牛気 (將軍澳中心)

營業中

休息中

今日放假去將軍澳中心探朋友 所以揀咗日式火鍋同朋友烚下烚下之前就食開台式火鍋 因為貪佢配料同埋小食多做功課上網睇話牛小排餐抵食 所以揀咗牛小排餐但嚟到既牛小排中間好肥 肩胛肉眼都係肥.. 豚肉普普通通可接受之後出去夾下啲菜丸 丸類都算多 有8-9款 但啲菜唔多新鮮 白蘿蔔發黃 萵筍有啲橙色根 唐生菜啲根位都發黃 唔多開胃 張枱又污糟 好多其他客夾跌左既菜 醬料嗰個位又污糟 啲醬料周圍都係 完全冇人清潔 之後夾左少少凍蝦 但食落梅 仲要腥 冇興趣另外甜品 貓爪大福幾得意 同埋好食 係OREO味道水果有哈蜜瓜同埋西瓜 西瓜都幾甜 但哈密瓜唔知點解全部切到平頭咁 最甜既部位反而冇左...之後等左幾次都等唔到芒果椰汁紫米..好彩走之前都食到個..但有啲鹹同埋軟爛 完全食唔落口整體體驗好差 絕無下次

本人最差的牛氣體驗，本次分享特別在於經歷對客人的服務態度不是食物質素，我帶小朋友去食lunch，一入去已經感受到當日經理不禮貌的對待，好似唔想做我地生意咁，但係應誠左小朋友食牛氣就唯有繼續，小朋友去拎棉花糖既時候亦都係旁邊用極度厭惡的眼神，望住小朋友，但係小朋友都無留意所意都算，去到埋單，想比Credit卡，個經理就開始黎料，用極都差的態度，問我地*咩卡丫*講清楚好喎，ok～ Credit卡真係有好多種，但係佢問既語氣同態度真係差到極點，自問小朋友係好乖既，我唔明有咩野得罪左個經理，小朋友無搗亂，無大叫無喊過，乖乖係位食野無影響到其他人，可能佢特別唔鍾意小朋友，由我帶著小朋友拎位既時候就好似仇人咁望住我地，我真心覺得唔值得受到咁既對待，如果諗住帶小朋友一家人去食呢間牛氣，一定唔會有開心既體驗，如果唔介意搭車遠小小，強力建議搭兩個站去康城，體驗截然不同。

食物種類多，環境乾淨唯獨一個高大男性經理火氣好大，整個用餐過程都冇交流，但比錢嘅時候好似撩交嗌咁。同行友人問經理嘅態友好好，但經理大大聲聲呼喝友人，最後埋單有個差體驗。

今日同老公去咗牛氣食佢$308個餐，d牛真係麻麻地，無咩牛味，本身都唔想去食，但老公好想食牛，其實之前都食過，好似仲貴d個餐，但真心唔低食，無咩失望因為本身無期望，應該可能都係燒肉岩我多d,其他嘅食物，我哋都無咩點試，因為都唔吸引，好在之後有d生果，滿足下，佢個楊枝甘露都OK嘅，仲有個蛋糕仔都幾好食，但個葡撻就冇蛋味，豆腐唔太滑，總括嚟講，真係唔太吸引

以前成日來依間打邊爐,但最近的素質開始下降,叫的係極上套餐,第一盤來既時候無上次咁𡃁,海鮮同以前一樣,但是三文魚無以前好,吃下去有D梅,看上去無以前新鮮.另外侍應介紹的自助吧款式都很多,丸類也比以前的多,但食物牌的名字好像都是錯的,而且菜類看上去發黃乾啞.. 見到都不想夾..以及甜品的款式也比以往的多,但味道就一般一般.但值得一讚的是侍應的服務態度很好,會問你需要加湯?需要加肉?這樣會感受到有被服務的感覺.但這樣既質素繼續下去只係趕客,一粒老鼠屎,壞了一鍋粥,素質的確大不如前...

