牛陣 (銅鑼灣廣場一期)

營業中

休息中

今日同朋友去左牛陣食野，等左一陣就有位。 入面都幾靚又簡潔，中間就係一大枱食物。 出去揀食物個時見到有d已經冇左一大半，有d已經冇晒，但係都未有人fill 番，隔左一陣先有人fill。 菜那種類少，得生菜同大白菜，丸都少，蕃茄有d生。我最欣賞既係有魚柳食，魚柳幾滑，我食左好多。 另外碗咖喱飯係好味既，有香濃既咖喱味，不過飯就硬左d。 牛肉同豬肉都係較硬身既，肉味都重，我自己就麻麻。 最後藍莓味雪糕有藍莓粒粒，哈根大師既係唔同d

今日下午茶想打邊爐就去左銅鑼灣的牛陣,$93一碟牛價錢係可以接受的但係相比起牛涮鍋,牛陣ge肉質同其他配料都唔夠牛涮鍋好同多。牛肉太硬啦,煮幾快都係太硬。湯底都太普通,好快就冇左味。

本身都冇諗住食牛陣 但一句Haagen Dazs 雪糕任食就比佢吸引左入去 叫左兩個牛陣套餐（$98/一人）揀左清湯 佢包左一碟牛 一罐嘢飲 其他嘢出出面自己任拎 限時一個鐘本身都幾興奮 直到個湯底嚟到...佢只係一個有色既水 一啲味都冇 出到去拎嘢食更加失望 選擇少得嚟 仲要係平價食材 得啲菜、丸、菇、白飯、烏冬.... 完全同自己喺屋企煮既冇分別 唔值呢個價 醬汁方面更差 只有鼓油同辣油同咖哩 但到差唔多夠鐘果陣 佢先有麻醬同朋友食左半個鐘已經停哂手 完全提唔起食慾雪糕方面有四隻味 香橙、芒果、曲奇、士多啤梨 總算係成餐入面最好食既嘢唯一可讚既係員工有禮貌 收嘢都收得幾快手總結：下次唔會再嚟比錢食頹嘢

去完科學館已經晚上8點！肥髀見到呢間食店，佢其實唔知食乜，只係見到個名有牛字，我又無乜所謂，上到去見門口有客人坐住等，但我哋又可以即刻入座（可能佢哋人數多喇）坐近窗一個二人座位，好近取食物處，紅黑配搭，桌椅都幾迫，因只有一個半小時，即刻揀款蕃茄湯底，湯底唔同參考圖片有蕃茄肉，唔似新鮮蕃茄湯，似係罐頭蕃茄湯！不過味道都唔錯！酸酸地配牛肉無咁膩！店員再問我要邊款牛肉放題！我怕煩叫店員介紹，佢話澳洲牛肉放題質素好價錢又合理（大人$208、小童$88），咁都唔唸信佢！最好笑佢見肥髀，問我門口有無度高，知道無之後要肥髀企起身比佢睇，應該係跟高度決定可唔可以用小童價錢，湯底到了，我哋就出去攞蔬菜丸類，蔬菜種類都幾多，質素都唔錯！尤其喜歡有芽菜！配蕃茄湯底好味！牛肉雖然話任食，其實兩碟牛肉，一碟豬肉一定要食晒，店員先會再上，唔可以一次過上好多碟，避免浪費！牛肉真唔錯，夠薄，淥好口感幾滑，肥瘦部分分佈唔錯，我哋總共食咗6碟！豬肉有兩款，薄豬肉片比較爽口，煙肉肥美，不過我哋只食了一碟，都係食牛抵啲！個半鐘其實都唔可以食太多，我哋牛肉蔬菜相間咁食，肥髀食啲烏冬已經差不多夠鐘，仲有15分鐘剩，店員會攞單比我

今日去左牛陣食lunch，叫左普通火煱，五六十蚊有邊爐打仲要任飲任食其實好抵。當然喇，中午既話其實唔係食得好多野。不過我覺得以呢個價錢黎計，已經算多野揀，有菜有丸有飯。我覺得呢度啲牛都唔錯，普普通通，都過得去。但係啲顏色望落去就唔多靚，好似擺左好耐甘，唔係太新鮮。不過我朋友就話唔得，好難食，可能係我唔太講究。清湯既味淡左啲，下次會試下其他湯。

蕃茄湯底 任食牛肉豚肉 加一後先一百八十幾真係好便宜 飲品好多都係韓國既飲品又有h牌雪糕食 真係好扺食啊 丸類都算係多 有芝士丸 獅子狗幾正 魚丸 芝士腸 同廚師腸 芒果汁可以任飲 當日冇忌廉鮮奶雪糕有新囗味 四大囗味 任你食 唔驚蝕大底 牛既質素唔會因為續點而好差 保持係好靚花紋既牛 豚肉好薄 好嫩囗 唔會係莓既 任食牛肉 所以不段續點洗手間要出店外 店員都好有禮貌 指示洗手間

