牛角Buffet (好運中心)

營業中

休息中

係沙田區食lunch選擇多但係價錢同食物質素好壞參半，近排就發覺牛角嘅午市半自助餐性價比高之餘，無論環境同食物都超有水準！午餐價格最低$88起，有牛五花、雞腿肉同豚肉選擇，半自助餐食物種類一d都唔少，牛角飯就一定必食，另外有沙律、關東煮、多款炸物、通粉、蔬菜配菜、甜品同埋不同嘅飲品源源不絕提供！如果覺得一個鐘唔夠時間仲可以加$30再多30分鐘，時間會鬆動好多～呢個價位係沙田區普通食個晏都可能差唔多，作為lunch又可以燒肉真係一個唔錯嘅選擇！

今次家庭成員生日特意選擇沙田牛角來吃生日餐，中午時候人數不多，點餐至送餐的時間好迅速，食物質素也可以，牛肉級數用𣎴同價位給客人揀，食品項目選擇多，所以大家也能吃過夠的離開！特別稱讚的事：雖然用餐時間已經夠鐘，但係 員工見我們桌上還有食物，就細細聲說道：你們可以吃完才走哦！（沒有趕客的情況真好！抵讚）

牛角Buffet的Lunch Semi buffet較一眾燒肉x / x燒肉set lunch出色！牛角始終是出名的燒肉店，食材有一定質素，設有冷熱飲品機，冷盤小食，熱食都好食，關東煮都有近十款，又有咖喱牛肉飯，牛肉紫菜湯，所以短短60分鐘來一系列自製頭盤，主食，甜品，飲品都有不少選擇，特別是雪糕愛好者，今期有朱古力外，還有開心果味道，topping 又多，總可自製喜歡的配搭，抵讚是星期一至日及公眾假期都是一樣價錢！

牛角予我的印象是高消費店舖, 不管選擇那種肉, 吃多久, 結賬也接近$200, 故不在我考慮之列。近日與友人閒聊, 原來牛角有半自助餐, 雖然限時60分鐘, 又定量, 但結賬只需約$100, 而且自助區食物種類不少, 聽著也覺吸引, 故前來一試。午市超值60分鐘半自助餐 $108 + 10%1) 自選燒肉定食 - 中量級 120g - 牛五花 10片2) 自助區美食自選燒肉定食有不同的肉和份量選擇, 初次光顧, 選了中量級120g的牛五花(10片)。餐廳座位不少, 舒適企理。約15:30來到, 由於繁忙時間已過, 故來往自助區取食物較輕鬆。除了自選的燒肉外, 自助區還有野菜魚糕, 炭燒雞肉漢堡, 京蔥, 南瓜, 洋蔥, 翠肉瓜,雞髀菇等食物可燒。其他即食的食物選擇也不少, 有沙律, 炸餃子, 咖喱角, 牛肝菌貝殼粉, 咖喱牛肉, 關東煮和可自製牛角飯。飲品有果汁, 汽水, 咖啡等選擇。是日雪糕有意大利朱古力雪糕, 阿薩姆紅茶雪糕, 烤蕃薯雪糕和意大利雲呢拿雪糕, 旁邊有胚芽, 彩針, 軟糖, 可可脆片, 糖漿等供客人自行添加。其他甜品有雪米糍, 蛋糕, 銅鑼燒, 馬卡龍, 窩夫, 大福

中午黎到牛角食燒肉，因為我地book 左枱所以都好快有位坐。呢到有半自助bar 枱，有菜、湯，甜品，小食等等可以選擇，白飯任裝，岩晒胃口大，想食種類多但又唔想食咁貴既人😋今次我到飽飽都只係揀左中量級既 牛五花 + 牛胸腹 + 雞腿肉 $108個雞腿肉好大，燒極都好林，牛胸腹點左牛角燒肉汁都好好味，反而個牛五花就有少少韌味道：🌟🌟🌟🌟4人枱都好寬敞前茶先來一個龍蝦湯同關冬煮，之後再去裝飯，最喜歡的就是牛角既紫菜飯併燒肉汁

一進店就覺得店鋪沒有味道（烤肉店，沒有烤肉味）還以為是通風好加上人少。結果上來第一碟肉就吃得我懷疑人生，怎麼會有這麼沒味道的肉？口感差就算，它的肉完全沒味道！沒有任何肉的味道，聞著完全不香，吃進口更是，沒有味道！！！！！雖然我點的是Lv 1（怪我沒有點高級啲嘅？）但Lv1一個人也393的價格了難道不配吃有肉味的肉嗎？至少我在其他牛氣牛陣沒有遇到過這麼差的情況。可惜花了錢，又餓得要死，還是忍著難吃吃下去不少（嗯就是每一款試過都難吃）

【沙田區】【牛角Buffet】其實呢間嘢我相信大家都食過，不過同之前壽司郎一樣，我驚如果我唔再寫吓，新嘅讀者又會以為我未食過，哈哈。不過又咁講，沙田好運中心開咗呢間分店之後，我都真係第一次食，所以「未食過」呢個講法都錯唔晒嘅，咁我係第一次食呢間分店吖嘛。而沙田嘅任食日式燒肉本身選擇都唔多，好運中心裝修咗之後就加入咗呢間「牛角Buffet」，都幾受歡迎。今次我係同兩位舊同事自費食 $438 嘅「嚴選美國和牛燒肉放題」，叫晒啲靚肉返嚟係咁食，任食就係有呢個好處，想食嘅話就即管狂叫，唔使留力。牛角嘅肉類一向都有質素保證，所以味道就真係唔差。不過自己年紀大咗，好多情況之下嘅任飲任食都已經食唔得多，除非真係狀態好好。三個人連埋會員折扣優惠，埋單 $1148.3，食個飯嚟講就真係唔平，不過講緊嘅係有質素嘅任飲任食日式燒肉，算啦。。。（地址：沙田橫壆街1-15號好運中心3樓3078-3079號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店（雅蘭）：1am0208深水埗區分店：1am0210油尖旺區分店（美麗華）：1am059

