二碗半價優惠 雖然對個九龍人尼講有啲遠但好想趁優惠期再光顧多次真心讚～～

魚生飯第二碗半價上月去左荃灣呢間爆丼丼食魚生飯。因為上網見有PROMOTION，第二碗半價優惠，睇相吾錯，所以試下。都多人排隊，都要等15分鐘先有位。叫左個最貴既，終極爆丼＄298同四重爆丼＄208，半價計平價果個，所以四重爆丼半價，減＄104。多人關係，都等左陣，野食先到。四重爆丼有海膽、三文魚籽、帶子、拖羅、拖羅蓉，味道都OK，魚生還好，但不算特別新鮮，拖羅凍冰冰，好似係雪櫃拎出黎剛剛攤凍，飯都OK。終極爆丼有9款刺身，分別是海膽、牡丹蝦、帆立貝、三文魚腩、拖羅、炙燒左口魚裙邊、劍魚腩、油甘魚和三文魚籽，分量非常大兜，兩個女仔Share食都無問題，加埋飯過麵鼓湯。炙燒左口魚裙邊好食，夠肥，不過燒的吾夠多。埋單就算第二客半價，都＄442，相對下，都係食魚生飯，我會比較喜歡旺角的爆X屋。

見爆丼丼做堅超抵食嘅第二客飯半價，就襯住星期六同朋友入荃灣試試。去到攞飛等位，15分鐘島就有得入座。叫左一個四重爆丼同一個極上海鮮丼。極上海鮮丼有三文魚腩、油甘魚、帆立貝、牡丹蝦同一小份海膽。三文魚腩非常厚切，好新鮮口感亦超滿足；牡丹蝦好多膏，好大隻；帆立貝亦好鮮甜。一次過試到咁多款超新鮮超好味嘅魚生，Like!四重爆丼：海膽(大量)、三文魚籽、帆立貝、拖羅+拖羅蓉。海膽一啲腥味都冇，好鮮甜，而且份量超多。算得上係驚喜；拖羅蓉味道好濃，非常好，唔似得平日外面成日食到淡茂茂嗰啲；三文魚籽同樣冇腥味，好香好甜。兩個飯嘅魚生份量都非常多，同飯嘅比例接近係1:1架。計左第二客半價再加埋一，兩客超足料魚生飯夾埋先360蚊，超值之算！

見到fb有介紹 仲有第二碗半價優惠 賣相又ok 所以就過黎試下好唔好味～～分別叫左北海道丼,辣味牛仔骨丼,炸餃子同三文魚親子卷。覺得北海道丼都唔錯,入面有吞拿魚蓉,三文魚,帶子,油甘魚,劍魚。個人覺得三文魚同帶子都好好食,三文魚夠肥同新鮮,帶子都無苦味,但係油甘魚比較“un”,無質感,而劍魚都好腥 如果系呢個價錢上就感覺無甘抵拉牛仔骨丼都係好“un”,味道還可以接受。反而小食有驚喜，炸餃子夠脆同好多汁，三文魚親子卷超好味 必食如果下次黎我唸我係為左小食而黎😂😂

好耐之前食過一次幾難忘，因為好大碗同刺身好厚好新鮮。今次見到有promotion就再去幫襯喇 係平日放工後去食，諗住打去問定留位，點知店員態度麻麻，一口話full哂同唔知要等幾耐就收咗線(感覺上佢好似唔憂做咁🤣) 由於好想食，就決定排隊都食，點知一去到 其實入面有幾枱係吉架囉😂 anyway 可能係啱啱走姐☺ 但今次整體嘅水準都係差咗 失望🤡——————————————————🍣極上魚生丼 $188上次來都係呢個，所以可以比較吓🤪 整體都係新鮮嘅，海膽係鮮甜👍🏻 三文魚都好厚😎 帆立貝都大舊🤪 不過赤海蝦嘅味道就差小小😣 好似無咩蝦味? 整體都OK la 不過真係好多飯XD 由於魚都有豐富魚油 所以真係食到滯🤣 -🍱四重爆丼 $208呢個係以海膽同吞拿魚為主打🙂 海膽都係好食嘅 甘甜🤪 不過個吞拿魚就唔係咁新鮮咁喇🥴 三文魚籽正常喇，但我本身都唔好呢味嘢🤪🤪 呢個飯如果可以將吞拿魚轉成帆立貝就正正子喇🤩-🐤七味雞軟骨粒 $42即叫即炸，幾大粒，同埋好有咬口🤓 份量都幾多 抵食啊🤪 不過注意熱氣喎🤣——————————————————💰設加一服務費🕰星期一至日 12:00 - 22:3

