牛舞日本燒肉‧涮涮鍋放題 (利舞臺廣場)

營業中

休息中

餐廳平時做開日本燒肉放題嘅，咁本來lunch time都唔諗住去食㗎啦點知路過又見到原來佢有做午市套餐喎！都幾抵食，可以叫一份日式嘅飯或者烏冬啦，或者一個少量嘅一人份量燒肉，就可以任食去啲生果呀，甜品呀，飲麵豉湯同汽水等等咁呢個價錢$100樓下真係算好抵食，環境又舒服佢個主食照燒雞扒飯就一般啦 咁我就不停食佢其他嗰啲任食食物😆😆都算有多元化，有生果西瓜，有泡芙，小蛋糕，仲有唔同嘅雪糕呀，雪條等等啲味都幾特別有海鹽味，同埋奶茶味

今日老友請我嚟牛舞食燒肉，佢竟然好豪咁叫個A餐，仲以為佢發咗達，點知食落原來都幾好味係值呢個價。一開始有侍應拎個吉煲過嚟，原來用嚟煮壽喜燒，喺你面前煮係幾特別。Buffet吧出邊啲嘢都係任食，不過都係啲炸嘢咖喱咁，咁我食俾得呢個錢梗係專心食牛啦。日本和牛都算幾多選擇，仲每種配埋唔同汁，但係基本上就咁落鹽已經最能夠食到牛味。員工會主動教你點樣燒，我最初嗰幾塊全部燶，下次同女朋友出街可以喺佢面前表演吓。員工基本上都算親切有禮，會主動幫你換網又會主動幫你介紹吓啲嘢食，放題嚟講到算係咁。應該會再嚟。

今日一個人去行街 一支公 無個伴。😂見利舞臺有間牛舞有燒肉有打邊爐未試過2樣都有既餐廳咪去試下囉 睇完個餐牌叫左最平C餐試下 食完又ok wo 叫啲牛板腱 有一片片有一口牛有條狀既 可以叫吾同既汁 食完口感都吾錯 起碼吾韌先 餐廳擺放咗好多唔同嘅食物甜品飲品打邊爐既野食 可以有下次👍🏻啲相你哋自己睇啦

在openrice book位時禁左7 位，其實是6位大人，一位23個月大BB, 畢竟openrice無得比我選擇大人／小童，咁我照禁7字好合理丫，去到都要有張凳比佢坐吧？去到現場，睇清楚哂條款2歲以下係免費，咁我都同肥仔經理講聲，我地7位其中一位是BB...關於座位方面佢當時都無咩特別講，答左我ok到入座, 佢比左張8人檯然後用隔板隔開2個位唔比我話一陣會有人坐，實質比6個位我，我話7位喎，佢聲線是一直保持禮貌的回應‘’其實BB都已經無收你錢‘’，我地o哂咀，咁你叫佢坐邊？佢擔多張凳夾硬攝落兩張凳中間, 有小朋友既都知道，要餵小朋友食粥媽媽自己又要食野，比個位佢坐定定係好重要，無收費難道想我手抱佢嗎？媽媽仲一袋2袋，況且當日唔full, endup我地隔離被隔板隔開果兩個位最終都係無人坐。訂位時已經訂7位，係咪應該比返7個位既空間我呢？就算是BB小朋友係咪都應該安排一個合適位置比佢呢？如果全場爆滿，被間開既兩個吉位有人等我都覺得可以體諒，但唔係嘛？撇除座位安排問題，食物係ok的，只係被迫6個人用一個爐打哂交（本身應該有2個爐）！

食物可以 但服務態度頗差的體驗 （年輕的侍應服務都很好 唯獨一位中年的侍應很差）book了17:30 17:33就通知17:40未人齊入座就要取消我們的預約 入座後中年侍應就強調如果要享用85折優惠1930就要已經埋好單 然後我和朋友去夾餸時 那位侍應走過來通知他1900就會上蛋糕 因為是幫朋友慶祝想保持驚喜 所以希望他下次不要當面問 雖然沒有下次了 到了1900 他就把蛋糕連盒掉到我們的抬面 這間餐廳是有收切餅費的 但連刀也沒有 至少可以把蛋糕的包裝盒拿掉吧 當然也沒有點蠟燭 不過還是有好侍應的 我們請人把枱面清潔 還有借火機 兩個年輕的侍應馬上就幫忙 亦十分樂意禮貌 1928時我們謹記那位侍應的忠告 讓其中一位朋友先賣單 我和另一位朋友把握時間食埋蛋糕 但他說我們還在座位上不可埋單 從未見過如此不近人情 心地又差的侍應 我們離開時餐廳還是半空的 不是那位侍應說的fill booking 如果依間餐廳想繼續給經營 希望他好自為之吧 回歸正傳 食物還是可以的 肉有肉味 不過甜品雪糕選擇少 他海報上的雪糕種類一半都沒有