近三個星期都待在銅鑼灣 平日吃開的餐廳都吃得七七八八每到午餐時間都要左思右想才硬想到一個地方是日兩個女孩傻傻的走去打邊爐 哈哈因想吃多一點雪糕 所以在牛陣和牛涮窩兩者選了前者中午大約十二時半到達 只有三數枱在進食二人被安排到食物枱附近 兩三步的距離便能拿到食物 很不錯我們都選了最便宜的餐 一碟牛+任食蔬菜 牛肉質素和價錢成正比 有肉味又不太肥 收貨而食物枱裡只選了大量蔬菜和數粒丸 蔬菜有些生銹 但不影響食味 丸就平平 吃下不是成舊粉已很開心哈哈【芒果雪葩 曲奇 焦糖脆餅 牛奶拖肥】令我最期待的讓是雪糕環節 吃雪糕我比較愛吃奶感重一點的 是日的口味都極對胃口 結果吃了六球才收手 大大大滿足對在銅鑼灣吃個茶餐廳都要$50＋來說 現在埋單才是$64 ($58加一) 抵!

等左10分鐘度就有位了.咖喱牛肉: 由於個人非常鍾意食咖喱, 所以雖然佢地d咖喱其實唔太好味, 但每次都會叫. 但今次好似進步左, 咖喱好味左, 牛肉夠味, 薯仔都煮到入晒味, 唔通換左師傅?上級牛: 其實都唔係好識分佢唔同級既牛有乜分別. 呢個算係咁. 起碼有牛味, 夠淋.唔知乜乜豬肉: 淥左好耐都唔知佢熟未, 好奇怪. 最後夾硬照食. 無乜味.魚旦: 魚其實竟然算係最好味o個樣野. 彈牙.芝士腸: 好難食, 怪怪地.其實講真呢度既收費話平唔平, 話貴唔貴. 但d服務員既態度就唔係太好.無論人地食左幾錢. 對客人有禮貌都係基本原則吧.

本身打算到銅鑼灣吃很出名的韓國菜，但因為太多人了所以我們就選擇別的，友人說想來這間，但我最不喜歡吃火鍋的，所以勉強地進去了。因為吃不成韓國菜，我們吃了湯底是泡菜味的，湯不太有泡菜味，只是有辣的味道，但6人2個煲只可以選一種湯，我們在想如果我們說是分開的，他是否會給我們不同湯底？服務差了一點。任食火鍋每人$150，我覺得又貴又不抵吃，因為火鍋配料只有數樣，跟普通的酒樓相比，這間真的很差，聽說其他人覺得這間店牛是很好吃的，但我吃了覺得跟一般的酒樓沒有太大分別。配料的菜只有數樣，麵也是，丸只有2樣。最不同的是有飯，咖哩，雪糕雪糕是haagen dazs, 也是任吃的，有4種味道，有朱古力，焦糖脆脆，士多啤利，曲奇。因為我很想吃haagen dazs的雪糕，友人說比起出面的haagen dazs店賣的雪糕，味道有點不同，出面的較好吃。我倒覺得不錯，焦糖脆脆的很有口感，因為真的有脆脆在內，又不會太甜。曲奇的也好吃，因為有oreo混合在內。

本來訂好了和家人去富豪酒店「御花園」吃自助午餐，怎知到埗後竟然發現餐廳被一個歐美交流團擠得水洩不通，老公見狀已即時眉頭大皺；再放眼一看，無論是自助沙律吧、冷盤、甚至甜品區，全都在大排長龍，嚇得兩口子決定即時撤退。走到街後，大家都盤算著該到那裡用膳。嗜甜的我，本打算去銅鑼灣廣場新開的「茶木」吃蜜糖磚塊，但老公不好此道，反而提議去同一座大廈的「牛陣」吃日式火鍋放題，也好，反正有兩個牛魔王在場，加上有任食 Häagen-Dazs，就咁決定。入座前先選好牛肉級數、價錢和湯底等，最短的可以揀 60 分鐘，不過難得一家人不用上班，可以悠閒地圍爐而坐，沒必要吃得太忽忙，就依店員建議，揀了每位 $148，90 分鐘任點任食的清湯底火鍋。雖然這天是週末，不過店裡食客唔算太多，而且服務員效率奇高，坐下後不消一會，已送上了湯底、兩碟牛和一碟豬。取食物前先到混醬區自調心水口味醬料，除了四款以小木桶盛載的蒜蓉、指天椒、芫茜、青蔥之外，還有豉油、芝麻醬、酸汁、七味粉等，雖然選擇不多，不過個人推介以芝麻醬、青蔥、酸汁和七味粉等混合調製醬料，味道甜酸醒胃，夠惹味。至於牛肉，其實忘記了是來自那裡，日本？澳洲？ 也不打緊

