牛男手作

營業中

休息中

因為我小朋友對菠蘿敏感，而我亦對蛋黃醬敏感，當我致電老闆同佢講返呢個情況，佢好有耐性咁同我講 佢會留意住我張單。另外我係嗌套餐既 佢其中一款小食賣晒，但係老闆好好，佢有推介其他小食俾我，但係我都唔太鍾意，然後佢會根據返我嘅喜好幫我換另一款同樣都係榴槤既小食。老闆真係好好人亦都好有耐性。。。個榴槤pizza真係勁香勁好食😋杯榴槤飲品都好重榴槤味，至於個小食更加唔使講😍😍😍😍跟住個芝士夏威夷pizza都勁重芝士味😍

這家牛雜店的牛雜口感豐富，肉質鮮嫩，讓人一口接一口，是消夜的好選擇。店家的湯頭味道濃郁，配上牛雜更加美味。此外，店家還提供了其他的小吃，如炸雞髀和炸薯條等，口感也很不錯。店家的價格非常實惠，是一個非常經濟實惠的選擇。整體來說，這家牛雜店的牛雜豐富美味，湯頭濃郁，其他小吃也很不錯，價格實惠，是一個不容錯過的好選擇，特別是在消夜時段。

首先，每逢夜晚食宵夜啊我一定會去呢間小店唔到食小食，我嚟咗咁多次都未見過佢有一日係休息嘅。基本上呢間嘢嘅嘢食我都全部試過晒，小食嘅有魚蛋燒賣有三寶，如果你嫌唔夠飽佢仲有Pizza同埋五花八門嘅炒飯。佢哋所有嘢都係寂靜即食，嘢食全部都係熱辣辣，嫌唔夠居然仲有珍珠奶茶飲。呢間嘢通常都好多人食，有時見到都有好多後生仔打完波就會去食，所以一般有時都會等一陣間，但居然老闆娘同老闆佢有時佢會見到你等得來嘅時候講緊10分鐘到，佢居然會行出嚟送你一支水或者一包嘢飲，相當識做，我講緊都有幾次試過，有時小食嘅味道仲會食得到人情味。

由荃灣地鐵站行過去10分鐘左右，都唔算太遠。舖面光猛，小食算係多種類選擇，可以QR Code落單，方便快捷。第一次幫襯，我點左燒鰻魚，燒雞腎，燒魷魚，燒司華力腸，韮菜豬紅豬大腸，炸燒賣，炸雞軟骨，煎釀3寶，榴槤沙冰，蜜汁燒雞脾。本身仲想食埋Pizza，見到好多人外賣拎走，但已經太飽了要留待下次食。老闆娘同老闆都好nice，食得出係用心制作，讚。雖然冇堂食，但店舖附近有公家櫈可以坐，正正就係街邊小食。間野好似1500~1700開門(時間不定，因為要等老闆訓醒先開工)，0330關門。

住大窩口嘅都知道，呢條街嘅宵夜鋪開到好晏，呢間特別在佢嘅宵夜有好多唔同嘅食物揀，例如炒飯，pizza。而且佢仲有得手機落咗單先，喺屋企落完單先行落嚟拎，唔使等咁耐。次次去呢間舖都會食佢嘅燒雞髀，因為又平又大隻。

又係一間成日落嚟買宵夜嘅舖頭，佢有唔同嘅地道小食，例如燒賣、牛雜、格仔餅、雞蛋仔。今次就想試吓新野，叫咗個芝士年糕嚟食，酥酥脆脆咁，個心入面有啲芝士，都幾好食。雖然價錢有少少貴，不過偶爾食下都無妨嘅，下次試埋其他嘢食先。

明明叫咗生菜牛雜湯烏冬 然後佢俾咗生菜魚肉湯烏冬，我問佢係唔係整錯佢話係生菜然後係牛雜湯嘅烏冬但係餐牌有生菜魚肉湯烏冬 。佢答我剛才順時都震曬口，其實講住整錯咪得囉， 點解要搵另一個大話嵌住個自己做錯嘅事呢