爭鮮迴轉壽司 (已結業)

First of all, I will talk about the number of people there, I think it is suitable to eat earlier.  Secondly I thought the food was average, maybe it was just not to my taste.  The food is also delivered quickly, which is a thing that does not affect patience, but there is a time limit for eating, so you can't enjoy it slowly while eating.  Lastly, I think the waiters have a good attitude and sometimes speak a few words of Japanese.  Also the food is really expensive, but that's normal.  I think

平時食開外賣嘅爭鮮$3 一舊都覺得幾抵 但係今日經過上水匯呢個地方見到有一班學生喺度等爭鮮嘅堂食 所以就決定同埋朋友一齊等一等去試吓究竟堂食同埋外賣有咩分別，食完覺得同外賣冇乜分別，下次都係唔會再試啦

第一次試爭鮮迴轉壽司不過係外賣翻屋企食🤭🤭🤭平時有買過爭鮮外帶以為一樣質素🤭🤭🤭原來迴轉壽司好食好多個樣同質素都好唔同但有其他海鮮 蜆 甜品供應 下次都會encore 😊

3/5新推出海膽壽司同三文魚，三文魚子迷你丼，性價比非常高呀！不過這麼便宜的價錢，有些魚或貝類會有點腥。Newly launched sea urchin sushi with salmon, salmon roe mini-donor, cost-effective! But at such a cheap price, some fish or shellfish will be a bit fishy.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

平時來吃會以吃壽司、刺身為主, 主要是抵食, 今次想請講一下這里的甜品.藍莓芝士： 份量不大, 吃一件作飯後甜品也不会有太大負擔. 忌廉和奶味比較重, 芝士味較輕. 如果已解凍, 質感是很軟綿綿的, 絕對對得起這價格的！外賣與堂食是同價的.朱古力花花雪糕： 未解凍, 就像吃雪糕般, 硬硬的. 但好快就解凍了成慕斯狀, 軟腍腍的. 加上表面的那層可可粉, 以及包着雪糕的朱古力邊, 濃濃朱古力味,一次更可以吃到不同的口感呢！有需要, 可外賣回家吃.

一個月前可能因為疫情原因，爭鮮有8折，兩個人食咗180左右已經好飽。今次再黎已經冇折，不過唔緊要，都好平！三個人食左39碟，埋單$340，😂😂可以繼續食但唔知食咩好了...黑色碟嗰啲真係好好味，雖然係一件8蚊，但係都非常抵！！！今次去有埋海膽，雙黃碟16蚊件，但質數絕對不遜色！！！食左兩件。黑碟嘅蟹膏蝦同蔥吞拿魚都好好味！！！不斷encore，仲落單要求師父做多d...😂季節限定嘅青檸帶子都好味...食左兩件。其他八蚊兩件嘅都不遜色，性價比好高。如果唔係太高要求，爭鮮真係非常抵食！！！

好食的壽司在爭鮮......一入到爭鮮總係會聽到而度耳熟能詳既歌為左慶祝開業10周年，爭鮮推出左買十送一活動——只要係星期一至四都可以享受而個優惠 ，優惠只做到12月中，真係抵上加抵好，講番食物味道： 爭鮮雖然平，但食物既味道並無因為咁變差，有幾碟係我次次都必食既，包括：火炙三文魚、鰻魚壽司、烤三文魚腩、芝士魚籽、辣味螺肉同埋鯖魚，真係好好食但提提大家，爭鮮既海膽真認真一般，有d苦，所以唔多推薦比大家係環境方面：環境真係好窄，如果有一家大細黎嫁話，真係要考慮下（特別係小骨友會周圍跳個d)。 另外，食過咁多間爭鮮，一直覺得上水既三文魚刺身特別細碟，可能係因為太多大陸水貨客黎食最後，如果最近荷包緊緊地，又想食壽司，爭鮮可以話係必選

