爐烤燒

營業中

休息中

等左25分鐘都未上串燒，問個待應可唔可以幫手跟跟？喺餐廳吹左2次，話無漏單，但需作需時，無諗過係要50分鐘。6串串燒等左50分鐘，唔知以為去咗食法國菜！如果個等待時間需要咁長應該預先同客人講聲！因為上菜時間太耐，之後又趕時間所以唯有打包啲食物，最後外賣盒既錢同加一服務費都要照俾曬，仲要上圖個外賣盒收左我$6？好彩埋單有check 下張單，叫左一串$28既牛舌，收左一份既錢$78 😑 雖然待應態度唔錯，食物味道中規中矩，不過串燒價錢略貴，性價比不高，加上等咁耐，真係無下次！

串燒驚喜小店-爐烤燒星期五嚟到九龍城，七點前竟然唔係太多人，walk in 都有位😉跟住去咗間串燒店，仲播住80-90年代流行曲，好似唱K咁🤣點咗以下幾款：涼拌萵筍：前菜好爽口好入味，夠晒清新藤椒魚皮: 魚皮好爽口，有煙靭嘅感覺燒生蠔: 生蠔大大隻，分別叫咗蒜蓉同埋芝士，個人覺得芝士比較惹味😉燒黃金蒜蓉茄子：蒜蓉控必試，一絲絲咁撕啲茄子出嚟，好得意，茄子入晒味😶‍🌫️燒芝士年糕：年糕好煙靭，當甜品食都啱🤣煲仔翅：係訂位送㗎，都幾大碗，幾足料😂大煲碗仔翅坐坐吓都七八成坐滿，如果有興趣記住提早訂位啦😌佢都出名雞煲㗎，可以試吓😙

燒豪推介又肥味又好味，茄子又大條又好味，仲有雞泡魚乾，這三樣勁推介，睇來個個月都要來一次才得了，巳愛上，服務又好，又冇限時，簡值100分😊下次一定吃必吃加新嘢😊😊

依家講吓呢間串燒店嘅食物點樣，真係好犀利好正! 先講講嗰半隻🐔麻辣，麻辣醬味夠晒正，唔會辣到飛起，搭埋啲肉咁滑咁多汁，真係正到彈起嚟！仲有啲洋葱喺度，雖然啲青，但就係咁嘅微生脆口感，啖啖都過癮！跟住就係燒🔥蒜蓉蟶子皇啦，呢個就真係蒜香四溢，蟶子肉質爽滑，仲有嗰啲金黃色嘅蒜蓉，一啖肉，一啖香蒜，嗰種滋味簡直唔係蓋嘅！當然串燒都非食不可嘅，簡直係焦香十足，佢哋個牛肉、羊肉串就真係出色，每樣食物都炭火香，就算係雞腿雞翼都唔會乾，反而係鮮嫩多汁，孜然粉嘅味道又提升晒整體口感。呢間店嘅氣氛好正，食物新鮮香噴噴，每次食完都覺得好滿足！下次一定會再過嚟挑戰下啲新款式串燒，真係太啱肚仔喇🌟👅🎉。

食左幾次每次水準都保持到，無失望，烤魚串燒全部都好好味👍🏻今次食既蠔仲超級肥美😋正💯蠔、蟶子、原隻魷魚筒、牛仔骨係每次必食的。下次再黎食烤魚👍🏻推介推介👍🏻

我第一次食呢間串燒店既雞煲，真係估佢唔到原來咁掂！麻辣雞煲真係好好味！仲有必食燒蠔，我見每枱客都幾乎有嗌咪試吓囉！點知真係好食到不得了！真係無諗過呢間小店雖然細細間但係d嘢食咁好食喎！慳係回味無窮呀⋯⋯真係間好用心既小店

〈爐烤燒〉我總共幫過襯過3次，第一次幫襯係上年10月，當時店舖開幕不久，雖然食物選擇不算很多，但每次都有驚喜，用餐十分開心及滿意，雞煲有幾款選擇，各有特式味道不錯又夠入味，烤魚大盤夾抵食，尤其新出嘅冬蔭公湯底烤魚十分之惹味，我地連湯都飲晒，燒烤食物也很出色，尤其是燒生燒扇貝及燒茄子，燒茄子十分大份，燒得出色。雖然全店不足30個座位，但很寬敞坐得十分舒適，一點都不覺得狹窄，服務態度也很好。最後一提，店舖仲可以包場玩，我已book了下個月包場。

