牛角次男坊 (已結業)

高cp值丼飯之選😋😋 終於有機會試到牛角次男坊，傳說中據聞係抵食版牛角，一於試下下係咪先🧐💙【堂食限定】二人餐 $235呢個價錢黎講算係幾豐富，有前菜/炸物/飯/甜品/飲品😆前菜其實即係蛋，我地揀左溫泉蛋同溏心蛋🫠溫泉蛋就好似平時牛角飯個蛋咁，用黎撈飯一流👍🏻但溏心蛋相對上有少少失色，略嫌煮得太熟，唔算太有糖心效果🥹炸物我地揀左炸忌廉蟹肉薯餅，食唔到即刻炸起既溫度，要扣誠意分🫣🫣但味道幾好，望落金黃色，賣相都吸引既🫠飯我地加左$10揀牛角次郎坊丼，牛肉有好多塊，但其實個飯唔係想像中咁多，因為中間全部都係芽菜墊高左🥲🥲但份量都算多，淨係食個飯都夠曬飽🤣🤣牛肉幾好食，個汁調味都幾好味，唔會淨係得甜或者鹹味，食到d味咻酒香，好味過其他連鎖牛丼!😆👍🏻甜品係維記mini雪米磁，呢個就真係要講下，上菜既時候係一個set咁全部野上曬，真係好surprise連雪糕都可以一開始就上😵‍💫😵‍💫我地食到最後雪糕都溶曬，雪米磁個皮癡住曬個包裝，理解唔到點解要一開始就全部野上曬，無加一都唔洗咁呀🤡🤧飲品無咩特別，都係普通罐裝飲品，唔想咁heavy可以揀解茶😃味道：8/10性價比：7.5/10📍牛角次男坊 （

有時一個人唔知食乜好 不如試吓次男坊 價錢唔貴 份量十足唔使等位 直接入座今次試咗牛肉丼同埋厚切牛舌丼食牛肉最怕佢煮得太熟搞到好韌咬唔開佢哋嘅牛肉同厚切牛舌完全冇呢個情況出現嫩滑多汁 味度濃度調配啱啱好個人來講比較推薦厚切牛舌丼建議要求多汁會更加好味

牛角次男坊 係日本牛角的兄弟店, 主打即叫即燒的燒肉丼. 我地今次叫左個 安格斯牛板腱肉丼, 鴨肝豚肉丼飯安格斯牛板腱肉丼 ($109) 丼飯個D牛肉疊到成座山甘, 真係好多肉, 分量十足, 印象中有成十塊肉中間有D芽菜, 底部係珍珠米牛肉汁好香甜濃味, 令牛肉好入味, 亦十分撈飯, 可惜牛肉燒到有D韌.鴨肝豚肉丼飯 ($132)個丼飯有2件鴨肝, 同好多塊的豚肉似係炸過的鴨肝, 口感细嫩, 鴨肝香味十分回甘豚肉一D都唔肥, 口感厚實, 仲有少少的碳燒味配埋燒肉汁撈飯一流

🐮🐮🐮🥩牛角的姐妹餐廳🍴- 牛肉丼飯- 豚肉鴨肝丼飯🥩肉嘅份量都足夠，不過牛角都係牛肉好食啲，鴨肝同豚肉就唔係太夾，下次都係哎飯牛肉配鴨肝開心啲 🤣🤣

去淘大搵嘢食，見到呢間牛角次男方未食過就試吓啦，平均一個set大概$100，有啲貴，似茶餐廳嘅牛角碟頭飯，份量都可以接受，但係啲牛肉有啲乾，沙律中規中矩，嘢飲要另外加錢，應該唔會再去

淘大店岩岩開時我經常幫趁，之後差左先少食左，直至上星期五真係差到一個點我先忍唔住寫食評。。。仲嘗試去佢website寫feedback form點知submit唔到的。。。日本品牌黎講都算唔聽客意見🤪星期五透過Kabu app下單外賣自取，買左一個鹽燒牛舌丼、海盛揚物丼，加配一口脆魷魚和亂刃燒牛舌，好既位係分店準時出餐。但返到去開盒發現鹽燒牛舌丼沒有汁，乾爭爭的，但是點餐明明揀左正常汁，好彩有叫牛舌小食，將果少少汁倒入飯先勉強食得晒燒牛舌小食$28打開蓋只有四小粒，真是小得好可憐，反而一口脆魷魚$18的份量就合理得多。性價比極低。。。

有次在荃灣見到這間牛角系列的姊妹店，但那次沒機會，今次終於可以試到。可惜今天是星期六，沒有套餐，不然會更平。加10元便有汽水及味噌湯。叫了一個次男坊丼，草飼牛腹腩，16cm高內裏原來是用多層芽菜頂起，芽菜用了麵豉汁煮過，有香味但口味較淡，牛肉薄片底下配燒汁，安全之選。豚丼，豚肉片配溫泉蛋，也是燒汁底，大量青蔥，紫菜，也是穩陣的組合。這樣質素的丼在其他店可能要9x-100或以上，這裏雖然不是特別出眾，但勝在性價比高。炸蝦十分大隻，不是普遍的河蝦，應該是甜蝦，用來送啤酒和汽水一流。

之前開party驚唔夠食，所以叫左一盤草飼牛腹腩 超巨大!丼🤩🤩外賣黎到仲暖熱，而且會另外有一碗牛肉汁係用黎撈飯🤤不過建議唔好落太多,因為味道偏濃偏鹹至於燒牛肉方面 唔會太乾,有肉汁👍外賣黎講, 呢個巨大丼真係搶哂鏡!賣相好吸引😍屋企開party真係值得推介叫一盤開心share😋

