爭鮮迴轉壽司 (南豐廣場)

營業中

休息中

都有兩年冇食過爭鮮堂食，食呢間……無非係貪平過口癮因為價位不算太高，通常聚會多人就會買呢間既壽司，除番開至少條數係抵D既回想起好耐之前已經係排長龍，限45分鐘而家去到發現……限30分鐘究竟食到D咩呢？壽司壽司既餡料食材就不多作評論，感覺都係幾參差既不過賣相就算係統一，唔會相差太遠講真師傅都算係咁啦，係咁起勢做都唔會整到令人難以接受可惜既係飯底太鬆散，基本上夾起未入到口已經斷開左芝士蛋糕其實預左係冰凍到拮唔開，因為一定係雪左好耐要出先放上碟芝士香氣可說是香濃的，但味道方面要預左係似日式輕芝士蛋糕姐係芝士香味加上糖氣既感覺，同埋都係會粉少少既環境係合格既，衛生情況都可以店面細，但大家都係坐緊迴轉壽司位方便拎老實講……呢個價，仲要咁趕急去食（坐落沖杯茶都未攤凍我寧願去食明將，夠時間食，一定夠飽，仲要攤番開條數係平既最衰而家幾間分店都執左……質素同用料唔特別講，我諗大家冇試過只睇文睇相都有D共鳴只係爭鮮其實都麻麻，如果唔係相識既人一齊食，我都唔會食……

第一次寫食評就俾左爭鮮喇…其實住坑口好方便 因為樓下已經有間爭鮮喺度 食過淘大爭鮮同坑口 始終覺得坑口間新鮮啲 款式多啲。今晚同媽咪兩個食 大約等左10-15分鐘到就入得喇…坐位唔算迫 都可以接受 #第一最想同大家推介既係期間限定既三文魚腩壽司…肉質鮮嫩…剛剛燒完好新鮮…肉質一啲都唔“鞋“ #第二都係期間限定既壽司 但實際名我都唔係太清楚 不過都係好新鮮 剛剛放上迴轉帶我就拿了 甜品方面我其實都好欣賞依個好似隻包住既甜點 其實初時我怕奇怪唔敢拿 但係食落又幾好食… 其實佢係凍既奶黃水晶包 奶黃味濃郁 食落口感幾林 表面一啲都唔un...好好食!#仲有芥辣八爪魚軍艦都好正 辣度好夠 依幾款就係個人特別介紹 爭鮮入面較特別既食物 其實自從屋企附近有左爭鮮後都會間唔時食, 因為爭鮮價錢唔貴 款式多 而且夠新鮮 唔係啲8蚊蝶求其俾啲壽司你食 相對元X壽司 爭鮮絕對係性價比最高既一間sushi... 所以我最高峰試過一個月內食左五次 因為壽司好新鮮 多款 我食極都唔厭 價錢亦十分合理, 所以爭鮮真係好正

假日出街食飯以為會好多人，不過我地真係好好彩咁啱埋邊嘅位開做晚市，直入有位。一般食壽司都係果幾味，不過每次去爭鮮食都總有驚喜。以前食過一款叫火炙糖磚壽司，係三文魚壽司上邊鋪上糖粒再輕輕燒一燒，焦糖嘅香脆外表而且三文魚被烤過後變得入口即溶！（回頭率：10/10）!!!!我同女朋友都好想再食! 麻煩復出!之但係今次嘅驚喜係有塊葉包住嘅神秘甜品！一打開就好香青葉味，食落有d似茶樓水晶包，不過依個口感軟身得黎又有點特別。以我舌尖的判斷，包住嘅係蓮子蓉。趁有就要試！！另發現蝦毛仔壽司。

其實筆者很愛吃壽司刺身，面對自己愛吃的食物會進入瘋狂狀態，所以每次吃完之後荷包都會原氣大傷。長大後的筆者自己能夠單人吃進二十多碟迴轉壽司，吃一餐就足以去吃一餐蠻豪華的Fine Dining。 還記小時候就很喜歡吃日本菜，還記得那時家住銅鑼灣，走到那條謝斐道及駱克道附近，都會把眼睛放到元綠壽司身上，還記得那時的好奇表情真的蠻有趣，當你看到一碟又一碟壽司從運輸帶像鐵路般不停轉圈，是甚為興奮的事。 到了今天，一個坑口區就已經有三間迴轉壽司，其實本來的目標是放在九時半價的一壽司身上，但走到去發現已經打蛇餅，又因為元氣質素愈來愈差，最後便走到新店爭鮮迴轉壽司用膳。 其實這邊都有爭鮮外帶店，誰知有天想走到去吃漢堡王的時候發現它已關門，圍板寫著新店是爭鮮迴轉壽司，爭鮮主打的是八元一碟，吸引大批未有經濟能力的年輕人幫襯（其實現在的年輕人都比筆者富有了），就讓筆者帶大家走進這間店舖打探一下。有時候當大家以為必會中伏的時候，或許沒有期望而令失望減少。雖然選擇較少，但這邊的壽身刺身最少做到其中重要一點，就是新鮮。 鯛魚壽司，其實筆者較喜歡白肉的刺身，因為味道較淡，色澤很淡觀感非常一般，吃起來刺身較為乾身一點