牛角次男坊 (東薈城名店倉)

營業中

休息中

牛角燒牛肉丼牛肉經過燒烤，肉質鮮嫩，帶有炭火香味，搭配醬汁，味道濃郁。米飯軟糯，吸收咗醬汁嘅精華。🍚🥩 色澤誘人，整碗丼飯充滿層次感，令人一見就想食。😍🍽️但係份量有啲細，差唔多$100都食唔飽一個男人🤣🤣🤣😹。

嚟東涌，行完山，更係要揾嘢食，牛角次男都幾多人等，但唔會太耐，叫咗牛丼套餐，味道唔錯👍用粒足，個樣又幾正，望落去都流口水🤤個fd 都話ok，原來東涌都幾多嘢食，下次再嚟可以試試其他嘢

今日食晏見本身個商場食嘅好似都係d連鎖餐廳我地就見係牛角其下開嘅牛丼就一於入去試下我地order咗一個推介嘅燒牛肉丼同埋牛舌丼燒牛丼上枱個份量都唔細而且肉質肥瘦適中如果係好肚餓應該都一定夠食而且牛肉燒得香口配上燒肉汁好似真係平時食牛角咁另外牛舌丼就都燒得唔算韌厚薄同食平時牛角嘅牛舌一樣配上同一種燒肉汁食落都幾滿足如果唔想燒到成身味黎食燒肉丼都係唔錯嘅選擇而且見佢都有唔少分店另外一提m size會啱女仔食d男仔就可能會唔夠飽

話咁快我同🐻已經一齊21個月啦～今日趁復活節長假期最後一日，去東涌拍拖拖（其實係做功課(꒦ິ⌑︎꒦ີ) ）行過見到牛角次男坊嘅午餐set好似幾抵咁，決定入去試下，點知！！中伏了！！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ 1️⃣ 澳洲牛板腱丼 ($102) 味道的確幾唔錯，啲肉係幾嫩滑，醬汁非常開胃！但呢個份量少到想報警⋯⋯邊個成年人（普遍食量）可以食一碗巴掌大嘅飯（碗深仲要得兩節手指咁長）就飽？ 2️⃣ 鹽燒牛舌丼 (M) ($77) 呢個有M size 同 L size 揀，我一開始驚食唔曬，嗌咗M size，但端上嚟嘅時候，我發現我多慮了⋯⋯同上面一樣，巴掌大嘅飯到底是誰在吃？？不過我呢碗比較深，所以勉強夠飽，可憐🐻食完一碗先啱啱開胃，又唔想喺度嗌多啲嘢食繼續俾人劏，惟有等我食完出去繼續覓食 ໒꒰ྀིっ˕ -｡꒱ྀི১

份量10足的豚肉飯。set lunch 包野飲。同時又可以在櫃檯加些牛肉汁，撈飯或餸飯。而且套餐包埋中華沙律，一次過滿足哂自己對食肉嘅要求。吃完之後比較飽肚，期待下一次再試埋其他便當。

今日去次男坊食飯，食到尾見到碗底有條大裂縫，好誇張，有點擔心食物衛生問題，因為條裂縫感覺好難洗乾淨，就算有食物殘渣攝入去都唔出奇，加上唔知係幾時裂開的，隻碗裂出來的野唔知會唔會混在飯中，有點擔心。

入到東涌, 竟然食咗牛角, 但食物味道有保證 食物 : 牛角次男坊丼 $97 ~ 打開餐牌, 立即見到這碗巨形丼飯, 而且還是NO.1人氣, 無理由唔試下, 丼飯嚟到真係如相片有很多燒肉, 燒肉味道好好唔好韌, 不經不覺食晒成碗丼飯, 好飽好滿足 飲品 : 加$13 配有味噌湯, 前菜及汽水, 味噌湯味道普普通通 環境 : 店內環境舒服乾淨, 但有很多一家大小的遊客, 比較嘈 服務 : 職員有禮貌 價錢 : HK$110

It was pretty late for a proper lunch but we were so starved that just wanted to eat anything we saw. We went in this Japanese roasted meat restaurant for a quick grab. Staff arranged seats efficiently while orders are made via QR code. Menu served variety meat type and cuts, appreciated having kids, lighter or vegetarian options. We ordered the salted roasted beef rice and assorted rice set. Salted roasted beef was in thin cut. Lightly charred. Half lean and half tendon, but soft and tender. Sa

