影片
開飯介紹
9月5日至9月7日新張期半價，碟碟$4，限時50分鐘，中午12點開始營業，人齊入座，不設訂位。
繼續閱讀
營業時間
星期一至日
12:30 - 23:00
以上資料只供參考, 請與餐廳確認詳情
食評 (35)
我明白, 我真係明白, 尖沙咀係一個旺區, 人流非常多但係今日我再去食尖沙咀爭鮮, 一行三人, 坐低見到張單計一計個用餐時間, 竟然得四十分鐘!!!即使去麵檔食個魚蛋河, 都尚且要廿分鐘啦更莫講去放題, 最差勁既, 都會畀客人食個半鐘頭而家我坐低食壽司逐碟計錢, 竟然同我講我只可以食四十分鐘?見到咁既情況, 我已經立即進入戰鬥狀態搶先拎左碟劍魚腩(好似係), 呢隻魚腩真係唔係度度有得食之前係TW爭鮮食過一次後, KLB同MK都食唔到, 算係好彩其實食物質素方面真係唔洗點講話好好, 佢又絕對稱唔上但8.8一件, 絕對對得住食客喇最滿意既係吞拿魚壽司同劍魚腩壽司D吞拿魚係幾新鮮, 不過有好多碟都係同希靈魚孖住上變左我淨係想食吞拿魚, 唔想食希靈魚, 都夾硬食埋D希靈魚好唔好食真係見仁見智我自己就接受唔到喇!!呢間仲有我最最最中意食既油甘魚不過可能係成本比較貴啦所以切得勁薄, 師傅刀功真係唔講得笑我最唔明白係, 點解食個壽司坐已經坐得唔太舒服,仲要好似食到打仗咁D侍應係我背後不亂騰黎騰去不在話下,又要故住右手邊D野食過黎又要驚拎慢半步左手邊果條友開始伸手過黎拎再加上佢好似根本出唔切咁係幾間其他分店食都未試過運輸帶上有咁多空位係冇擺到壽司我地成班客人係度乾等之餘, 又要形住形住好快夠鐘, 壓力真係無比之大冇野食之下我只好食左三碟定唔知四碟阿根廷赤海老啖啖肉好鮮甜, 不過食果陣一定要不斷提醒佢係蝦, 因為實在太似食緊蟲蟲啦喂大佬, 我真係想食餐飯咋最離譜既係, 班壽司師傅好似連氣功咁, 成日失驚無神勁大聲係度叫歡迎果D十萬火急, 加上面前咁有氣勢既叫聲我真係唔知自己係去左爬龍舟, 抑或打仗 總之食物非常唔錯, 但服務唔太好之餘仲咁樣限時發原則上我真係唔會再去
繼續閱讀
經過上次美味的一戰後,依然念念不忘爭鮮~加上那天要去科學館觀展,就順道試試尖沙咀的爭鮮了,這次都不錯,店都是明亮清潔,店員態度很好,食物款式居然和九龍灣不同,這點非常驚喜.以後一定會多去!!
繼續閱讀
近來很想吃壽司，但可惜現在通脹太厲害，到哪裡吃飯也是一個「貴」字！如果要到日本餐廳享用晚餐的話，動輒兩人埋單也要二百多元(而且要慳住食)。雖然現在有很多供應放題的餐廳，可以無拘無束地任吃，但晚市再加一每人也要二百多元，以一頓晚餐來說實在太不化算了~對於不想花太多錢又很貪吃的我來說，究竟怎樣才能滿足到我充虛的胃呢 突然讓我想到爭鮮迴轉壽司呢 平日有時也會買外賣回家吃，堂食還是第一次~雖然質素不過不失，壽司size比其他日本餐廳較小(但我覺得堂食比外賣的size大一點點)，選擇也不算太多，但碟碟$8還想怎樣呢？對於突然想大口大口地吃壽司吃過飽、又不想太花錢的我們來說，實在是一個很好的選擇~最後兩人合共享用15碟壽司埋單$132，真的很抵食呢
繼續閱讀
早兩日我地去左佐敦彌敦道新開個間食...發覺改左用餐時間為40分鐘~~唔知其他分店係咪都改左!!! 如果改左大家又食小左10分鐘.... 要密密食啦~~~不過當日我地都食左成50分鐘...可能因為冇乜人啦~
繼續閱讀
星期六去咗探尖東忌廉哥，不過忌廉哥訓緊攪攪豬，探唔成之後去咗食壽司。黄昏時間6点鐘去到呢間迴轉爭鮮，只需排2至3個number就得喇，可能晚飯時間過早。坐落發覺食品種類唔算多及迴轉帶唔係放滿，不過勝在多三文魚，而三文魚都幾0K。一碟只係$8，都非常抵食，平絕尖沙咀區。
繼續閱讀