影片
開飯介紹
台式任食火鍋，提供不同的湯底款式。客人可選擇牛肉的種類包括安格斯、和牛等。餐廳更提供台灣直送美食，如豬血糕、花枝丸等。
繼續閱讀
營業時間
今日營業
12:00 - 16:00
17:00 - 23:00
星期一至四
12:00 - 16:00
17:00 - 23:00
星期五至日
12:00 - 16:00
17:00 - 00:00
公眾假期
12:00 - 16:00
17:00 - 00:00
公眾假期前夕
12:00 - 16:00
17:00 - 00:00
*午市最後落單時間: 15:30
晚市最後落單時間: 22:30（星期一至四）23:30（星期五至日, 公眾假期及前夕）
以上資料只供參考, 請與餐廳確認詳情
有關獎賞計劃
相關文章
🌴🔥【牛大人炎夏椰樂祭全攻略】🔥🌴每年夏天，總想搵啲透心涼又有新意嘅美食慶祝下？牛大人今次玩大咗，呢個「炎夏椰樂祭」真係椰子控天堂，齋睇Menu都覺得一身熱氣即刻消散晒！✨湯底✨牛大人竟然可以玩出咁多創意椰子湯底，就點一個鴛鴦鍋試晒兩種！喇沙椰爺仲夏鍋融合椰奶同南洋辣香，椰香、辣度、鮮味三重奏，夏日雨天飲落特別暖胃；鍾意清甜啲就試吓木瓜椰皇嫩雞鍋，椰皇湯底滲入細嫩雞肉，加埋木瓜，甜得嚟好有層次，個湯飲到一滴不剩！✨ 日本黑毛和牛A4+✨油花分布極為細緻，油脂豐厚，肉質柔嫩多汁，令人回味。✨伊比利亞黑毛豬梅肉✨質感細膩，脂肪比例佳，肉質柔軟，十分滋味。✨澳洲M9和牛牛肉丸✨大粒且帶有嚼勁，肉汁飽滿。✨海鮮拼盤✨包含帆立貝、生蠔及鮑魚等，每一份皆份量十足，鮮甜味美，令海鮮愛好者大呼過癮。✨鮑魚✨玩知識就是折扣，答中四題😍😍，證明寶刀未老🤣🤣✌🏻✌🏻✌🏻除了新鮮生鮑魚外，還有傳統醉鮑魚、炭燒鹽蔥風味及帶有柚子燒汁的款式。鮑魚體積飽滿有彈性，柚子醬汁帶來一抹清新口感，令人難忘。✨小食✨充滿椰子元素：椰酥跳跳豬一口一爆香，黃金椰絲蝦丸鮮甜彈牙，椰林火山脆薯條脆到連朋友都話high！配埋香椰火焰醬同椰汁美奶滋，重點係椰味唔膩，醬汁令人食不停口。✨甜品✨必食香芋椰漿脆脆，芋香同椰漿夾雜，crispy texture真係收官一流。✨飲品✨粉桃椰香、冰檸伴椰同藍調微風，每杯都係夏日渡假Feel，晚市套餐仲可以任飲，開心到喊！店舖有🎉【優惠活動】🎉：1️⃣學生憑全日制學生證，於星期日至四21:00後入座減$902️⃣ 知識就是折扣答中問題可有即影即有一張、即送鮑魚小吃拼盤及折扣卷3️⃣做粉絲即可獲贈「椰奶蓋芒芒爽」一杯。4️⃣ 酒類暢飲* 「日本黑毛和牛A4+」晚市套餐可享雞尾酒特調飲品及指定啤酒無限暢飲。* 「澳洲極上和牛」套餐可加 $68 升級「酒類任飲」。「炎夏椰樂祭」真係做到沉浸式椰子主題火鍋體驗，咁多新款椰子菜式，細緻又玩味，一場椰子狂歡盛宴，今個夏天牛大人必試！睇更多介紹，馬上Follow我啦😁。#打邊爐必選 #荃灣美食 #荃灣好去處 #荃灣#big_big_foodie #big_big_foodie食勻荃灣#big_big_foodie食勻香港