今天特意來吃火鍋，在外面經過，當時沒有太多客人，對我們消費者來說是好的，因為環境會比較舒適，所以就選擇光臨牛氣吃火鍋。我們點的是黑安格斯套餐，頭盤來的牛肉還可以，可是之後再點的肉類就比較差，牛小排很肥，牛肩肉跟肩胛肉眼看不出差別⋯不知道是剛好同一個部位還是混出欺騙客人。中間的菜類跟丸類款式也多，可以試多點不同的食物。而雪糕有兩種口味，朱古力跟抹茶，味道尚算可以。之後被甜品櫃那邊的草莓奶凍包裝紙吸引到😍可是打開之後讓人沒吃慾🤮很多泡泡在面上，好像一層膜。後來點了一個抹茶布丁，吃下去有奇怪的味道⋯很噁⋯好像過期牛奶一樣⋯這次體驗很差，下次應該不會再來⋯

這一陣子沒有跟爺爺/嫲嫲見面及食飯已經一段時間.係時候應該跟兩位老人家問候一句.再給爺爺/嫲嫲一個驚喜.同佢哋一齊出去食吓晚飯.因佢哋住喺將軍澳.所以揀咗將軍澳中心商場嘅牛氣.我哋17:30入場.牛牛火鍋放題有90分鐘或者120分鐘兩個時間.當然時間與金錢掛勾.越長肯定越貴.還有肉嘅質地種類都係關事.呢度有好多唔同嘅放題套餐選擇.出面嘅自助吧及飲品都係免費自取.要求壽喜燒湯底要另加＄10元.我哋選擇咗黑安格斯牛➕SRF極黑牛➕壽喜燒湯底.（晚市時段放題）時間：120分鐘.每位$308元/長者：每位$238🚶🏻‍♂️👉📌牛気 (將軍澳中心) (將軍澳)將軍澳唐德街9號將軍澳中心1樓140-141號舖

佢嘅牛真係無得頂，重要食足咁多分鐘，一份到佢會俾個9格牛俾我，一路燒一路食一路簡其他野食，真無好正～D野都上得好快～食到最黎無限雪糕任食😆😆真係太正啦⋯⋯差少少嘅部份係個甜品係窩夫，可能用燈照得太耐有陣有益聞

已經第N次黎食火煱，首先讚一讚現場環境及食物都好乾淨，整體舒服，座位大部份喺卡位，唔會好迫。食物方今次點了安格斯＄298牛肉餐,每碟肉的上枱質素都好平均，好新鮮，不會太肥，肉質鮮嫩彈牙，質素好滿意。配菜方面：丸類及菜類選擇都很多，特別一讚豆腐很滑重豆味，有Encore.飲品方面：咖啡有驚喜，我地試左朱古力咖啡及鴛鴦，好香奶味又唔會好甜，再次Encore 了一杯。甜品選擇不算很好，但都係有質素的甜品，楊枝甘露及抹茶豆乳布甸都很讚。

我估住將軍澳站嘅人都會嚟過牛気打邊爐，位於地鐵上蓋，非常就腳，地方大，地坐舒適，食物選擇多，牛肉新鮮嫩滑，淨食牛都包你笑住走😂.除咗火鍋，熟食選擇都唔少，茶葉多、牛腩、鹵水雞翼等等，當然甜品雪糕、蛋捲、布甸，樣樣都有😎😎 飲品選擇極多😎😎.澳洲極上和牛+海鮮放題 $438120 分鐘 食得非常輕鬆，上菜極快😎.先落左個鍋底 - 日式牛骨濃湯（微辣）湯底味道唔錯，滾完啲肉唔點醬都可以，好少少辣，所以唔食辣嘅都可以放心點😂.澳洲極上和牛澳洲榖飼黑安格斯牛SRF美國極黑牛特選牛小排PRI美國肩胛肉眼穀飼牛肩肉精選雞腿肉特選豚肉原隻鮑魚特選海鮮日本帆立貝挪威三文魚刺身花膠青口大海蝦墨魚滑爽脆水魷.肉類方面超多選擇，我地先全部叫碟試吓邊款肉最啱心水，之後有咩想食再encore 😎 肉類方面，我就最鍾意澳洲極上和牛，唔太肥但肉質鬆軟唔會痴牙，7成熟即食入口即溶😎😎其他牛肉豬肉雞肉質素都唔錯，肉味好濃，海鮮拼盤隻海蝦爽口彈牙😍.特別一提，服務質素好好，侍應真係好有禮貌，成日問夠唔夠食，真係好落力照顧客人🫶🏻🫶🏻.📍牛気（將軍澳中心）地址：將軍澳唐德街9號將軍澳中心1樓

