牛一 (已結業)

經過荃灣地鐵天橋，向前走，向右望就會偶然望到牛一這個招牌，頗令我印象深刻，因為附近的日式餐廳好像沒有多少間，要吃日式放題，一是要到荃灣廣場，或是到愉景新城，所以，為就腳起見，故選擇了牛一。生力廣場頗為舊式，左穿右插，又碰巧遇著壞電梯，感覺已不太對，再與經理對談，由於折扣優惠不清晰，彼此之間頻率不太對，我不太懂他在說甚麼，他也好像不懂我說甚麼，不過不管了，我是來打邊爐，又不是過來溝仔(雖然我無溝過仔)。牛一都頗大間，我們的位置離食物區頗遠，每次拿食物，都像是百里競步一樣，要快，但腳踭不准離地架下，剛吃下的卡路里，容易被路途消化，走多幾轉，我覺得自己終於修成正果，可以跑轉馬拉松(不過重點是食物補給站)。由於好像是$188才有8折的折扣優惠，所以我們選擇了美國極佳牛肉$188，牛肉大件超薄，一放落火鍋，基本已由全生變成7成熟，放落口，頗為嫰滑，不過對我而言，口感不夠飽滿，而且一盒得幾片牛，看來十分空虛，於是我瘋狂點牛，牛仔才能能瘋狂上台，可能2至3盒才等於酒樓的一盒。我知道了，看來牛一是想考驗我的舉手能力，測試一下我的手是否不舉，點了數次之後，牛一得償所願，我有點累了，終於不舉了，枱面有些甚

國慶假期，周圍都好多人，四人枱，等左唔駛半個鐘，算係好快！牛一shabu shabu，無改錯名，牛肉水準不錯，一流。豚肉稍為不夠嫩滑，但夠大片，味道還可以。可惜沒有提供雞肉，如果有埋雞肉會更好，而家好多日式火鍋放題店都會提供埋雞肉的，建議餐廳可考慮吓增加埋。自助區選擇不多，但有我喜愛吃的羽衣甘藍，加分。甜品有雪糕，可惜味道一般。服務方面，店員沒甚麼笑容，很機械化； 還好採用平板電腦下單，快捷無漏單。

公眾假期帶住老人家同小朋友，唔使排隊即刻有位，本來幾滿意，因之前食過，知道食物都ok。點知今次遇到奇怪服務員，全程講嘢冇笑容不得止，食到一半未夠鐘，我屋企人仲攞緊野，佢就走埋來話幫我熄火！又通常依d放題都會夠鐘前提前提醒，佢冇提醒就算，我地自己都會睇住時間，但就在夠鐘果一剎那，佢走埋來話夠鐘，一邊講一邊開始收嘢。我地其實一早已經食完熄火，但因小朋友仲有幾條烏冬未食完仲等緊。好喇，收晒所有嘢，仲要第一收小朋友豉油碟。我已經見佢收檯同時即刻走去買單，點知返來見全家人企住等我，因個服務員已經收走所有嘢抹緊檯喇！ 並非因為有人等檯，餐廳仲有好多空位！唔係第一次幫襯荃灣牛一，但一定係最後一次！咁樣嘅服務真係消費唔起！！！

我非常喜歡去牛一打火鍋的，之前通常會去屯門分店吃的，自從荃灣開了分店後，便不用那麼舟車勞頓了。剛剛來到門口時，看到現在晚市大放送，免費加時，升級至2.5小時晚市放題。對我來說真的莫大喜訊，可以慢慢吃，慢慢嘆。我點了 $178 價錢的肥牛，肉類也不錯的，肥瘦適中。若負擔到貴些價錢，可以選擇和牛，之前吃過，口感好滑溜。還有我的至愛，乳酪雪糕，食多幾杯都不會太肥，特別在只有牛一才有得吃，其他日式火鍋店沒有的。

