爆汗串串 (已結業)

我一向十分喜歡麻辣食物，麻辣串串倒是第一次吃。有次經過旺角街頭，看到這餐廳的宣傳海報，麻辣串串放題，已經覺得十分新鮮和吸引。今天終於有機會前來一試。餐廳比較小，客人坐滿了，所以挺擠的，也挺吵鬧。如果要選擇一個談心的地方，這一定不是一個好選擇，但就適合一班人聚會。店內提供圍裙，可防止麻辣汁濺到衣服。可以用點餐紙點菜，選擇不少，除了串串，有些小菜和飯麵也在放題範圍之內，有部份則需另外付款。飲品就要加30元才可以任飲的。串串種類不少，一串一件剛剛好，不會太飽，可以order多幾份，哈哈！麻辣汁夠辣，稍嫌不夠麻香，還帶有少少甜味，不算太油膩，不錯。配料方面，成都小香腸是必試，竟然是小小的臘腸，很特別。鐘水餃是成都特色食品，細細隻，很易入口且不會令人太快飽滯。肥腸一向和麻辣十分搭配，也是推薦之一。五花肉也不錯，脂肪和肉的比例平均，和麻辣又搭配。甜品可以選擇成都老冰粉，質感像大菜糕，泡在甜甜的糖水中，還加了杞子，涼涼的，感覺滋潤又消暑。飲品方面，由於要加錢，只有啤酒比較回本。

黎到旺角最啱就係搵吓有啲乜嘢食㗎啦！餐廳越開越多今次就見到呢一間招牌黃色好搶眼嘅麻辣串串店！即刻入去試吓啦！入到去就比呢張大大張嘅海報吸引到，即刻開始覺得有啲熱添！我哋今次食嘅係放題價錢160幾蚊！以飲食來講佢嘅價錢真係幾吸引！先叫咗個前菜冷盤青瓜，酸酸辣辣幾開胃！之後見到有個洗面盤咁大嘅碟，就知道我哋叫嘅嘢黎喇！有我最愛嘅百頁腐皮，雞件，蓮藕，廚師腸，雞軟骨等等等等等！實在太多數都數唔晒！最想推介嘅就係鴨舌啦，入味得來唔係到到都有得食呀嘛！朋友食辣食得有啲辛苦，佢就自己叫咗個豬肚面，都包左係任食裏邊㗎！另外仲有個麻辣燕尾餃，呢個幾好味喎！百零蚊任食食得飽之餘仲滿足晒我打卡嘅需要！性價比高！

朋友話廣華街最近有間爆紅嘅麻辣串串放題 ,食麻辣嘢都有放題？真係第一次聽，而且價錢唔貴，17:15-19:15任食兩個鐘，每位$128,加$30任飲品任飲，加$20任食小食，今日放假，愛辣的我，特登約朋友去辣下先。原來舖頭唔算大，我哋呢個特價時段去都已經坐滿人，好彩有book枱。原來裏面都幾文青feel, 好多用心製作的poster. 睇完啲字會笑的。最搞笑係見到桌上疑似有避孕套，原來係即棄圍裙！因為食麻辣串串有湯汁，會彈到身上，圍裙是個很貼心的服務，包裝實在太過癮！餐牌上的串串是任食的，還有麻辣湯麵。我們加$30任飲，佢呢度嘅飲品主要係解辣的， 例如咸柑桔、酸梅湯、汽水等等。呢度嘅酸梅湯非常好飲，酸度適中，還加了山楂落去煲，除咗解辣，仲非常消暑。麻辣串串的精髓在於湯底，老闆特地在成都訂的，有香葉、草果、桂皮、丁香、紅辣椒、印度椒等， 加了豬骨雞骨等煮15小時而成。用一大個湯碗盛著的串串，見到竹籤陣真的好澎湃！不過其實每寸都是一兩塊，在大陸也吃過，賣相頗正宗，是否真的很辣呢？我先點自己喜歡的串串，吃過喜歡再返單也不遲。我比較喜歡吃菜類的串串，因為能夠吸收湯底的味道更好。萵筍的質地夠爽口