九龍城一向多野食今日帶埋啲小朋友去食呢間爐烤燒 城南道 同地鐵站差2-3條街好方便呢間店舖本身有雞煲 烤魚不過小朋友唔想食所以今日食串燒龍蝦🦞十分好味 墨魚丸 小朋友必揀牛仔骨牛舌十分惹味雞皮 我地食左2款新鮮雞皮無得頂😋😋😋大啡菇 芝士味濃 加埋落個菇到小朋友都好鐘意食淨係食串燒怕小朋友唔夠飽我地仲叫左個日式炒烏冬不過一上枱就分得7788無影相日式炒烏冬 夠味夠鑊氣👍都係一個飽肚選擇仲有牛油焗粟米粒成個鍋上 牛油味好香一上枱小朋友已經想食見到隔離枱食雞煲啲香味令到我都好想試下總括黎講串燒唔錯 味道一流👍下次會再黎 😋會試埋個雞煲😋

九龍城除咗多泰國菜餐廳之外，原來都新開佐唔少食店🥰 今次去佐食呢間✨爐烤燒串燒店🍢入面除咗主打食串燒之餘，仲有😍雞煲/烤魚🐟最近仲有✨限時優惠煲仔翅 $48🤭估唔會連鍋一齊上😍 一疏疏嘅魚翅份量多之餘仲好足料🥰 湯底入面有齊木耳、冬菇另外碟上有芽菜、芫荽，可以自由加配，邊煮邊食keep 住暖笠笠👍🏻👍🏻✨秘製麻辣雞煲($168半隻）雞肉炒得剛剛好，肉質嫩滑👍🏻👍🏻就連雞胸位置都好嫩，唔會乾爭爭鞋口，加埋秘製醬汁、洋蔥、芫荽，麻麻辣辣夠曬惹味🥰✨蒜蓉焗花甲 $ 68花甲無沙👍🏻夠乾淨入面只加佐蒜蓉去焗，原汁原味都幾鮮甜✨燒麻辣川香肉碎蒜蓉茄子皇 $48👍🏻👍🏻 面上鋪滿左麻辣肉碎🥰比平常蒜蓉茄子味道更濃😜完全可餸飯食另外仲嗌佐幾款串燒✨東北風味羊肉串 $28 ✨孜然香燒牛肉串 $28 ✨汁燒金菇肥牛卷 $38 ✨翠玉瓜串 $20 整體串燒都唔錯，肉質軟淋唔乾硬，肥牛卷燒得焦脆香口😉特別鍾意翠肉瓜串，咬落juicy 多汁🥰 好好味

岩岩三五知己想搵地方坐得傾下計，呢間燒烤之前有朋友提過，決定一試，試左個酸菜烤江團魚鍋，個味好岩食，對於我地呢啲唔食得太辣既人黎講，簡直係岩岩好，佢啲燒烤樣樣都燒得好正，好好味，唔會食完好口渴，最緊要佢呢度有Hoegaarden生啤飲，正阿👍下次可以再黎❤️

九龍城不嬲都有好多好嘢食，基本上間間餐廳都好好味，中伏率都好低，今次朋友介紹我哋黎食呢間串燒，終於嚟到九龍城唔係食泰國嘢啦，餐廳好近宋皇臺地鐵站，好方便👍🏻💠燒麻辣川香肉碎蒜蓉茄子皇一上枱真係嚇親，勁大條茄子，難怪佢叫做茄子皇！平時去食串燒都會叫茄子，但呢個真係令我好難忘，因為佢鋪喺面頭嘅麻辣肉碎超香好好食，食落好惹味，令人夾完一啖又一啖，真係停唔到口，推介俾大家！💠清酒花甲清酒味好濃，花甲都好新鮮又冇沙同埋全部都開晒口，煲上煮出嚟好夠熱辣辣，飲咗幾啖湯汁都覺得好正！ 💠燒流浮山生蠔生蠔好新鮮，配料有辣椒碎同蒜蓉，燒出嚟嘅生蠔肉質鮮嫩，一人兩隻真係唔夠喉！💠煲仔翅店員推介呢個煲仔翅，係一人一煲嘅份量，食落都有啲似平時嘅碗仔翅，不過係昇華版，煲下面有個熱爐一路滾住，一直keep住個溫度，翅入面嘅份量都好足料，有冬菇木耳同埋另外一隻碟上嘅魚翅，食完好滿足💠芝士年糕作為煙靭控嘅我大推呢個芝士年糕！年糕食落外脆內軟，入面好煙韌，夾心嘅芝士有流心效果，食咗一嚿真係唔夠喉，好想再食😍😍💠串燒半打串燒叫咗兩串牛肉、兩串羊肉、一串雞腿肉同埋雞翼兩隻。羊肉食落唔會好羶，肉質唔老唔會好鞋。牛肉燒完嘅肉汁仲