天寒地凍梗係想打邊爐啦~本先老公想去我哋常去嘅牛涮鍋，但係醒起朋友介紹牛一。而且有得手機遙控攞飛，唔使呆等~去試既動力更加大! 荃灣力生 個場真係好奇怪扶手電梯永遠都係壞嘅 入場前已經預先登記成為會員 ，有一碟牛舌送 ！仲有刺身不過刺身佢話已經送曬好可惜因為優惠未能攞到盡haha! 選了壽喜燒湯底， $178任食，一來已經畀三碟牛，一碟豬同埋送嘅牛舌， 朋友果然冇介紹錯牛好食過牛涮鍋的！ 牛軟滑有牛味，豬肉有咬口，煙韌甜美 。 牛勝出 ！主攻牛肉 ！醬料很豐富 ，除了普通蔥花之外仲有 比較少見的日本蔥及黑蒜豉油~ 配料亦很多選擇，菜類豐富 ！ 推介炸魚皮及拉麵，'十分好吃不要錯過！ 最後吃了冬日限定的阿華田雪糕， 奇奇怪怪本來唔想試，但係因為原味乳酪貼住"準備中"唯有試一試，ok 啦， 有topping可以挽回一啲味道。

二人同行一試午市套餐（60分鐘），按不同選擇就不同價錢。我們揀了豚肉$6X,美國牛肉$7X, 每人一碟肉，然後店內擺放了菜、丸、腸、雲耳、芋頭、各類菇、豆腐、蓮藕、鮮淮生、年糕、拉麵、烏冬、粉絲等等，以及飲品和飯可任食。還有兩款軟雪糕，今天有好立克雪糕和荔枝乳酪。原以為60分鐘應該充裕，但實際卻兩回事😅。一入店，門口便揀餐和湯底，便開始計時。我們放下物品便出外取菜、丸等。回來已放好湯和肉，但湯未有滾，便先食雪糕。我們很欣賞的，荔枝乳酪很好味，而且還有許多配料可選，如：粟米片、玄米粒、朱古力粒、椰果等等。我食了三杯，真回本😋。肉是一人份量的，很薄，不會鞋，但沒有什麼肉味。菜是算多款，而且很新鮮。菇的種類也算不錯，有雞脾菇、金菇、珍珠菇和鮮菇😋。不過，60分鐘就真的很趕急，滾完第一次不久就話還有15分鐘🤔⋯⋯因爲每次放完食物落煲，就等較長時間，就算只是放點菜，都會「謝」晒。唔知係咪魚湯難滾起呢！如果可以多15分鐘會舒服一點。

今日啱啱出camp 前果幾日都因為camp d 野太難食無乜點食過野...所以今晚行過荃灣就試下呢間新開gei 日式火鍋放題其實之前係銅鑼灣都食過幾次呢間牛一架啦幾次都無乜點失望gei 除左有次d 肉叫極都唔來😅😅😅竟然有apple cider 飲雖然隻味有d 怪都叫有d 誠意丫😅👍牛都唔差gei 叫左美國牛肉都食得下 幾淋☺️👍呢個十勝芝士豚肉湯底就真係怪d 聞落幾香食落無乜味仲好多泡😅😅😅So far 都幾好gei 無乜人又唔嘈幾舒服好皮啦☺️👍

自己食過一次同老闆又食左一次，覺得好抵食，環境又乾淨舒適，丸同配料種類繁多，蔬菜好新鮮，洗得好乾淨，仲有羽衣甘藍都好新鮮好靚。上次無食雪榚，今次試左原味乳酪雪榚（夠酸又唔會太甜）同抹茶雪榚（好香抹茶味）都好好味。飲品仲係任飲！叫左一牛一豬，兩款肉都好味，唔會太多肥肉。個餐$62起，肉得一碟，但配料就任食，個人覺得都夠食，如果係食肉獸可以考慮點$99個個餐。晚市同午市食既野一樣，但就只需一半價錢，下午有時間可以試下。侍應好積極幫忙，又快手，好快就有湯底送到。新開張入會有牛舌送，個牛舌都幾好食。我同男友食過第二間類似既火鍋店，價錢貴少少但無呢度啲肉咁靚同咁多野食，飲品錢仲另計添。