繼續閱讀
「牛大人」依個名，相信大家一定唔會覺得陌生，不過即使越開越多分店，但都總係要大排長龍！荃灣分店亦唔例外，門口位置企滿晒人！😮😮😮😮😮120分鐘吃到飽套餐，一共有四款:-精選嫩牛 $258-美國特級安格斯 $298-澳洲極上和牛 $338-日本黑毛和牛A 4+ $488🐮🐮🐮🐮🐮湯底亦有10款選擇，而我就揀咗牛夫人秘方麻辣鍋同阿嬤養生濃湯鍋。麻辣鍋揀咗少辣，唔會太辣但帶麻辣香，同牛肉好配。而阿嬤養生濃湯鍋就相對清少少。一濃一淡嘅配搭啱啱好。🌶️🌶️🌶️🌶️🌶️先去拎啲飲品，真係好多選擇！而我就比較鍾意佢地嘅冷泡茶，有：白桃烏龍、桂花烏龍、洛神花茶、武夷大紅袍！另外再叫咗2杯鬼佬啤酒～好易入口，邊飲邊打邊爐真係爽！🍻🍻🍻🍻🍻日本黑毛和牛A 4+套餐每位會贈送澳洲和牛牛丸2粒同海鮮拼盤！海鮮拼盤有鮑魚、聖子、扇貝、生蠔，賣相好吸引。澳洲和牛牛丸同一般牛丸嘅味道完全唔同，口感彈牙之餘，真係有和牛香！🦪🦪🦪🦪🦪套餐除咗有日本黑毛和牛A4+之外，仲有澳洲和牛M5牛肩卷、美國SRF極黑牛、安格斯牛小排、手切封門柳、一口牛肉粒、美國PRIME極級肩里肌、安格斯特選牛板腱、伊比利亞黑毛豬梅肉、紐西蘭羊卷肉、花雕酒雞件、台灣鱸魚片，章魚珍珠漿、蟹籽墨汁漿等等⋯另外仲有好多款鮑魚都係任食！有古法醉鮑魚、炭燒鹽蔥鮑魚、柚子燒汁鮑魚⋯🐮🐷🐔🐑🐟日本黑毛和牛A4+啲雪花真係好靚！放入鍋好快就食得！入口真係好嫩滑，又帶牛脂香！全程主要都係食和牛！真係好滿足！🐮🐮🐮🐮🐮如果一去到好肚餓嘅話，可以直接叫啲小食先，醉鮑魚即叫即食，鮑魚夠大有口感，仲好重酒香味添！另外，台式香腸配蒜片都好好食！🧄🧄🧄🧄🧄另外仲叫咗水蓮菜、福建燕餃、鴨血、炸油條、湯丸、花膠等等⋯鴨血放入麻辣湯好好食，而水蓮菜就唔係周圍食得到！花生湯丸就係意外驚喜，估唔到可以用黎打邊爐，仲要好好食添！🥟🥬🥟🥬🥟最後甜品方面，都有好多選擇，有Movenpick、Oreo 、KitKat 同Dreyers都係任食，餐牌上仲有鮮草凍都係任叫～🍨🍨🍨🍨🍨留意: ❤️ 喺2月7日至20日先有情人節限定dreyers心形雪糕。仲有Mr and Mrs moon主題裝飾❤️
繼續閱讀
