牛角Buffet (裕民坊YM²)

營業中

休息中

最近我去咗觀塘嘅牛角Buffet，真係一個唔可以錯過嘅美食天堂！🍖呢度嘅半自助午餐只需60分鐘，仲可以任食各種美味燒肉，實在太抵食啦！😋💫牛角Buffet半自助午餐 呢個午餐套餐真係好豐富，肉類選擇多到你眼花撩亂！🔥牛肉、豬肉、雞肉都有，仲可以自己選擇配料，燒到香噴噴！最愛佢哋嘅牛舌，鮮嫩多汁，一啖就令人陶醉！🤤💫自助沙律吧 沙律吧入面有各種新鮮蔬菜同埋小食，搭配上自己鍾意嘅醬汁，簡直係健康又美味！🥗特別推薦佢哋嘅日式醬油沙律醬，味道清新，完全唔膩！💫飲品選擇 飲品方面都有多款選擇，包括日本清酒同埋各式汽水，仲可以無限暢飲！🍹每一口都令人感受到滿足感！🎵🎵🎵Indulge in a delightful 60-minute semi-buffet lunch at Gyu-Kaku, where a variety of grilled meats and fresh salads await. Perfect for meat lovers, this restaurant offers an unforgettable dining experience that satisf

牛角Buffet嘅半自助午餐，真係一個非常抵食嘅選擇。雖然第一次嚟嘅時候只係77+1，但而家已經加到88+1，但價錢升咗，質素依然保持得唔錯。對於個人嚟講，燒肉可能唔係呢個餐廳嘅亮點，反而係佢buffet吧嘅多樣選擇，真係令人眼花繚亂，所以選擇最平嗰個餐，已經好夠。食物種類非常豐富，從肉腸、關東煮，到咖喱牛肉飯、湯品、甜品，各式各樣嘅蔬菜，應有盡有。其中，最出色嘅一定係紫菜飯。呢個紫菜飯幾乎係每個嚟到嘅人都必食嘅，食咗一碗之後可能仲想食多一碗。個飯唔會太軟爛，紫菜夾埋飯食，鹹香味十足，食落非常滿足。而關東煮就係另一個大熱選擇，唔同種類嘅魚丸、蘿蔔、福袋，加埋暖暖嘅湯底，特別係天氣凍嘅時候，真係一個好滋味嘅小食。整體嚟講，牛角buffet呢個半自助餐真係好適合鍾意食多樣化嘅朋友，buffet bar嘅食物質素好高，食咩都唔會踩雷。即使燒肉唔係主角，但buffet吧嘅選擇已經足夠令到人覺得物超所值。

又係時候食牛角，好耐冇食la,今次有plan，book定唔洗等，直接入得唔知咪buffet嘅關係，即使係lv 1,d牛個樣都靚好多都係牛角buffut好，有軟雪糕食，蕃薯，3.x牛乳，仲有朱古力都好好食🤤仲有其他甜品添唔知係之前冇留意定li間先有呢？有明治雪條呀🤤

我同fd去YM食牛角，從5:30等到成8:00都仲未食得，全部都系s會員先入到去，都唔知道可以講咩啦，真心唔建議去，憑咩我地等左咁耐一個s會員就入得去😂，咩意思啊？？根本就唔公平首先，過左成10分鐘都比人補飞，system真系勁

牛角 午市buffet 十分之抵食最平果個餐都係$98 價錢平民午市想食燒肉必去牛肉 肉質鮮嫩雞肉都唔錯 仲可以任燒粟米/ 菇仲有buffet bar Buffet bar 有任食雪糕 /牛角飯 /昆布湯 仲有沙律完全夠飽 !!

好耐冇食燒肉，所以就揀左去牛角食😋揀左極上燒肉放提。有124款選擇基本上，我地咩款牛肉都叫過，我個人就中意牛肋骨、牛肋肉及牛肩脊熟食方面，大家可以每款試一件😂但期望不要太高食完好多肉就開始食菇類同粟米🌽我地額外叫左兩份牛油同芝士，正好多呀😋第二次燒年糕先成功最後食埋雪糕就結束飽飽的一天

諗唔到食咩，今日同朋友去完觀塘shopping之後都係揀咗食牛角，自從牛角轉左餐牌，之後好多人都有唔同嘅意見，今日決定試吓，係咪真係有咁大轉變！比較推介嘅，都有佢嘅美國和牛，油花分布非常平均，而且食落口唔會有好油膩嘅感覺，肉味都非常香濃，咬落去亦都唔會有雪味，呢個位值得加分，因為唔係好多放題形式嘅燒肉可以做到完全融雪嘅效果，肉類嘅款式多好多選擇可以揀雞肉牛肉豬肉羊肉，羊肉嘅味道都唔錯，幾鍾意佢嘅香草調味！海鮮嚟講就比較鍾意食佢嘅帶子，加埋牛油嘅香味非常襯托，點埋佢本身嘅醬汁簡直係一流！蔬菜我就鍾意食牛油金菇，牛油加埋金菇，簡直係完美嘅組合！放題嚟講都唔算太貴，大家都可以嚟試吓個新嘅Menu！

