牛角日本燒肉專門店 (元朗廣場)

營業中

休息中

今次去牛角主要想試海賊王限定版嘅嘢～我哋有四個人，所以帶咗一杯鹽味柚子可樂(28)，無乜鹽味柚子味，紅石榴熱情果梳打($32)，幾好味喎有啲似牛角特飲推介，同埋藍橘子荔枝梳打($32)，荔枝味就比較重我都推介～然後再嗌左個牛角萬博會($498)呢個評估採用嘅高級過平時嘅拼盤好多10分推介肉類選擇都好多兩個人食一定夠～入邊仲要冇雞肉豬肉啱晒淨係鍾意食牛肉嘅朋友～只要係海賊王限定版嘅嘢食就會送紋身貼紙一張又食又拎好開心～

定食包括一碟A5和牛、昆布湯、牛角飯、迷你沙律和飲品。A5和牛雖然得6塊，但個質素絕對對得住個價錢！因為我想試下呢d貴價牛既原始味道，所以就選擇左原味去試😋。燒烤後的和牛顏色較其他肉淺色，但肉質卻軟熟鬆化，仲有少少入口即溶的感覺，真係令的十份滿意👍🏻！至於昆布湯、牛角飯、沙律和飲品表現正常，食哂成set剛剛夠飽。..📍食完之後，我決定順使做埋會員。入會費係200蚊，以後食野有9折，而且仲有1000蚊禮遇（基本有100蚊現金券，但要留意有啲coupon係要食夠某個價錢先用得）。因為我咁岩有朋友係牛角會員，打埋朋友個referral code仲可以拎左20蚊現金券，真係唔錯👍

星期六或日去元朗牛角分店食飯都好谷氣!我2個人去食無論現場拿排隊票又好, 在網上拿票又好。 永遠都要排隊排到最後, 等3~4人枱條隊入晒去之後無人排才輪到2人。 店內祇有2至3張2人枱。 結果每次都由7點排到9點才有得入去食。 要等第三輪才有得入去食。 試過拿3人票排3~4人枱條隊。 就話要等齊人才比入, 不過門口寫超過半數就可以入。 結果又喺話唔比入。非常之失望, 話過以後唔會再食牛角。個會員 Apps 都 deleted。

工作了一整天很累，想當個吃肉獸來補充能量。說到日式燒肉，牛角應該是無人不曉吧。牛角現在有晚市套餐，套餐有燒肉、前菜、飲品和甜品，有3款可以選。但實在不想選，就選擇了二人餐 -- 牛角大皿燒肉套餐，有沙律、前菜、牛豬雞肉、野菜、廣島蠔和2杯飲品，牛角燒肉的質素一向不錯，所以有些地區經常大排長龍。 單點正價 $611，套餐優惠價 $427.7 (加一服務費後 $488.8)。這個套餐是滙豐信用卡優惠，剛好滙豐有 1RC= 2HKD的優惠，即是這個套餐只需要 200RC + $88.8就可以享用了，真的很划算呢。

牛角-一間已經光顧了數年的日式燒肉店, 一直都在元朗廣場分店, 這裏的出品穩定每逢黎親呢度, 必須要排隊, 試過有一次排過一個鐘, 但都堅持繼續會幫襯, 可見魅力不減前菜柚子醋海蜇沙律, 這個是晚餐一人餐的份量, 新鮮爽脆然後變到主角, 一人餐的盛, 內有牛肉, 雞肉, 豬肉和帶子, 仲有一兩塊大髀菇和粟米, 十分豐富, 又可以試到唔同嘅肉質, 推薦另外唔夠喉再叫嘅牛肉, 呢個每次都encore,佢有好幾款唔同部位嘅牛肉, 隨你個人喜歡, 質量亦都非常好最後便是牛角飯, 也是這裏的招牌, 基本上每一台都會有叫這個牛角飯, 燒肉配上紫菜滿滿的牛角飯, 簡直是一種享受

雖然牛角好出名 但一直無食過見男朋友係牛魔王就打算同佢去試下等位等左個半鐘⋯少啲毅力都搞唔掂有位時已經過左9點 有半夜優惠嚴選特上5品燒肉盛合 $258有牛，雞肶，豬扒 同豬腩肉成盤野都好新鮮，原材料非常好。雞肶肉有肉汁好好味，腩肉燒到少少窿好香牛就唔洗講，點燒都咁出色！加點左三隻鹽醬雞翼 $21以為好似普通雞翼咁，但燒完香噴噴好好味網燒一口牛$72咬落去好juicy,燒到七/八成熟好好味明太子雞胸肉沙律 $65每一啖菜都有好多醬汁，但有少少膩

