爭鮮外帶壽司 (好爵中心)

營業中

休息中

爭鮮踏足香港咁多年黎都無加過價，散裝壽司都係件件$3，三文魚$3/件，鰻魚$3/件，帆立貝$3/件，蟹子$3件，買左20件都係$60！！如果係真正壽司店肯定二三百蚊走唔甩，不過當然貨比貨啦，大家品質一定有差別，但我都係平民食平民價就要照單全收平民質素但原來散買比盒裝平幾蚊, 好似鰻魚盒裝8件$32，貴$2；三文魚鰻魚盛5件三文魚+5件鰻魚$38，貴$8；再大盒既熟什錦壽司🍣$27件/$88；單買$3/件計只需$81所以係散買完番屋企再放哂散裝一齊100件都抵

開party順路買左兩盒併盤同一盒三文魚刺生。地鐵站外面，位置咁方便都唔小人去買。買果陣都已經夜晚6、7點，但刺生睇落都唔係放左好耐。雖然稱唔上新鮮，但都幾好味，呢個價錢有呢個質素都唔錯！併盤方面都幾多元，每人都試到下唔同味，味道亦不錯！擺盤都有d心思（青瓜壽司花）。而家個透明膠蓋仲設計左個位比食客點豉油同wasabi ，好貼心！唔洗再「吱」完成包豉油都點唔到由於果日叫左其他野食，所以冇試到其他口味晚壽司同小食，但見到賣相都唔錯，下次可以再試！

爭鮮壽司食得多，原來而家產品種類都多左好多，今日經過見到有我至愛的關東煮，墨西哥卷，仲有好多甜品，連donut 都有。恰巧見到又有我另一個至愛:日本小甜薯，家母亦向來喜歡食蕃薯，就買左盒以表孝心。12蚊黎講真係超抵，有成16粒。本身面頭有d 砂糖，不過拎番屋企已經溶晒。我本身仲諗住佢係硬實實，諗緊使唔使叮叮佢。 估唔到係幾好食！食落香甜質地軟身，唔會好似平時放題食到果d 燒蕃薯仔咁乾爭爭，做飯後甜品唔錯，可以過下口癮。

我知道而家好興食丼飯， 等我都順應潮流買返個丼黎食，總之平有平食，貴有貴食，只要有得食就開心啦三文魚丼飯 $38食物好豐富，有三文魚粒，螺肉，雞蛋絲，中華沙律， 三文魚子，八爪魚仔。 三文魚食落冇雪味，魚有魚味而且有少少腥，撈埋一啲wadabi同埋豉油嚟食好鬼正， 丼飯啲飯都整得幾煙靭，又帶有輕微嘅壽司醋味，而且好配合其他食物嘅味道。我嘅食法，就係先落豉油同wasabi，然後將所有食物同埋啲白飯全部撈埋一齊食。好味到冇朋友，可稱之為平靚正！

屋企附近有呢一間爭鮮，間中呢成日都會食佢嗰啲＄3 1件嘅壽司，我呢今日同朋友一齊嘅時候呢突然就買咗一個大拼盤嚟食啦，仲未試過喺爭鮮買咁大個大拼盤，兩個人呢其實呢個份量係食唔晒架！佢多種類呢真係好多架，有全部都係我最鍾意食嘅，所以我覺得你個拼盤好抵食，而且仲有好多舊花之戀。如果平時食開一件件嗰啲，夾啱有三至四個朋友，其實食一兜呢真係非常之滿足架！

星期五晚上一支弓，一人出去食份外凄楚，都係愛回家好，買了外帶爭鮮眾樂樂，潛意識覺得花之戀至貴至好食，刺身味道一般，飯冇乜醋味唔似壽司飯，平野黎講算係咁。 爭鮮外帶壽司

黎到葵芳，見地鐵站附近有間爭鮮，因為趕時間，所以買左個三文魚手卷。雖然有好多人圍住，但d人睇壽司多。我迫左一陣先拎到個手卷。三文魚尚算新鮮，加d埋醬油真係好好食。食一個都已經飽飽地

I like buying sushi because I like Japanese food very much. It is not fresh enough so the taste is not good too.Seaweed is very good...Salty and tasty.But rice is quite sour and the Salmon is not good position...A bit oily but not attractive..$9 is ok.