自從今年月之後 就冇再幫襯美心集團 旗下嘅元氣，改為去 爭鮮迴轉壽司。一來價錢比較平，二來嘢食比較有特色，因為比較有台灣味，我係台灣粉所以我就會比較喜歡爭鮮。 迴轉壽司嘅運送帶，可以見到好多新鮮嘅壽司，個presentation整整齊齊，睇見都想食。軍艦款式多，款式未必係好日本正宗嗰種，但係就非常有創意，好fusion，而且餡料好多，壽司飯又搓得軟硬適中，好多時一碟有兩件，好抵食。三文魚夠肥美，一碟有兩件，每次都會叫幾碟嚟食。海膽火炙帶子壽司，淨係見到都流曬口水，食落更加冇得彈。鰻魚壽司大大件！鰻魚好厚肉，味道又香又鮮又肥美！ 其實如果叫係鰻魚扒，都仲可以。一句講曬，美味過癮！

爭鮮真係勝在夠平，又有茶飲，咁岩同朋友黎吹下水，我就叫左個海膽壽司啦，個飯有啲散同硬硬地，但我地都唔太敢食壽司，主要係真係唔太好食，點知又比我地發現左爭鮮既枝豆係最正常最好食既食物，所以我地一人最後都食左五碟枝豆。

陪完阿女打劍，返到上水6:30pm，我在介口中，而阿女揀左食壽司，都好，佢可以食自己想食既野唔駛就我。今晚既天氣得10度，可能天氣冷少左人食壽司，平時6pm開始都係排長龍，今日立即有位。阿女做完運動勁肚餓，一坐低就拎左碗湯同幾款小食，兩母女一共食左12碟$106，真係平既日式快餐。食物方面，味噌湯裡有好多三文魚肉，味道都可以，阿女鍾意；枝豆比較淋；三文魚壽司/刺身都算肥美；阿女自己拎左兩碟鰻魚，仲話好味；芝士飛魚子軍艦/飛魚子軍艦同吞拿魚軍艦一般，因為紫菜太淋；鮑魚/八爪魚/蟹柳小食都可以。$8一碟其實唔會要求太高，整體都ok吖！

今日我曾到你貴店幫襯，發覺你哋食物選擇太少，真係很悶，希望貴店改變，增加你嘅食物款式，希望我下次去到貴店幫襯嘅時候，令到我哋喜出望外， 在之後我亦會約三五知己去到你貴公司再幫襯或者開party!

經常路過大埔廣場爭鮮，強烈醋味從舖內擁出舖外，幾乎連肉眼都見得到。何解日日大排長龍呢？真係那麼好味？您有福喇，巧合我今日有空較為得閒，又見只得兩三個食客，大把座位任坐唔嬲，好奇下就試您一試，睇你有幾好食！原來全場每碟只係 HKD8 蚊，平到見低，難怪受到群眾追棒既，但質數又如何呢？燒鯖魚，天生魚味超強，燒既時候甚至鹽都無需要落都可以好好味。冷燒鯖魚，強烈魚香味道，每一個都非常水潤，塗上照燒汁添上一份甜甜黏黏的味道，滿意。鮟鱇魚肝，我致愛的鮟鱇魚肝 ﹗係我食那麼多間、那麼多次最難食既一次，苦澀味強烈而霸道，乾爭爭一咬散開，no good！日本蠔壽司，依個有創意又可愛，汁煮蠔肥嘟嘟脹卜卜，肥美香甜，鮮味十足，蠔肉係口裡爆破既快感正到痺。不過壽司飯真係水平以下，併埋一齊味道算合格。熟帆立貝，白烚完全無味，無鮮味、無貝味、無甜味亦無咸味，只有濃濃的雪味。質感鬆散腍劈劈，剩係靠個甜到漏既蠔油撐住，格硬吞落肚！熟魷魚鬚，真係食到笑出黎，剛剛食完無味白烚帆立貝，即刻到白烚無味魷魚鬚，清水味濃厚！海膽軍艦，嘩！腥味無限，勁呀 ﹗好腥既海膽，餘韻還要黏得牢牢係口腔之內，即刻要用滾茶淥一淥先得呀，救命！麻