黎咗第四次，今次隔半年黎食，之前頭盤都叫有水準，食得過，今次真係忍受不了今吹叫咗A餐最貴嗰，頭盤難食到，冇舊咬得入口，麪包蟹又好多水。今次啲肉差咗好多，一個人$5XX，寧願食牛角，冇樣值得食，老顧客黎埋呢次冇下次。而且張枱好多小昆蟲，已經影響食慾，2個人食咗頭盤已經唔想再食，冇諗過同之前黎食差太遠。啲肉食落全部好難咬。我同朋友都話冇下次，夾埋$1100唔知食咗啲咩，又貴又唔好食，食到一肚怨氣，衞生又差

牛舞係一間綜合多元化嘅餐廳，佢有燒肉、打邊爐、日式放題刺身，但係可惜嘅係，雖然佢每樣都有，但係每樣都係普普通通毫無特色。首先，燒肉嗰一part係正常發揮，符合期望嘅水平同競爭對手差不多。但係去到邊爐嗰一part，就唔係好得啦，首先佢啲邊爐牛肉嘅質素係非常之一般，接近超市買到嘅平價質素，而且佢啲肉料選擇唔多。仲有日式放題刺身嘅種類好少，只得五至六款，而且刺身嘅味道係非常之淡，咬落仲要有渣，最後佢哋嘅飲品除咗有汽水機咖啡機之外，就係清一色四洲集團嘅飲品，雪糕甜品方面都係清一色本地品牌。

今日做野做得勁辛苦😵‍💫超級肚餓！即刻同朋友揾下有冇邊間食物選擇多嘅放題食吓先🤣OpenRice又見到牛舞嘅評價好似唔錯啵！😍🍴日式薩摩和牛放題🥢薩摩和牛拼盤呢個係更餐送嘅！有薩摩牛特上西冷、薩摩牛肩胛肉、薩摩牛牛肩胛壽喜燒、薩摩牛牛腹脅肉、薩摩牛牛胸腹肉及是日稀少部位兩款🥢厚切牛舌最鍾意燒到7 8成熟😍咁就啱啱好，唔會太生又唔會太硬😗🥢豬肉芫荽卷串豬肉卷包著新鮮芫荽，香脆味美，口感豐富🥢甲羅燒估唔到呢個餐都仲有埋甲羅燒食！😍就咁食又得，撈埋飯一齊食都得🤪超級無敵滿足！😳😳🥢虎蝦虎蝦新鮮彈牙，唔會痴殼🤪🥢韓國蠔🦪 蠔肉肥美多汁，味道鮮甜🫶🏻🥢蒜香牛油帆立貝帆立貝🐚配上蒜香牛油🧈，係燒烤必食🤓都算幾新鮮🥢炸物呢度嘅雜物都有唔少選擇㗎！有炸墨魚餅、南瓜薯餅、吉列炸蝦🍤同埋甜蜜蜜番薯條！🥢菠蘿🍍菠蘿清甜多汁😋一啲都唔酸🤓📣而家只要加多每人$48就可以升級做刺身飲食！刺身都有七款㗎！有日本甘蝦、八爪魚、三文魚刺身、希靈魚、鯛魚、墨魚同埋北寄貝刺身😍性價比:8/10好食程度😋：8/10回頭指數💓:8/10

三個人食，最貴個餐！頭盤既牛係最靚，之後再俾既牛都有一半係牛脂🫠…其他海鮮就一般，生蠔臭臭地，白鱔隻味食完個口會有浸「甘苦」味，蝦就大隻正常！ 元貝真係一睇就知唔靚，總之，食牛就得架喇～壽喜燒就一般， 自己唔太鍾意甜口既肉。夜晚8:30後 85折， 空間大，好坐！每人$625（已包加一）對比之下，牛角係好食啲既～ 但如果鍾意有埋壽喜燒，牛舞都可以，但價錢真係貴左啲～

