牛角次男坊 (東薈城名店倉)

營業中

休息中

.📍牛角次男坊📍香港東涌達東路20號東薈城2期7樓706號舖這次點了一個次男丼飯(88hkd)跟牛舌丼飯(68hkd)，先說我比較喜歡牛舌的那款，因為是薄切的關係，肉不會難咬，因為很多做牛舌的店都做的太難咬了，而且醬汁也很下飯，但次男丼飯的虛位比較多，表面的肉底下全都是我比較沒那麼喜歡的豆芽菜，所以這個丼飯的蔬菜量其實挺多的，對肉食怪來說那能就沒那麼友好了，下次不會被它那座高高的小山丘所騙了啦😂

是日又入嚟開會，當然要先醫肚，見這間牛角以燒肉丼為主打的店賣相吸引，便入來一試……日本的燒肉一向是我們牛魔王的摰愛，干脆点了這個次男坊丼定食，這裡是以快餐形式經營，要先在收銀處点單付款，携號碼牌再找坐位，服務員隨後便把餐送到，相當方便……送上來見到丼飯叠得相當高，其實只是幻覺，烤牛腹肉一片片鋪在飯上，當中有相當的芽菜在內，所以顯得高及豐厚，牛肉並沒有多到，白飯裡亦拌了葱花及碎紫菜，味道還好，反而牛肉並未有燒烤的油香，醬汁是濃郁的，但就是欠缺了牛脂的烤香，可能是因為牛肉是火鍋式的薄切片，並不是平常烤肉的那種厚切片……整體而言索價九十當然有点不值，但一試也無妨…… 咪就係一試咁多囉！ 😂😂

轉車去昂坪行山之前，入左東薈城搵食醫肚先。裝左修嘅東薈城闊落左好多，亦都多左好多餐廳。上到頂樓見到有牛角次男坊，睇完meun係食牛丼飯，覺得幾吸引就試下先。個日咁啱開門，完全唔需要等位。入到去係出面收銀比完錢，再任揀位坐。個陣做緊優惠，細碗牛舌飯配枝裝烏龍茶。落完單，食物都好快嚟到。咁嘅價錢嘅牛舌整得唔差，比想像中出色！！！！反而，係個醬汁太多太咸，整體嚟講，個牛舌飯都幾抵食，仲配枝裝茶，幾實惠。

今日去東涌行山，出發前見到有牛角飯就去試下！我地2個人叫咗個牛舌飯同牛角次男坊井。個牛井牛肉份量幾多，而且幾有肉味。但係就個飯就多汁偏咸，有啲失色。而牛舌好簿，欠缺口感。下次都係會選擇返自己燒黎食！

東涌一曰遊 呢個陌生既地方 真係唔知食咩好 上網一搵就見到呢間 一向鍾意食燒牛 即刻想試 見到成坐山咁既燒牛肉即刻鎖定目標 燒汁野味 牛肉好味 價錢合理 值得一試套餐仲有埋飲品 絕對係抵

早排去咗大澳玩，入去之前經過東涌食啲嘢先，見到東薈城間牛角次男坊做緊promotion‼️只要惠顧「極上牛角次男坊丼 (日本熊本玉名黑牛牛肋肉)」就會送一碗以日本岐阜縣A5飛驒和牛上肩胛肉製作嘅「贅沢牛角次男坊丼」，姐係每人平均只係$96.5就可以食到和牛喇😍，咁抵🔥，小肥妹都唔執輸去排下隊🤤• 極上牛角次男坊丼 (日本熊本玉名黑牛牛肋肉) $193雖然依個飯唔係用咗和牛，但係都用上日本國產既黑牛製作，質素緊係唔差，濃濃既肉味又有咬口，諗起又流晒口水，最讚係佢哋牛角嘅燒肉汁，真係好鬼死惹味㗎姐😠😠• 贅沢牛角次男坊丼（日本岐阜縣A5飛驒和牛上肩胛肉）原價$293送嘅依個和牛丼價值竟然仲高🙀飛驒牛咁出名應該冇人唔識😚和牛油脂感一定都有返咁上下，啲油香係個口到浪下浪下🤤食完一啖，再食返上面嗰款，就會感覺到明顯嘅差別🤣🤣不過兩款都係美味しですれ🥰