香港火鍋放題推薦牛大人台灣火鍋吃到飽性價比高嘅平民火鍋質素一流環境優美火鍋湯底有10多款式選擇有紅燒牛骨湯、酸菜鍋、麻辣、鳳梨雞、蕃茄、養生濃湯等,最近推 出咗幾款期間限定 最後我地簡左好多人食既魚白湯三文魚豆腐鍋,味道清甜,而且材料好足,作為火 鍋湯底同牛肉真系好夾客人可選擇牛肉的種類包括安格斯、和牛等。餐廳更提供台灣直送美食,如豬血糕、花枝丸等。而且佢哋嘅鮑魚都係任點有幾款口味選擇除咗和牛之外佢哋嘅豬肉都好好食食落口感濃郁而且香味十足 真係忍唔住食多幾塊而且佢哋有多款台式食物都好新鮮食左好多款式例如海蝦、蜆、炸雞、蝦餃、凍豆腐等而且仲有限定推出嘅鬼馬油炸鬼脆トト又香 個人最推薦佢 哋嘅台式香腸香腸配埋蒜片一齊食 口感一流雪糕都可以任食仲有 Kitkat同埋雀巢脆皮曲奇等 仲有佢哋新推出嘅 Moveenpick芒果雪葩而且味道選擇好多!!飲品選擇，亦非常多菜式亦非常多有很多種類的菜
繼續閱讀
雖然包括自己在內不少香港人都是牛大人多年來的常客，但不時轉換不同主題依然令人保持新鮮感，而最近正是以「炎夏椰樂祭」為主題。「日本黑毛和牛A4+套餐」正價時段成人每位$488，星期五至日、公眾假期及其前夕另加$10，七月內學生憑全日制學生證於星期日至四21:00後入座因應不同套餐更可享$30-$90折扣優惠。另外，最近更有推廣活動，只要參加答題並答中2、3或5題，即可分別贏取即影即有、鮑魚小吃拼盤或下次惠顧套餐全單八五折作為獎品。兩款期間限定鍋底包括喇沙椰爺仲夏鍋、木瓜椰皇嫩雞鍋，選了後者清甜滋潤。「日本黑毛和牛A4+套餐」會贈送每位兩粒澳洲M9和牛牛丸，一如既往彈牙多汁。而只限一份的海鮮拼盤包括扇貝、生蠔、鮑魚及白鱔片，質素不過不失，勝在鮑魚可以無限追加。日本黑毛和牛A4+及伊比利亞黑毛豬梅肉兩大重點從未令人失望，油花細緻均勻，肉質軟嫩，澳洲和牛M5 牛肩卷、美國SRF極黑牛、安格斯牛小排、手切封門柳等其他肉類水準都一如既往穩定。小食方面包括椰酥跳跳豬、黃金椰絲蝦丸及椰林火山脆薯條，椰酥跳跳豬更是酥脆豐腴，加上椰絲及爆炸糖別出新意，三款炸物配以全新的香椰火焰醬或椰汁美奶滋都相當匹配。其他配料一如既往豐富，最後更有全新的香芋椰漿脆脆作為甜品，粉糯綿密，甜而不膩。「日本黑毛和牛A4+」晚市套餐更可以任飲指定啤酒及每杯原價$58的特調雞尾酒如「粉桃椰香」、「冰檸伴椰」、「藍調微風」，此外，追蹤牛大人社交媒體亦可獲贈「椰奶蓋芒芒爽」一杯。
繼續閱讀
好耐冇打邊爐，牛大人真係好出名，我自己食5:00，未夠鐘都已經排晒隊咁！今次就食任食和牛加鮑魚，仲可以任飲特調同啤酒，真係超滿足！咁啱撞正炎夏椰樂祭，有特別嘅湯底同食物添，我自己就叫咗木瓜椰皇嫩雞鍋，清清爽爽，木瓜仲要好甜！佢哋嘅炎夏椰樂特調，都好特別㗎好清爽！我自己幾鍾意藍調微風，會有檸檬原汁加薄荷酒！黑毛A4和牛肥瘦啱啱好，雪花分布平均，但又唔會好肥，食到牛肉質感同味道！打邊爐嘅鮑魚最好食，爽口彈牙！另外值得一試係墨魚滑，超香！另外佢哋嘅台灣麻辣鴨血都一定要試，唔會好辣，但係好嫩口唔會有怪味！食完一定要食埋movenpick 嘅椰子雪糕,好滿祝
繼續閱讀