在銅鑼灣百貨公司血拼過後，順道到附近的牛舞開餐，和牛放題，正！是大滿足的一晚！環境乾淨企理，優雅寬敞燒肉放題是大愛，套餐組合選擇多，豐儉由人！前菜、小食、蔬菜、飲品、甜品，可自助取用，花多眼亂，眼寬肚窄是常態 😂😂😂薩摩和牛拼盤，目測是非常高質的牛肉 😋😋😋薩摩牛特上西冷，原片西冷直接下鍋，再放少許湯汁輕煮，最後醺上蛋汁同食。牛肉嫩滑肥美，軟綿綿的，超水準👍👍👍薩摩牛 - 牛肩胛薄切，雖同是薩摩牛，食法各異。蔬菜墊底，加入壽喜燒汁，是傳統的壽喜燒鍋！牛肉亦夠嫩滑，好味道！薩摩壺漬牛肋條，有預先醃過的，得喜歡這個味道，牛肉相對有咬口薩摩牛 - 牛腹脅肉，明火燒烤的，肉香滿滿，油香撲鼻，嫩滑！薩摩牛 - 牛胸腹肉，同樣是明光爐燒，肉味較濃，好好食！除了薩摩牛，甲羅燒同樣令人驚喜！蟹膏蟹肉鮮甜濃郁，加上蛋黃汁，味道更上一層樓！海蝦大大隻的，鯖魚有益健康👍👍非常有驚喜，高質素的放題餐！

一個價錢就可以有兩種享受，超級豐富嘅燒肉＋壽喜燒放題體驗！同朋友揀咗套餐A，性價比真係好高，星期一至四只需$588加一就可以任食日本鹿兒島A4薩摩和牛，仲有超過100款食材任食！特別推介薩摩和牛拼盤，呢個拼盤好豐富，有特上西冷同牛肩舺薄切等稀有部位，每一塊牛肉都充滿油花，入口即溶，牛味香濃。店員會幫手整壽喜燒，放入特上西冷同牛肩胛薄切，一路整已經聞到滿滿香氣！而其他和牛部位就可以自己燒啦🔥🍲牛既種類真係好多，包括薩摩牛牛肩胛 、牛腹肉、牛肋條、和牛粒等。除咗牛肉，呢到仲有任食海鮮，大推甲羅燒！自助區仲有多款蔬菜、配料、熟食、甜品同飲品無限量供應，真係食到超滿足！

📍牛舞日本燒肉‧涮涮鍋放題 (利舞臺廣場) (銅鑼灣)銅鑼灣波斯富街99號利舞臺廣場8樓A號舖今日又去銅鑼灣利舞臺食好嘢，今次真係一定要推介俾大家。我哋嚟咗銅鑼灣利舞臺嘅牛舞日本燒肉涮涮鍋，我哋兩個就揀咗呢個日本薩摩和牛放題，食完真係返唔到轉頭。首先一開始侍應就拎咗一盤好靚嘅和牛肉上嚟，淨係睇個樣都已經覺得係上等上等，脂肪分布一睇就已經覺得係完美，而且佢嘅肉質係粉紅色，見到已經急不及待想涮黎食。侍應提醒我哋，博嘅薩摩和牛建議我哋用壽喜燒嘅食法，好快咁灼一灼，然後就沾上蛋漿咁食，肉質要求鮮嫩軟熟，簡直係可以一食再食。而其他厚身小小嘅牛肉就可以適合用嚟做燒肉，其實味道都唔錯，而且都係上等嘅牛肉。呢個套餐除咗可以無限任叫薩摩和牛之外，出邊都有好多丸類可以自己拎，但係嗰個薩摩和牛真係天花板級別。不過一個人都要五百幾蚊，真係一分錢一分貨，但係我覺得都值嘅。 #燒肉 #yakiniku #shabushabu #涮涮鍋 #牛肉 #燒肉放題 #放題 #燒蠔 #觀塘 #元朗 #銅鑼灣 #牛舞 #任飲任食 #放題 #香港美食

