牛皇世家 (已結業)

成日打邊爐都係去開太子過邊，呢次朋友話尖沙咀呢度開左間食牛食海鮮都好正既餐廳，所以就話上黎試下啦。黎到呢度，感覺裝修得都算大氣，野食選擇都好多款，刺身或牛都好多，齋睇相片已經覺得好好味，但資金有限，哈哈，我地只係叫左兩三樣，但都完全夠食，因為好味既野，食少少就已經好夠！啲刺身好新鮮，平時食刺身好挑剔既我呢次都覺得幾好，說明真係唔錯。牛同出邊既牛都好唔同，呢度既牛好有牛味，而且較爽，同出邊既和牛好唔同。總之一句話，好好味啦

今日難得好友同我都dayoff，過黎尖沙咀行街街，行行下好肚餓，於是就上左黎呢間牛皇世家食牛。啲野食好新鮮同埋個樣擺得好靚，簡直望到都流口水。呢度都算幾大間，啲檯都算大張，唔知點解藍色既凳比人一種舒服既感覺，就算一大班朋友過黎食都ok無問題，唔會窄，食野除左野食要好味，坐得舒服都好緊要架。我地中午lunch可以食得多啲，唔會怕肥，叫左都幾多野食，兩個人搞掂左幾碟野，都算呢度野食夠吸引既啦！新鮮係我食野既最基本要求，好彩呢度野食夠曬新鮮！

坐得舒服,冷氣幾,服務一流,食物質素高,牛呀，丸呀都幾好食。主打牛眼肉邊睇波有4部大電視，每邊两部一定睇到。今日巴西對哥斯達黎加，一大班同事上去邊睇邊食又玩估波膽，估仲全單8折，雖然估唔到但老闆請多支大beer

蛋黃鷄軟骨好好食。黑毛豬一流。全埸氣氛熱烈。東爪瑤柱湯底好正。最緊要老闆好好人。巴西贏波請全塲飲啤酒。氣氛好熱烈。脆肉鯇真係脆卜卜。服務認真。真係睇世界杯一流嘅選擇。

老公話星期六想出去揾間有得睇波既地方食晚餐，咁岩喺尖沙咀用openrice search到依間新開既火鍋店，所以去試下。餐廳環境新淨，枱同枱之間有足夠空間，有卡位又有圓枱同VIP房，睇波唔怕同人迫。牛三拼好好味，特別有個叫腩心邊最好味，食得出係新鮮靚牛，重牛味。水餃都好好味。另推介清湯萌沙腩小食(限量供應)，3分鐘都唔駛已清晒個碟，所以冇影相。下次會再去食。餐廳職員有禮，最後仲送左個生果盤比我地食。呀囡有得食水果最開心。