Lunch食 定食飯題$96連加一 任食雪糕 咖哩飯 甜品生果 沙津 今期更新左menu 仲有龍蝦湯我點左個雞肉 估唔到下晝$100唔洗都有燒肉食 裡面抽風好勁 食完成身都無燒烤味

點了午市放題， 但感覺比起之前幾次吃，食物質量變差了好多， 都不怎麼好吃，肉質很硬 總之和之前幾次吃 明顯感覺食物素質下降了， 不知道是分店的問題還是店家品控的問題希望可以改進。。

今日兩點半度去到..餐廳冇乜人..但接待員工都要望下比咩位我地🙃最後比咗張門口位嘅卡位我地門口位完全冇冷氣..之後我地希望坐入啲職員先願意拆咗裡面啲枱與枱嘅屏風 比左張四人枱我地😅去到自助水吧 眼見有兩隻烏蠅喺度嬉戲🙂🙂🙂去汽水機㩒咗杯無糖可樂 望一望杯嘢係透明冇汽嘅最後唯有轉飲可樂啦☺️食物方面 真係有待改善 唔知係咪未試過牛角buffet 我覺得我下次都係會去番牛角食單點唔食buffet 了🔸推薦指數 ⭐️🔸環境衞生 ⭐️🔸員工服務⭐️🔸食物質素⭐️

本身3個人滿心歡喜黎食晏。食到一半，佢地既員工，執隔離枱嗰陣，佢手拎住一盤食地食過/飲過既野，正在放上車時，唔知鬆手定點，將人地飲過既野，潑曬過黎。係到頭淋嗰隻！！！！！！！！事後，出黎同我講，free我地2個人。完全不能接受！！！！！你而家係將人哋食過飲過嘅嘢淋曬落我度。仲要我俾錢？以後都唔會幫襯！！！！！！！！

和家人打算早少少食晚餐，見到好運中心呢間牛角，不過評語話佢哋超差，個心都打咗個突。當日一行4人最終都係決定試吓，比個機會佢才再作評論。食SS-2餐，所有肉類都OK，沙律、飲品及雪糕都幾好食。至於評論話服務差，老實講我真係唔覺喎。不論男、女店員都有禮貌，而且點餐都好快上菜。食100分鐘，到了80分鐘有店員遞上帳單通知，就如其他食放題的食肆一樣，當時已十分飽了，所以沒有再點餐。真心評論：可以再食嘅店。

我都係想好好地食餐飯啫真係咁難嗎？我哋一行2人係餐廳門口就已經要我哋點定食咩餐，位都未坐低就已經開始計時喇！咁職員都好快就帶我哋去咗一張有兩個爐的4人枱，但餐廳竟然將4人枱夾硬間為5人枱，最後隔離嚟咗兩個大人加一個小朋友，之後她們都覺得太迫頂唔順要求調位，職員先將張枱還原做返4人枱，咁我哋先之唔洗迫住咁食咋，但最離譜係我哋明明仲有7分鐘先夠鐘，有位男職員已經態度勁差呼喝我哋話夠鐘，要我哋走！但我睇返張單點餐時間明明係18:27，揀咗100分鐘嘅餐，應該可以食到20:07吖，但嗰位男職員20:00就趕我哋走，如果佢當時客氣啲話仲有幾分鐘就夠鐘，感覺會好好多囉！食物又唔係特別好食，價錢又唔係平，不會再幫襯了！

抵食又超有質素的午餐👏🏻🤩今個午餐超有驚喜人均85 就食到半自助餐重要樣樣新鮮好食👏🏻羅馬生菜沙律好甜，牛油果勁新鮮😍珍珠米飯，配咖喱牛日式野菜咖喱❤️定沖繩豚肉牛肉汁都好好食👏🏻😍再配埋佢個紫菜好好味變咗燒肉只係配菜😂自助吧先係主菜🤣北海道牛乳雪糕加埋Tiramisu雪糕勁正🍦仲有關東煮海帶湯其他甜品，好多好多都未食飽到呢😂❣️大家一定要多多支持香港飲食🥹🫶🏻唔想咁有質素嘅餐廳買少見少寫食評人系我老婆

星期六晚行開新城市，睇下有咩食，就諗住試下牛角自助燒肉，拎飛排隊，2人，拎飛行開唔夠5分鐘返黎，見個飛號已到，但就話過左要等下一張，過30分鐘先安排入去，以為好多人full 哂，點知入到去睇到有幾張空枱(2人），但一路唔叫飛。食物及種類麻麻，自助bar得飲品及少量蔬菜無乜野食。總結體驗麻麻！，下次唔會再去！！其實睇之前d人既評價我都唔信，心諗試吓啦，可能d人專登差評，點知原來係真係差到甘，唉！真劣評！