太掛住日本了! 公司未拎到假再去，就去銅鑼灣止下喝先! 講緊係牛舞日本燒肉涮涮鍋放題，兩個人大快朵頤，簡直是說不出的有多滿足，一次過食燒肉再嘆壽喜燒～日本薩摩和牛放題套餐，141種美食任點，包括：鹿兒島薩摩和牛/ 甲羅燒/ 油甘魚餃/ 雞泡魚乾/ 白鱔/ 飽魚等，涮涮鍋亦可選羊卷肉片/ 田雞腿，連花膠都有！一上枱先來一盤超豐富的日本薩摩和牛拼盤，店員會幫手做壽喜燒鍋底，然後將塊西冷放入去淥，淥一淥就可以食啦，入口肉味極香濃，啖啖肉口感十足，入口即溶又唔會話好滯， 超。級。正! 拼盤上仲有唔同部位的牛肉都同樣高質，必試! 嘆完個拼盤就可以按需要自行加點，當中甲羅燒及鮑魚亦是必須落單的，坊間唔係咁容易就食到，仲可以任點任食，另外仲有生蠔，串燒等任君選擇，唔夠可以行去自助美食區任拎，多款炸物及熟食選擇，飲品亦是任飲的，包括啤酒! 食飽飽仲有日本雪糕雪條水果甜點等滿足埋你第二個胃，真係沒有最滿足只有更滿足! Encore List又多左間餐廳推介!

和牛愛好者必食😋日本薩摩和牛放題🔥細佬終於放暑假💁🏻‍♀️佢話想食涮涮鍋同燒肉，上網睇中呢間🐮牛舞日本燒肉‧涮涮鍋放題✨可以任食日本薩摩和牛、海鮮、甲羅燒、熟食、炸物、甜品、飲品等，包羅萬有，真係夠哂豐富👏🏻 👏🏻🔹肉類揀咗日本薩摩和牛放題set A🥩免費贈送薩摩和牛拼盤，有齊薩摩牛特上西冷、薩摩生牛肩胛薄切、薩摩壼漬牛肋條、薩摩牛牛腹脅肉、是日稀少部位2款、薩摩牛、牛胸腹肉，賣相擺盤超靚，相當吸晴好吸引🤩最愛薩摩牛特上西冷，富含霜降油花，油脂中帶黠奶油香，牛肉嫩度、香氣都非常出色💯細佬就鍾意薩摩牛牛腹脅肉，肉質細嫩多汁，富含豐富脂肪，口感柔軟滑嫩👄另外，薩摩生牛肩胛薄切，肉質柔軟細緻，入口即化，脂肪適中，唔會過於油膩👍🏻👍🏻放題分為🔹涮涮鍋及🔹燒肉兩部分，大家可以按照唔同既喜好去選擇肉類烹調方法，一過滿足晒大家兩個食法😆涮涮鍋用左壽喜燒既醬汁作為湯底，令食材入口帶微微既清甜。除左肉類，仲有唔同款式既蔬菜，例如金針菇、娃娃菜等，沾上生雞蛋同食一流🌟而燒肉既肉類都有好多選擇，除咗牛、雞、豬肉外，我仲推薦大家可以試一試🔹串燒，推介豚肉芫荽卷串，肉片於烤架上慢慢燒製🔥不單可以保持肉既香氣，加上

銅鑼灣是吃喝玩樂集中地, 大型商場, 名店和各地美食俱備。餐廳位於利舞臺廣場, 主打嘅日本燒肉‧涮涮鍋放題相當吸引, 點了日式薩摩和牛放題。 高質嘅食材確實零舍不同, 一道薩摩和牛拼盤已經先聲奪人, 薩摩和牛特上西冷、壺漬牛肋條、牛肩脾薄切和牛胸腹肉等, 放入涮涮鍋, 稍淥幾秒已經啱食,點以香滑雞蛋漿, 牛肉更濃郁鮮味, 入口即融, 肉質相當嫩滑, 加上新鮮蔬菜, 清甜爽脆。講到烤肉環節, 牛肉相當高質, 薩摩牛牛肩脾、薩摩牛牛肋條、薩摩牛牛腹肉和薩摩牛和牛粒等, 肥美牛味濃厚, 令人回味無窮。還有多款海鮮燒烤以供選擇, 白鱔肉厚爽脆, 生蠔肉質肥美, 磯煮鮑魚肉質飽滿, 肉質鮮嫩柔軟有彈性。還有海蝦和甲羅燒等, 香口又滋味。加上多款飲品、雪糕雪條和甜點小食, 放題真係相當豐富。