父親節帶爸爸公公，一行5人食，啲外公有身體不便，我地早到想揀方便佢出去去洗手間的位，當然店內8成滿，Reception職員帶我媽入場逐個available嘅位睇，任佢揀，仲幫我地hold檯10分鐘，因為公公行得慢，未行到。我同爸媽係第二次食，但公公第一次，見到所有嘢都覺得好新奇，本來唔肯出街，去到咩都肯試，仲主動話落手燒肉，話好好食。埋單走時我地唧雪糕行住食，本來唔食雪糕嘅公公都話要自己唧杯，仲食哂，之後仲肯喺商場行陣先返屋企，心情好好。少貴但大家食得好開心，好值Btw之前喺美麗華分店，因為Reception職員俾錯info所以冇join會員，去到觀塘分店，Reception都叫我地join會員，成個講解好詳細好清晰，仲好有耐性，所以我join咗，當晚食嘅折扣同減埋現金券已經回咗本有多

每次食燒肉放題，我嘅首選一定係牛角❤️申請會員基本會有九折，即係等於免+1 佢有唔同放題套餐，可以根據返想食啲咩肉質選擇。✨平時無特別要求，其實Plan b 已經好夠食，抵食之選。每次必點牛舌，薄切厚度剛剛好，一啖一塊，有D咬口，但又保留牛舌嘅嫩滑，係我嘅最愛！ 🥰.另外各種牛肉都算新鮮高質，是乎返個人喜好，可以簡返唔同部位，牛腹牛頸呢啲多油脂嘅位當然係最滋味，燒至少少燶香，咬落去肉汁爆出嚟，配上鹽醬惹味十足👍🏻✨雖然係燒肉放題，但每次都會裝一碗滿滿嘅牛角飯，放題食飯雖然有人話唔抵，但配搭加埋紫菜同醬汁，成個飯勁香，就咁食我都可以食一大碗，只要鍾意食就冇抵唔抵呢件事，配埋香濃嘅燒肉，簡直係絕配❤️✨飯後仲可以去甜品Bar度任攞甜品，種類都算多，味道算合格。個人每次都係比較偏向鍾意食雪糕，每間放題分店都有兩部機，共四種味道選擇，每次食完雪糕先係一個完美嘅結束。久唔久嚟食一次牛角放題，係高質抵食而又有滿足感嘅放題之選😋

牛角鐵粉~牛角member以前level 3 = 水の焼肉🥳第一日就棒場轉新menu🫶🏻香港牛角社長好⚽️入到日本🐮水の焼肉能夠食到日本國產牛的入門版越高level~ 啲肉越高質隔離枱食最上級の「霧級」牛脂分怖高下立見🤤見到都油同膩😆💳匯豐信用卡：$420+原價加一 （星期五、六、日、公眾假期及其前夕）💫會員無折；只可儲分包括：水級+每人虎🍤和扇貝各2隻、每人特上國產牛頸脊、美國安格斯牛肋肉各2片🌟唔用卡，淨水級$438+10%，會員9折所以每人加多幾十蚊食到少少海鮮睇你覺得值唔值得～望下先😎一埋位就會上海鮮盛盒、職員比QR code網上點單呢個時候，記得要叫：✅2份菇🌝黎到金菇2合1，騰出一個錫紙盤加啲燒肉醬汁😏用黎煮海鮮✅2份蒜片✅2份牛油啲蝦變晒色，再拎出黎網上掃牛油燒多幾下收水正😋😋😋帶子燒到咁上下～放錫紙盤煮幾下日本國產🐮🤤越高level既牛越肥美但…就越油膩所以初嘗入門版水級的肥～我已大滿足🤗比澳美的🐮，日本國產牛已油多了牛柳粒要粒粒剪開一半先好燒🔥厚切豚+蒜片+泡菜+生菜包住食👻👻邪惡*泡菜同生菜自助bar自取甜品有雪糕、雪糕糯米糍、雪條、泡芙、cakes👍盛讚凱匯店既st

