牛車水海南雞專門店 (機利文新街)

營業中

休息中

又到Lunch，又想食海南雞但又唔想太貴，想起牛車水，因為驚多人一夠鐘即去買了，小小的外賣店，好多人幫襯，但亦都好快趣有人拎。餐牌，都幾多選擇，但大多數人都係食海南雞飯。海南雞飯，$40，海南雞份量適中，雞肉斬得比較細件易入口，皮蔣爽脆，雞肉嫩滑，味道不俗，配上薑蓉丶黑醬油及酸辣醬更好味，要了油飯，唔算好香，但偏向軟身易入口。椰子雞湯，味道清甜。海南雞飯味道不俗，又係外賣Lunch之選。中環機利文新街30號地舖

作為一個中環嘅普通打工仔，可以搵到性價比高嘅飯盒好緊要😆呢間嘅海南雞飯真係又平又好食，一個禮拜起碼食一次，每次我都加$10轉雞髀，更加滑堅正👍🏻👍🏻👍🏻就連海外同事試過都話正呀

lunch time用app叫外賣，點咗海南雞飯+飲品油飯比較乾身。雞肉還可以，唔算鞋口。有兩條青瓜做裝飾。本身係點無糖可樂，但送到嚟變咗原味可樂。送餐時間就無辨法，外送員時間控制唔到。

📍 Location: G/F, 30 Gilman's Bazaar, Central📝 Review: I ordered their Hand Shredded Salt Baked Chicken Rice for $35, which included tender chicken with sesame and cucumber, along with oily rice and a bowl of winter melon soup. The portion size was adequate for me, but those with a bigger appetite might find it a bit lacking.⏰ In terms of taste, the chicken was flavorful and the rice had a nice aroma. However, the overall experience was average. While the price is affordable, the portion size may

依到主力做外賣，一到lunch hours超級多人但其實機利文新街好多店都有閣樓，佢依到可惜冇窗。 講返食物先，海南雞必點，作為食肉獸一定係點半隻雞，再餓啲會叫全隻。佢依到真係平，糧尾嘅窮人恩物，如果唔係點海南雞嘅話有鹽焗同麻辣手絲雞但份量會小啲。講返啲雞好滑又有喱，緊餐有一杯雞湯。如果叫半隻或一隻會包埋雞腎。平時一星期都會食一到兩次。如果唔食雞重有新加坡牛肉飯，非常似巴同牛肉，但唔岩我口味。佢有下午茶，但其實只係包熱飲，同好多野賣晒就冇。

繼續推介中上環外賣😋話說前2日同事食四川外賣，但我又唔食得辣野就決定睇下附近有無其他平平地嘅外賣好選擇，點知比我發現呢間海南雞店，睇到價錢真係有啲嚇親，估唔到中上環區都有啲咁平嘅外賣😆#食勻上環 #海南雞關注組-🐥海南雞飯 油飯你無睇錯，真係40蚊唔洗有個無骨海南雞飯😆打開雞嘅份量其實都唔叫少，而且雞都唔會好老，仲叫幾滑。唯食落感覺有啲似白切雞去骨，有少少咸味，配上海南雞必備三寶，甜豉油，薑，酸甜醬，味道都還叫配合。真正嘅好抵食👍🏻-🍹飲品方面，加$5叫左杯熱奶茶，茶味較濃，有少少苦‼️P.S本身set有必一杯雞湯，味道較淡口。大家可以加錢叫其他野飲都得😆

下午茶好平 ，但唔好砸爛自己塊招牌！剛剛入去唸著試下，呢間都算聽過下個名， 下午茶份量少 我預左，但估唔到的是差成咁！3-5條海南雞塊攤在一堆白飯上！說好的油飯呢？？！ 沒有所謂的油飯，飯還是涷的！ 雞塊雪藏味好重！

今日見一個人自己食飯， 諗住慳慳地食個飯。醒起機利士民新街有間好平既海南雞飯。就去會一會佢。 係openrice 落單叫自取，不過都係去到先斬比你。但人就好多， 可能因為價錢問題， 我諗在場都有10幾20人等緊。等左10分鐘終於拎到個飯。行5分鐘返到公司。個飯暖暖地， 唔算熱。d 雞份量正常，但係就油左dd, 雞腎就無咩味但唔難食。油飯就清清地，唔夠油香。不過3x蚊有飯有雞有腎有湯。都冇咩野好投訴。糧尾恩物。平時就可以食過第2間。

