牛響度拌麵

營業中

休息中

今次帶大家去酒店食好西不過唔係食自助餐係食牛酒店food court美食雲集最後揀左樓梯右手第一間餐廳主要食牛主打刀削麵可以揀乾撈麵或者係湯麵牛面珠登應該係第一次食估唔到竟然係充滿膠質嘅似牛𦟌但比較腍同唔多筋刀削麵配上佢地嘅椒麻醬好香越食越順喉真心推薦至於另一個沙茶牛雜湯麵湯底濃郁得嚟唔會太油膩仲有陣陣芫茜味唔食請走牛雜有腸 牛肚 牛肺 牛膀 煮得入味同時都好腍易咬麻醬手撕雞抵食勁有份量雖然係雞胸但有肉汁夠滑感覺好似慢煮雞胸咁嫩呀溫提佢啲果茶都好清香架—————————————————————🔸 滷牛面頰拌麵 $57🔸 沙茶牛雜湯麵 $54🔸 慢煮手撕雞 $38🔸 一口粟米豚肉餃 $26🔸 百香果冷泡茶 +$12🔸 白桃冷泡茶 +$12

蟹黃拌手工麵另外仲會配上胡麻醬青瓜、麻油雲耳、車厘茄同一份蟹醋，蟹黃撈手工麵啖啖都係大滿足，食起嚟零腥味，落小小蟹醋仲可以令蟹味更突出，食到咁上下，食返D配菜清新下口腔，正！一口粟米豚肉雲吞拌麵，有佢哋主打嘅刀削麵非常好食，煙煙韌韌咁我最鐘意。另外點咗柳橙果冷泡茶同百香果冷泡茶，柳橙果冷泡茶搖一搖先飲，帶有淡淡嘅橙甜茶香，餐飲做配搭最適合，百香果冷泡茶就清新怡人，酸甜爽口。餐廳位於佐敦彌敦道380號香港逸東酒店Eaton Food Hall LG樓1號舖

逸東酒店普慶餐廳嘅buffet就出咗名多新鮮海鮮，而逸東軒就係著名嘅米芝蓮粵菜廳，咁又有幾多人知逸東其實仲有個foodcourt，雲集左唔少嘅世界美食？今日就揀左《牛響度拌麵》🍜雖然餐廳名大大隻牛字，但其實佢嘅餐點並是局限於牛🐮，豬🐷同雞🐔都有架🐒麵種主打刀削麵，睇樣似係來貨嘅，但都夠晒煙靭。波浪邊掛汁一流👍🏾無乜牙力嘅可轉米線/手工麵🤣熱屎辣辣我就唔食湯麵喇🥵拌麵汁可選1️⃣拾香椒麻2️⃣招牌蔥油3️⃣焙煎胡麻；我地就揀左1️⃣同2️⃣：1️⃣嘅麻多過辣，香味十足，唔會過咸😈食完咀唇騰騰震🤡；2️⃣雖然蔥味唔重，但咸咸香香食落都幾滋味😋最欣賞佢係拌麵汁充足，撈完條條麵都有上色✌🏾感動🥹🥹🥹特濃牛丸名不虛傳‼️一咬醬爆，牛味濃😋可惜彈性差咁d🙃手撕雞涼浸浸，配暖笠笠嘅麵冰火交融🤡無骨滑捋捋，岩哂我呢d懶人😎麻辣牛面頰大大份只需$38😳😳😳辣多過麻、肉質瘦削乾身，食完唔怕肥🤭炸一口粟米豚肉雲吞，雲吞皮酥脆，食得出鹼水味，唔似來貨🙂粟米甜😋配泰式辣醬，男女老少通殺🤣

餐廳位於佐敦逸東酒店地下嘅Food Court，主打多款配料嘅湯同拌麵，另有飯、小食、飲品供應。店員服務態度友善，上菜速度快，大大碗份量十足，價格親民，又有多個快餐選擇。刀削麵每日新鮮香港製造，麵條Q彈帶點口感。私心推介慢煮嫩滋手撕雞熱拌麵，雞肉嫩滑，拌上青瓜絲、蔥花、芫荽、油蔥酥同特調蔥油醬，味道鹹鹹地之餘食完又唔覺得口乾，好味道。湯麵要咗溏心蛋粟米，簡簡單單大人小朋友都啱食。麵條可以轉米線或者手工麵，後者嘅麵條類似上海麵，幼身滑溜，冇刀削麵咁飽肚，牛骨湯底清甜，感覺清淡又健康。飯類都有幾多選擇，蘿蔔牛筋腩有驚喜，煮至入味，牛香氣突出，醬汁味道濃郁，如果有多啲撈飯就更好。小食方面有韭菜豚肉雲吞，外層夠薄，餡料唔少、魚蛋有十粒，一口一粒啱啱好。