想食燒肉但又唔夠時間食燒烤？牛角次男坊幫到你🤪 牛肉燒肉丼定食 ($69) 燒肉、醬汁同飯嘅比例剛剛好👍🏻 $70蚊唔洗就可以一解燒肉癮🤤 另外仲點咗牛角次男坊丼定食 ($88)，選用美國草飼牛腹腩，柔嫩度更高～ 除咗肉嘅份量更多，仲多咗蔥花同紫菜～ 個人覺得後者性價比更高！👍🏻定食價錢已配一碟前菜及一支350ml道地極品纖解茶或罐裝可樂。食完燒肉想飲茶解一解油膩感或者飲啖可樂gur 一gur都可以😆⏱ 平日晚市不需等位🍀 荃灣亦設分店 👣 @myeatingstep

行完山落到東涌 梗係要食返肉補充體力啦😂搵到嚟東薈城嘅牛角分店😙💛牛角次男坊丼定食(美國草飼牛腹腩) ($88)唔知係咪因為好耐冇食過牛肉嘅關係🐮覺得每塊牛肉都好肥美 好好味 牛肉味重 唔會比調味同醬汁搶咗原本嘅味道 不過可能因為燒牛肉嘅關係 有啲油 食耐左就會有啲膩賣相好吸引 佢用一個高身嘅碗疊到個牛肉好高 令到個飯更加吸引🤤但係其實白飯嘅份量比較少 如果可以多番少少飯 就更加好啦😙跟餐仲有一罐汽水飲品同沙律添😙

去到東涌遠遠地唔知有咩好食，同朋友見到熟悉既牛角開左副線就入左去，聽到牛角個名都有質量保証，唔驚太伏。午市定食係東薈城呢個偏貴既商場入面價錢都唔算貴，今次我揀左味贈牛舌丼飯。午市定食再有中華沙律做前菜，另外再有埋細支裝道地解茶一支，而個飯既牛舌薄薄地，唔係好煙 un , 食落去牛肉味都好夠入味，醬汁亦都好 match 個飯，每啖飯再配上牛舌真係好滿足店內環境都係日系裝修，都好大好多位，落單就要自己去櫃檯落完單拎個號碼牌，如果自己一個人黎冇位果時就會有啲麻煩。

發現新優惠😎見到OpenRice同牛角次男合作有得order外賣自取6折，然後仲要六折完新用戶第一次俾錢既話用信用卡可以再減$20，所以折完再減錢之後個飯先$40勁抵啊！！原價好似要$80架！！外賣水準都幾高，燒肉係即刻燒㗎，到我食嗰刻都係熱嘅，紫菜好似有三塊，肉嘅比例都好多，我平時都好大食嘅，但係我食就啱啱好。同事見到我食話我好豪爽食咁貴，我一講個飯$40佢哋嚇親，跟住我就教佢地點樣整到咁平，然後佢哋嗰幾日連續日日買，男仔食都話燒肉好入味好好食份量都OK。大家可以去試吓啊喺OpenRice order完，會有取餐通知同預計取餐時間，見到咁上下差唔多得行過去拎就啱啱好🤪

牛角燒肉丼定食 $69 +溏心蛋 $12面頭鋪滿好幾大片燒牛肉無論係外觀、香味同味道都係一絕味增牛舌丼定食 $59+燒肉 (3片) $29 +溫泉蛋 $12依個咁豐盛嘅就係我嘅新一年要食好啲嘛🥲又想食牛舌又想食牛肉牛舌無得追加 燒肉有得追加所以就咁樣嗌先講個飯 撈咗啲燒肉汁，濃味得嚟好送飯加咗啲牛，所以覺得唔係好夠飯食牛舌呢就正常發揮啦無乜特別反而啲燒牛肉真係好正🥺燒到少少焦香🤏🏻加上隻牛又少少肥🤏🏻配埋啲燒肉汁汁再用塊牛包住舊飯嚟食正啊不過我覺得3塊真係啱啱好嗌燒肉丼咁多塊，應該連我都會覺得有啲膩🤫

