牧羊少年咖啡館 (雅蘭中心)

營業中

休息中

同朋友收工約好黎旺角個頭行街，係雅蘭商場附近就上去順便睇埋啦，睇左好耐食咩，最後揀左呢間望落都幾有feel既cafe，價錢相對商場樓上樓下既所有餐廳都合理。我同朋友各人都點左一碟意粉，分別係香草青醬雞肉蘆筍意大利麵同黑椒香蒜煙鴨胸意大利麵，兩個意粉都落左好足既olive oil, 由其係黑椒煙鴨胸意粉廚師明顯先炒過後落olive oil，黑椒味亦相當出，唔食得辣既朋友要留意番，朋友仔食唔到辣都食到中途停左，淨係食香草青醬個款意粉。不過個人都對香草青醬情有獨鍾，所以對呢個青醬意粉都有番啲要求，呢間餐廳都煮得唔錯，食得出唔hea，每條意粉都沾到足夠既青醬同olive oil，仲有經炒過既松子配搭番，雞肉亦有預先炒香，肉質不鞋係旺角咁多打手cafe既地方黎講，佢2個意粉都分別係$108，味道同份量都對得住價錢，服務亦ok，侍應有主動加水同問我哋需唔需要收走啲碟，自己覺得都算不過不失啦，始終紅日都多客都有顧及客人留意番，餐廳另需加一服務費。

早幾個星期六要一早出旺角整啲野，整完經過呢間牧羊，難得唔洗等位就入去食個豐富的brunch啦~1️⃣ 🥗 英式早午餐 ($118)好耐無食all day breakfast，食brunch梗係要叫番個黎食下啦😍呢個早午餐都好豐富，有煙三文魚、炒菇菇、黑松露炒滑蛋、煎蕃茄、雞肉腸同杏脯包，仲有乳酪添!夠晒營養唔會太heavy~2️⃣ 🧇 京都春日($108)對上一次食牧羊既窩夫已經係好耐之前啦，今次再食發現水準仲keep到，值一讚👍🏻!窩夫夠蛋香味，唔會烤得太乾身，我地揀左朱古力雪糕，配埋新鮮士多啤梨🍓一齊食都好夾啊~3️⃣ 🍹 抹茶可可朱古力（$52）朱古力除左同士多啤梨夾之外，同朱古力都好夾呢~呢杯朱古力屬於比較濃郁既口感🥰唔會好稀好似水咁，抹茶同朱古力既比例都調得好好，推介!4️⃣ ☕ 玫瑰牛奶咖啡（$44）玫瑰牛奶咖啡味道香濃，我地揀左少甜都飲到好出既玫瑰味😋而且可以選擇加熱，適合鐘意飲熱辣辣飲品既朋友🤪

兩年幾無卑過負評，激到我晒啲咁嘅時間上來打。吃四次3次都要受氣，雅蘭呢間嘅侍應認真不得了🙂明明已經係掃code 落單，有幾何麻煩到人！？水我又無叫你卑杯，紙巾又無叫你卑多張🤷🏿‍♀️事緣咁嘅，叫咗個pizza 上到嚟又凍又硬。啲芝士都係凝固狀態！咬咗啖覺得唔係嘛，唔係外賣都要凍食呱，於是我就伸手嗌，唔該，可唔可以幫我加一加熱？！（我係絕對無話要整過/或者換）因為我自己都唔鍾意浪費嘢食！個女侍應就秒答我：我哋無咁嘅服務！如果枱枱都好似小姐你咁，我哋都幾難做（外加一個反上天花板嘅白眼）我當場，係唔識反應嘅😂，我點估到一間餐廳連加熱都算係難做？？？咁難做，我又點好意思為難人呢，結果咪埋單走人囉😅實屬無奈呢間耶，我但凡踏足多一次，都係我有病。

呢日同友人係旺角行山，見到呢間餐廳唔太夠人，好似幾舒服咁，就入去試下。叫左沙律同pasta, 都大份，味道唔錯。不過食到好激氣，啲waiter 好唔合作，全程都黑面，仲見到個waitress 執枱係度發脾氣扔啲刀义，好無禮貌，完全唔係以客為先有啲失望！

呢間咖啡館相信大家都唔陌生，餐廳主打西式食品，喺香港有八間分店，🖤黑白配⚪️覺得呢度嘅食物好味道之餘，環境亦都好舒適，而且成個裝修風格好小清新嘅感覺係行文青路線，啱晒朋友聚餐👩‍👩‍👧‍👦流心蛋腐乳卡邦尼長通粉 $108呢度嘅卡邦尼同出邊食嘅有啲唔同，因為有腐乳嘅香味，所以令到個通粉有鹹香味🥳而且個流心蛋🥚撈埋啲蛋醬一齊，所以食落去creamy 得黎好掛汁😋+$48 是拉差醬法國雞翼雞翼外層炸到好脆，個雞皮食落去好香口，辣辣地好惹味！配埋個拉差醬有少少微辣然後甜甜地，好似食緊韓國炸雞咁🍗 而且雞肉食落去都幾Juicy 🤩