17:15黎到，$128食兩個鐘，另加$30任飲同埋加一服務費。我地每樣想食既填左2，原來即係每樣上4串，一上枱份量好多，而且一串份量都唔少，吃完一round朋友已經飽左。食材方面，肉類本身似乎係餣過有味，浸係辣湯到味道會豐富啲。但其他菜類就要靠個湯先有味，所以最好浸耐啲。我地覺得個湯底比較單調，只有辣味，冇麻味，都冇咸味。如果加多小小味會好啲，同埋嗌餸時冇湯底簡，連辣度都冇，只有一種口味既湯底，如果多啲選擇就更好了。

師父會幫你燙熟曬你點既串串 再放係一個大碗上面碗裏面已經有個火鍋湯料唔駛等佢熟真係好爽而入面既醬料同麻辣邊爐好似唔食得辣既朋友都有唔辣醬料既選擇佢入面都有廿幾種串串比你揀我個人推薦午餐肉 燕餃 魚皮餃 腐皮同雞軟骨午餐肉同腐皮又淋又吸湯魚皮餃結實又有少少彈牙既口感好吸收人雞軟骨又出奇地夾最好奇既應該係燕餃食之前我都一堆問號 到底燕餃係咩黎朋友就話同魚皮餃差唔多既野燕餃原來係源自福州名菜 扁肉燕整餃子皮既時候會加入豬肉泥 而且塊皮又薄 外形妹似燕子 所以就叫燕餃咬落好紮實 食落塊皮好薄 真係一粒一啖冇負擔如果口渴加30蚊可以任飲 飲多過兩枝就已經維返本另外追加order 佢會燙熟拎出黎比你只要放返入左大碗點個湯底就可以啦非常方便最後食返碗冰粉涼浸浸 甜甜地 加上提子乾同山楂餅 洗走曬麻辣既感覺 好清爽

近期香港人好鐘意返內地覓食，當中成都麻辣串串我都好有興趣試，可惜一直都抽唔到時間試，近期得知原來旺角有一間店係食成都麻辣串串放題，咁緊係即刻約朋友去食啦！放題唔止陣係食串串，仲有小食，麵同冰粉任食。小食我哋叫咗棒棒雞，鐘水餃同蒜泥青瓜。我最鐘意棒棒雞，啖啖肉，面頭鋪滿芝麻醬再加上有青瓜中和番，香而不膩。而鐘水餃都唔錯，類似紅油炒手，細細粒，酸酸辣辣，忍唔住一粒接一粒，好快就ko咗一碟。食完小食，主角就黎啦，未食之前我都有啲擔心會唔會太辣，好彩都唔會太辣再加上有少少麻，食得好過癮。串串有好多選擇，我最欣賞既係每串細細串，可以輕鬆試晒咁多款。 當中比較特別既係成都小香腸，雞軟骨，厚百頁，海帶同魔芋，每款都好好食。如果係重口味人士，推薦食菜類，娃娃菜，西蘭花，椰菜花，索晒啲麻辣湯，好爽。再配埋任飲又唔太甜既豆漿，一流。最令我意外既係佢哋啲麵比我預期中好食，所以就算已經好飽都忍唔住再叫多一碗，首先我哋叫咗酸菜豬肚麵，酸菜夠酸，豬肚乾淨冇臭味，麵質啱啱好，好食。然後再叫多碗蕃茄牛肉麵，蕃茄湯底酸酸哋同埋牛肉好淋，正。最後就試埋我一直期待既成都老冰粉，從來未食過，類似涼粉，再加上山楂甜甜酸酸，食完

