牛奶冰室 (SAVANNAH Place)

營業中

休息中

下午茶時段冇咩人坐卡位任揀餐廳環境燈火通明又唔會趕客好舒服職員態度好好 下午茶選擇類型非常多小食 炒粉麵飯 茶餐 三文治價錢正常合理選擇了星洲炒貴刁下午茶份量偏少鑊氣十足味道一流啲粉條係會食到一條條配料充足奶茶茶膽非常正茶味香濃

小朋友上完補習班，就喺附近搵嘢食。見到呢間冰室乾乾淨淨咁，而且見到早餐餐牌好多選擇，所以就入去試吓。叫咗個腸仔伊麵，而家好少地方會用（伊麵）對於小朋友嚟講仲更加容易咬，我小朋友好鍾意食，而且雙拼腸仔會有四條，平時如果其他茶餐廳雙拼腸只各有一條。另外嗌咗火腿通粉，湯底係超濃雞湯，有誠意。餐包好出色，唔係就咁白麵包/烘方包/餐包..而係用咗西式「丹麥酥包」，超香牛油味，咬落酥脆可口，好好味！另外，飲品好驚喜！呢度嘅檸檬水係用新鮮檸檬冷壓的，超好飲呀！唔使成日要篤塊檸檬篤勁耐都出唔到味，又唔使浸太耐有一浸苦澀味。

服務非常好，當飯末煮好，便送上米線先享用，湯沽清主動提供餐飲，現在香港服務業真需要此類態度敬業樂業、希望繼續保持水準，食物可以，最喜歡湯，附近太多普通食品又價格未算合理

呢間分店開咗一段時間，今日終於有機會探店！之前在銅鑼灣分店食過一次lunch，感覺麻麻，$50-$60唔包嘢飲😔麻麻地好食！今次即管試吓喺屋企附近嘅牛奶冰室啦！我哋二人點咗兩個小菜：香蔥鯇魚煲和枝竹蘿蔔牛腩煲，配白飯、熱飲，只係$7x , 再加$18有原盅燉湯。2個煲仔餸都夠鑊氣，大大嚿鯇魚塊、配料充足，有菇仔、薑片、蔥條、大蒜，加埋個芡汁香濃，好惹味！枝竹蘿蔔牛腩煲都好足料㗎，枝竹都有幾塊大大片、牛腩炆得好腍、蘿蔔粒鮮甜，白飯係珍珠米，軟綿綿，兩個餸啲汁都比較濃味可以撈飯！都幾好好味，下次可以試埋燉湯同其他菜式！茶餐廳價錢，酒樓級小炒水準，不錯不錯！性價比味道環境

呢間係我地平時做完gym既飯堂🩵將南呢頭真係好難搵到野食，就算有好多都係好早就收工，好彩有牛奶冰室，有時我見9點幾都仲有好多人叫外賣‼️🩵蒜香蜜汁叉燒蛋飯朋友大推呢個叉燒蛋飯!叉燒味道岩岩好，甜甜地，而且基本上每次食都係半肥瘦既叉燒(已經食左3次以上)再加上佢可以由雙蛋免費升級為三蛋!一定夠飽啦🩵鮮茄滑蛋豆腐牛肉湯米線有家的味道，飲落唔似MSG湯底，好香濃既蕃茄味，豆腐都足足有半盒架我估，仲可以配飯或者米線，如果可以配埋鳥冬或者米粉就好了🩵爆漿拉絲菠蘿包見到佢地既宣傳海報已經好想食，如果係堂食，餐廳仲會加熱埋，入面全部都係熱辣辣既芝士，好香好濃，但係食落又唔會好膩，不過都係一人一半夠啦xd而且個皮都好脆

服務態度差，外賣自取都要一個鐘。平時好少寫食評，呢間野真係慢，由佢accept張單，到有得攞要成個鐘，諗住20-25mins左右應該OK啦(香港餐廳平均應該冇咁耐)，落去企係門口等，結果等咗成大半個鐘先有，問啲姐姐，服務態度好差。遲過我落單都有得攞，即係單號係我後面嘅都快過我，在門口等只腳不斷被蚊，真係受罪。老實講句，啲野質素係正常，不過啲效率同態度就...如果外賣，唔建議呢間，真係好慢

