爽肉餃子專門店

營業中

休息中

我食過幾次，我覺得唔錯，價錢又低，野食又唔差，態度又和善，排隊去買既人都唔係少，好幾次我想買黎食，最後都係放棄，因為多人排隊，哈哈， 糯米飯$12一碗，一碗5種不同味既餃子面，只收$20，佢地真係平賣多做。利申，我不是刻意幫佢地賣廣告，我只係講出事實

因為新開嘅關係，次次經過都會有人排隊，所以得閒就去買了。見佢$12蚊5隻水餃嚟講，心諗都幾抵喎。$20就有10隻都好平。見佢上面掛完個牌寫住韮菜餃/菜肉餃，下面個細牌又寫住椰菜/韮菜/白菜餃啦。咁我order 5隻椰菜同5隻白菜（$20），佢覆單就「5隻！」，但我係要5隻椰菜同5隻白菜餃喎，咁我再覆返佢咁樣啦，佢先覆無白菜餃，全日都無白菜餃。咁最尾咪買咗5隻（$12）囉。態度真係麻麻，係多人排隊嘅，咁又幾抵嘅，味道正正常常，湯底普普通通。

新開既店就梗係要試試佢啦，店面種感覺係比較揸流灘 d ...餃子有韭菜，椰菜，白菜可以揀，湯底酸辣，麻辣，豬骨湯可以揀，價錢都只係 $12 就有 5 粒啦，size 唔係大粒，亦唔算好細粒。就算佢其他唔係餃子既食物都賣得平，豬皮蘿蔔魚蛋 $12 都算幾抵食呀。不過有少少失望係原本我諗住係湯浸住 d 餃，但結果唔係，只係有一湯匙既湯畀你，變相其實似係麻辣汁多過叫麻辣湯啦。餃子既料就唔算好滿好多，不過呢個價錢黎講算好了。一咬開其實就普通既椰菜加埋豬肉，我又唔覺得特別 d 豬肉係爽口，感覺都非常一般，試過一次就夠曬了。

晚飯時間去到要排隊，前面約有五個人，排左3分鐘到就可以點餐°門面有幾款餐牌，一款寫住韭菜餃及菜肉餃，另一款寫住椰菜餃、韭菜餃及白菜餃，而湯底有四款，包括有上湯、豬骨湯、酸辣及麻辣。點餐時好奇問一問阿姐，有冇白菜餃，阿姐就好唔耐煩黑晒後面咁答：「得韭菜同椰菜，你要咩啊!快啲啦。」我就好快速咁點左餐，阿姐再嚟我：「點你就快啲啦。」，排隊黎受氣算！中立少少講返食物先。講下湯底先，麻辣湯就係就咁筆pat麻辣醬，而酸辣湯就係筆pat麻辣醬再吱啲黑醋，無誠意，無鮮味無香味。餃子浸住湯外賣返到屋企約10分鐘，餃子皮唔黐住，筆起隻餃子冇爛冇穿，餃子皮質地唔錯。餃子餡料實淨，但餡料少， $12 5隻係咁上下。韭菜餡料唔夠香椰菜餃味道還好食完兩份都唔飽餃子應該無下次，下次試埋糯米飯.

嘩好食到不得了，又平又好食，一個糯米飯都係$12全香港都食唔到，仲有個餃子，又係$12，平都冇人信，仲要好好食，想唔推介都唔得，離晒譜，如果香港多幾間呢啲咁嘅良心店舖，真是我們香港人的福氣，大家唔信可以去嘗試吓，真係好好味，佢仲有個魚蛋豬皮蘿蔔，又係$12，因為佢呢個價錢，又真係冇乜野可以挑剔佢，魚蛋爽，蘿蔔淋又冇渣，豬皮又有口感，真係呢啲價錢，都唔知道可以係邊度可以食得到，仲有佢個麻辣醬汁，都唔知點解咁好食，性價比高。