係出面望咗兩眼個餐牌，以為會有好多野食揀，但實際食物款式比較少。-❤️牛油果香芒烤雞沙律 酸 胡麻醬幾fresh，唔錯。烤雞幾出色，口感偏軟熟，有少少燒烤嘅香味。🔥 -❤️英式早午餐煙三文魚好鹹，而炒蛋配咗少少黑松露，成件事即刻升華咗，好香。🤤豬肉腸就冇咩特別，齊柏林好食好多。乳酪反而最有驚喜，值得一試！-整體來講，食物唔錯，但氣氛一啲都唔似cafe。記得好耐以前去過太子個間，個感覺好chill好温暖，而家做大咗，就冇個種vibe lu。

黎到旺角做嘢，行黎行去腳都軟搵個地方坐低食d嘢，hea 下先一口小食拼盆 $68入面有 辣味香腸，炸八爪魚丸，炸春卷，炸番薯條最好食係辣肉腸 好惹味 番薯條都正 夠甜又夠熱厚切芝士雞扒蕃茄沙律菜漢堡包 $88上枱好香 熱辣辣 睇到d雞油同汁流出來個汁同個漢堡包 好夾老公係好鍾意食漢堡包既人 都大讚高質冰果茶 隨餐奉送可以選甜度 冰量 乎合一貫水準自家調製鳳梨lemonade +$14冇得揀甜度，不過酸酸甜甜 好開胃整體而言，位於雅蘭中心，地理位置方便食物質素高，店內環境都幾靚，又好坐傾計一流，入坐起有一個半小時用餐時間夠唔夠就見仁見智啦！我就覺得都ok

未黎過雅蘭分店，幸好上網卜定枱唔洗等，店員安排坐窗邊卡座，感到開心。用餐限時1小時45分鐘，食下傾下都唔算趕。 明太子鳳尾蝦意大利粉 $118意粉掛滿忌廉汁，主要配料有明太子、鳳尾蝦及日式魚片，蝦球大隻爽口，整體味道不錯，唯份量唔算多，3人分享每人可以分到少少。 千鳥香芒牛油果雞肉薄餅 $138批底中等厚薄，咬落煙韌都幾好食，但個人還是比較喜愛薄脆批邊，餡料有滿滿的千島醬及芝士，批面舖滿芒果、牛油果及蕃茄，但好似唔多覺有雞肉，唔知係咪漏左定溶化了在醬料中。 酸忌廉蕃薯條 $68呢個極度推介，條條熱辣辣脆卜卜，正宗外脆內軟，配有酸忌廉及茄汁，份量好多足，3人分享都唔會爭食。 韓式辣汁雞翼雞翼好大隻，醬汁好濃掛滿成隻雞翼，啖啖肉又啖啖韓式醬汁，望落以為好辣，但食落係甜辣，超yummy，又一推介之選。 自家調製鳳梨lemonade $48自家調製薄荷lemonade $48 2杯飲落好清新感覺，帶有酸酸甜甜的口感。

約朋友到牧羊少年咖啡館午餐，位於旺角彌敦道639號雅蘭中心1樓103號舖。 入座起計個半鐘頭用餐時間，午餐🍴 ～ 蝦頭油鳳尾蝦香辣肉碎意大利粉$118、 英式早午餐$118、 餐湯、燒汁焗八爪魚丸$38、 是拉差醬法國雞翼$48、 奶泡咖啡$14、凍檸茶。▫️ 餐湯🥣 ～ 味道淡。  ▫️蝦頭油鳳尾蝦香辣肉碎意大利粉🍝 ～ 微辣都幾惹味， 另外配上肉碎和蝦，味道ok。 ▫️英式早午餐🥙 ～ 跟平時的全日早餐差不多， 最欣賞是有希臘乳酪， 酸酸地好開胃。 ▫️燒汁焗八爪魚丸🧆 ～ 一碟有七粒，爽口彈牙。 ▫️是拉差醬法國雞翼🍖 ～ 是拉差醬甜甜辣辣，配上香脆的雞翼，幾香口。 ▫️奶泡咖啡☕ ～ 咖啡味偏淡。▫️凍檸茶🥤 ～ 正常味道。 每款菜式的份量都幾多， 而食物質素正常發揮。 🏷️溫馨提示～ 整個用餐體驗均屬個人分享意見， 只作參考😊。

