牛角日本燒肉專門店 (大埔超級城C區)

營業中

休息中

要係牛角食個lunch，首先要有耐性等至少半個鐘位，經過漫漫既歲月，終於入座。-午市選擇不多，我地分別叫左A同B餐-🥐B餐🥐A餐唔少人講到唔好食，但果日既牛我地都覺得唔差，肉味十足，尤其是厚燒牛舌，雖然厚身，但係好林，一大啖肉，好滿足唯一比較韌既係腹胸肉，唔好燒太耐，如果唔係好難咬得入。-牛角飯紫菜加埋蛋汁，撈白飯，真係唔洗食肉都已經可以食哂一碗飯超正-如果唔介意等，lunch又想食少少燒肉，都可以考慮下牛角

牛角，其實經常去邊都會見到，但冇入去食過，今日問老婆想食壽司定牛角，老婆話未食過牛角，不如去食下啦。時間尚早，不算太多人，不用等位，就有位了。座位不太闊落，3個人坐2個人既枱，好逼，但不算太大油煙。餐廳選用的都是優質牛肉，如佐賀頂級A5黑毛和牛。佐賀頂級A5黑毛和牛薄燒月見和牛（$128）大理石花紋般的油花，分佈均勻。吃進嘴裡多汁柔軟，入口即化。極上和牛四品盛合（$528）佐賀頂級A5黑毛和牛和牛肉眼-佐賀牛肉油花豐富，一咬滿嘴油香，口感非常嫩滑佐賀頂級A5黑毛和牛和牛西冷-西冷肉味香濃富咬感，油花分布適中，啖啖入口即溶佐賀頂級A5黑毛和牛和牛一口牛-油脂較多，唔好燒得太耐，會比較韌極上和牛澳洲和牛舌-口感十足且肉質非常腍軟吃完這幾款，感覺置身於日本，日本的感覺回來了，真係太正太好味，最後我地亦點了多一客佐賀頂級A5黑毛和牛和牛（$128）和牛角飯（$29），牛角飯忘記了拍照，大量的紫菜碎在飯面，內裡有醬油及白芝麻，攪勻一齊食，好香濃紫菜味，非常美味。梅子青檸梳打（$32）清爽解渴，而餐廳不會主動派發即棄飲管，為海洋生態出一分力。

今日中午想食好西 就決定去食牛角一去到都要等位 不過等左一陣就好快有位了因為前面果五張台走晒一入到去見到啲午餐已覺好吸引！隨即一人叫左一個唔同既餐咩餐黎已經忘記左 可以睇反啲圖只記得再追加左入牛舌 超好味！係日本食果啲薄切 平時唔食牛舌既我都覺得好正再叫埋個溫泉蛋紫菜飯 一流只可惜 我地忘記食雪糕就走左店員都冇提就結左賬了最後反轉頭店員都有比我食反 其實個雪糕超好食呢 軟硬適中 茶味香濃再加埋啲醬同粉 好味道期待下次再去

難得星期6同媽咪行街，見到牛角，媽咪話想食，就陪佢食.. 點知一等就等左45分鍾店內全部都用IPAD點餐和牛牛肋肉完全吃不出係和牛，食落有渣，沒有入口即溶的感覺。上級牛肋肉非常之韌 感覺似放題貨式骨付牛肋肉這碟仲離譜，仲未解晒凍都上得枱...鹽味豚肉醃得入味，反而豚肉比牛肉更好吃，有驚喜！壺漬牛肋肉唯一一碟係滿意既，雪花分佈均勻，非常重牛味！最後唔夠飽，叫左個溫泉蛋飯，整穿個蛋黃，將其撈勻白飯，紫菜帶點海鹽，吊返少少味，唔錯

臨近中秋，一家人到外面做節，經過牛角的時後看到沒有人所以就去吃。大概7:26左右到，等到8:10左右有位置，只是第一張3-5人的號碼籌。以滙豐信用卡付款的話會有指定燒肉套餐7折的優惠，再有加配特選美食半價和指定和牛8折。我們選擇了極上和牛大皿燒肉（2人前）套餐優惠價$360。其他食物飲品都以電子板點餐，而檯面上有些醬汁，店員都有介紹，非常細心👍🏻。套餐包括兩杯$42以下的飲品，我們選了兩杯（左）雜果賓治，原價$30，味道甜甜的，不過冰粒都很大所以感覺飲品很少。（右）$42 SUNTORY啤酒350ml，啤酒杯都預先雪凍了，很細心，不會把啤酒降溫，以為只有酒吧會有這個服務。（餐）塩味牛油帶子，共6粒，以錫紙盤上，店員提醒我們就連錫紙盤放左燒烤爐上面就可以，看著牛油全都融掉帶子都差不多可以吃了，非常香口，不會很難咬嚼，很好味。（餐）羽衣甘藍沙律，營養豐富的羽衣甘藍弄成大大盤的沙律，裡面還有些芝士粒和沙律醬，可以在吃肉前吃點菜平衡點。（$24.5）6條多春魚，店員提示我們記得把一邊魚身燒到全乾才好反轉燒另一邊，果然未夠乾就會黏住鐵板，魚春都浪費在鐵板上，不過燒烤多春魚的味道都不錯。👍🏻左上

等到傻，職員做野差到爆，明明用app拎左飛，轉頭竟然可以skip左我張飛，又唔打黎通知我，咁我番電話有咩用？！態度又差，等一張台都要等成個鐘都仲未等到，以後都唔會再去！

