爭鮮外帶壽司

營業中

休息中

買咗兩個三文魚壽司飯，散裝壽司$3一件，仲有長長手卷兩條，鰻魚手卷兩條！我自己幾鍾意食，佢嘅長長手卷， $15至$16 ，好食，同埋三文魚壽司飯賣$48都抵食㗎，女仔食晒一個都飽！

爭鮮從來都係窮食壽司嘅一個最佳選擇。自從堂食加咗價冇咁抵食之後，想食壽司就買多咗爭鮮嘅外賣。.今次買咗四盒壽司，三文魚腩好好食，唔俾出邊嘅壽司舖差，三文魚就普普通通比以前薄咗啲，不過30幾蚊盒都唔要求咁多㗎啦。.跟住試咗個都算呢一兩年新出嘅吞拿魚軍艦，我記得佢都有講到明係中拖羅，所以係會有少少筋。不過不失未到好好食，試咗一次未必會下一次。. 講真呢個價錢其實都冇得好挑剔㗎啦，仲要總有一間喺左近，所以一想食壽司外賣就會諗起佢。

Covid-19 好恐怖！我怕怕，唔係好夠膽落街食飯，叫外賣送餐，專人送到，唔使自己去街買。壽司大拼盤@爭鮮外帶壽司，花之戀、油甘魚、北寄貝、芝士蝦、赤貝、鮮蝦、希靈魚、帶子、三文魚 ; 每種壽司都有四件，雖然係送餐的，但係食起上嚟都好新鮮，魚生配料都好鮮味，魚有魚味，貝類有貝類嘅味; 壽司飯搓得軟硬適中，唔會好實又唔會散件。冇預期過外賣送餐嘅會有咁好嘅質素，唔知係壽司整得好，定係送餐嗰個人好功夫呢，呢個Covid-19咁恐怖，始終都係叫外賣穩陣啲。

今晚返完兼職想食啲宵夜，經過爭鮮見有八折優惠，就買了個蒲燒鰻魚井回家吃。鰻魚井嘅配菜有中華海帶及蛋絲，兩者好味，主角鰻魚魚身厚，食落充滿了魚的鮮味，好入味，好食呢！食完很滿足。

每次去完街，好攰嘅時候，想出街食又驚排長龍，最終都會行咗去爭先買外賣！以前都會傻吓傻吓買$3件嘅壽司，以為好似好多款揀，但其實質素同盒裝嘅壽司係好大分別㗎！識揀一定係揀盒裝嘅壽司啦！因為價錢其實都係差唔多。例如三文魚，盒裝大概都係$4一粒，其實差唔多，但質素就真係新鮮好多個喎！而我最鍾意食嘅就係帶子刺身壽司，一盒為返都係四至$5一粒。不過最近質素就差左啦冇以前咁新鮮，冇乜味今次見佢新出有中吞拿魚刺身壽司。試吓啦，點知勁多筋，咬唔到，伏左...但係三文魚子壽司就好抵食！

夜晚趕時間食完嘢有嘢做 經過爭鮮買咗兩盒鰻魚玉子盛 店鋪提供埋即棄筷子 可以拎上私家車 一路坐車一路食 包裝好整潔 唔會整到周圍污糟晒 非常方便👍🏻講返個壽司嘅質素 鰻魚同玉子呢個組合好夾 仲有塊紫菜點綴左成件壽司嘅味道 玉子清甜幾好味 鰻魚配有醬汁味道都唔錯 唯一係鰻魚較薄身 如果鰻魚厚身啲就更好味 不過以唔使＄5 一件嚟講 呢個質素都算唔錯

原本打算買雜錦壽司拼盤，不過行埋去見到呢個剛剛拎出黎，就揀呢個啦。食落都算新鮮，三文魚厚薄件件唔同，但都唔會覺得有雪味。煙三文魚幾好，唔會太油膩或有怪味。最後一件係我自己整跌，原本成盒都放得好靚。