31
1
1
| 餐廳: | 牡丹軒中菜廳 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
電話號碼
22150833
營業時間
今日營業
11:30 - 15:00
18:00 - 22:00
星期一至五
11:30 - 15:00
18:00 - 22:00
星期六至日
10:00 - 16:00
18:00 - 22:00
以上資料只供參考, 請與餐廳確認詳情
食家推介
相關文章
天氣漸涼，和朋友相約一起入DB吹吹海風😎，慢步沙灘，享受寧靜的環境，遠離市區嘈雜，暫時忘掉等待要處理的事情。一邊踱步一邊傾談，是洗滌心靈之選。午餐時間，偶然見到這間中菜廳，門口設計有特色，一入內廳三面玻璃開陽，又被那中央高聳的圖案設計吸引，寬敞的內廳很舒服，沒有市區酒樓的壓迫感！職員服務態度熱誠，招呼我們入內坐在窗邊的位置，正呀！我們叫了一壺鐵觀音，茶葉芳香。又幾個點心，實在高水準，蝦餃內的蝦仁彈口，牛肉腸粉皮薄餡多！蝦子腐皮卷出乎意料之外，竟然是外皮脆口的，餡料足，我平時絕對不會吃湯浸的腐皮卷，這個值得推介谷友，必食之選！吃飽後，再逛逛商場，然後回程返回市區。下次一定會約齊大班朋友，再入DB這間中菜廳，食埋其他點心，來一個肚腹大滿足。
繼續閱讀
諗諗下，仲有幾日就到萬聖節，雖然近年氣氛差少少，但只要想玩，感受一下氣氛，總會搵到地方。今次就介紹一個好多外國人居住的地方，就係愉景灣。每年愉景灣都會佈置得鬼影幢幢，極之有氣氛，四周擺滿了南瓜造型及鬼怪公仔，尤其是入夜，就更具詭異氛圍。一場入到愉景灣，當然要順便醫下肚，今次就試下牡丹軒的菜色。蜜汁黑豚肉叉燒*清酒鮮鮑魚*脆皮乳豬想不到叉燒處理得相當有水準，軟熟而有嚼口，蜜味又重，送飯一流。冰鮮鮑魚柔韌有嚼口，不錯。脆皮乳豬內藏炒過的糯米飯，吸收了乳豬油的飯粒，份外惹味。席間配以 Rivetto Langhe Nascetta DOC“Vigna Lirano”2021，色澤淡雅而芳香，正好開開味蕾。雲南菌皇燉老雞湯以時間換來的美味，清澈的湯品陣陣醇香，既健康又美味。花彫蛋白蒸星班球火喉控制啱啱好，置底蛋白尤其嫩滑，星班球亦是我最愛的魚種，啖啖肉毫無碎骨，酒香恰到好處，令整道菜生色不少。麻辣脆皮崩沙腩處理得非常好，薄薄的一層脆漿，崩沙腩軟稔入味，食咬帶少許辛辣，今次配上一杯Rivetto Barolo DOCG "Serralunga d'Alba" 2019。龍蝦湯龍蝦伴台洲豆麵是日的亮點菜色，新鮮龍蝦肉爽彈不在話下，台洲豆麵質感猶如粉絲，但沾汁的能力更強，每口都掛滿了龍蝦汁，吃得人心花怒放。再來一杯Rivetto Barbaresco DOCG "Nervo" 2020，中度的丹寧，帶少許酸度，作為table wine很切合。黑松露福袋豆袋內是混上黑松露醬的金針菇及什菌，然後再炸，令黑松露的香味更突出。萬聖芝麻包*北海道南瓜焗布甸期間係萬聖節，菜色上當然要切合主題，一揭開蒸籠，就會見到阿Jack出現，當然要秒殺啦；而旁邊的小南瓜，內裡是雲呢拿籽布甸，混和南瓜肉一齊食，就更可口。
繼續閱讀