今日同男朋友都ot，原本book左嘅餐廳食唔到，返到嚟元朗見岩岩好宵夜時段，又講左好耐想嚟朝聖下悟空，左思右想下就入左去啦。就咁睇宵夜餐好似幾抵咁，我地嗌左個B餐外再加左個五品菇菇同四片牛舌。跟住就係今晚嘅重點....因為要點腹胸肉先會有紀念品送，所以就一定要叫啦！呢個係宵夜餐牌點左嘅嘢食，牛角啲肉一直有保證，所以都好好食嘅。個餐包兩杯飲品，牛角特飲我覺得偏甜，而男朋友個乳酪特飲呢佢就話冇味，好似普通梳打水咁。然後重點嚟啦，呢個腹胸肉會跟三個汁，第一個係辛辣汁，唔係真係好辣，唔太食得辣嘅人都食得到；第二個係蜜糖芥末，我覺得佢同「金拱門」嘅麥樂雞醬一樣，但用嚟點牛肉又幾夾；最後就係睇落好核突嘅菠菜汁，出奇嘅好味，咸咸地咁唔會有草青味，所以唔好俾佢外表呃左，它很醜但很夾味。重要嘅係佢有我隻手咁長👍🏼👍🏼👍🏼👍🏼👍🏼呢個肉嘅質感真係好軟腍，就算燒耐左都唔會”un” 真係好好食，絕對係食過返尋味。到最後當然有嗌返個代表住悟空爺爺嘅四星球啦。上到嚟有啲失望，因為都幾求其下，但影相出嚟效果又ok喎😂真係濾鏡的重要性。佢係雲尼拿雪糕嚟，個雪糕質感有啲黏，應該係重奶油嘅效果。上面就係似芬達汽水味嘅啫喱

重陽節假期冇乜野做，加上有d會員優惠在4月尾到期，所以決定一家三去食豐富午餐~~~今次叫G,H呢兩個餐，原來G餐近日靜靜地加咗少少價，之前食開係$119~~~G餐雖然食的肉冇H餐咁優質，但勝在夠曬飽，因為條睇真係好大條~~~H餐的肉大都肉質夠滑，入口即溶，平時唔太愛吃雞肉的阿女一食咗雞胸肉就要食曬兩件而我至愛係雪花牛，燒咗一食落去真係會上癮，阿女個爸爸仲話食咗就覺得普通的牛肉真係冇咁好食~~~每次阿女去牛角必定要食的紫菜飯，不要小看小朋友對食的要求全程只係得我一個人燒燒燒，因為我喜歡燒由於今次食滿$300，終於可以換領會員本身有的牛肋肉四品盛優惠（一年只有一張呢個優惠券）左下那重肉比較韌，其餘3款肉好好食，最重要係呢度的牛燒好後會食得出淡淡的牛味~~~最後就上了我和阿女喜歡的線茶雪糕，雪糕除了有濃郁的茶味外，糖漿和糖粉都幾好味~~~今次加埋$338埋單，真係抵過夜晚去食放題

元朗嘅牛角非常之旺清明節當日想book 6點Booking已full哂要walk-in 6點半餐廳座位已full石鍋泡菜豆腐海鮮湯少少辣嘅湯底非常開胃豆腐亦十分之滑極品和牛四種盛牛味非常濃郁牛肋肉較有𡁻口牛舌肉油香最豐腴鬆軟柚子胡椒豚肉燒雖然唔小心燒燶咗幾片但豚肉依然有好香嘅柚子味值得encore石鍋香蔥拉麵簡單伴白芝麻都唔錯日本白芝麻零舍香牛肋肉牛角有樣好 就係唔會限住一個人一定要嗌起碼一碟肉所以就算唔嗌咁多都冇問題五品野菌盛日本嘅菇比平時食嘅多汁同甜雞脾菇可以用滑唻形容最後嗌個柚子雪葩柚子味非常清甜牛角食物同服務都唔錯 不過就要留意返用餐時間只有1.5小時

今日我係在office 的last day，上司請我去我想去的牛角午餐~~~呢期因為店舖有龍珠相關產品推廣，所以有d卡通佈置~~~我地今次點咗$189的午市定食一齊share食，加$12食綠茶雪糕~~~上司覺得呢度幾好食，我們都覺得真係一分錢一分貨，特別係d牛，有d係入口即溶~~~紫菜飯我們只添一次，其實我的寶貝女今朝話想聽日去食紫菜飯，但因為同學下午要BBQ生日會，所以要再遲D去食我用會員3600分換了一口和牛，呢個都係入口即溶，好好食，扣咗今次我仲有八千幾分仲未換野食😂😂湊巧我會員有券可以滿$200送魷魚，魷魚燒得幾好食，個人建議最好燒到熟先至剪會容易d。個綠茶雪糕我掛住食所以冇影相，上司話今次$201埋單真係好抵😅😅上司在上星期約我今日午餐，所以我一早就用會員app book枱，食之前半小時電話提示之前book了枱，感覺算是幾好😇

