爭鮮迴轉壽司

營業中

休息中

夜晚，自己一個，好難喺西九美食廣場搵位，見到爭鮮唔駛等位，就貢左入去，我都係第一次食爭鮮迴轉壽司。咁茶呀餐具果啲就係自助嘅，啲野已經放晒喺張檯到。你鍾意就隨時可以伸手拎野食，不過話時話，粉紅碟賣相就不大吸引，黑色果啲就靚少少。不過睇黎睇去，壽司款式來來去去果幾樣，都冇乜得揀。我以為平時$3一舊果啲先咁細，點知原來呢度果啲都係咁細。唔建議用飯黎點豉油，因為點親都會散，萬試萬靈。另外，如果你平時喺外賣店見過爭鮮甜品，就真係唔會想拎佢地啲壽司落黎食...本身想換Lulu豬鎖匙扣，不過就得返三文魚果款。埋單$105，試一次學野，應該就冇下次架喇，都係買返佢地外賣壽司。

星期日難得香港仲有咁多人等位 等左成半個鐘先入得 以為入面好多人坐滿哂 點知係好多位剩 一直唔叫人入去係咩玩法 由於得勁少壽司款 我地2個人只食了5碟 $44買單果陣想用張30蚊現金劵 短直髮收銀姐姐話要消費滿60蚊先用得 但T&C完全無寫要最低消費 唔通嫌我食得少 我極力堅持要用 最後係成功減左30蚊 呢間爭鮮既服務一直都唔算好 但正正常常我都覺得ok 但無諗過呢位短直髮姐姐服務水平咁差 試過叫人入去但原來未有位 又試過叫我地2個人去坐落只有一人位置 我地唔肯就唔執其他位 迫我地一定要跟佢指示

去左舊店找不到，仲以為執左，一問原來搬左過黎西九龍中心，三文魚肥美，今曰鹽焗螺仲好大隻，芝士蟹籽真係好好味，一口氣食左兩碟😂，鮮蝦刺身16元10隻，超抵食，酸薑茶位，任飲任食，衣餐埋單都係八十幾蚊咋！😉

-有時平平哋想食一餐壽司，又唔想去壽司郎排隊，呢度就係一個好嘅選擇。平時去開太子分店，今次就嚟深水埗分店。爭鮮嘅賣點係性價比高，分三隻顏色嘅碟，食壽司嚟講真係超值，所以一分錢一分貨，唔係樣樣都新鮮。重遇貝之味特別壽司有赤貝、蠔同黃金扇貝😋黑色碟嘅三文魚腩夠肥美赤貝： 有少少腥味，但係都夠爽口因為食材唔夠新鮮，所以會適當調味，例如芝士蟹柳、醬油三文魚、海膽蝦..........適當嘅調味提高咗整個壽司嘅分數。☹️呢個價錢嘅海膽好苦，一啲都唔新鮮，所以千祈唔好食。絕對係平平食壽司之選，選啱食物都係好嘅一餐。整體嚟講，太子分店比較推介。

吃了50次，次次都沒得坐，價格便宜，温度適中，人手不足，不懂招呼客人到座位位子，有時喊廚房喊幾次先聽到，食物款式有待增加，太少了，希望貴公司能快點增加多點咖位啦啦啦啦啦啦啦啦啦啦啦

壽司方便又好吃，應該是沒有什麼人不喜歡的😂爭鮮這間壽司主打便宜，價錢的確十分親民，而且其實味道以這價錢來說覺得很不錯了，現在又可用電話掃二維碼儲分，有時候會有些日子出一些特別的款式，像今個月出了彩漾櫻祭，有3款新的壽司，但我沒有試🙈不過他基本上也有海老，蟹子，吞拿魚，鰻魚，帶子，蛋，炙燒，刺身等等等等，款式也十分多，應有盡有，大家有時候想吃吃壽司過一下口引爭鮮也是不錯的選擇呢😛爭鮮迴轉壽司深水埗欽州街37號西九龍中心3樓312-313號舖

今日同屋企人突然心血來潮，想去爭鮮，於是嚟咗西九龍中心呢一間，我哋6:00去到，一去到就可以坐低，不過發現佢冇開到有卡位嗰一行迴轉壽司，我哋四個人唯有排排坐，冇得一齊傾偈😅😅起初以為佢人客不多，所以開少一條線，但食完出門口發覺，原來已經有不少客喺出邊等緊，咁點解唔開多一條線呢？很有趣😂壽司方面都有新款，呢個有蠔肉的壽司幾特別，可以一試！😋😋

(自費食評) 今天來到西九龍吃晚餐，我們二人就選擇了爭鮮，西九龍分店一入去好地地，但慢慢發現佢地壽司勁少，轉黎轉去也是勁少壽司刺身坐左成15分鐘也見唔到一碟，我覺得係衣間分店，因為我食其他爭鮮都冇發現這個問題架喎，我自己本身也是爭鮮會員今次真係食得好少，想落單叫壽司，但冇咩人，一，二條友睇全場，可能真係請唔到人，這間分店服務非常非常差最後我地二人吃左以上少少壽司，真係唔想再等，走去食其他街邊檔算，下次不再食這間分店，太差了

原來深水埗西九龍中心有爭鮮迴轉壽司， 見到門口唔算多人排隊，所以就入去食晚餐🥢。 店內環境整潔， 燈光充足。之前食過幾間爭鮮分店， 感覺西九龍這間的壽司多選擇， 最驚喜是有海膽壽司， 仲要新鮮甜美😋。 燒炙油甘魚盛都幾新鮮☺️， 帶子壽司厚切大粒。 兩個人食了18碟🍣， 埋單大約$200🤩， 真是很抵吃。 以這個價錢來計， 性價比很高了😁。    爭鮮迴轉壽司地址: 深水埗欽州街37號西九龍中心3樓312-313號舖