爭鮮不嬲多人排隊，今日見不用排隊就入去一試平價壽司作午餐款式當然比外賣嘅多，服務唔錯，壽司幾新鮮，不斷出新鮮的壽司一貫壽司好大條三文魚，仲要厚切，魚脂分佈均勻，8蚊，簡直係抵食！！！ 三文魚壽司質素以價錢來說算不錯，比外帶的厚肉，新鮮～ 芝士飛魚子軍艦壽司，飛魚子粒粒脆卜卜，芝士味濃e家仲有2+1壽司，是次係魷魚壽司，抵食的魚生壽司，但有d靭餐廳d豉油有d怪，難吃，有時候破壞了魚生壽司的味道以價錢來說，算是不錯的選擇

同小豬做完馬沙之又想吃壽司又不想花費就選了這家在上水匯新開的爭鮮。裝修都是新的，但衛生還是差一點點，桌上有抹不乾淨的醬油和飯粒。而且坐位好擠迫，如果坐滿真係會「批爭」到格黎。至於服務，是無乜的，除了帶位，都是自己招呼自己。茶是淡味綠茶包，建議再沖水就加一包。Wasabi是外賣包裝的，都好，因為夠新鮮。沒有點菜的，迴轉帶上有什麼合眼緣就直接拿。但我認為至少應該有份餐牌，因為很多時也不知道在迴轉帶上拿下的是什麼東東。味道就是跟門市三蚊一件的一樣沒有驚喜也沒有驚嚇，未試過的你就花3蚊去試下吧。(迴轉店都是8蚊碟，有位坐有冷氣為涼都係貴一蚊舊咁大把咋~)拿火炙壽司和上面是熟食的軍艦最穩陣。(e.g. 中萍沙律軍艦，芝士蟹子軍艦等等)， 我個人推介芝士蟹子軍艦，不知名的火炙壽司同希靈魚。不過壽司的種類好少，仲少過門市的。迴轉帶轉得好快哦，而且碟同碟之間好密，係密到它們的邊緣都卡在一起!所以拿壽司是一個小挑戰，要抵抗超快迴轉帶，又要好小心，不能弄反其他碟子。呵呵，蠻好玩的。客人好多在是來上水買生活用品的同胞或水客。所以食物質素和環境長久來不會有太大改善了。我覺得還可以的，一分錢一分貨，唔通你仲ex

今日同寶貝喺呢頭做完野~佢突然話想食壽司~仲即時諗到黎呢間TIM ~佢話之前黎過~芝士蛋糕係推介品...(喺壽司店會推介蛋糕...太奇妙了)每碟$8,好易計我未試過的情況下比佢咁SALE法,所以決定同佢一試星期日的56點.時間唔上唔落,但係已經有人喺門口等位,呢到神奇的地方係佢有相當多的小規矩,eg:每人限定食40分鐘,夠鐘就要埋單走~唔比揀位,人齊先入得~我個人都唔係咁LIKE呢D限時~今次叫做見識一下~等左陣~前一批的客人紛紛離開~~到我地一批入去~好似工廠咁~哈坐位好迫,要攝下攝下先可以坐到~櫈同櫈之間可以話係緊貼~有大件手袋的朋友要注意~其實可以理解的~都係想做多一位客人的生意..一坐落服務員就會放張單喺我地的坐位前,上面有寫入坐時間,之後就唔會有人理你~一切都係自助~自己加茶加水,任何野都可以喺迴轉帶到拎,芥末係一包包小包的,仲有醋薑~食甜品用的匙....我地剛好可以坐喺食物的出口位,所以可以第一時間拎到最新鮮最似樣的出品~!壽司款式唔算好多~目測有10-15款左右~仲有小卷同軍艦款,多數係打孖咁上~有D靚少少的出品就一件件上,醋飯出品比較差~飯質好粗,而且醋味唔算太香,魚生