星期日嘅晚上六點半左右用手機拎飛都要等左差唔多一個鐘先有位等位嘅時候有段小插曲當叫到我張飛嘅時候店員問我地一行四人分開兩張二人枱有冇問題而呢兩張嘅二人枱其實係隔離由於始終係分開咗枱我哋想share嘢食就會比較難變咗好似各有各二人食咁所以我哋就拒絕一等就等左好耐先再有四人枱我地expect佢一有枱會補返俾我地但係店員要求要我地到時佢叫飛再提佢我哋係候補緊個問題係佢地自己係唔會mark低好啦我哋企喺reception附近𥄫實佢等佢知道我地等緊可惜佢叫飛嘅時候都係叫咗下一張我地即刻話我地等緊先下一張嘅客人就好似不滿以為係我地係叫過咗號碼而要候補所以我覺得間餐廳處理依個情況嘅手法係非常之差係餐廳俾唔到四人枱我地所以我地候補下一張枱並不是我地過咗號碼食甜品雪糕嘅時候我地見到d toppings好多都冇晒叫店員refill嘅時候店員的態度語氣也頗為不禮貌估計佢地係做嘢做到好忙所以黑晒口面所以點解服務態度我只係比一粒星至於整體食物質素方面我覺得係幾好嘅食材都幾新鮮而且款式亦都幾多我哋揀咗$178嘅牛肉價錢肉質唔會太肥醬料好多款飲品款式亦都多有得可以喺雪櫃攞紙包飲品亦都可以去酙汽水機又有幾款茶包可以沖

去荃灣行街，友人見到牛一有新分店想試，係行過去嘅天橋咁啱有人派傳單有八折😍👍🏻揀咗$158美國牛肉+豚肉加錢要左個鴛鴦鍋，嗌咗壽喜燒同蕃茄湯底。壽喜燒湯底就食得多，但冇諗到呢度個蕃茄湯都幾特別，平時食蕃茄湯都係偏清淡，但用呢個去碌嘢食都夠入味。牛肉有好多雪花，個人更偏好豚肉，唔會韌。配料方面，有非常多唔同又特別嘅選擇，有比較少見嘅冬蔭公丸，同埋一再encore嘅魚腐麻糬！蔬菜方面，都有其他火鍋放題冇嘅選擇，除咗一般嘅蔬菜之外，仲有秋葵同埋羽衣甘藍。飲品方面，有啤酒汽水任飲，特別推介旁邊嘅柚子綠茶，非常清新。甜品方面，有乳酪雪糕機，旁邊有唔同嘅配料。咁啱期間限定推出咗抹茶雪糕，夾埋朱古力碎味道一流。整體嚟講，除左好味之外，呢度特別嘅地方係有好多平時其他火鍋放題都冇嘅選擇，非常滿足👍🏻

而家一個月都黎一次荃灣，呢邊越來越多野行。不過係愉景新城入面既餐廳都偏貴，我地都會去其他廣場搵野食。又見到牛一又新開，作為Fans既我一定要食！今次湯底就叫左干貝清湯，果然真材實料，勁多干貝！所以味道都好濃郁！玉子豆腐都好滑，入口即溶，不過唔好煮太耐，會爛哂！美國極上牛肉正，再黎都碟海蝦！海蝦非常新鮮，仲好彈牙。多一個選擇可以唔洗成日食牛食豬咁悶啦～其實都有蠔，不過我朋友唔食得，我今次就唔叫住啦😢牛肉色水都好靚，脂肪分佈平均，滾幾下就食得！最後一定要食佢地既乳酪雪糕，非常好味！自由配搭既味道，仲係任食架！

一般人都習慣叫生日呢日做『牛一 』，雖然不知道這名詞的由來，但早已習慣了這叫法。 距離 BeautySearch 『牛一 』的日子還有一段時間，不過，早前在屯門市廣場工作期間，每次經過屯門市廣場的《牛一》日式放題鍋料理，都會發現門前大排長龍，在如此多選擇的市中心，為何這麼受歡迎，因而令我心郁郁很想去試試，但 BeautySearch 最怕排隊，還是等熱潮過後再來吧！ 誰料，早前發現《牛一》在荃灣開設分店，而且靠近港鐵，對 BeautySearch 而言，更為方便。試問怎可不試？ 進入店前，先來揀選湯底，選擇可不少，有 9款之多，我們揀選了當中的「淡十勝芝士豚骨湯」。晚餐方面，我們則揀選了「極上美國牛肉 ‧ 豚肉」，成人每位 HK$178，屬中價位，除了極上美國牛肉及豚肉，連美國牛肉也可無限量添加。 牛肉、豚肉無限量添加，食肉獸當然歡喜若狂。 另外，這兒還設有火鍋配料自助吧，大量火鍋配料自由選配，同樣是任食的。除了有不同款式的蔬菜及丸類外，還有玉子豆腐、特色炒飯、雪糕，最驚喜的是，火鍋配料自助部份竟然還有黑木耳及蟲草花這些健康之選呢！ 甫坐下來不久，服務員便揣來我們揀選的「淡十

