影片
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
招牌菜
窮人恩物😂😂而家食果普通茶記常餐都要$4-50，普通一個炒粉麵飯都要$7-80既環境下，爭鮮$3一件壽司就幫到我...尤其又到月尾糧尾$3一件壽司買10件，都係$30一餐，有飯有魚生，感覺健康過食麥記，麥記分分鐘仲貴不過好老實，爭鮮$3一件壽司既質素係俾番呢個價錢既質素你唔好以為自己俾緊千幾蚊位食omakasa 就得
繼續閱讀
又想食丼飯 又想簡簡單單拎返屋企食最好就係去爭鮮外帶 今次係第一次試佢嘅丼飯 之前試過飯團款式有5款: 三文魚、三色、極上海鮮、鰻魚、鯖魚我買咗個極上海鮮丼($58)係全部丼飯入面最貴 但係超吸引😍有三文魚、帶子、蟹肉、三文魚子刺生份量足! 仲要幾大片啲刺生超鮮甜🤤好新鮮又夠淋飯都夠食 雖然唔係最好食嘅壽司米 但係好唔錯👍🏻硬身得黎唔冰/一舊舊 而且仲有少少黏黏地 又有微微壽司醋油味落埋豉油 令飯有味 鹹中帶鮮甜❤️正!-估唔到爭鮮水準唔差價錢合理 亦可能偏平民價添足料 味道好服務okay啦可能係衛生差啲 因為原先想買鰻魚丼 又得返一盒 可惜佢個盒合唔實 開咗... 但係算抵食😋一定會再食
繼續閱讀
終於有時間打文喇！前排成日WORK FROM HOUSE 所以外賣平價食物就成為左我每日LUNCH既不二之選喇 成日聽到人嫌棄爭鮮 但老老實實 公平D講 呢個價錢俾你食到日本野 仲要乾乾淨淨 質素穩定 都算係咁啦 做人不能太貪心呢我就試左佢地個蒲燒鰻魚飯同埋三文魚飯 味道算中上啦 不過就唔係好鍾意佢D中華沙律同螺肉堆埋一齊 分開放會好D 不過兩個飯既價錢分別係＄42同埋＄40 咁抵 基本上對佢都冇乜要求了 算係CP值好高了 都係果句啦 做人真係不能夠太貪心另外佢地D手卷都路錯 間中會買黎做早餐 平靚正 方便快捷！！！
繼續閱讀
近呢幾排公司好忙，每日接電話接個不停，覆email覆到手軟，每日都 OT 搞到食無定時搞個人都癲，放工就只可以求其買一啲嘢返屋企食， 這種晚餐其實就係宵夜。放工時間"爭鮮"有減價，就買咗啲壽司返屋企同細妹一齊食宵夜，買咗一啲魚生壽司，仲買咗好8件鰻魚壽司，因為我哋兩兄妹都好鍾意食鰻魚，而且根據多次嘅經驗，"爭鮮"嘅鰻魚壽司嘅味道好穩定好信得過， 最重要就係"爭鮮"處理壽司嘅手法都唔錯，就算係收工時間嗰啲壽司飯都唔會好硬，鰻魚嘅味道甜甜香香，配合埋啲壽司飯真係好好食，其他魚生壽司嘅味道都唔錯，蝦壽司同海膽壽司好好食。
繼續閱讀
有時晚餐諗唔到食咩經過呢間就會好想買來食。呢度啲員工好好同埋環境都好乾淨，最推介大家食泡芙同埋佢個花之戀。夜晚仲會有特價，平平哋買來食宵夜都一流。壽司飯唔會好硬。
繼續閱讀