牛角Buffet (雅蘭中心)

營業中

休息中

今次叫左lv3，有好多唔同嘅牛肉啦，豬肉啦，配菜。啲牛肉全部都好新鮮，唔會太肥。啲配菜種類繁多，適合唔同嘅人食。有唔同嘅嘢飲啦可以選擇，雪糕嘅種類都好多，我哋可以去浸雪糕。環境衛生方面良好。員工服務態度良好。上菜時間好快。價錢方面有啲貴。

第二次食牛角午市定食放題，今次揀左100分鐘最平$138嘅套餐揀左雞腎同埋雞肉，半自助區有我最鐘意嘅牛角飯啦、前菜有牛油果沙律、青瓜、豆腐、泡茶等等甜品有朱古力大福，泡芙同雪糕等等，其實我覺得午市定食已經好滿足，因為我都係最鐘意食牛角飯，紫菜撈飯正！

識人好過識字，食嘢都要識人🥰唔係又點會有金卡，除咗有八五折之外，仲可以快速排隊👍🏻要整一張金卡都唔平㗎，首先你要累積食超過萬幾蚊先至有一張金卡😂所以識人真係好重要，特別係食好東西方面😬😬😬 今日同一班朋友一齊去食牛角自助餐😋雖然牛角要排隊排好耐，但其實都幾值得去食，因為佢啲牛肉真心係幾好食，不過時間真係有啲短90分鐘食得幾多，所以要瘋狂係咁食食食食食….而且佢每隔一段時間再有新款嘅牛肉比大家選擇，而今次就出左「王樣！腹胸肉 - 鹽味牛油」&「王樣！腹胸肉 - 蒜香炭燒醬」🥩🥩🤪🤪 我想講呢兩款肉真係好好食，所以今次我係專食依兩款肉😌😌除咗啲牛肉好食之外，我特別鍾意粟米，然後再叫一啲拉絲嘅芝士同牛油，將呢三種材料撈埋一齊就變咗香濃嘅芝士粟米🧀🌽😚😚我哋嘅套餐仲可以任叫小食，而且佢小食嘅種類越來越多，有薯角、炸豆腐、炸雞、章魚小丸子、一口芝士年糕、炸雞串、雞翼等等，都係任叫🫣🫣而出面嘅自助吧，可以任斟嘢飲之外🍹🍹，都可以任意支雪糕🍦🍨極力推薦佢哋伯爵茶雪糕同埋3.6牛乳雪糕，而今次有一款特別嘅口味就係蜜桃雪糕，佢嘅蜜桃味都好好濃好香👍🏻👍🏻👍🏻溫馨提示，唔好因為好食而叫咁多，要適可而止唔好

由於小朋友鐘意食紫菜飯,又去開旺角,所以就去食牛角。牛角飯可以任加紫菜,有唔同味汽水任溝,雪糕可以自己整,BEAR BEAR 糖,甜品任拎,小朋友一定鐘意。但由於小朋友食得唔多,我地又𧼮時間,只好簡定食。火爐亦夠猛。牛全部咬得郁,牛舌係我最愛。甜品大福都好味,WAFFLES略嫌硬,雪糕亦夾有冰。忌簾湯味道亦不錯,另外栗米亦好甜,肉類質素唔錯。唯一美中不足是部份服務員態度(面口姐姐同向部份員工查詢時的個人感覺),感覺部份地方較油同較大煙。

高質的燒肉放題，套餐上有不同價錢選擇，由約300元至500多元，符合不同經濟能力的食客。而我選擇了第二平價的套餐，餐廳沒有因為價錢而降低食物的質素，各款肉類都味道甚好，而本人喜愛吃燒牛肉，故下單點了很多牛雖然是燒肉店，但店內抽風系統不錯，沒有太大油煙。總結而言是不錯的美食體驗。

朋友有個朋友係入面做，可以幫手做booking，所以先選擇尼間餐廳，直接去拎飛排隊有排先到，佢放題有幾種價錢，我揀左中間個種，反正都食唔到太多野，每樣試下少少咁🤔依家用電子落單，d食物都尼得幾快，無漏單既情況出現，感覺唔錯，牛肉都鮮紅色，好新鮮，唔會放左好耐，幾好食不過我等帶位個陣無聊禁制拎左張walk in 飛，食完出尼睇番個number，仲有20個先到，walk in真心唔建議，除非你唔係太肚餓咁樣開始排😅

