爺爺雞煲皇 (彩虹道)

營業中

休息中

做冬緊係食雞煲啦。一家三口去左試下間街坊都話正既雞煲。用openrice book位有得加AsiaMile，都幾好！叫左個招牌雞煲，1隻雞，小辣。雞好滑又入味，而且唔會老，連皮都幾好食，都幾滿意。不過感覺好似好快食晒。爸爸話有d舖頭會完隻我雞上，有腸有心，不過我就覺得有肉食就得，反正內臟我冇乜興趣。叫得肥牛，就當然揀好少少。大約$220一碟大，黎到貌相都不錯，花紋肥瘦都幾靚，食落都有牛味。最後我一個人都食左大半碟，超級滯啊。不過略嫌其他野食主要係雪藏，感覺有d欠誠意，唔太抵叫。啤酒就算係幾抵飲，$15/1枝。埋單大約$7xx，3個人都食得飽，算係合理啊！難得新蒲崗成日好似冇乜好食，又搵到間不錯的餐廳，都開心！

叫個美式早餐，半個鐘都唔到，催左兩次都係出唔到。我都唔明，豬扒一早煎定咖喇，炒個蛋洗唔洗15分鐘呀？一間餐廳廚房運作咁差，你可想而知餐廳的食物質素可以幾咁早。唔會再黎。

第一次食堂食 ....平時都會買佢嘅醬料返屋企自己整，所以點都要親身到舖試下嘅...首先book左位未到時間佢比左張 木台 人我覺得麻麻地。不過都唔洗等好耐就比第二張我地坐....環境衛生算ok的，但佢個冷氣真係凍死人，如果去要帶返件外套先得。黎食雞煲皇當然就係要食雞煲啦…叫左個小辣...啱啱好..我啲朋友食到話想加雞再食添。最後都係冇，因為想打下邊爐，不過唔知係咪佢唔夠人手嘅關係，要大大聲叫佢地先有反應，同漏左少少單要吹一吹佢先會比返我地...其他食物都冇乜特別，雞煲就讚讚，飲品方面係冇乜野揀，想要啲鮮榨嘅都冇....最後愈食愈涷嘅情況下我地走左了。