今日行開九龍灣，入左去淘大呢間牛角次男丼今個lunch, 佢個買餐形式好似MosBurger咁，係門口order左餐先，拎住個號碼牌再搵盒坐，就會有人送餐送到你枱上面😚 佢地都好細心，個個餐拎出嚟果陣都會有個蓋蓋住個飯，咁就唔洗怕有衛生問題👍🏻

作為住係附近既居民，呢間牛角次男坊係我唔知食咩既時候會選擇既餐廳。今次想介紹下最穩陣既飯d牛肉堆得好高，醬汁味道同牛角燒肉汁相似，肉下面亦都有芽菜解膩，而飯既份量都好適中，不過胃口細既我會剩一兩啖而我每次去都會追加一份鴨肝（～$25），因為鴨肝d油脂送飯真係好正！如果住係九龍灣既朋友仔覺得燒肉太heavy而又想食肉，真係值得一試！餐廳入面既位置雖然唔算多，不過都坐得舒服，但環境就偏暗左少少而個燈光都令人覺得有少少熱，希望可以改善下！

hello 歡迎大家入黎睇Clover_EatEatEat嘅食評，今日同大家分享一間餐廳：牛角次男坊！前幾日同朋友去淘大行街，經過呢間餐廳，見到佢係牛角集團直屬，平時都好鍾意食牛角所以就入去試一試，我地當日唔洗排隊直接入去！我地今次就嗌左兩樣嘢，其中包括牛角次男坊丼同安格斯牛頸脊丼。❀ 牛角次男坊丼 $86外貌好靚呀，舖滿牛肉好似一座火山咁，味道方面肉味濃 同平時牛角自己燒其實差唔多可能係因為醬汁問題，口感似肥牛，86蚊嘅價錢個人覺得性價比唔錯，推薦大家試一試！❀ 安格斯牛頸脊丼 $119鋪滿曬牛肉，分量好足，味道同口感都一流，牛肉嫩過牛角次男坊丼d牛！如果對牛有要求就不妨試下！

🥳九龍灣燒肉定食😚------------------------------💛燒牛舌丼👅-💵68牛舌多到鋪滿哂成碗飯🤩再加埋牛角燒肉汁👏🏻簡直係絕配🤤但係可能燒得耐咗啲🤏🏻牛舌有啲韌🤨💛豚肉丼🐖-💵76豚肉再加温泉蛋🥚好好味呀🤤🤤🤤豚肉一啲都唔韌🤩越食越上癮🤓我地認為豚肉丼好食過燒牛舌丼😃------------------------------🤤好味度：7.5/10🧚🏻回頭率：8/10牛角次男坊 (九龍灣)🇭🇰九龍灣牛頭角道77號淘大商場1期地下G143-162號舖#九龍灣美食 #九龍灣 #淘大花園 #牛舌 #燒肉 #飯 #淘大美食 #人氣美食 #情侶好去處 #日本 #香港 #美食 #香港美食 #吃貨 #九龍灣好去處 #食好西 #香港好去處 #香港美食指南 #hongkong #foodie #hkfoodie #hkig #hkfoodblogger #hkfoodblog

行過淘大，聞到好香的燒肉味～ 睇見哩間個名應該同牛角有關係😂 諗住有人燒埋俾你就去試下。需要係出面落左單先，落單後就會有個牌俾你擺係枱上，會有員工直接拎餐俾你。餐廳唔算大，可以自己揀位座。有個自助區可以自己斟水同拎碗及餐具。今次試左新出的豬肋骨丼，牛頸脊丼同炸雞！ 牛頸脊丼有好多片薄牛肉！飯都好多汁，好餸飯！食完男友即刻去買左樽牛角燒肉汁番屋企😂豬肋骨丼堆到座山咁高，味道都好食的！但肉質較厚，唔夠牛肉咁入味！炸雞不過不失，唔係特別出色。下次想試下豚肉片丼或有鵝肝的款😋

要先喺門口櫃枱點餐再俾埋錢，先入去食。所以如果一人嚟，最好先喺入面門口望望有冇位先再買餐。望落都幾講求衞生。至少每枱客離開後，員工都攞住盒消毒八寶盒，執完枱喺枱面又噴又抹，亦會換布抹唔係用死一塊布。比較揀手係有啲丼飯有紫菜就冇蛋、有蛋就冇紫菜，索性追加溫泉蛋同雜菜，雜菜比想像中新鮮。「牛角次男坊丼」，侍者捧嚟時係用個透明略尖嘅膠蓋冚住，放枱面一揭開，同餐單圖片差別唔算大，四大片紫菜、一小撮藏紅花喺個肉山山頂，火焰山咁嘅造型。收得呢個價錢都俾番咁上下餸，鋪滿哂啲爽滑濃汁牛腹肉。相對嚟講，另一個「霸王豚肋骨丼」就寡咗啲，冇紫菜，不過叫做有6條大大條、有啲筋位幾有嚼口又唔靭嘅金沙骨補番。

之前試過一次外賣覺得幾好食，所以今日encore！今次嗌咗個豚肉丼同炸雞🍗豚肉丼有個溫泉蛋中間😍被香噴噴嘅豚肉包圍住🤭蔥花灑喺上面點綴令成個飯色彩更鮮艷，睇落都好食d👍🏻啲豚肉大大嚿舖滿成碗飯，用料一啲都唔馬虎👍🏻食落去都好香口，肉質鮮嫩多汁，不錯不錯！重點係唔使自己燒都有燒肉食😆唐揚炸雞就稍嫌失色啦！賣相睇落唔錯！炸到金黃色咁！但係一咬落去：咦！唔脆嘅😅咁就真係差咁啲啦！味道方面就不過不失啦😅可以更好🙂