【觀塘區】【牛角Buffet】有之前電台同事要離開香港，咁我喺 1am0886 嗰篇已經送別咗佢。只不過嗰篇其實係呢餐嘅糖水部份，正餐部份應該係呢篇至啱嘅。我平時食牛角 buffet 都係同同事食，都真係好少同佢哋食，所以我都幾期待呢一餐嘅。我呢晚就不幸遲咗到，所以我係冇份決定叫邊款套餐嘅。之但係可能大家夾咗幾年電台都有個默契喺度，我都係中意食呢個 $528 嘅「澳洲特上和牛放題」，因為我幾中意食牛角嘅澳洲和牛，肥瘦適中，佢個牛味亦都好夠嘅。我一去到就見到一人一杯啤酒喺度，原來佢哋加咗 $30 位嘅「生啤放題」，好飲係好飲，不過我唔係太熱衷喺啲任飲任食場合飲酒。因為我一飲酒嘅話，飲食嘅份量會大幅度減低，會冇乜胃口食嘢咁，最後我都只係飲一杯。移民嘅朋友唔係成日食牛角，佢居然未食過牛角飯，所以我作為一件 foodie 都有義務同佢介紹返有呢樣嘢。佢第一次食，都話係幾好食。平時啲朋友好少食麵食，但呢堆朋友都有叫，我問返佢哋，佢哋都話味道係唔差嘅。最後講埋甜品，泡芙、牛奶雪條似乎係必備，而軟雪糕就有北海道8.0牛乳、伯爵茶、榛子朱古力同埋日向夏柑橘乳酪味可以揀，我冇食到因為又係食到尾冇晒。四個

平時我就食開lv4。第一次試lv5既和牛放題。同其他lv最唔同嘅lv5多左和牛,鵝肝多士,甲羅燒,北海道帆立貝,同埋鮑魚等等。和牛的確同lv4唔同！！ 正！ ！😍😍和牛牛肩肉入口口感係好香牛味，油脂都好重！！雖然唔係入口即溶，但呢個價錢可以任食和牛，都值嘅，對得住個價👍🏻👍🏻 反而和牛牛肩肉薄切就唔係咁食到個油脂既香味，建議食呢個餐主攻和牛牛肩肉！無得輸🤤🤤回本位🙈- 鵝肝多士都不錯👍🏻 好小有放題有鵝肝多士，最特別嘅係呢到嘅鵝肝多士要你自己燒🔥鵝肝既質素都同一般自助餐食到既唔差得遠。我都食左5-6舊😝😝最有驚喜係醬油脆脆北海道帆立貝🥰 本身以為同其他lv一樣，都係用嗰啲帆立貝，平時食嗰啲好韌！但原來lv5既帆立貝係唔同㗎，係用第二種晶瑩剔透既帆立貝！食落一啲都唔韌，仲帶微微的鮮味，配埋牛油同埋醬油脆脆，非常惹味😋最後就係甲羅燒同埋鮑魚。甲羅燒同平時係日本超市買到嘅一樣，滿滿嘅蟹膏，配埋牛角飯食，好滿足💯 因為鮑魚好頂胃，所以淨係試咗味噌鮑魚，都好入味👍🏻整體嚟講，價錢就稍為偏貴一點，食物種類唔算話好多，因為呢個價錢可以食到酒店嘅自助餐。但特別日子bk唔到酒店buffet，嚟呢到食

我由5:45等到7:45等咗2個鐘，book位過咗10分鐘都比人補，好有問題請改善下，服務態度差，不停補飛，等唔係問題，問題係2個鐘，2個人等45分鐘叫一次，我要等到幾點先有位

慶祝阿妹生日，於是來食燒肉放題😋。平日沒有訂位的情況下，差不多6點到場，仍然可以walk in👏🏻👏🏻。選擇了level 3和牛燒肉放題，限時100分鐘，是日有送期間限定商品。分別有澳洲熟成牛板腱、澳洲熟成M4牛頸脊及北海道豚腩肉。一開始看到自助區嘅沙律、飲品、甜品已經胃口大開，急不及待要開始100分鐘無間斷地燒同食不同口味嘅和牛、豚肉、雞肉、金菇、粟米、帶子、雞腎、菠蘿、翠肉瓜、腸、年糕。值得一提係羅紋生菜🥬，雖然好大棵，但原來它好爽脆、清甜，夾幾塊燒好嘅和牛一齊咬，口感一流！而牛角飯🍚無得輸，珍珠米飯粒粒分明，配上牛角燒汁同紫菜，真是再飽都可以食多碗。整體覺得100分鐘燒肉放題還是太趕，搞到最後食得好趕急，亦未能好好品嚐各款甜品雪糕，只能草草了事，太可惜了。

晚上8:30 衝入去食牛角自助餐燒放題，一黎勁叫大量牛，吾理乜國家 美國澳洲乜都叫， 食左廿幾片覺得吾對路， 開始有d飽， 即刻轉陣食海鮮，燒生蠔，燒帶子，不過全部都有牛油， 勁滯。 咁就去食返個手拉雪糕，百爵紅茶最好味，其餘有d似藥水，小心吾好揾其他味出來。 不過100 分鐘真心吾夠時間。 同埋呢餐好貴over $500 一頭