睇中佢個午市套餐，所以一早上網攞定飛，去到等大約15分鐘就有位啦，揀咗佢個牛角流自選三色，最鍾意佢個柚子醋沙律，腹胸肉同埋迷你雞肉飯。另外仲叫咗燒肉盛：牛角特選牛五品燒肉盛合。每款肉大慨有三至四塊，唔係多但係質素比較好，佢個沙律好大份，兩個人食啱啱好，如果唔夠仲可以追加海鮮🦞，如果你係會員嘅話仲有優惠添，上次我就用左優惠滿200送魷魚一份。另外最值得稱讚嘅係佢個部長，又有耐性眼力又好，服務質素一流，我眼見剩係得佢賣完單會送糖比人食，其他嗰啲人只會匆匆忙忙埋單

由於本人傾向比較鍾意食煎煎炸炸烤嘅嘢，所以今日同朋友嚟咗食牛角。我哋今次係牛角食咗大概四款唔同嘅牛同叫咗一啲主菜。由於係烤肉檔所以店員只係會將生嘅牛放在枱面然後就自助式咁樣燒，我覺得自助式有個好處係可以自己控制熟嘅程度，同埋好增添樂趣因為可以一邊玩一邊食咁。但亦都有個唔好嘅地方就係吼完之後成個身就會充滿一浸燒烤嘅味道。講一講佢嘅食物，佢嘅牛好香，我哋有叫黃牛入口即溶，而且仲叫咗一啲其他嘅肉同埋菜全部都係預期中幾咁好味

牛角喺香港都算係街知巷聞嘅燒肉店，價錢都算是比較貴同食物質素都高級啲！呢一間位於元朗廣場嘅牛角，晚市都算多人等位，不過今次我想介紹嘅係午餐🤣今次閒日午市去食，人當然不多，入到去職員就幫我地set好部pad落單一拎起Menu就見到95蚊包含兩款牛肉，覺得相比平時都抵食，就兩個人揀左4款牛share！　我另外加左個牛油帶子，賣相可以但稍為有點油！最後牛肉黎齊就開爐燒牛肉了！我認為最好味都係牛舌同腹胸肉，前者好爽口 後者唔會太韌又不會成pat脂肪！若大家想食午餐時又想食得特別少少，牛角都係唔錯嘅選擇！

因為有匯豐信用卡嘅關係，我哋叫咗呢一個超級抵食嘅套餐。好滿足丫，依家就帶大家睇吓呢個餐有乜嘢正嘢啦！當日我哋有五個人，叫咗一個牛角大皿燒肉套餐同一個牛角海鮮燒肉盛合套餐。先講沙律，分別有溫泉玉子凱撒沙律同埋有牛角沙律。溫泉玉子凱撒沙律非常清新，蔬菜亦都非常新鮮。而我個人係較為鍾意牛角沙律，色彩繽紛，有唔同嘅蔬菜。以下分別就係兩個套餐嘅肉食。有豬牛雞。當然啦係牛角食嘢梗係食牛最好食嘅。其他肉類都非常新鮮，燒完即刻食真係juicy 到爆！大家記住食佢哋既肉，要點佢哋嘅鹽醬，能夠調出肉嘅香味，鮮味。真係睇見啲肉都流口水呀，你睇吓佢哋juicy幾啖啖肉！除咗肉之外，以下就係佢哋套餐所包嘅海鮮。個人認為佢嘅蠔鮮甜肥美，的確值得一試！由於我哋五個人嘅關係，四人餐其實係有啲唔夠， 我哋叫多咗兩個牛角飯，抵食之餘又塞飽我哋呀！總括嚟講，每人只需二百幾蚊，就能夠享受牛角新鮮嘅食物，的確係唔錯嘅選擇。有匯豐信用卡嘅朋友，都可以試吓佢嘅平價套餐㗎。

突然好想食日式燒肉，就試吓打電話book牛角。點知打去時候，原來夜晚booking已經full晒，得walk-in，個staff提我地喺佢地個app到攞定飛先，去到就唔洗等位。一入到去就覺得個環境好好，好乾淨，無咩油煙味，通風做得好好，坐得又舒服。食物選擇都多嘅，樣樣都想試。set dinner有三款，我地兩個人叫咗要二百幾同三百幾個嗰餐，有雞有豬有牛有海鮮，再跟沙律，飯，前菜小食同飲品。上菜好快，一落單好快就上咗沙律，小菜同飯。柚子沙律好fresh！其實我好中意個白飯，粒粒分明，配燒肉真係好鬼正。佢仲有個牛角飯，姐係紫菜撈飯，都好食。不過啲小菜就麻麻地。所有肉類都好新鮮。我覺得啲和牛嘅油脂分佈得好靚，食落唔會太肥膩。其實我最期待佢個牛舌，係厚切㗎，好juicy，好柔軟，同平時薄切嗰啲好唔同。佢啲豬肉都好好食，係燒完唔會鞋烚烚個種。而雞肉就係雞肉，都無咩特別。最後仲有杯雪糕，我哋揀咗雲呢拿味。食完燒肉，再食杯雪糕refresh下，好滿足嘅！雪糕上面有焦糖醬同埋勁多黃豆粉，都有心機。最要讚嘅就係，燒完肉，啲衫褲無咩燒烤味👍🏻 好犀利！