爭鮮外帶壽司 (荃灣千色匯II)

營業中

休息中

大前日(20-6-2014 Fri)晚男友放工後,o係呢o度買幾盒壽司做前日(21-6-2014 Sat)o既早餐,佢每樣食剩啲,留俾我做當日稍後起身o既早餐.我起身梳洗後拎出o黎食喇,見到佢剩返三件鰻魚,兩件蝦同兩件蛋卷,我食之前冇睇到佢影o左o既相,所以正確都唔知係咩壽司.我先食鰻魚壽司,燒汁好粘,鰻魚甘甘地,都叫做正常.然後到熟蝦,做咩會係酸酸甜甜o既?日本壽司回會係咁樣o既酸甜法?蝦身爽口,飯o既味道被酸甜醬蓋o左.我問返男友,點解呢個酸酸甜甜?佢答因為係泰式酸甜蝦壽司.最後到蛋卷,呢個味道正常冇特別,卷蛋唔甜同開始有少少乾.但之後我睇返男友影o既相至知,原來呢個係沙拉芯,但我覺得沙律醬唔多,起唔到咩作用.味道係2.67分

尋日7-6-2014(Sat)晏晝男友放工後o係o度買o野o黎做lunch,買o左:1. $29.00十件o既鰻魚壽司見到有芝麻淋上面,食落其實佢o既燒汁鰻魚一般正常冇特別,只係佢o地加o左芝麻,味道豐富o左同香啲.2. $30.00o既蝦壽司同三文魚壽司各五件蝦同三文魚都一樣普普通通,三文魚片切我好薄,口感全無,而壽司飯散,唔掂.最後重有甜品3. $ 16.00十二個草莓泡夫由於雪住,所以已經唔脆,內裡充滿忌廉,草莓漿唔係好多,但仍食到少少似藥水o既味道.味道同抵食都係2.5分

去完聖堂，沒有吃晚飯，因為我和老豆都要趕返屋企睇波，所以叫阿妹買壽司回來。佢去了爭鮮入貨，$3/件，夠晒經濟實惠。買兩盒，什麼東東都有，最基本的當然是三文魚，並不肥美，反正無咩味道；北寄貝和八爪魚都有點韌；蝦亦算不上鮮甜，總之各款的味道都好似差不多咁，而飯糰就是太死實了，相信是用機器握的。每件只是三蚊雞，唔難食已經算係咁，仲想點? 點都好，總好過百佳既。

食平價壽司, 最愛爭鮮, 但通常不會去選$3一粒的包裝壽司, 因為事實是一分錢就一分貨。好不容易才能抽身出來排隊俾錢高級精緻餐盒$43...沒有說明是什麼壽司, 那麽即是天天不同嗎? 今天這盒是魚子VS帶子, 叫做高級、精緻, 看來真的弄得不錯, 魚子有用醬油調味, 所以粒粒晶瑩飽滿, 咬落卜卜爆開, 有魚油味道外也帶醬油的甜味；帶子顏色雪白, 鮮甜厚肉, 質感爽口, 沾少許醬油就已經足夠 壽司飯黏道高但不會黏牙, 醋味也適中。挪威直送三文魚腩 $48... 不會像$3三文魚壽司般塗了層油在面, 食腩位就是想吃魚油, 可惜眼見此腩長得肥美但其實吃落是沒魚油, 偏瘦所以不夠爽海膽精緻餐盒$40... 論外貌, 件件海膽壽司的顏色很吸引, 急不及待地吃一啖...咦~~ 甘甘地嘅?? 後來味覺越來越苦, 不信邪...再塞多件入口...OMG 苦的要命! 只好忍痛咁......食埋佢

3蚊一件壽司,唔會要求有幾好味道幾好招呼幾好裝修,但爭鮮真係做得幾好。每件都獨立包裝,視覺上一定衛生少少。味道就一般,但至少唔會差到好似魚片痴飯咁。好大可能係因為流量大,D存貨唔會放太耐,咁反而維護到個質素。

尋日落大雨, 搞到都唔係好想煮飯所以經過城市間爭鮮買D返屋企做DINNER花之戀 $43/ 6件蟹籽依然非常咁多我覺得呢個價錢幾抵食蒲燒鰻魚餐盒 $29/ 8件每片鰻魚唔薄係飯比較散海膽精緻餐盒 $40/ 6件我唔太中意食海膽不過味道OK男友食完今餐已經決定以後外賣壽司返屋企食都要簡爭鮮

荃灣爭鮮愈開愈多，最近(城市中心)又有新店開業了。經過時買了一盒三文魚壽司，30元有10件，即三元一件，非常抵食，三文魚質素也不差，爭鮮打著經濟的旗號，抵食是其客路的來源，希望爭鮮能夠繼續保持質素啦!