今日，第一次在銅鑼灣食牛陣午飯選了最平的打邊爐餐只是60元，雖然，唔是食和牛，d 牛的質素一定無和牛甘好但，d 牛都算是不錯，只是肥肉多了點ja~~仲有，可以食打邊爐的其他東西都有炒飯，菜，丸及烏冬等可以讓食客取來食下午食飯可以在銅鑼灣找到70元一餐算是好平及超值的選擇p.s.地方可能太大，waiter 就真是太少無人會serve 我地~~

While I am very willing to spend money on good food, I also enjoy visiting budget-friendly restaurants that serve up fantastic meals without a hefty price tag. Recently, I discovered a Japanese restaurant chain, GyuJin, which took "value for money" to a whole new level.We ordered two set lunches, the GyuJin Lunch Set ($58) and the GyuJin Supreme Lunch Set ($78), which included an appetiser buffet and unlimited Häagen-Dazs ice cream in four flavours.(1) There was a range of vegetables, noodles, r

手痕口痕想打便爐牛陣幫到你，lunch有2款，平價嘅可以任食菜，貴價可以任食牛肉+菜。我地就選擇了食平價個種，雖然只有1小時，但可以任食菜，菇，咖哩飯，炒飯，hagandaz 雪糕，每人$68都好ok了清湯底，雖然水很清，但唔知點解味道濃郁有菇，豆卜每人一碟的薄牛肉，大約5～6塊，牛肉質感嫰滑，雖然份量唔多，但銅鑼灣有這個價錢的便爐，仲要係星期日，其實都唔錯啦有大量墨魚丸，香腸，芝士腸提供我設計的醬汁，其實佢醬料選擇都多，有豉油，芝麻醬，生蒜，鹽茜………………菜都好2款，另外有蘿蔔，蕃茄等等……選擇其實可能唔多，但味道加價錢，我覺得值得推薦

本身打算去牛涮鍋一試、但去到被告知只有$128的放題、沒有午餐的一碟肉+配菜任食、也沒所謂。但我到達時大概3點、店員說3點半前要收拾好所有東西。我囧了。。只有半小時等水滾也吃不了什麼吧😓我也只好放棄。但我真的很想很想吃肥牛！順理成章想起了位於銅鑼灣廣場的牛陣。☺這間分店我經常去。我一星期最小會光臨牛陣一次（多是午餐）、到銅鑼灣分店一個月會去大概3次阿。😊我每次也是選$108的任食牛豬。肉好像是最便宜那款。其實還有$88（還是$78?）的任食牛豬、但湯底並不討好😫、清湯打邊爐有什麼好吃的呢😏？我最喜歡sukiyaki湯底（甜醬油湯底）。$108任食的就是sukiyaki湯底的😘！任食吧選擇不多。以我的經驗、sukiyaki湯底必吃的配菜如下：1.烏冬2.豆卜3.豆腐★以上三樣是sukiyaki湯底必配的★說回主角牛肉的味道我總共吃了2碟。第1碟：肉味是有的、但不明顯。不鞋也不un、肥膏佔大概三分一片牛肉。勉強合格。第2碟：肉味跟上一碟一樣不明顯。也不鞋不un。但肥膏卻佔了半片牛肉！不合格！豬肉：我只吃了幾片、因為實在太差！上台時我看呆！一睇就知放左好耐。。但未放入口就判佢輸又講唔通。但食

我一個星期最小去牛陣一次。貪其午餐便宜又好吃。本想到觀塘店的、但觀塘店的任食雪糕是Dreyer's而不是haägen Dazs、所以就到這間了.___.服務:門口的那個黑著面…沒看過他笑的說…樓面的算是不錯、收碟快、上肉快。味道:第1碟牛:這碟很好吃！而且不鞋也不un、可能因為這是第2級的牛肉吧^^第2碟牛:這碟明顯比起第1碟遜色、有點兒un、失望第1碟豬:豬很好吃！之前不太喜歡吃豬肉(什麼豬肉也是)、但牛陣的令我不能抗拒！第2碟豬:依舊好吃！雪糕:是日有Strawberry Cheese Cake、芒果、牛奶拖肥、法式x蛋 4種味。個人最愛牛奶拖肥的說haägen Dazs的雪糕就是好吃！我沒叫過第2級牛的、這次是第一次、但也是最後一次。因為除了第一碟好吃外、第2碟很一般、甚至比起我在觀塘店吃第1級牛差(觀塘店無論是第幾碟也能維持水準)這餐要大概150$我寧可下次去觀塘店吃第一級牛肉。