牛奶冰室 (寶石大廈)

營業中

休息中

牛奶冰室相信好多人食過，其實都唔使多介紹，今日同未食過呢間冰室嘅朋友試咗佢哋嘅下午茶，大家都覺得幾唔錯。荃灣寶石大廈呢間分店長期都客滿，尤其是下午飯時分，下午茶都要等一陣。啲侍應姐姐禮貌都幾好，但人手有時唔係好夠，而家轉咗手機落單系統就好少少。朋友仔仔叫咗一份紅豆西多士，切開原來係三塊麵包，每層中間都有花生醬，紅豆甜而不漏，食開牛油西多轉下口味都唔錯。我自己就叫咗個迷焗意粉，芝士控大愛，份量少少，過下口癮就夠。新出有一款麵食係魚肉春捲花甲配粉絲或米線，唔記得影相，我自己就幾鍾意，花甲數量好多，但由於裏面都幾多黑椒，食嘅時候都要好小心挑返出嚟，有點麻煩，整體味道係唔錯的。

服務勁慢，上個口水雞飯居然俾碗米線，我女朋友叫個咖喱牛腩飯叫咗半個鐘都未上到，問佢上菜未嘅時候首先話啲飯未熟煮緊又話啲汁煮緊，明明見到佢喺廚房攞盒白飯同啲汁去叮熱。我同屋企人食晒我女朋友碗飯都未上到😀

17-12-2023(Sun)同亞姨，老公睇完爸爸後食晚飯，我哋喺附近茶餐廳食算啦，叫3個餐睇份量有幾多，多就先舀起放入外賣盒拎走，俾我做翌日返工嘅lunch。我哋坐低後完menu，就要:4-5. 熱檸水呢喥嘅熱檸水都係篤好，冇一片片嘅檸檬，就咁飲，冇澀味。1. $63.00蒜香蜜汁叉燒蔥油飯亞姨首先舀開一半到外賣盒俾我，呢晚我冇食到，到翌日帶返公司蒸熱食，叉燒唔肥但鬆軟，都有蜜味，係唔錯。2. $61.00巨人雞扒勁香蔥油飯雞扒外脆內裡juicy，蔥油都夠味，飯係軟硬適中。3. $65.00咖哩牛坑腩飯我試一件，夠腍，都辣辣地，唔食lu。抵食係2.8分

炸魚柳皮脆肉厚，唔錯薯條普通，份量唔算好多炒飯超細碟，幾啖就食晒，但炒得都唔錯，唔會好油，配料普通，整體味道OK雪糕西多士，雪糕味道冇得揀，雲呢拿味，西多士正常，咁樣配合又幾好味！下午茶黎講，性價比低

牛奶冰室開咗三十幾間分店 ，以為應該ok ，叫工人姐姐外賣返屋企食 ，叫了鴛鴦焗飯蕃茄汁，咖哩牛腩飯， 焗肉醬意粉 ，啲鴛鴦焗飯雞扒同豬扒碎濕濕硬崩崩， 菜味怪 到一般 ，焗肉醬意粉出水， 咖哩牛腩飯死辣味， 啲飯淋，牛腩切到 碎粒粒 ， 荃灣區來說，跟紅茶差好遠， 雖然紅茶重口味， 好Q咸,食得多會腎病 ,但係事先同佢講唔好咁重手啲嘢食其實都可以接受， 我覺得荃灣六和冰室啲咖喱好食好多，暫時六和冰室算荃灣區頭幾位，生意旺證明一切， 我認為富都算差 ，但都牛奶冰室都富都差，以後都唔會叫荃灣呢一間！我諗其他分店都唔慌會好得去幾多！ 咁嘅質素都開到咁多分店，飲食業真係咁好做？ 不喜勿插！ 橄欖寫完200字

^_^之前爆漿拉絲菠蘿包係必食！咬每一啖都要好小心，因為啲醬會爆出嚟😱另外煎蛋會落美極醬油 正！其實呢度應該要飲凍檸茶因為杯凍檸茶係唔使吉檸檬已經放晒檸檬汁同肉我覺得真係幾特別因為我未試過不過有得督吓檸檬好似過癮啲