將軍澳南新開張冰室屋企人試過唔錯，晚餐繁忙時間都要排隊等，餐廳乾淨又大又光猛，以二至四人枱為主😄今次試咗三個小菜蔥油餐肉煎蛋飯🍳味道OK, 餐肉🐽份量十足 有兩隻流心煎蛋不過蔥油比較一般，覺得唔夠香另外加$6叫左杯冇檸檬🍋嘅檸檬茶🥤老公就食酸菜魚🐟魚份量都多，有啲好粗嘅粉絲墊底，辣辣地幾好味😋仔仔就食咗咕嚕肉🍍🥩最好食係呢個，外脆內軟酸甜汁啱啱好👍一口一啖👄份量十足👍唯獨白飯口感有啲奇怪，用珍珠米，但偏硬，如果可以改善下就好喇🤭晚餐又多一個好選擇👏👏

蒜香蜜汁叉燒煎半焗雙蛋飯標題好清晰係配雙蛋，點知在手機app點餐時有驚喜，原來可以(免費)升級為三蛋，對於喜歡食蛋嘅人當然好吸引；一隻雞蛋成本不高，但係就俾到一個格外驚喜給食客，這個卓頭相當不俗。另外，蜜汁叉燒咬落軟腍腍，一啲都唔韌口感幾好👍🏻勁脆嫩滑炸雞髀餐雞髀份足合理，炸髀肉唔會炸到乾爭爭皮脆肉嫩；此外，薯條份足十足外脆內軟，下午茶必食之選。落單手機app落單希望可以加上走紙飲管的選項，唔啱用嘅人就唔使嘥嘢。

今日去咗牛奶冰室食飯，真係有啲驚喜😋。我點咗個午餐套餐，包括叉燒煎蛋雙拼飯、牛奶春卷仲有杯黑糖椰奶紅豆冰。首先講下個叉燒煎蛋雙拼飯，叉燒味道唔錯，唔會太甜，煎蛋煎得恰到好處，蛋黃仲流心，好正！😋配埋白飯，真係食得好開心。牛奶春卷係另一個驚喜，外表炸得金黃色脆卜卜，內餡豐富，牛奶餡滑溜香甜，一咬落去滿口香。👍飲品方面，我點咗杯黑糖椰奶紅豆冰，好清新，黑糖香甜但唔會太膩，椰奶同紅豆完美結合，夏天飲一流，真係消暑良品。🥤今次價錢合理，食物質素高，環境亦都舒服，服務態度唔錯，值得再嚟！如果你都鐘意食港式茶餐廳，不妨嚟試下，保證唔會失望！👏

1.父親節知道多人等位堂食，明白嘅，一直企喺門口等冇行開過，但望住佢直接跳咗我個號碼，比下一號碼同樣人數嘅入座，我行過去問佢做咩跳咗我個號碼，佢話係呀你過咗啦，唔好行開下個到你。基本服務業禮貌都冇，一句唔好意思，請等等，全程冇聽過，俾佢咁話差啲以為係我錯。2.第二次去叫外賣，三張單同時落order，落完單「即刻被指令」出門口等。一直企喺門口等冇行開過，後面兩張單已經喺門口叫號碼拎得，又係跳咗我個號碼，我行入去望先見到我嗰袋外賣「放都出晒倒汗水」，問佢地點解冇叫我嗰袋，佢竟然話，係呀「啱啱出㗎咋」拎得啦。當我幾廿年第一次叫外賣？啱啱出會出晒倒汗水？幫襯過兩次 ，兩次嘅用餐經驗都好差。大家可以去親身體驗吓，我就唔會有下次啦。🤗

咖喱牛腩飯咖喱味道不錯，有兩三舊薯仔，但略嫌牛腩份量不足，而碟頭飯啲飯太黏，食落無口感之餘亦欠缺飯香，希望會有所改善。 蔥油煎雞扒飯雞扒煎得唔錯，分量亦算合理，啲飯又係太黏，黐到實一實；蔥油雞扒飯的精粹在於以蔥油的味道，提升雞扒同飯香，但蔥油煮得太生，連個蔥個頭都切埋落去煮，生尚加生，有待改進。服務態度眼見大堂人手足夠，大堂服務員啲服務態度唔夠敏銳，客人揮手示意求助，未有即時反應，如果可以加多啲殷勤招待就好了。

係依間新開餐廳買外賣根本唔需要排隊，大大聲走埋去同收銀講就會優先處理同你落單。詢問返佢點解可以俾人咁樣插隊落單，佢就調轉頭話翻我無出聲企係到唔知我要叫外賣。。。。。。不得了，唔係叫外賣的話，真係企係度問你攞電話號碼咩。早知係咁一早都唔使排隊，一下推開其他人落單啦，快靚正。