響中上環嘅外賣時間，呢間小店門口都好多人排隊，因為佢嘅外賣飯盒又平又好食，性價比超高！雖然多人排隊，但係佢飯盒出得好快好有系統，一落單，通常等一等好快有得拎，未試過等超過5分鐘，對於食晏時間都忙碌嘅打工仔都係快靚正之選。睇返佢盒外賣海南雞飯，份量女士食都夠飽，雞嘅數量都足夠，雞都算滑，配上油飽，都幾好味，仲有一杯熱湯，而價錢只係$34蚊，中上環抵食之選！呢間食過幾次，份量同質素都幾穩定，會繼續幫襯。

🐓牛車水海南雞專門店🐓又到Lunch Time，今天同事提議吃海南雞，然後就”圍威餵”一起去買外賣🤪————————————————————🌟 海南雞飯(油飯) @$34雖然雞胸比較”鞋”口，但其實味道真不錯，一個Lunch Set仲有例湯，其實真的很好，雖然例湯”淡茂茂”，真的隱隱約約才喝得出是冬瓜湯，這個價錢能食到好味道的海南雞飯其實認真難得😋🤔這次是叫錯了海南雞飯，其實識食就一定要食海南雞髀飯，下次一定不會叫錯。

窮人恩物 糧尾最啱😂Openrice同現買同價(所以有時有優惠就會再平啲)同埋即使你一早叫定都係等到你去到同佢講先整比你保證熱辣辣 亦都放心 好快搞掂👍🏿海南雞飯 (油飯) $34 🙆🏿‍♀️以呢個價錢絕對係超值每個雞飯配三個醬一個甜豉油一個薑蓉一個酸辣汁雞都唔少 雖然唔可以揀部位(指定雞髀要加$10 我就覺得唔多抵)但有時都會比到雞翼或雞髀而且佢雞胸係冇骨 點埋酸辣汁食已經ok😋加腎 $5 💁🏿‍♀️冇乜味 但係好多 配合埋海南雞飯嘅甜豉油都係唔錯嘅選擇 鍾意食雞腎嘅可以叫👍🏿加飯 $3大食妹表示 食完真係會好飽凍檸茶 $8 🙅🏿‍♀️好難飲 格硬飲都飲唔晒….😓下次都係要可樂算啦❎加一服務費

外賣自取要左海南雞髀飯，完全見唔到隻雞髀，得幾舊好薄片嘅雞肉同一堆雞皮，兩啖食完，好空虛唯有齋食飯填飽個肚就算，雞髀飯要45蚊，早知要返3十幾蚊嘅就咁海南雞飯算唉

吃就腳，平價和入口美味的海南雞飯，對中環人來說，有新發現。上環的水門泰式海南雞店已結業。這條「食街」有平價正店，3時已沽清。發現水準比得上西灣河的。34元一份雞飯，真是震撼價。全隻160元，盛滿兩個標準飯盒，送雞骨湯。入口是對板的，雞味濃濃。附加雞腎。個人感覺是比威靈頓街的亞參雞飯好，價格上差別很大。我不管是泰國式或星加坡式，滑稔雞肉便可。

Lunch 想食海南雞，就走到機利文新街的牛車水。其實這間店經過好多次，但每次都無機會試，難得同事今日肯陪我！12點前人不多，樓下堂食位不多，主要坐樓上，想不到原來樓上别有洞天。樓梯上都係塗鴉，上面位置都頗大。點了海南雞，上餐超快！$38蚊的價錢著實抵食，加飲品都不過40零蚊，中環黎講咁嘅價錢食到海南雞，好抵！海南雞份量都不少，肉質都嫩，而且油飯做得十分不錯！醬汁是自助的，但也和其他的分別不大。雖然不太環保用即棄餐具。而加錢杯奶茶亦都不特別出色，有點遺憾。如果杯奶茶都沖得好的話，咁就Perfect了。

第N次食呢間海南雞, 次次都幾多人排隊, 因為真係好平, $34一個海南雞飯, 仲包3款醬(辣醬,薑蓉, 豉油) , 同埋一碗細細地既蘿蔔湯, 雖然多人, 但等左10分鐘左右已經攞得, 都算快。賣相: 但係$34既飯就唔好有太多期望, 一打開見到Dry dry 地, 得飯同海南雞, 仲有兩條好細既青瓜仔, 冇菜, 有d寡。味道: 唔錯, 之前食過d飯比較濕, 但今次就整得夠乾身, 粒粒分明有口感, 海南雞冇骨冇皮, 食得好爽又冇咁肥, 肉少少諧, 但接受到。整體黎講: 性價比高, 會再幫襯。