今天行咗好耐，終於搵到間睇落幾好唔錯嘅餐廳試下！叫咗個叉燒流心蛋飯！👍最欣賞嘅係佢啲飯同埋叉燒翻到公司仲係暖😆😆呢盒外賣嘅賣相唔差，睇見都已經好想食！可能因為我太肚餓啦。講返個叉燒飯，個叉燒係厚切嘅，識落呢都唔會話太乾身，啱晒呢鍾意啖啖肉嘅朋友！而個蛋都做得好好，因為呢我最鍾意呢就係留心嘅蛋，咁佢呢裏面都唔會話主導泰雅識落都有流心蛋嘅感覺。整體嚟講佢嘅服務同埋食物質素都唔太差，如果大家去開附近又想食個快餐呢一間都係一個唔錯嘅選擇，當然佢仲有其他唔同款式啦，你哋都可以試吓。

【荃灣區】【牛奶冰室】由於要去荃灣買啲嘢，所以就喺荃灣出現咗。以前曾經喺荃灣返工，不過由於當時人工唔足以令我食到好多嘢，所以嗰時主力都係食某幾間平靚正嘅嘢就算。而有啲新開嘅我甚至係見都未見過，好似經過寶石大廈見到嘅呢間新派冰室就係其一。本身喺呢頭附近我只係記得有校長燒肉，佢嘅前身係韓日燒，即係明將化身嗰間，再之前就應該係扒王之王嚟。而佢對面就係我今次要講嗰度，我都唔知之前佢係咩嚟，我只係記得自己第一次做婚禮司儀就係喺呢度上面，好似係煌府嚟。而入到呢間牛奶冰室之後，覺得佢個裝修都幾得意，走些少工業風加上木色陳設之餘，又周圍都係黑白乳牛 style 嘅嘢，幾有趣。餐牌上面嘅「爆漿拉絲菠蘿包」，見佢喺門口有，都好吸引，金黃鬆脆菠蘿包配上邪惡嘅芝士拉絲，都想睇吓會係點。不過想食正餐先嘅我都係叫個「全日常餐」先，食「生滾牛肉湯通粉」，講到係選用「營養牛乳湯底」咁過癮，但係當我轉食「即食伊麵」嘅話，又冇人提我會自動轉做「即食伊麵湯底」，搞到我上菜見到個樣唔對路，食落先知，失望。話雖如此，其實啲牛肉片配以少量薑絲，加埋個福麵咁嘅款嘅麵，都係幾好食嘅，轉個頭就啪晒。「蒜香牛油多士」有兩塊，係幾夠蒜香味

第一次見到餐廳午餐去到下午6點鐘，下午5:53分去落order, cashier話已經截單⋯？但可以用晚餐價錢落同一個餐的order…??全間餐廳所有枱面加埋cashier嘅枱面都係放午餐及下午茶餐牌出嚟俾人客睇，但晚餐的餐牌就一個都無放出嚟，而且隔離剛剛坐低的客人仲可以落下午茶order！?如果cashier係唔想賣午餐的話，應該收起餐牌，俾晩餐的餐牌給人客睇，而唔係拖幾分鐘唔幫客人落單，然後叫人哋俾晚餐價錢！

上星期同🤴🏻食完個唔錯嘅Lunch，見到餐牌有做羊🐏腩煲，鍾意食羊🐏腩煲嘅🤴🏻梗係唔可以錯過啦！😋😋～～～傳統. 滋補 . 羊🐏腩煲～～～羊🐏腩煲沒有跟飯🍚只有跟生菜🥬，但套餐可以好似火鍋咁自己另外加材料，我哋就加咗肥牛🐂、響鈴同即食麵😝😝剛剛上枱個煲好似細咗啲😅😅，羊🐏肉Size偏細粒，不過粒數到幾多😁😁，羊🐏腩汁都幾濃夠重口味😚😚！兩個人一個羊🐏腩煲真係唔夠食好彩叫咗配料特別係個即食麵，我就食得好飽，但🤴🏻就一般般🤣🤣叫咗嘅響鈴同即食麵充分做到卦汁嘅效果，勁正👍🏻👍🏻，但肥牛🐂味就比羊腩汁蓋過晒😐😐另外跟餐嘅檸🍋樂同檸🍋七係冇一片片嘅檸檬🍋俾你 ‘ 督 ’ ，係放檸檬🍋汁嘅凍檸🍋樂同凍檸🍋七，味道OK！冇咗浸檸檬🍋皮嘅苦澀味😗😗