蟹黃拌飯❤另外仲會配上胡麻醬青瓜 麻油雲耳 車厘茄 同一份蟹醋。蟹黃撈飯啖啖大滿足，食起黎零腥味，落小小蟹醋仲可以令蟹味更突出。如果可以有D蟹肉就更好喇!! 食到咁上下食返D配菜refresh下口腔，正!手工去皮炸雞髀扒飯❤雞髀扒大大塊，雖然係炸但入口嫩滑juicy，啖啖肉，而且配菜仲有粟米同紫菜碎，夾埋甜甜地既醬汁，撈埋一齊食，惹味可口。雲吞我地叫左淨食，每款十隻，湯底係豬骨湯，飲落唔油膩，湯夠滾味濃唔死咸。雲吞細細粒一口一粒岩岩好，皮唔會太厚得黎帶點咬口煙UN，我地分別叫左一口 鮮蝦豚肉雲吞❤ 同 韮菜豚肉雲吞❤，兩款內餡都實在多汁， 一粒接一粒好快就食哂

今日唔知食咩好就同男朋友去左逸東個food court 貪佢就腳得黎環境又靚 因為佢係間酒店入面 所以裝修環境方面一定贏晒普通 food court 坐得又舒服 廁所又乾淨♡沙茶鮮牛湯麵🍜 $54佢湯麵個湯頭係牛骨湯黎好濃郁 鮮牛肉好嫩滑好易就咬得開 沙茶既味道好吊到牛肉既味道出黎 刀削麵粗幼適中有d煙煙韌韌既感覺每一碗麵都會跟小小菜同半隻溏心蛋♡慢煮嫩滋手撕雞湯麵 轉手工麵🍜 $49而手撕雞湯麵係用豬骨湯做湯底既比我既感覺一樣好濃郁但佢唔膩 手撕雞份量都多而且真係做到佢餐牌上寫既嫩 手工麵既質感食落就好似魚麵咁但再幼小小♡蒜泥白肉 $32原來以為佢好多辣椒油放面以為好辣 但佢又唔算係好辣 輕輕刺激既感覺 加上蒜泥幾好食♡炸一口粟米豚肉雲吞(8隻) $26一口SIZE既野食真係好正 食落乾淨利落 雲吞炸到好脆 佢跟埋一個雞醬比你點 咁食落就有多d變化♡黃金大麥茶 $12♡青蘋果冷泡茶 $12兩支茶都係凍既樽裝茶 飲唔晒方便拎走 大麥茶就淡淡既麥香 青蘋果茶就有幾香既青蘋果味但唔會好重甜味

這間位於佐敦逸東酒店內的【牛響度拌麵】，除了有麵食外，還有多款的小食，而且價錢貼地，又可以品嚐到不同的牛肉部位。可以選擇拌麵或牛骨湯麵，這裏主打每日新鮮製造的刀削麵，麵質爽彈不糊口。每碗手工麵都配有溏心蛋、青瓜絲、油葱酥、葱花及芫茜，而拌麵醬有辣有不辣。蒜泥白肉蒜蓉及辣醬舖在腩肉表面，下面墊上清爽青瓜，十分開胃。孜然雞翼雞翼醃得入味又香脆。麻辣牛面頰牛面頰炆至略帶咬口，膠質豐富，加上麻辣惹味。慢煮嫩滋手撕雞拌刀削麵配拾香椒麻刀削麵拌上椒麻醬，既麻辣又爽口，味道較濃郁，手撕雞嫩滑。牛腩湯手工麵牛骨湯底鮮甜，幼身手工麵吸收了湯汁，十分爽滑，牛腩炆至肉質鬆化。

逸東酒店樓下一直都有好多餐廳，今次我就去咗佢嘅樓下嘅牛響度拌麵佢哋主要買刀削麵，佢哋嘅刀削麵非常好食。我首先叫咗一口鮮蝦豚肉雲吞麵同轉椒麻蕃茄湯都令人驚艷，鮮蝦豚肉雲吞鮮甜多汁，湯底濃郁鮮美，椒香蕃茄湯少少辣，好開胃。而蟹黃熱拌手工麵帶有濃厚嘅蟹味，配搭木耳、青瓜同車厘茄，帶出鹹香又鮮甜嘅口感。小食方面，泡椒魚皮酥脆可口，泡椒醬香氣四溢，帶出魚皮嘅鮮美滋味，是一款下酒佳品。另外，黃金大麥茶清涼解渴，帶有淡淡嘅香氣，適合搭配餐飲。最後，百香果冷泡茶清新怡人，酸甜爽口。