尋日去食咗傳說中嘅麻辣串串！好好食呀🤣🤣🤣..........呢間位於旺角嘅爆汗串串有做放題同就咁嗌今次我就試咗串串放題落單紙上面有好多嘢食揀西蘭花雞珍牛肉雞肉魚蛋花枝丸...基本上打邊爐有得嗌嘅呢度都有特別推薦魚皮餃同花枝丸 好正另外佢嘅湯底會係麻辣湯底都算辣 如果怕辣嘅朋友仔可以叫小辣串串浸落湯度食真係又辣又惹味！.........另外仲可以叫一啲麵食我哋試咗個牛肉麵牛肉麵好夠辣！麵質尚算軟熟！飲品方面需要另外加$15/$18 一杯/枝每人加$30可以任飲加$20可享5款小食任食總括而言 食物質素唔錯地方略嫌狹窄 如果坐近門小心比門夾到價錢相宜 放題只需百多元同朋友食就真係幾唔錯🧡..........爆汗串串地址：旺角廣華街2-20號翠園大樓二期地下2號舖

早前在旺角發現一家麻辣串串放題，無辣不歡的我當然去試試，一進店內，一陣麻辣香傳出，風味十足，真的想走一轉成都，實地體驗放題共分三個時段，大約時$128-168吃兩小時，黃金時間$168更包括5款小食任吃，飲品每位加$30可任飲啤酒，汽水。抵！成都串串多達三十多款，更包括麵食，還有成都老冰粉由於太肚餓，同友人各點了一碗麵食，缸缸火鍋粉，就是寬條粉，可選麻辣湯底或豬骨湯底，寬條粉煙靱有彈性，唔算太辣，份量也不大，剛剛好可以冶肚餓朋友點的是爆汗牛肉麵，麵底為幼身麵，口感會較淋，又是另一種風味重頭戲就是任吃的成都串串，一大盤很震撼的放在眼前，鍋底可選bb辣至大辣，其實沒有太辣吃後的竹簽可放在竹筒內個人推薦是鴨舌，雞珍，千層肚，厚百頁，萵筍肥腸一串兩件，肥美有嚼勁，味道相當誘惑厚百頁又是豆腐的另一種製品，之前吃的都是在內地，味道清淡，一串打結的百頁沾上辣汁，有口感之餘仲好健康最值得吃的是成都老冰粉冰粉本身是沒有味道，混入一點酒糯米，山楂，杞子等一起吃，陣陣酒香好涼快

之前北上深圳吃喝玩樂時見到商場有啲人圍埋一齊，一串串咁樣食小食，覺得好得意。知道香港終於都有正宗嘅四川食店「爆汗串串」，一定要試下啦。店鋪嘅裝修真係好潮好型格，座位雖少但乾淨企理。我地叫咗個麻辣串串放題，黃金時段都只係$168加一，包埋小食任食，算係幾抵食。試一試個湯底，麻、香、辣十足！店員話湯底嘅香料由成都運來，有香葉、草果、桂皮、丁香、紅花椒、印度椒、八角等十二種配料炮製。經熱油炒香，再加入豬骨、雞骨、清湯熬製，另外再加成都秘製辣椒油。除非特別指明，否則都係中辣。我當然揀中辣啦，咁先食到正宗味道。我地叫咗三輪，第一輪只需要剔，店員就會根據人數每種小食各二。我地總共食咗牛肉、牛根丸、千層肚、雞軟骨、魷魚、火腿金菇、雞柳、雞肉腸、花枝丸、魚皮餃、娃娃菜、豆卜，由肉類都蔬菜都有，配上麻辣湯底真係好入味！一路爆汗一路大叫好正！我地仲食咗爆汗牛肉麵、蒜泥青瓜、棒棒雞同鐘水餃！我地仲加咗$30，啤酒汽水任飲。我見到有最愛嘅韓國啤酒就雙眼發光，飲返幾罐都已經翻本。仲有凍豆漿，都幾解辣。食物質素幾好之外，服務員都好熱心介紹，睇得出小店用心經營。以後同朋友食飯，又多一個好嘅選擇，絕對會encore!