好耐無打邊爐，就揀左間嚟食有好多款餐揀，每款差幾十蚊，多1-2款食材我地揀左有和牛嗰個.環境就還好啦我地早到，坐四人枱，都算寬躺近門口嗰張，有好有唔好啦近食物區方便拎，又長期有個staff喺度需要嗌人都唔洗等太耐不過就多人出入.野食都算多款式揀不過鍾意食嘅野嚟嚟口去去都係嗰啲啦.有熟食唔同嘅丸蛋呢個烏冬幾好食羽衣甘藍幾出色感覺消哂啲油🤣芝心丸👍🏻野食都算多款揀不過無糖菜太多人飲，refill得唔夠快所以唔夠凍呢部綿花糖機好出色！大人細佬都有走去自己整好好玩😂味道就唔好太高期望都係享受玩嘅過程啫🤣我地揀左呢兩個湯底豬骨okay，但辣嗰個就麻麻當然唔少得個重頭戲啦不斷refill😎個set仲包埋海鮮.呢餐食得好飽👍🏻兩個人$800有找

今日繼續牛氣！！繼續見到7月有優惠：指定套餐，需於19:00前離座！2人同行，1人半價；4人同行，1人免費。除指定套餐，午市每人可享激減$40。看看大家各自所需來選擇啦！！最想講的是：他們終於加了芫茜！！！！！！！！作為芫茜控，簡直令我喜出望外，簡直想俾100分！！！澳洲和牛仍然好好味！！當加了芫茜，又發現他們改了海鮮/甜品品種：沒有了puff；改了一些精緻甜點，但老公話唔好食；帶子：改為帆立貝，味道更好！(本來帶子沒有味道)；蠔：改為水魷； 水魷出奇地好味，當然我想食蠔多D！！今次發現他們推出了優惠：購買$2000 現金劵，即享 $3000 餐飲劵！！

因為168斷食，所以好多時都一日一餐就算，其實好方便又好多選擇！牛氣其實食左好多次，我地都係食“極上和牛+海鮮放題 $398”，因為有多30分鐘，即係2小時任食🤗 舒服好多，唔洗趕，又可以傾下計！牛氣嘅澳牛係好味，牛味濃，但唔夠日本和牛滑。不過呢個價錢，仲有鮑魚、大蝦、蠔、花膠，仲有三文魚刺身任食 (其實仲有墨魚滑、帶子、墨魚仔＆青口)，抵啦！我地每次都 encore 牛 x 6-7碟 + 海鮮 x 2-3碟 😍😍😍最近發現佢d壽司終於係叫先做，而唔係放喺度俾你攞，衞生度增加左，十分好！ (我無食，因為已經好飽！)將軍澳中心嘅知客同清潔/拎餸姐姐好好禮貌，仲會問下你d野好無食，感覺好親切！！我地食午市時段 (17:00前入座就當午餐價，省錢秘笈！🥰)，多數都有卡位坐。用餐果日係6月21日，指定套餐有 2人同行1人半價 或 4人同行1人免費； 又或者午市每人減$40。不過，唔知7月仲有無呢個優惠😊

2022-06-03女朋友突然話想打邊爐🥘身處係將軍澳見到牛気，就決定拎位試吓😝拎位嘅時間都晚上8:30了🕣等位人數都比較少所以好快入得去食😊我哋揀咗最平穀飼牛肩肉放題🐂可以去外面拎熟食同飲料🥤比較特別嘅食物流心奶皇包，自制棉花糖🍬今次我哋就坐卡位好闊落😊湯底我哋揀咗塼多豚骨濃湯，味道清甜🐷頭轉嘅牛肉顏色好靚，無奇怪紅色，雪花都正常，無高血壓，味道方面有牛味，肉質正常🐂甜品有雪糕機，大量小蛋糕🍰整體食物方面好意外，揀個最平以為好差點知又幾好食😂服務態度非常好，有禮貌，叫拎碟牛好快到🍽推介食依間分店牛気👍🏻#牛気#穀飼牛肩肉放題#穀飼牛肩肉#特選豚肉#精選鷄腿肉#阿文師蝦餃

食食吓墨魚滑，見唔到裏面有昆蟲，我立刻搵經理，經理末經我同意就立刻收左碟昆蟲墨魚滑去廚房。再講多聲唔好意思就算數 我都費事同佢嘈食過咁多間牛氣 依家衛生最差👎👎👎