牛角日本燒肉專門店 (皇室堡)

營業中

休息中

牛角呢間分店都嚟過好多次，晚市、午市、都試過，質素都唔錯，最推薦係佢嘅下午茶時段，大約14:30至到17:00，呢段時間所有午市套餐七折，既然食物都係一樣，揀下午茶時段當然抵啲啦😝好耐冇黎，見到佢個Menu價錢都upgrade咗😅其實一個人叫個A餐都夠食，但係覺得好耐冇黎，就諗住食得豐富啲，不過主要都係想食佢嘅燒牛肉，所以叫咗F餐，加咗$11升級至溫泉蛋牛角飯，可以無限添加，如果係男士大胃王，就啱晒啦😝仲加咗個抹茶雪糕添，另外飲品就揀咗原味活酸菌梳打，因為平時都好少買來飲，趁呢個機會就飲下啦，呢度落單好方便，係iPad咁幾個制就可以，但係用iPad落單，飲品就冇得揀走冰。一坐埋黎，就比杯熱茶俾你，服務都幾好，落左單之後，大概五至10分鐘，就上菜啦。呢個溫泉蛋牛角飯，係幾好食嘅，但係紫菜太多鹽啦，有少少鹹。套餐包個沙律仔，都幾健康啊。仲有一碗細細碗嘅昆布湯，另外一盤燒肉，包括牛嘅唔同部位，都好好食。最後配埋牛角抹茶雪糕，呢一個我覺得係成餐裏面最好味嘅，抹茶味濃之餘，上面鋪滿黑蜜糖醬，甜甜地，又有少少澀味，仲放埋啲黃豆粉，好食過好多甜品店嘅雪糕，最掛住就係佢啦，食埋甜品，飲杯熱茶，就係完美

趁lunchtime跟同事食牛角 原來已3年冇食 今次叫了2款燒肉盛合定食 有牛肋肉 、牛舌、一口牛等 仲會有沙律🥗牛角飯加昆布湯同野飲 唔好以為啲牛份量好少 食埋咁都野真係都幾飽 😂啲牛好新鮮好juicy 其實唔使點啲汁都好有味 口感非常豐富 牛肉小小肥但咁先好食 真係食咁多款都覺得好滿足喔另外 我推介大家加小小錢叫呢個溫泉玉子飯 真係比冇玉子既紫菜飯更上一層樓 把溫泉蛋跟飯混在一起 令到碗飯更creamy 更易入口 加上本身紫菜飯已經好吸引 我地2個女仔竟然再叫多碗飯（即total 3碗）so crazy 😂😂其實lunchtime 嚟食都抵食 食咁多野我地平均一人只係150蚊 加上朋友係牛角會員仲免加一 飯又可任添😚👍🏻perfect!!

有一段日子沒有來牛角, 這次再來, 才發現, 除了日本和牛之外, 這裡也有來自Idaho的美國Snake River Farms和牛供應.上次到Idaho還是讀書的時候, 年代久遠了. 跟加州相比, 那裡委實是寧靜, 安逸得多. 是否退休後的好去處? 而在這裡的牧場, 就有Snake River Farms的和牛生產. 日本, 澳洲的和牛吃得多, 那美國的, 又有甚麼分別?極上和牛四品盛合A $189: 8.5分, 其中一個最大的分別, 是價位. 這客極上和牛四品盛合A, 包括美國SRF極上和牛牛板腱, 美國SRF和牛牛腹胸, 美國SRF和牛牛肋肉, 以及日本佐賀A5極上一品和牛, 只賣$189, 是比較相宜的價錢.當中的美國SRF極上和牛牛板腱是稀少部位, 用上牛前肩的位置, 油花挺靚的, 簡單的燒好後, 肉質肥美厚實, 肉汁亦豐盈.美國SRF和牛牛腹胸, 雪花分佈均勻, 肉味挺濃, 是跟日本和牛不一樣的感受.至於美國SRF和牛牛肋肉, 我一向喜歡吃牛肋肉, 輕輕的一燒, 最能吃得到這肉的質感.最後, 還有日本佐賀A5極上一品和牛. 切成方粒的, 油脂感是比美國和牛突出, 一口一件,

約朋友聚舊，由於友人係牛角會員，自帶酒水免開瓶費又有折扣優惠，所以選擇食燒肉~薄燒月見和牛薄薄一片油脂分佈得好平均，怕自己燒得過火，找了店員幫手燒。睇住佢純熟的燒兩下就放到我碟上點埋日本雞蛋，入口更香入口油脂剛好唔會太油，而且牛味特別濃郁