今晚出旺角取件，拎完之後諗住係附近搵餐廳食晚餐記起雅蘭中心一樓呢間餐廳好似幾舒服，一於去試下～等咗陣就入座，坐係窗邊的卡位，望住街景都唔錯入內環境幾闊落，氣氛也不錯照燒汁煎乾蒜美國牛粒 $88賣相不錯，牛粒食落香嫩爽滑，調味剛好BBQ青椒手撕豬薄餅$128上菜時好吸睛，落單時可選擇不要青椒切開薄餅有芝士拉絲😍餅底比較薄而帶脆手撕豬味道濃郁，菠蘿及青椒增添層次配啖啤酒，味道再提升卡魯哇咖啡酒提拉米蘇$68造型好似兔仔幾可愛～食落好creamy 甜甜的略帶酒味中層咖啡味濃厚，底層仲有朱古力餅碎好好味～推薦～薑燒黑糖咖啡 (熱) $62表面有層焦糖，飲落黑糖及薑味慢慢滲出來味道比較甜但不會重，挺不錯牧羊少年浪人手工生啤 飲落淡淡啤酒花香，淡口味的幾清新整體食物味道還不錯，價錢中上，另收加一偶然可再來～

非常差劣白咖喱豬扒飯，首先評論豬排，好鞋，差！任何一間茶餐廳好過你們！豬排一點也不新鮮，又咸！我自認自己食嘢要求－點也不高！但他們整得非常難食！唔知道為何這麼多人！非常失望！而且個所謂白咖喱汁非常，非常，非常咸！咸到不知所謂，汁又少少！非常差！個汁少到不得了！白汁又咸，豬排又咸，又鞋！食了2啖即刻放低！可想言知有幾難食！任何茶記好過你十倍！這個價錢食這個質素，完全浪費金錢浪費食物！男侍應服務態度差！

年初五初四咁嘅樣唸住一班同事出去食個靚Lunch, 點知比我同令一同事叫左個伏地蒲燒鰻魚炒蛋漢堡包配蜜糖芥末蕃薯條，一來到個包勁多沙律醬好…唔緊要…一心唸住細心亨用條鰻魚，切下一放入口….嘩……三個字形容….乾咸燶…..就咁條鰻魚仍在碟上展覽沒往我肚裡去全碟得蕃薯薯條好味希望餐廳有待改善條魚。

經過外面見到好似好大好舒服好靚咁所以咪入嚟坐吓囉食物就正正常常普通啦，諗住入去坐下休息吓點知入到嚟原來好嘈㗎喎，好多人幫襯呀食物質素正常這個收費都可以接受，只係真係略嫌環境太過嘈吵應該冇下次嗰碗乳酪其實好好味😂😂餐廳就細碗咗少少，但係一個人食差唔多啦每個人要求唔同，其實整體可以接受嘅，只不過我係想有個舒服啲嘅環境撳吓電話放空一下姐，可能呢度始終係旺角樓上樓下有好多返工人士，我而家喺3:00都仲係好多人

.📍牧羊少年咖啡館 @thealchemistcafehk 一個人的儀式感平日放假係需要好好珍惜的出街人少啲 又可以食午市套餐 下午茶 荷包都慳啲三點都未食晏 又想飲杯咖啡思前想後 最後都係揀左牧羊少年諗咁耐係因為下午茶menu對於空肚既我唔係太吸引經過一番思考1516後 揀左日式大阪燒風味煙三文魚薄餅 $68Upgrade flat white $14薄餅有兩塊 份量唔多拉起一塊 見到邪惡芝士拉絲 煙三文魚同木魚紫菜好夾尾調係芥末醬汁 微微刺鼻正好喚醒我 薄餅用薄皮 外圍焗到好鬆化Flat white有層大概5mm泡沫上面有心型拉花 一邊放空一邊飲咖啡 嘴唇比濃密咖啡奶泡包住既感覺 很好餐廳裝修精緻 用左Tiffany blue 主調 唯美舒服

「牧羊少年」十週年 ！！咁開心 , 當然來吃一餐 ~Spaghetti w/ Chicken & Asparagus in Pesto Sauce 香草青醬雞肉露筍意大利粉 : 賣相十分討好 , 食材配搭得宜 , 蘆筍煎得香口，清甜爽脆 , 吃落冇渣、雞肉軟嫩 ; 意粉是 al dente, 配上香草味道濃濃且青新的 pesto sauce, 味道的層次感也豐富 , 吃落的感覺是個很有活力 , 叫人頭好壯壯的一個 pasta, 實在很適合這悶悶的天氣吃 ~日式大阪燒風味煙三文魚薄餅 : 即叫即製 , 熱辣辣 , 食材豐富 , 餡料足, 個批底堅係脆邊鬆軟 , pizza sauce 的味道亦是相當到位；特別的配搭材料 , 當然帶出特別而又反常規的味道 , 卻是出奇地合我口味 ~Americano : 入口清爽 , 味道沉鬱幽香 , 酸度不高 , 濃郁中帶回甘 , 適合慢慢享受 , 越飲越有味道 ~本篇完 ~