Restaurant week又到最後幾日，同老公把握機會，食咗幾間正嘢，順便慶祝結婚週年😘今次揀咗間愉景灣嘅中菜廳，入愉景灣行下輕鬆下。一入餐廳有個西式bar枱，餐廳裡面環境光猛向海，樓底好高，有個圓形裝置，好有氣派。店員服務態度好殷勤👍🏻🔸Restaurant Week 午膳套餐 (💰198pp)▫️ 一口鮑魚酥、晶瑩鮮蝦餃、蘿蔔金腿千絲酥 (8/10)好出色嘅前菜啊。鮑魚入味，鮑魚下面有瑤柱絲同冬菇絲。蝦餃爽口結實，外皮唔會易散，煙靭程度適中。蘿蔔絲酥皮好香。▫️ 花膠瑤柱雞絲羹 (8/10)雖然花膠就一定唔係靚嘅花膠啦，因為一啲膠質都無😓不過就非常足料，成碗都係花膠、瑤柱同雞絲！味道都好清甜。▫️ 金湯白玉鮮斑球 (8.5/10)斑球好鮮味，嫩滑，而且肉質好紮實彈牙！加上蔥絲同南瓜湯，更顯魚肉的鮮甜。▫️ 薑米蘭度豚肉叉燒炒香苗(8/10)叉燒炒飯粒粒分明，唔會太油膩，薑味幾香👍🏻▫️ 生磨腰果露(9/10)非常出色嘅腰果露，腰果磨得好幼細，好幼滑呀！又香又濃，甜味適中👍🏻Overall評分: 8.5/10😍
繼續閱讀
門口大桃花打卡位最近牡丹軒換上賀年點心，帶到過年氣氛，亦比上次有更多新點心。雖然點心都係萬變不離其宗，但好幾款點心都加入新元素，有份新鮮感，睇得出廚師既心思。紅菜頭蝦餃，對紅菜頭健康食物冇大興趣，但蝦餃有肉汁，一d 都唔乾，亦都冇紅菜頭既青菜味。新年見到的確幾開心。自家製蘿蔔糕本來有3件既，但一上枱太香，相機未黎得切先食。食到有蘿蔔絲，唔係全部粉。口感夠實唔太硬亦唔會散🤤 大推 佢地有年糕蘿蔔糕買，可惜冇得試食鍋貼同牛栢葉都好味，XO醬好香，唔會辣唯一美中不足係個菠蘿包賣相可愛，有別於傳統菠蘿包，面頭朱古力皮亦好香濃。但中間奶黃有d 乾。朱古力配奶黃有種奇妙感覺，好似唔夾但又幾好食。
繼續閱讀
某週日離開大嶼山聖母神樂院之後，與同學仔兼教友由神樂院行過來愉景灣。表姑媽鎖定目標，要來牡丹軒飲茶。沿途有傾有講，以龜速行了約50分鐘才到目的地。有兩年沒來過愉景灣，記得上次在一家西班牙餐廳吃的乳豬不太像樣。* * *甫坐下同學仔要了壺菊花，表姑媽幾十年飲茶經驗，未試過在餐廳點菊花茶。同樣地同學仔幾十年飲茶經驗也未遇過等位時，已揀定喝甚麼酒的人。餐廳樓底高座位闊落不容易聽到隔籬枱在說什麼，又或者餐廳客人較斯文。點心中表姑媽最愛燒賣，同學仔喜歡叉燒包，結果兩者也沒有吃，吃了總廚推介的以下幾款：XO醬煎腸粉腸粉煎得脆卜卜，XO醬微辣，對表姑媽來說，勁辣也無拘。春風得意腸脆卜卜的不是油炸鬼，是米網繼續熱氣金網蟹肉卷送啤酒一流，配上菊花茶同樣可以清熱解毒。少吃菜的表姑媽，來了一客豆苗。叉燒燒腩仔拼盤自家調芥辣醬最後出場的兩個甜品左手面的新鮮芒果醬加雙皮奶，有吃Greek Yoghurt的感覺。用十勝紅豆做的紅豆糕，好一件固體紅豆沙。上面及底部以椰汁糕夾住，身為椰子控的表姑媽，或者椰汁糕獨當一面更佳。表姑媽還是覺得紅豆跟綠茶本應是一對。木 ＋ 銅在餐廳隨處可見加上藍調的餐具及座椅氣氛和諧。表姑媽只懂：金生水，水生木，木生火，火生土，土生金金克木，木克土，土克水，水克火，火克金藍屬木吧？原來連廁所都見到木 ＋銅吃飽飽之後坐船離開愉景灣，原來今時今日船票是46蚊一位。20多分鐘回到中環，竟然掛念芒果雙皮奶。念念不忘，必有迴響。 愉景灣看來只得一間中菜廳，下次舍妹回港的話，再來試下馬拉糕，表姑媽亦會試燒賣及小籠包。
繼續閱讀