諗住同朋友食得好DD，揀左 LV4和牛放題點知性價比咁低， 包含嘅任選小食入面，原來有幾款都冇， 但沒有事先講明。而海鮮扇貝及蝦等，簡直唔新鮮到爆， 炸物係有油浸住，D炸粉又厚又唔脆，牛肉更加大失所望， 質素超低。食到中途有隻蟑螂爬到枱上， 立即想叫職員，但係等咗好耐先有人幫忙，隻蟑螂已經不知所蹤... 之後已經唔敢再食其他嘢，冇哂食慾😥食完呢餐，又搞肚痛又肚屙咗幾次， 真心冇諗過大集團會咁。(申利:本人今朝先做完body check， 尋晚已一早空腹 ，之後亦都冇食過其他嘢～所以唔係受其他食物所影響)如果大家唔想清腸胃，就自己諗清楚🙈本身都唔想寫篇嘢影響佢哋 ，食物質素其次，但係令到身體有影響，我覺得大家都要小心

前幾日想食熟肉，就嚟左旺角嘅牛角🥩雖然嚟到嗰陣係4-5點，唔係食lunch同dinner嘅時間，但都大排長龍💫差唔多滿曬座咁濟～而喺食物方面，不論係牛猪定熟食方面都有好多選擇，而牛嘅質素都好高。唔會太油膩，反而好嫩同Q彈，食落口仲有好大陣牛香🤤另外都要提一提佢嘅熟食，炸雞炸魷魚鬚，炸粉厚度適中，唔會話炸得太柴👍🏿雖然價錢方面較貴，但可以食到高質肉都算係唔話得！如果有機會都會再試💫但最好係都係平日會好啲🙈等位都唔駛太耐～

平時食開牛角level 3放題，見lunch set有和牛嘅set可以揀，一於試下喇，平平地折埋都係$200左右，雖然肉量係限定嘅，不過可以以咁嘅價錢試和牛都可以嘅😝😝😝PS.我地係app到拎籌，所以唔使等就入到去🤩我就揀左lunch G，有美國、澳洲、日本嘅和牛，除左一口牛燒得有d韌外（可能我燒得唔好 🫣），其他和牛都幾易咬，最鐘意係左上角嘅日本和牛肩脊肉，睇到d花紋就知油脂感好正，燒嗰陣係咁起火🔥🤣食落唔使點咬就吞落肚😍😍😍😍😍😍黎到牛角，一定要食佢嘅牛角飯，加埋d醬汁同好多好多嘅紫菜，真心好好好食，每次都一大碗，明明平時我唔係點食飯🤔一塊肉➕泡菜➕牛角飯，加埋一淡食落肚，真係好滿足🥰🥰🥰就算幾飽都好，呢個係必食嘅🤤🤤🤤自助吧嘅話，銅鑼燒同牛乳雪糕都好食，銅鑼燒攞去燒下，外層會脆脆地，而牛乳雪糕甜度唔高奶味都可以，佢地放埋一齊食都好夾🤩整體黎講，今次食左60分鐘嘅lunch set，時間係夠嘅，但講真係有d趕嘅，如果想慢慢食嘅可以揀100分鐘，可能會好d🫢

第一次去牛角食buffet 又興奮又期待嗰日紅日下晝大約三四點 好開心估唔到Walk in都有位 一行到入去 煙霧離漫 真係好想掉頭走 有一刻懷疑過其實佢哋有冇開個通風系統 所以食得幾辛苦 不斷吸啲煙 好想知係旺角呢間分店係咁定其他都一樣係咁揀咗lv3 覺得個SRF牛又真係幾唔錯幾好食 所以主要都係叫SRF 黎食 其他嘢正正常常都唔錯飲品方面好少選擇 得啲汽水 同埋啲極度甜嘅果汁（好難飲）雪糕亦都唔吸引 加埋一 四百幾蚊一個人 中規中矩啦

同朋友約咗好耐，好艱辛咁約到星期五一齊食飯，咁啱嗰日我放假，所以我同另外一個朋友去攞位先。😎但星期五嘅牛角實在太多人，等到8:00先有得入座。😢我地揀咗個Level B嚟食，三百幾蚊得一百分鐘其實唔算多，因為加埋換網呢啲濕碎嘢其實可能可能得八十幾分鐘食。😔但係撇開呢啲唔講，就算level B嘅牛角啲牛都幾高質。要嫩有嫩，要牛味有牛味，仲有飯同豬。😋😋不過排隊嗰陣時會成日比金會員打尖希望牛角可以改善下呢個問題。😔