九龍城開咗咁多餐廳，今次黎呢間打邊爐🍲椰子雞煲先飲個湯，清甜可口。之後可以放半隻雞慢慢煮，個湯越煮越濃郁，飲咗幾碗都吾口渴~雞件亦吸收晒椰子的味道，雞肉特別甜。特選美國牛肩胛牛肉卷得好靚~肥瘦適中。牛肉味頗突出！極具彈性，咬下去有肉汁。鮑魚仔、生蠔兩款海鮮都好新鮮。特別係生蠔好肥美又大隻，不怕縮水縮到失埋蹤。而且煮完完全癖除海水味、鐵銹、腥味等！當然吾可以淨係食肉，要逼自己食番多啲蔬菜，就叫左一碟油麥菜。整體都好好👍🏻而且啲音樂都播翻本地歌，要支持下啊。

今日去九龍城提早食中秋節飯，我地十六個人分左兩張枱，一坐底緊係食最出名開胃爽魚皮啦！辣辣地，魚皮爽脆彈牙，超正。跟著再上秘製雞煲，今次叫唔辣，估唔到唔辣都好好味，雞肉好入味，唔鞋口，唔會死咸，大大煲八個人分真係有d唔夠喉。跟著再叫左d串燒：和牛串，孜然雞翼，藍燒牛舌心，醬油白膳，香草羊架，蒜蓉燒流浮山蠔，茄子皇，煲仔翅，同場加影番茄魚煲和酸菜魚煲(掛住食無影相)，湯底超甜無油，不停加湯飲，真係飲湯到飲到飽。食到尾聲，總可以點歌唱k，真係好盡興勁開心呀😝

朋友話最近九龍城開左一間集燒烤、雞煲同烤魚既餐廳🍴我呢個為食鬼一聽到就梗係要黎啦🤤🤤🤤餐廳門口望入去比較細，但系入面幾大，坐得好寛鬆同舒服👍我哋本身諗住食雞煲/烤鱼，點知見佢地而家有一人一鍋魚翅☺️仲要係$48（另外要點餐廳指定食物）所以即時叫左😋😋一人一鍋魚翅x2一上枱無諗過魚翅份量會有咁多🤩超級驚喜😍佢哋會準備一人一鍋、一碟芽菜+莞茜，鍋滾就可以加入魚翅，瞬間就可以食用🥰🥰cp值超高，大家可以去試吓，不過好似係限時優惠，所以要快🙌蒜蓉紹菜一上枱已經聞到陣陣炸蒜香氣😋😋望落去雖然平平無奇，但紹菜入口超甜，加上蒜蓉既香氣，令人停不了口🤤🤤豚肉筍卷/牛肉韭菜卷豚肉及牛肉燒到少少焦香，中間卷住蔬菜，入口爽脆，加上調味，真係勁惹味😋不過串燒真係要趁熱食，會更加正🤤芝士燒大啡菇呢個都係必推之一，入口滿滿香濃嘅芝士味，菇🍄超級juice燒原隻火箭魷擺盤超靚嘅原隻魷魚，Size同手臂一樣大🤩忍唔住瘋狂影相打卡🤣魷魚燒到啱啱好，入口有咬勁，但一啲都唔會靭😋😋😋但食都好新鮮，點埋醬汁非常滋味🥰🥰📌 爐烤燒 (九龍城)九龍城城南道3A號地舖#teamhappyfoodies #globaleats #y

九龍城想食什麼菜式都有，今日想食串燒，「爐烤燒」位於城南道，店舖空間不算大，但不只提供串燒，烤魚雞煲火鍋都有😁😁手拍青瓜 $38夏日炎炎，先食過酸酸辣辣開胃小吃。鲜燒虎蝦 2隻$78燒得焦香，手掌咁大的虎蝦，鮮甜彈牙。汁燒金菇肥牛卷 1串$38燒汁燒豚肉芫荽卷1串$28肉類質素正常水準，包住芫荽金菇燒得剛好。燒芝士蟹柳茄子皇1條$55秘製黃金蒜蓉、麻辣川香肉碎蒜蓉及燒芝士蟹柳有三款選擇，我最喜歡食芝士，見到燒得剛溶化的拉絲芝士鋪滿軟糯茄子🍆皇，賞心樂事😋😋川香肉醬撈烏冬$48再加碗秘製麻麻辣辣肉醬碎撈彈牙烏冬，份量啱啱好。