✅ 牛角次男坊丼 ($88)個丼飯成個山咁 賣相一流～面頭美國草飼牛腹腩好肥美 調味好出色！份量都唔少 牛下面有大量芽菜 同埋飯～飯比較濕同黏 比較扣分 不過有紫菜碎同幾塊大紫菜可以撈飯食！另外加左溏心蛋 ($12)同溫野菜 ($9) 撈埋仲正➡️ 特上牛角次男坊丼 ($129) 結構同平d既牛角次男坊丼一樣，唯一唔同係面頭既牛肉級數 用既係美國SRF 和牛 肉質比上面既好 不過調味反而比較遜色 所以叫普通丼已經好抵食🦁 牛角次男坊東涌達東路20號東薈城2期7樓706號舖荃灣大壩街4-30號荃灣廣場1樓112B-113號舖🦁 人均消費：～$120｜推介：❣️❣️❣️ ❣️🦁 總結：好抵食 不過叫個基本牛丼已經好高質。另外外賣自取再有折 仲抵！

係出面欣賞個餐牌一陣，興致勃勃咁入去，打算食餐靚牛😭見到個圖案好吸引，覺得應該質素同牛角差唔多，價錢略貴，但如果食物質素ok。其實都可以接受一入到去叫左2個定食，一個小沙津加一支飲品，17:30後75折如果沒有75折，我覺得不值，賣相好靚，來到都會仍然會嘩一聲，但一食落好牛肉乾爭爭，就好似食緊牛肉乾一樣，2款也是另加半熟蛋，蛋係全熟旦，同一隻烚旦冇分別，極度失望，不會再光顧實在太難食了，飯又冧得制

行完商場睇完戲時間啱啱好，就見到呢一間野又唔使點樣排隊所以就入咗去食。一開頭見到餐牌會覺得份量好少，但嚟到嘅時候又會覺得大得誇張，但食到咁上下見到隻碗係好淺嘅時候又覺得份量其實啱啱好，完全係來回地獄又折返。叫咗一碗燒牛肉，一碗西班牙豚肉，再加一份蝦刺身。個餐本身包嘢飲，所以叫咗一碗麵豉湯，一支解茶。講番啲燒牛肉，燒到啲邊啱啱好有少少黑色，酸酸甜甜好開胃；啲西班牙豚肉，肉質好好，煮到啱啱好熟多少少🤏🏻。不過啲刺身就真係差少少，成$60先得兩隻，仲要得個頭大，個身真係細得可憐。另外一提，呢間野係我少見嘅仲有執枱專員👍🏻👍🏻

難得某日午飯時間見到牛角次男坊係冇人龍嘅，我同我啲同事當然立即衝入去啦。⁣▫️豚肉丼定食採用優質西班牙🇪🇸豚肉。上面淋上次男坊燒肉汁。唔止豚肉有燒肉汁，連漲卜卜嘅飯粒都沾上燒肉汁，教人點樣抗拒呢！明明話食少啲澱粉質嘅我都忍唔住食晒成碗飯喇🤦🏻‍♀️ 呢份定食價錢為HKD78再85折(同事有牛角卡😉)。包括一碟前菜及一支道地「纖。解茶」(其他飲品例如汽水需要加錢)。⁣同事點嗰個「次男坊丼」賣相比我嗰碗吸引得多，層層牛肉疊到成座山咁高😍😍下次再去一定要試呢個😍😍良心店為了支持國泰航空公司嘅員工，推出了期間限定升級優惠。於星期一至日，國泰員工凡堂食惠顧任何正價燒肉丼一客，即免費加配「火焰鮑魚」一隻。咪以為免費就冇好嘢，隻鮑魚真係唔差㗎。(嗱～個優惠做到幾時我真係唔知㗎)。係國泰員工先有咋，因為要出示員工證 。