阿女考哂試啦，悶左成個星期，我要發洩，我要食辣辣辣~ 同老公去左試呢間係廣華街的「爆汗串串」 淨係聽個名就已經成幅圖出哂黎~ 辣到爆汗既樣XD小店地方不太大，兩排枱，一眼望哂，不過在有限既地方都花左唔少心思~ 呢幅好富現代感的黃色漫畫牆，令成個店都年輕化左，添增左唔少活力另一邊牆同樣掛上了唔少同風格的設計最有心思既，當然係呢個自家紙巾盒啦，襯番一套架~ 隔離枱真係係咁爆汗係咁搽，呢盒紙巾真係好有用架~XD呢度既位置唔太多，但店主都好貼心咁提供個藤籃俾大家放野~小店係放題形式，百幾蚊，價錢夠街坊 加多30蚊可以任飲各種飲品，我試左個銀菊露，幾有阿媽煲既感覺, 真材實料~  當然，仲有罐裝同枝裝飲品，茅根竹蔗就係枝裝飲品黎加$20更有5款小食任食 右面個頁個D就係放題全包的，可以任揀 仲包埋下面既麵添~揀左3款小食 青瓜夠哂凍同爽，食到好辣時食番舊仲可以清清味蕾，真係必點呀~鐘水餃，開始睇名唔知咩黎，原來係我地平時叫開既燕餃 配上麻辣汁非常惹味好食呀~ 最鐘意佢加入左D芫茜，辣之餘仲有D香菜既香味~另一個麻辣千層肚，最LIKE佢有超多芽菜，而且係銀芽，唔使食到成口根

在香港甚少機會可以吃麻辣串串，今次終於有機會試❤️再不是吃日本放題丶也不是吃韓式燒放題而是成都麻辣串串放題吃個夠本‼️🎉🥳。🍢湯底：辣度唔算爆辣 不太吃得辣的同行朋友都接受到👌🏻香料味重🌿幾香🤤而且唔似成都湯底過於油膩 應該係遷就香港人的口味🌝。🍢食材：串串款式選擇多 大約有三十多款任君挑選💫Encore之選主要有牛肉丶牛根丸丶腐皮丶厚百葉 皆是索味之選 而且牛肉跟辣汁好夾 之後主攻點牛😍每枝做到一口份量 啱晒朋友敘舊一邊傾計一邊食❤️但食物質素普通並不是甚麼貴食材 志在感受串串文化😂。🍢小食：串串唔夠⁉️仲有小食讓你撐着肚子出來🤰🏻有蒜泥青瓜丶麻辣海帶丶麻辣千層肚丶棒棒雞丶鐘水餃🥟水餃細細份 一口份量 唔會太飽 辣度香辣惹味 🍗棒棒雞並不辣 雞肉青瓜配麻醬 感到太辣可以食這個解解辣😘。❄️冰粉：任食無難度🧟‍♀️眾所周知冰粉可以解辣而且凍冰冰幾透心涼🤤❤️

女友放假，可以捉佢出旺角試新野⋯⋯佢想食辣野，麻辣火鍋食到厭厭地，行經旺角槍街見到依間爆汗串串$168任食+$30任飲，即管試試😆我地算早開吃，唔洗等位直入，阿姐姐好好笑容介紹咗如何點餐之後，我地就黎料😍食串串食到咁有型😂依個棒棒雞真係啱哂我口味，唔辣、唔肥、清清地，我食咗兩碟🤪拍青瓜就比女友掃光光，我搶得1粒...依個海帶就好刺激，我啪咗一半😛+$30任飲汽水、竹蔗茅根、梅汁...上菜！一大盤好震撼，我首先梗係食魚皮餃啦，4粒我食哂，彈牙！正！豬腸浸咗啲辣汁好鬼刺激，洗得好乾淨，入邊冇屎㗎😆唔使講都知我每次食火鍋都會叫墨魚丸，食串串梗係唔少得墨魚丸啦四川小香腸，有少少好似臘腸咁嘅味道，我就幾鍾意食，如果大條啲、長啲，就冇得頂啦一個鐘，已經叫咗三次嘢食，食到光光，途中因為越食越辣，所以阿姐姐好細心，換咗一盤冇咁辣俾我哋😛好似啫喱，甜甜地又夠凍，解辣一流🤪如果想試吓非一般辣，絕對可以嚟試試，$200左右任飲任食，我覺得值回票價！