幫襯左牛角好多年，除咗牛角，仲有牛涮鍋佢嘅其他餐廳等等，因為佢嘅食物質素維持得唔錯，而且有手機app去攞飛，感覺好方便，而且食物嘅口味亦都啱我同我嘅朋友。苦等開放晚市堂食，約好耐都冇見嘅朋友去食飯，大家都好有期待，亦都叫咗Level4嘅澳洲和牛，但係叫晒所有牛嘅唔同部位，都覺得同一直食開嘅質素比較，感覺大不如前，朋友試過觀塘，尖沙咀等等，已經覺得旺角呢間係最好食，但係今次食嘅質素認真麻麻，牛肉比較”鞋”，有啲靭，牛肉嘅香味亦大不如前。心諗，究竟Level 1到Level3嘅牛肉會係點樣呢，真係無從得知，我都叫咗level 3 SRF 嘅牛肉試咗一下，感覺都係大不如前，究竟係商業手法，想我哋食再高級啲？還是呢個批次嘅牛麻麻哋？還是。。。？今次嘅感覺有啲失望，希望佢會努力改善一下， 收到我哋顧客嘅反映。又或者各位你哋有唔同嘅睇法，不妨分享一下，求各位可以分享一下邊一間牛角buffet係最好食而且送餐嘅同事，都好唔顧及食客嘅感受，我好明白張枱好細，但係佢將啲生嘅食物放喺我隻食熟野既碟周圍，我連放筷子嘅地方都冇，而偏偏係有其他地方可以放嘢食！！呢個先係重點！求其放喺張枱度，爭在未喺我個頭上面放

次次諗唔到食咩就會選擇牛角，同埋朋友一齊4個黎食，預早係apps上面攞飛唔洗等咁耐，因為實在太多人排隊啦平時。通常都係食lv3，肉質好新鮮，味道一流加埋任食唔怕唔夠飽呀！心目中最理想既燒肉餐廳

喜歡吃燒肉，更喜歡到牛角Buffet吃燒肉，因為除了肉之外，甜品、湯、蔬菜、飯可以按自己喜好無限添加。很多時午餐時間嚟到，都不用等候太耐便可入坐，亦因為午餐不想吃太多，亦沒有太多時間，所以點套餐(可選60分鐘或100分鐘)最適合，套餐好處就係除了肉之外，自助區的其他所有都係無限添加，其實一份肉對女生而言已足夠，男生真的不夠，大可以多添兩碗牛角飯，比起放題任食，套餐會更經濟，午餐短短1小時，亦沒有時間燒太多肉吧。午餐有多達13款選擇，如果不一定要吃燒肉，最平$75便可吃到香葱炸雞飯，同樣可選60分鐘，或100分鐘($98)放題，自助區食物同樣可放題任食。要吃燒肉的也有7款套餐可選，不同級數、不同肉類的配搭，悉隨專便。今次點了A、B餐，豬、牛、雞都可食到，因為A餐選了雞腿肉及豚肉，而B餐則選了牛吞及肩脊肉，如果喜歡較多油脂的可以選牛胸腹。講質數，一定唔算高質，但午餐快閃，不會期望很高。豚肉偏肥，應該係五花腩，但豬油令鐵網變得更香，燒菜時會多一點肉味。而雞腿肉很大塊，需要花一點時間去燒，味ok，不過不失。牛肩脊肉需留意火喉，很易會過熟變鞋。牛舌切得太薄，無咩咬口。之前提過，套餐除了肉之外，其

一直聽人講牛角Buffet好難book🤯食左咁多次牛角放題 終於有機會試牛角Buffet😍 今次一大班人去食 所以可以早d book定位但時間係21:30入座🥴 真係餓到一個點諗返起讀書嗰陣食放題要等到9點半入座先有得平D🥶 真係青春😂今次都係第一次試Lv4😍 我好興奮呀😍環境: 抽氣真係做得麻麻🥲 剛入座都還好坐多5分鐘唔對路😂 真係幾大煙😶‍🌫️重點係我地都未開始燒😂 四人枱好大張 嗌勁多碟都夠哂位擺👍Buffet位置分兩個區域 兩個區域最大分別係佢個飲品種類同埋重點係雪糕口味🍦記得行哂兩邊個雪糕機先決定呀😍食物: Level4真係第一次食 牛肉個size係超大😲 簡直可以用癡孖筋形容🤭 主打澳洲和牛系列 我就鍾意食佢個牛肋條脂肪較多 食落好香好滿足🤤仲有佢個牛腹胸肉 切得超厚肉味好濃 總之叫哂佢D王樣就無錯架啦😂但由於舊肉真係比較厚 建議燒到一半剪開咁會比較易熟 同埋都要注意個網要換密D真係幾易燶😂整體食物質素係正👍 lv4好滿意🥰略嫌抽風要改善下😅