一家四口去牛角食晚餐，去到時已8點半，排隊攞籌期間，看到牛角的廣告,9點後部份食物半價加7折任食🙈🙈慳家師奶的我，即想等到9點才入座🤣🤣但兩個小朋友叫肚餓，那沒法了，硬著頭皮吃正價了😭😭入座後即點食物，點了一隻大魷魚，一份泡菜豬肉，味噌豬肉，一窩海鮮豆腐泡菜鍋及一客牛肉泡菜石頭飯😈海鮮豆腐泡菜湯~好味，辣辣地，超開胃大魷魚~燒起來的那陣香味，真的無敵泡菜豬肉~不過不失啦🤣🤣沒甚麼特別味噌豬肉~不錯，每次來都點牛肉泡菜石頭飯~牛肉是肉碎，感覺不太矜貴整體來說，還是不錯的~

收工後，同同事周圍行下，搵下食！可能係happy Friday 既關係，周圍啲餐廳都排晒長龍，唯獨佢係排算最快😆其實牛角之前都食過幾次，但真係唔係間間啲質素都一樣！但如果係日本食，就真係完全唔一樣！去唔到日本，今次就唯有試下係皇室堡呢間😏叫左燒肉六品盛，豬牛唔同部位樣樣有啲，份量唔算多，二百幾蚊，話平唔平，話貴唔貴🙄整體黎講，呢間都算唔差！今次啲牛都唔會韌！對上一次我食過牛舌，即頭咬唔開😂不過重點都係要睇負責燒果個人既手法😂

好耐無食過牛角，見係附近同知佢下午茶時間有七折優惠，所以2:30pm之後先入座。係門口要好仔細睇先見到寫住有七折。入到去叫左啲午餐set, 上餐速度都好快，不過係啲員工無咩禮貌。牛角飯係好味嘅，但係啲牛肉係完全唔得，又有雪味又唔新鮮，質素非常差。最大問題係，埋單個時無俾七折，以為佢係唔小心，當然唔係啦。我睇住唔單止我我枱係咁，係隔離個枱一模一樣都係咁。專登蝦啲人唔知有七折，要問先俾。做餐廳做到咁不如取消個優惠，唔會再食牛角。

早有聽聞牛角最出名既系牛角飯，作為飯桶既我梗系要黎試下啦平日下午菜時間午市menu有7折衝著食飯而黎，所以簡左最平既lunch set C要左豬頸肉同雞脾肉 如果要食牛就要俾貴d食A/B set啦用完電子板落單就好快上左跟餐沙律，湯同凍飲，凍飲唔洗特別加錢，應該好大方跟餐沙律好新鮮，抵讚啵，芝麻醬俾得好多，一d都唔小家。昆布湯就似即飲果d就咁沖開既質素啦之後就黎左肉同期待而久既香蔥玉子牛角飯（呢個加左21蚊升級，無限添食）肉就系上圖見既咁多啦，一次擺哂落去個爐都好似好空虛咁，唔怪得次其他食客都話分量少啦，不過質素OK既，佢地專團既店都開系貴租地段，無計啦。燒肉同牛角飯好夾呀，不過牛角飯就咁食都好好味，紫菜似系韓國有鹽紫菜，夠哂脆身我覺得唔洗加燒肉汁都夠哂味，原來單點要38蚊一碗，食多2碗都回本啦埋單折後加連加一80大元，如果食唔到多飯既可能就唔抵啦～～～

今日係銅鑼灣爆多人嘅地方塞左兩至三個鐘都入唔到去想要去嘅地方唯有坐喺皇室堡嘅牛陣食啲嘢醫肚再上路，一坐低點左三個唔同嘅牛部位試吓，可能因為超肚餓嘅如果覺得三種都超好味！同埋餐廳氣氛好好全部都黑衫人，未試過有一次去餐廳食嘢係過得咁愉快！

去日本的時候很難免不吃烤肉，其中必去的也有這家牛角！今日心癢癢就去了吃牛角，位於銅鑼灣市中心皇室堡，很容易就能找到，等待時間也不長。這次因為我們是晚上九點半才到的，所以有優惠價格，即使已經臨近關門時間，但是在店裏面仍是人頭湧湧，感覺到真的是很受歡迎。叫了一個上品燒肉拼盤以及生蠔還有牛舌套餐。值得一說的是這個雞胸真的是我人生睇過最嫩的雞胸之一！！透視的話我們便的這個是有香蔥配搭的，嫩得就像要把自己舌頭也要吞下去的牛舌真的超好吃的！！推薦！！上品燒肉拼盤送了兩杯果汁，我們點了杯牛角特飲，是三種果汁混在一起，我們覺得菠蘿味比較重，很特別也很好飲。總結來講也是滿足的一餐

