影片
平時買壽司就買得多，今次就喺爭鮮買咗盒鰻魚丼隻試試佢。個味道就一定無外面其他餐廳咁好架啦，不過見佢賣相唔錯就比次機會佢試試。飯上面有好多配菜，有中華沙律，蛋絲，同埋螺肉。份量好多，佔咗飯嘅半邊，啲蛋絲多到我覺得食極都仲有咁，不過係無咩味嘅。中華沙律同螺肉就正常發揮，鐘意食嘅人食到會食得開心嘅因為份量都唔少。另外半邊就係啲鰻肉片啦，有五塊左加，質素係比普通單件鰻魚壽司好少少嘅。不過都比較薄切，同埋有一塊差不多成塊都係魚皮嚟，所以其實鰻魚份量真係唔算太多。而個飯量就非常多，我完全食唔晒成盒飯，我諗大槪都有成兩碗白飯咁多。不過佢係醋飯，而且又係凍嘅，又雪咗好耐，所以都比較難食落去。下次如果再買應該都只會喺爭鮮買壽司或者泡芙啦～
繼續閱讀
營業時間
今日營業
10:30 - 22:30
星期一至日
10:30 - 22:30
以上資料只供參考, 請與餐廳確認詳情