呀媽想食所以話陪佢食。唔知話佢蠢好定服務好。星期日晚市竟然冇用餐時間限制。等左兩個鐘，行出黎嘅人少過5個。 宜家都仲等緊，今日豪比佢，但真係冇下次。因為等都等到飽。

係門口等左1個鐘，終於等到下一張枱係我啦，之後門口個個人突然話唔好意思呀要等多3-4張枱，之後我心諗明明我係下一張到我點解仲要等之後我問佢佢話係要等嫁啦之後再過左15分鐘佢話：執緊枱比你地啦 之後我地就好開心咁準備睇下叫咩食但係再過左15分 佢出左黎 我問佢有位未 佢話：未埋單呀個枱 佢地岩岩先食完 咁佢依家姐係呃緊我定點？前前後後等左個半鐘有多我都未食得最後我冇食到就走左

今日同老公入左大埔行街，行到咁上下就一定要食下野啦😝，眼前就有一間牛角，我見到唔使等位，就即刻衝入去😂，一入去環境ok既，冇咩油煙味，服務員好有禮貌，咁啱剛剛好係下午茶，正，叫左2set下午茶，佢果個牛角飯真係好好食😍，牛肉好冧，有牛肉味，因為係下午茶既關係，所以我覺得價錢唔係太貴，有時間都會再去食👍🏻

当我一入去已经有不少人係到食，虽然唔係好识烧烤，但我觉得自己係有能力，我记得叫咗牛肚，玉米同拉麵，我烧到牛肚有少少(隆)(唔识写)但食落去，係爽，仲好弹。所以我劲推荐食牛角。虽然有少少贵

我間中都會去食lunch，因為晏晝食有得免費追加白飯/牛角飯。多數我同老公都會忍唔住要多一份牛肉，食個超飽嘅午餐幾乎次次都點牛肩肉，貪佢夠林，辣味牛肩肉就更加惹味！牛角飯比白飯多咗三四塊紫菜、芝麻、同埋甜甜地嘅醬汁，都幾好味架！我好多時都會帶埋BB去，呢間餐廳係母乳友善餐廳，而且店員見到你帶埋BB去， 佢哋都會好照顧你，感覺好warm!呢間牛角細細間，有啲小店feel，員工又親切，very good!

攞左飛，等左10分鐘，佢先話應該入唔到去食因為仲有幾張枱係前面。咁你就唔好俾人攞飛啦，浪費時間。本來諗住晏啲份去唔使等到傻，做埋啲野先去食，點知冇得食不但止，仲攪到晏左食唔到其他野。食其他區既牛角都冇咁

身為吃貨，好多時都抵檔唔住飲食集團嘅marketing，係牛涮鍋烚下烚下就入咗會，轉眼間，會員就到期，發現哩個K字頭株式會社卡仲有好多電子劵未用，就嚟食下。點知有驚喜食燒肉不忘先要個沙律菜，仲要係今期大熱嘅羽衣甘藍!!! 配角仲有腰果同芝士，很討好好奇之下點嚟試試，豆腐嘅清爽襯托出辣油香，辣味唔算強，所以亦食得出生洋蔥同乾蔥的刺激如果可加辣就更好海鮮質素不過不失，係燒果陣有點痴網，廣島蠔係牛油兜中慢慢燴熟，唔會太縮水。板腱肉肉味介呼高級同和牛之間，係全晚肉食中較大塊嘅食法，預計板腱較爽，但由於佢都係簿片形式，分別不大。（唔記得相機食先）哩到缺少咗嘅第四品係和牛，最嫩最有牛味，竟然擺到最面，等人哋食完第一舊，之後剩餘的就顯得有點失色。不過其實件件都有特色，只係個人喜歡將矜貴的放最後，成個流程就更圓滿。最後仲加點咗個大阪燒海鮮餅，真係飽飽喇哩間牛角冇做放題，反而令人更細嚼食品，牛味件件略有不同，可以慢慢享受。服務員禮貌幾好，但就係冇定時加水，要叫先走埋嚟加一下。兩口子都係三百幾蚊，仲有得免泊車費，價錢合理

其實都真係幾失望。先講講醬料，3款入面，一款似薑容的就咸到飛起。似醬油的又唔夠味。最後一款似甜醬既直頭難食。我地點左個近日抽水AA餐，份量都算ok。但基本上燒出黎全部都冇乜味。醬料唔得就已經輸晒。最好食就係個旦沙律和小食。真係唔會再有下次。服務員基本上係唔叫佢唔會主動做野。添水，換網咩都要人舉手。電腦點餐有要求服務的項目，但按親都冇人會理你。真係去食燒肉放題冇咁嬲。仲要倒瀉汽水淋濕我。

放工同一班朋友去烤肉，有個朋友強力推薦牛角，最初我都唔明白點解，而家我明白啦真係好好食呀！！！最推薦嘅有兩款，牛肉超級好味！ 雖然已經經過調味，但都食到好香嘅牛肉味 另外一款就係牛脷啦，可能唔係個個朋友都咁食，有啲覺得牛脷好核突！！但係牛角嘅牛脷，真係有薄 又入味！！！ 另外大埔區個個坐位，鬆動闊落！！！ 坐得好舒服而且店員服務態度好好，加單時好快就上來，我朋友話想要多啲醬汁，佢都即刻俾我哋！！！今時今日咁嘅服務態度值得表揚