早前見到這間餐廳網上評價不錯，今晚和老公去試一下，之前網上很多人說要排隊，但今晚星期二我們大約8:30pm到餐廳，餐廳內不算多人，立刻有位。我點了一個四重爆丼，老公點了一個安格斯芝士牛肉丼。今天第二碗丼有半價優惠。我點的這個丼比我想像中少很多，約一個小飯碗的大小。四重爆丼有兩片toro、兩片帶子、三文魚子、吞拿魚腩蓉和海膽。先不說魚生的質量，這個飯很硬，真的很硬，比法國risotto還硬，中間部份好像不太熟的感覺；第一次吃這麼硬的日本飯，絕對敗筆！Toro、帶子還可以，三文魚子、吞拿魚腩蓉很一般，那個海膽認真苦，苦到眼水都標，不知道因為不新鮮還是品質的問題會這麼苦，總之相當差！我對這個丼感到十分失望，這質素的食品為何會有好評，為何會有人覺得美味呢？我要求不是那麼高吧。。。。。另外，老公說他的安格斯芝士牛肉丼尚算不錯，也很夠熱，他那個飯是正常的，不會很硬；但是份量太少，食完好像未食東西似的。結帳$310，價錢不是貴，但真的相當難吃，難吃的食物貼錢也不想吃。整體只是魚生丼岀問題，熱食飯和服務也行，希望會有改善，雖然我不會再光顧。

好彩的，原來做緊一周年優惠，點兩個丼，平價點的有半價，當然唔會放過呢個優惠時刻啦。不過要早25分鐘去攞位因為都挺多人食的，荃灣區來講經常食店都要排隊，而今次仲有做優惠那更加不例外啦。點了爆丼四重奏$208有海膽，拖羅碎，魚子仲有帆立貝我就點了極上三文魚丼，188元有蝦，帶子，厚切三文魚同劍魚。說實話，食物質素中規中矩都可以再去食多一次，因為真的很抵食，仲要是厚切三文魚，海膽沒腥味此外，贈送的湯出奇的岩我口味，不濃很好入口

經朋友介紹黎到食飯，睇網上d介紹又幾吸引，加上咁啱有第2碗半價優惠，就今日滿心歡喜黎到，咁因為多左個小朋友食唔到魚生飯，就叫左個$65既熟飯比小朋友啦，咁食飯不嬲要照顧小朋友先，後先再叫魚生飯我地大人食，原先已問左一位員工係計魚生飯，之後再問果個鄉音亞姐話生熟飯都計，咁其實佢地講乜都得啦，2個員工既答案唔一樣，咁再落單時我地就話可唔可以分單，落單果個話可以，之後去到鄉音亞姐果到入單又話唔可以，仲話如果一個一個就同我地分，2個2個就唔比分，咁係咩道理。我地只不過想分開小朋友食果張單都唔得，連分枱都話唔得，一個魚生飯成百幾蚊至$298一個，熟飯只係$65一個，如果早知熟飯都計就唔叫$65個飯比小朋友食，最終失望唔食走左。

經常想試，但經常都見到好多人，趁今日晚上見無人排隊，就立即同女朋友入去試試，見到餐牌其實都有幾多款式選擇，剛剛有優惠，原來佢一週年紀念，第二碗半價咁當然立即試試，原本想兩碗唔同嘅，但基於有依個優惠，所以決定揀兩玩一樣，極上生魚丼，之後就有碗麵豉湯送，都可以另加$5轉可樂，落完單之後好快就來，講碗湯先就不過不失，正正常常，之後講碗飯，同相都有八成相似，唔好睇佢個碗好似好細咁樣，其實啲飯都幾多，至於刺身方面，我本人覺得海膽就差啲，其他嘅都好味，之後聽職員講海膽有分季節性，好彩試小小就算啦，總結來講趁佢仲有優惠，都會再嚟多次，下次想試吓佢隻牛