今日老細唔喺公司，成班員工開始作反，明知食晏時間只有一個鐘，都特登搭叮叮跑去老遠嘅銅鑼灣食牛角，完全唔理到底可唔可以準時返到公司，呢份對食嘅堅持實在值得敬佩。入到牛角坐定定，睇睇餐牌，由於猴子想食嘅牛肋肉同大腸分別喺 (I) 同 (II) 兩個唔同嘅類別，所以揀咗可以喺兩個類別各選一嘅燒肉定食B。牛肋肉唔使多講都係入口即溶咁鬆軟，肉味十足，更值一讚嘅係大腸，雖然內側全部係脂肪，但入口嗰陣完全唔覺肥膩，兼且有陣香香嘅肉味。猴子係食下午茶時段，所以有七折，其實圍起條數一啲都唔貴，如果你大食嘅話，牛角可能比起一般快餐店更便宜，因為牛角可以畀你免費添飯。猴子為食但唔大食，所以只係食咗一碗，相反，公司嗰兩位大食女神就每人食咗兩碗，如果唔係因為食晏時間有限要趕返公司，相信佢哋可以每人刨三碗。不過又唔可以怪佢哋，因為個玉子飯的確幾好味，紫菜蛋黃撈入粒粒飽滿嘅米飯上，香滑之餘口感十足，就算冇燒肉送飯都可以扒晒成碗，好難忍得住口唔添食。其他仲有迷你沙律同昆布湯，嘢飲方面叫咗杯凍烏龍茶。落單係用平板電腦，可以逐個自已撳，方便快捷。埋單之後仲會派糖，記得攞走唔好嘥。因為知道老細返咗公司，所以都冇得滋滋悠悠咁

一直都很喜歡吃牛角特別是牛角飯今日經過，便上去滿足一下其實我不吃牛的但牛角的選擇很多海鮮，蔬菜，豬肉，雞肉都有可以滿足不同人的需求調味很足夠可惜價錢有點貴，約五十蚊一碟

今日老細話佢有牛角既積分就到期所以萬歲,我地就懷住興奮又期待既心情迎接我地既LUNCH TIME啦,一到1點立即9秒9跑去牛角,等左5分鐘就可以入去啦,個和牛牛肋肉煎到5成熟好嫩牛肉味都好夠,怕大家唔夠飽叫左三個飯,泡菜豚肉飯好一般泡菜太小仲要自己加個燒汁醬先夠味,石鍋牛油粟米牛肉拌飯用黎打卡影相真係一流,味道都好夠..有小小飯焦,脆口又不失牛油既香味有種外脆內軟既FEEL,最令我驚喜既係個溫泉玉子飯和一口和牛....滿滿既紫菜再加上玉子拌飯只係睇落普通但就係最好味最直接咁刺激我既味蕾,一口和牛汁多又順滑就咁煎一下4面就食得,入口好似會溶化咁,但牛肉味一直係口腔內唔散咁...又驚喜又滿足....但最緊要係咩呀..就係老細萬歲呀...

lunch time 近近地去左位於皇室堡既牛角食，平時晚市見d人等到天昏地暗點知lunch time時間又唔駛點等就入得喎。我地4個人一坐低就即刻叫左3個set，一路餓住咁等，好彩好快就有沙律頂住先而且仲幾開胃。食飽之後同事攞張會員卡出嚟順便埋單，見到人均$100左右以為計漏左原來同事除左用積分換左碟和牛牛肋肉之外，又換左個50蚊coupon嚟用，仲要會員有85折。。。計落，我地今餐慳埋慳埋都平左成200蚊！

可以用app卜枱留位+coupon有discounts用 (不過有指定店名). 牛角成日都爆, 銅鑼灣皇室堡都唔例外. 好彩唔係peak hour去, 所以都幾快有位. 坐窗邊, 好彩俾左張比較大既枱, 先放得哂所有野食! 上菜都幾快~ 沙律唔錯, 生蠔帶子都新鮮, 前菜黎講秋葵都算多~  D牛醃得太入味, 少少咸但OK既, 如果有名牌介紹返D牛肉會更好, 我都唔係好知邊份係邊份, 除左牛舌~ 鯛魚燒做甜品幾得意