上次試了晚市放题，今日試午市放题。同樣90分鐘，價錢平約$40，最平既牛成人$118，小童$88。午市11：30開始，但佢地11：35先有人來reception,來了仲慢慢地左搞右搞，開機等等。。。自己枱每枱有一個I pad 落order的。今日坐下冇人幫我地開機set up. 甘叫個reception既肥仔啦，佢一望就話壞左，叫我地口叫order...唉。。点知之後同個女waitress落order,佢話冇壞，只係未開，真係氣愤！丸、菜、麵。。。同晚市一樣。yogurt ice cream一樣三種味，但其中一種味不同。今次有芝麻，原味，和抹茶。至於yogurt ice cream D 料就左幾款。汽水機全壞，冇野好飲，因為個少少款紙包飲品係奇奇怪怪味，吾係普片個D檸檬茶呀。。。炒飯難食

放假最好的家庭聚會，莫過於去吃任食火鍋，而且新開業的牛一鄰近巴士站，吃完正好方便我們回家。趁火鍋還未滾起來，我們一人一碗和牛炒飯與日本咖哩和牛。最好的吃法當然是混合兩者來吃，和牛咖哩很濃郁，可以感受到食材的味道已被煮進咖哩裡。咖哩有著日式的口感微鹹帶甜味，和牛跟咖哩好像已融為一體。吃任食火鍋最重要配料選擇多，而牛一 光是配料已有二，三十款，深信總有數款是自己的心水。媽媽最愛玉子花枝卷，日本芝士馬鈴薯魚餅與麻糬魚腐，她說三款丸子口感綿密，煙韌的口感更讓她回味無窮。在蔬菜方面我亦相當滿意，這裡除了少見的羽衣甘藍外，還有炸麵筋呢，我超愛炸麵筋吸索湯汁後飽滿的樣子，入味好吃。當然還有香甜的紫心蕃薯與粟米，將它們放進湯鍋裡涮煮，完全把它們的天然甜美誘發出來，如果吃膩鹹食的話，它們都是好選擇。湯底方面，我們選了干貝清湯。清湯沒有多餘的調味，只用了干貝熬成，雖然清淡，但是加入大量清甜爽脆的蔬菜時，湯裡的味道變得很豐富，干貝非常好吃也好甜。口感無比柔軟鮮嫩的澳洲和牛，在清湯裡涮幾下，然後幾秒後放進嘴巴，慢慢體會和牛的香甜滋味與細緻牛油散發出來的香氣，多麼美妙的瞬間。愛吃豚肉的話可以額外點選北海道黑豚腩

朋友聚會十次有七次在牛一進行(笑)多數去屯門店，最近元朗店開業，試過一次，大呼轉場。街坊都知道，屯門店基本上真是「插針都插唔入」咁多人，荃灣力生由浦和變牛一，對我們來說當然是喜訊！一見易拉架廣告立即組隊！力生這個舖面說舒適也是騙你的（荃灣人一定明白力生電梯轉角有多麼擠擁！）所以記得book位，免得walk in破壞心情。新開業來說我個人覺得人手有點不足，衛生程度亦一般，但遠比元朗店優勝。自助bar食物種類算多，空間亦比元朗店好。當中紫心蕃薯和羽衣甘藍都是時下大熱的superfood，吃牛之餘也得注意一下平衡嘛。對我來說最新穎的就是這個下單用的ipad！食肉獸吃得超快，自己下單不用麻煩到服務員內心比較沒那麼尷尬（笑）叉電線在這個位置有點卡到腳就是了，出入小心一點就沒問題啦。那就開動了不用說太多吧！一貫作風，壽喜湯底不過甜超讚，送雞蛋一隻！極上牛+豚肉+甜品+任飲，消費$178一位/九十分鐘，可以說得上是超值價錢了，現今社會人工貴租貴嘛。牛肉以慢火涮兩涮，牛味不能說十分好（畢竟一分錢一分貨嘛）但起碼由頭至尾肉類質素保持，沒有偷龍轉鳳，童叟無欺。極上牛比起最便宜的美國牛（$158）少一點脂肪