爭鮮迴轉壽司 (鴻威大廈)

營業中

休息中

同朋友行到攰又五知食咩好，咁岩行經爭鮮，咁耐無食五知變成點，於是入去食。侍應個個無表情係其次，用餐時(晚餐)竟然得30分鐘，仲慘過我去食m記仲要加一，外賣都無咁嬲。食物五新鮮…，魚生放到干曬肉質無彈性無味；甜品有啫喱，泡芙，朱古力慕絲同埋紐約cheesecake食左4碟後決定轉場😓

行行下街口癢入左爭鮮休息，$8碟唔計加1唔計茶位，真係好抵玩。坐低即刻拎左碟甜蝦，一舊飯有三隻蝦，蝦蝦蝦，隻蝦太細隻喇，一d甜味都無，只係食到痴口將口既感覺，而舊壽司飯亦都無咩特別，可以入口，好過明將d飯。三文魚就相當好好多，正正常常厚度，入口會滿足，不過三文魚有無筋就好睇你彩數。$8 一碟三文魚黎講真係抵食架，最緊要係有杯茶比你坐係度充電嘛，雖則限時得1小時進餐時間，但咩都夠啦！

係旺角11點幾鐘除咗食茶記，好多鋪頭都閂左，見到爭鮮仲未閂，又落緊雨，就入去食啦。侍應同我哋講咗幾句嘢跟住就行開咗，若隱若現聽到話食嘅時間係半個鐘，我以為自己聽錯冇理會，點知女朋友講我哋用餐時間係半小時，原來頭先聽到嘅半個鐘我係冇聽錯。天丫，估唔到而家喺香港地食一餐飯都要趕頭趕命，好耐冇係爭先堂食，記得之前堂食嘅時間已經係尖沙咀嘅嗰時，嗰陣時食一餐飯，限時都只係個半鐘。腐皮壽司，同之前嘅分別係大件左同埋好食咗，飯味同醋味份量啱啱好，三文魚壽司嘅三文魚就淡味咗啲，可能係冰鮮原因。黃金魷魚壽司，一直都唔好食，但係等咗好耐都冇櫻花魷魚壽司，所以焗住叫，蠏子龍蝦醬壽司軍艦 ，就普普通通。不過朋友每次都會食。其他壽司唔記得照，整睇你估唔到係旺角食只係得半個鐘。食堂食好食個外賣，如果限時半個小時嘅話，我覺得啲食物應該款式多啲係我面前，唔係來來去去都係得嗰幾款。應該選擇可以多啲，咁如果我掛住揀想食壽司或者揀想食嘅壽司嘅時候，款式少，等個時間多咗， 晒啲時間去等其他款式。餐時間就會更加少 。親身試過原來半個鐘啱啱好可以食飽。所以係20分鐘左右，我哋已經埋單走人。不過如果真係時間多啲嘅話又想同朋友慢慢傾

幫人補完習，慰勞一下自己，吃一下壽司。這裡的壽司種類不是很多，可是價錢比較便宜，每碟$10。有部分的壽司比較好吃，例如三文魚壽司，花之戀，鰻魚壽司都是不錯的選擇。除了壽司，還有一些甜品比較好吃，我每次都會叫上一碟來吃，例如芝士蛋糕，酸甜的口味，入口即溶，十分好吃；這裡的泡芙就一般，口感比較差。

31-12-2013除夕倒數日，踏入2014人人快樂而有希望。旺角的爭鮮外帶壽司舖環境不大。今天我專程來到爭鮮外帶壽司舖買煙三文魚壽司，我買了煙三文魚壽司有10件其餘壽司各2件。煙三文魚壽司的新鮮程度令我滿意，很有三文魚味而且魚肉很很質感，$3一件很抵食。八爪魚壽司也很令我滿意而且值得推薦，八爪魚足大大件而且很爽口也堅韌，一品番的$3一件價。三文魚籽壽司亦吸引到我，食落很有魚籽油也是很多人選擇的壽司。凡立貝壽司的味道ok，而且幾大件也是熱門的食物選擇。我今次去了爭鮮外帶壽司舖買壽司的經歷很滿意，可以取代了元氣壽司因為元氣壽司的下午茶堂食最低消費要$50而且不飽肚所以我今次用$39買壽司食就已經飽肚而且爭鮮外帶壽司舖有很多選擇；聽聞沙田中心就黎開分店我下次會選擇沙田爭鮮外帶壽司舖的壽司。