1）三文魚手捲壽司-竟然有條5cm 長的頭髮，真係嚇一驚，見到無曬胃囗2）雜錦便當- 打開蓋，翻左兩下，竟然有隻蚊滋係D 郁郁下，打個突。真係唔想再光顧 不敢想象廚房環境

OT完唔知食咩好，就買壽司返屋企食！甜蝦刺身雖然細細隻，但係都幾鮮甜！而且甜蝦刺身好有光澤，望落去都幾新鮮。北寄貝大塊得黎咬落去幾爽口，仲有淡淡的甜味。帶子偏薄，有好微嘅腥味，大粒點會咬落去更加有質感！三文魚色澤都幾光鮮，脂肪分布平均，食落去都有三名與香味。可惜嘅係壽司嘅飯好劣質，一啲甜味都冇，仲有小小硬硬地！咁就冇左＄82 ，不過都好過去元氣嗰啲食，貴到無朋友....

也許是因為價錢實惠地段方便既緣故，每次放工經過都好多人圍住揀緊壽司。我當然就唔執輸啦，每星期至少幫襯兩至三次，買回家做晚餐。今日揀左三文魚壽司、蟹柳壽司同炙燒三文魚壽司:三文魚壽司雖然都算切得幾薄下，但呢個價錢，總冇可能期望佢厚切大大件掛！但紋理幾靚，而且幾新鮮亦好肥美，食10件都唔會厭，不錯。蟹柳壽司長長既蟹柳舖係壽司飯上面，沙律醬係唧得有紋有路唔係亂黎。其實呢個都算係我最愛既爭鮮壽司，沙律醬為佢加左唔少分，吊起左蟹柳既鮮甜。炙燒三文魚壽司普普通通，純粹覺得抵食，因平時呢個價係食唔到炙燒壽司。感覺為燒而燒，只係最最最最最面層有燒左既沙律醬味，完全燒唔到入去舊魚生度，所以你依然會覺得自己係好似食緊魚生咁。

放工經過就買定啲壽司返屋企食宵夜！三文魚手卷太少三文魚，紫菜都淋晒！三文魚壽司刺身薄左d，不過紋理幾靚，幾肥美！甜蝦雖然細細隻，不過幾鮮甜！蟹子偏鹹！而且所有紫菜都淋晒總共＄45 一個人食壽司嘅價錢算係咁

早前雜誌介紹過 號稱平絕全港的海膽飯 但其實已經推出頗長時間 有日經過見到 總算一試看雜誌介紹 本來以為海膽丼飯與爭鮮其他大丼飯相同大小 但事實上並唔大個 當宵夜都不夠 不過海膽份量的確挺多海膽丼飯 ($28)沒有期望過廉價海膽味道能多肥美鮮甜又Creamy 結果不出所料 海膽貫徹爭鮮一貫既質素 單憑外觀已經看得出與平時吃到的海膽不同 非常乾身 食落帶點漿口 不過尚有海膽味道 只係有輕微苦味 應該不太新鮮 然而將海膽、蟹籽及中華沙律與壽司飯混合在一起 淋上豉油 味道不差 只是略嫌壽司飯有點過酸另外餐具只附有筷子 但配料細碎 以筷子較難夾起 比較適合用上匙羹 建議店方可以提供匙羹以海膽角度來說 二十八元的確極之便宜 只是事實上其海膽味道及口感皆不像一般海膽 意即看似超值其實並非超值 就像付錢購買一樣名為海膽而不像海膽的東西以二十八元來說沒有期望亦沒有失望 不過完全不如雜誌吹捧那樣超值 與其花錢吃樣不似海膽的海膽 寧願多花點錢吃些高質素點的海膽不是每間分店亦有出售 不過即使見到亦無需一試 即使海膽癮起 吃過這個海膽丼飯仍是於是無補 因為根本不會認為自己在吃海膽😂😂

是日買左個魚生飯返屋企食。各式各樣的魚生已鋪滿了整盒飯，而且魚生的款式也算多有三文魚、鮮蝦、帶子、立魚、呑拿魚、八瓜魚，而且每款魚生也份量足，起碼每款都有幾片，每片也不是薄到透明個隻，可惜新鮮程度真的差了一點，入口的鮮味方面欠了小小，但以呢價錢黎講已經算好抵。下次再想食壽司，也可以快快趣趣去爭鮮買返盒食吓。

平時我都食佢既壽司 皆因貪平 過下口癮 大家都明三蚊既質素去到邊 我呢就有一次發現左佢賣既熟食都好好味 就係佢 栗米啦 大大罐先8蚊好低 佢係自己都開到 唔洗用罐頭刀 好方便 方間太多要用罐頭刀或者交剪開 佢既栗米係大大粒 好香栗米味 好脆口 好好口感 唔會有根 唔會太甜亦都唔咸 佢都唔會太多水浸住 食既時候唔洗過水 唔洗再落任何野 就咁食就得啦 超方便 我會當佢係早餐或者餐與餐之間既零食最可惜佢地係冇匙巾提供 得快子 但係快子其實好難大淡大淡咁食冇匙巾食得咁開心 建議自備匙巾 一流