喺東涌東薈城行街，行到攰，見到呢間牛角次男坊食牛肉丼好似好吸引，於是入去試吓。食咗個次男方丼定食，成座山咁，啲肉都燒得幾好味，但個牛舌丼就真心唔掂，牛舌煮耐咗有啲韌，失望。呢個幾好味😋

🇯🇵日式 🍱牛肉飯 🚹1-4人 ——————牛角飯係唔少人食牛角打邊爐嘅愛❤️🤣但牛角次男坊又如何？東涌呢間平時都多人等位，當日唔想打邊爐嘅🐻🐻‍❄️見唔多人排隊，就決定食呢間！叫左2️⃣人前定食，包括：前菜：溏心蛋、溫野菜炸物：薯寶配芝士醬、炸忌廉蟹肉薯餅燒物：雞腿肉串燒(2串)燒肉丼：牛角燒牛肉丼、鹽燒牛舌丼其他：味噌湯x2💲268最重點嘅牛角燒牛肉…非！常！韌！鹽燒牛舌好少少，但味道偏淡…叫左少飯但飯量都仲好多🤣個飯亦得好少汁，兩個燒肉丼定食都麻麻⛔️反而其他前菜、小食比較落就唔錯，薯寶似炸薯餅，薯餅都creamy，串燒嘅汁好夠味🤣結論：雖然價錢唔貴，但最重點嘅牛肉質素較差，唔會encore

牛角就食得多，但牛角次男坊就第一次食！去開東涌見到原來有呢間就一於試下～試咗期間限定嘅松板豚丼～ 豚肉舖滿個碗，燒得好香！有人燒埋肉俾你，大大碗上菜，係幾滿足嘅👍🏻 下次可以再試其他丼！

商場內其中一家係最繁忙嘅lunch hour 時段，唔使等位嘅餐廳。之前黎過路過，餐廳嘅空凳都冇咁多，所以今日過嚟，見到咁嘅情況，要諗一諗係咪真係要食😬😬坐低之後，見到餐牌冇咗之前lunch食過嘅雙拼，不過就多咗啦健康精選 - 椰菜花飯底最後我哋三個叫咗：鹽燒豬肉片飯M、秘製牛腹腩肉飯M同埋椰菜花飯配鹽燒牛腹腩肉。哇，個份量簡直少得可憐，每個飯只有4片肉😵‍💫真心搞唔掂，同以前差距超大，真係唔會有下次

牛角次男坊係以燒牛肉飯聞名嘅連鎖日式牛丼舖。整體服務態度好親切😊,舖頭環境乾淨整潔👌。價錢方面算中等水平,一般一碗丼飯大約$80蚊💰。燒牛肉丼味道好正宗,用料十分足夠😋。牛肉嘅分量好多,而且肉質較厚,食落去好嫩滑。醬汁都好濃郁,牛肉同白飯淋上醬汁之後非常香濃。除咗燒牛肉丼,牛角次男坊仲有其他丼飯可以揀,咁如燒雞肉丼、煎豬肉丼等。飯菜嘅口感都唔錯,味道都好好味😍。總體嚟講,牛角次男坊嘅燒牛肉丼同其他丼飯味道都好正宗美味,係東薈城內較優質嘅日式牛丼專門舖,值得一試!🤩

只可以講開正喺旺區係點都有生意，頭先見間間都好多人排隊，得呢間可以直入，就入咗去，嗌咗個2人套餐，結果同女朋友完全食唔哂個飯，原因係啲牛實在油到一個極點，心諗我自己烤都烤得好過你，唔知自己食咗啲咩⋯⋯本來極肚餓，食咗一半已經冇晒胃口，整到啲嘢咁油膩，嘢食仲要唔夠熱，食到一半已經擺唔落口。嘢食最後又嚟唔齊，見冇晒胃口都懶得叫人上埋，畀錢買教訓！永遠唔會再嚟🥱真係寧願去food court算，起碼人地$50真係貨真價實嘅質素。

我最近去了牛角次男坊，回了他們的牛角牛丼飯，留下了深刻的印象。我點了一個套餐，加了幾十蚊左右，可以選擇一個小食和湯，非常划算。當我的牛丼上桌時，我驚訝地發現牛肉的份量超多，堆成了一座小山的造型非常吸引人。更重要的是，牛肉的質素非常好，新鮮而且調味非常之好，讓我吃得非常過癮。✨此外，小食也非常美味，我選擇了他們的溏心蛋，味道也很好。整體而言，這是一家非常值得一試的餐廳，他們的牛丼飯非常好吃，而且份量十分豐盛，一定能夠滿足你的食慾。如果你想品嚐美味的牛丼飯，不妨來到牛角次男坊👍🏻