之前🤴🏻喺度食過早餐，就話勁難食，我就未食過，今日就約咗🤴🏻去食lunch試吓係咪真係咁難食先😂😂～～～蒜香蜜汁叉燒煎半焗流心雙蛋🥚飯～～～蜜汁叉燒夠甜又厚，🤴🏻好鍾意陣味，而且比嘅蜜汁亦都幾多可以夠撈飯，甜得來唔會過鹹🥳🥳，仲有兩隻蛋真係流心㗎😁😁～～～咖喱牛🐂坑腩飯～～～咖喱味適中，牛肉嘅份量幾多有坑，有腩有牛味☺️☺️，但無可避免牛肉會有少少 ‘ 柴 ’ 口😀😀～～～黑糖牛乳紅豆冰～～～飲慣咗香港嘅椰汁紅豆冰，變咗黑糖味就覺得怪怪地，唔係唔好味，只係有種唔係好夾嘅味道😆😆

開張噤耐，每日都見到有人排隊今日午後時間落雨，見無人排隊就入左去食。問佢可唔可以坐角落張檯，前台話ok坐左埋去見唔到有餐牌就舉手問佢拎，「阿姐，咪係到囉…..…」（指檯下）然後又叫我坐第張檯，因為佢地員工食飯要坐我呢張我話噤岩岩又話坐得…跟住佢又叫我繼續坐，十秒都無又叫我轉檯，彈出彈入….ok….算啦，轉檯落單瑞士雞翼撈公仔麵配蒜蓉牛油多士炒蛋 $54味道正常，都欣賞佢地唔咸唔多汁蒜蓉多士唔夠味….跟餐叫左檸茶，我覺得幾好飲，係篤好左，都多檸最後想講，食左40分鐘，隔離換左兩檯人都係講佢地態度差以今日唔洗排隊，餐廳又少人黎講，環境係ok,但因為啲態度唔會再食！

成日經過都冇食過，見今日有時間就入去食過早餐。宜家入餐廳要掃針卡，佢部電話裝嘅位置令到客人部電話勁反光，勁難掃，浪費左好多時間！餐廳啲位都幾密同幾迫下，不過餐廳樓底幾高，坐落都幾ok，加上一排大窗，視野廣闊，冇咩壓迫感。💕火腿濃湯通粉$35💕牛乳炒滑蛋配蒜香多士💕凍檸茶+$3落單約5分鐘後就有得食，個碗勁大，火腿片超多，一入口個啖湯係忌廉湯，牛奶味唔覺，但湯底可以的。通粉係有啲啱啱淥熟咁，另外啲菜係介蘭？介蘭切片，但配通粉口感很怪很生硬，唔係幾夾。牛乳炒滑蛋好香，有牛油味，滑蛋ok滑。蒜香多士，有烘底，好食。凍檸茶，第一次見杯凍檸茶冇檸檬片，原來呢個係餐廳特色，先將檸檬打碎再沖，一飲落去係好重檸檬味，冇咩茶味，唔係咁講究茶底嘅朋友都可以接受，呢杯仲要好大杯，好冰凍。

叫左兩個外賣，一個雞扒即食通粉另一個火腿通粉。返到屋企一打開個蓋，已經見到有隻昆蟲屍體浮起湯面上，然後發覺唔對路，繼續喺湯入邊搵到好多又有幼蟲，叫人點食得落呀！撈咗至少五隻以上係一碗入邊。離晒譜

今日是2022年7月5日，我一直在荃灣上班，朝早常試食各款唔同嘅早餐。經過沙咀道時見到有一間裝修唔錯茶餐廳，因為返工趕時間所以就叫外賣。收銀姨姨略帶口音，態度一般，睇完餐牌，叫咗個麥皮餐，想叫熱檸茶一片檸片，收銀姨姨話餐廳用檸檬汁的，WHAT!用檸檬汁咪唔可以根據自己口味調節酸度，唔係呀嘛！跟住我想炒蛋轉太陽蛋收銀姨姨又話要加$3WHAT!凍飲加兩蚊就話啫，轉太陽蛋加$3簡直係難為客人，方便自己，沒有香港茶餐廳嘅精神。等候時間都可以接受。拎外賣嘅時候，啲職員真係講嘢都慳返，一句聲都唔會同你講。返到去打開嚟食炒蛋還可以，檸檬茶一般，個問題係個麥皮，唔知點解有一大舊蛋白喺度，另外都有幾舊蛋白完全冇攪勻嚟煮呢一間餐廳冇乜必要唔好再食，完全唔會推介俾大家。