餐廳：爆汗串串 (旺角)地址：旺角廣華街2-20號翠園大樓二期地下2號舖相信去過四川成都嘅人都會聽過「串串香」，串串香唔單止係四川果邊嘅特色傳統小食，慢慢亦都成為左平民都隨時食到而且大眾化嘅美食，串串香實際上係火鍋嘅另一種食法，所以都有小火鍋呢個名「串串香」，顧名思義係一種以竹籤串上唔同食物，將食物放入去熱辣辣嘅火鍋入面涮著吃的淥住黎食嘅小食。串串香甚至聞名於全國唔同城市，「麻辣燙」係後期演變出黎嘅，而串串香都逐漸成為左四川美食代表之一去到旺角廣華醫院附近，有一間叫爆汗串串嘅餐廳，以麻辣串串香同成都小食為主打，一入到餐廳就已經聞到好吸引嘅麻辣香，見到仲有$168嘅串串放題，所以有殺錯無放過，一於比個放題價錢試盡每一款串串美食串串共有37款，另外有5款粉麵，叫埋白飯都仲得！黃金時段仲有五款嘅小食選擇，包括蒜泥青瓜、麻辣海帶、麻辣千層肚、棒棒雞同鐘水餃，亦都有另外5款要額外加錢嘅小食，加多$30仲可以任飲9種飲品，食辣野又點少得飲嘢呢，唔好慳果$30，盡情飲啦相信鍾意食辣嘅朋友一定會對呢間餐廳情有獨鍾，喺餐廳到見到唔少嘅食客都係舊客，麻辣湯底香濃吸引，放入口之後先熱後燙再麻然後痺，簡直一個

一向都好鍾意食辣野，但搵唔到人陪，最近朋友傾開旺角有間任食辣串放題。當然要約埋一齊嘆下先！呢度有散點，但覺得放題仲抵食woo！$128 任點。 唔洗就住就住。加埋$30任飲。真係辣得過癮食得豪爽！ 辣串選擇超多，樣樣都好吸引！ 當然食得晒先好嗌，唔好浪費啦！ 第一轉點左超多。 牛肉、雞珍、蒟蒻、千層肚、雞軟骨....樣樣都夾！ 唔怕辣嘅點埋勁吸味嘅西蘭花，秀珍菇！估唔到咁夾！牛肉夠淋又夠滑，配埋辣汁簡直絕配！ 仲有好蛋特別野食。 成都小腸，似台灣香腸，但好幼細，配埋辣汁好正！ 連鴨舌都有，絕不慳成本！姐姐好好人，你食到一半已經不斷提你早啲加單，驚你要等冇得食，又驚你唔飽。好似媽媽咁親切🤣🤣重點推介，必吃成都白涼粉！冰冰涼涼，食完辣野整返碗。絕配

在YouTube 上面不時見到人介紹成都這些麻辣串串、好像很吸引。一直好想試這間爆汗串串、晚上黃金時段$168 加一兩小時任食、+$30任飲啤酒汽水。飲品可選竹蔗茅根、咸柑桔等。要了兩款免費小食 - 蒜泥青瓜和捧捧鷄、青瓜幾爽脆。鐘水餃細細粒轉眼就吃完了怕吃不飽還有數款不同麵食可點- 蕃茄牛肉麵、牛肉算軟滑。成都串串款式真的好多 — 牛肉、牛丸、花枝丸、豆腐干、五花腩、大腸、煙肉金菇、雞肉、成都小香腸、菜、蒿荀。。。魔芋爽爽滑滑口感不錯。魷魚都好爽口牛栢葉好美味！第二盤送來時份量超多、我們點了兩串的都來了四串、飽到反艇～怕辣的我們只要了豬骨湯底加了少許辣汁、味道不算太辣、不過愈吃愈開始冒汗、最後吃碗成都老冰粉一清味蕾就適合不過了。這裡的老冰粉有別於不般的、它加入了山楂蓉、青提子乾、好像特別解辣👍🏻