犀牛犀牛 (中環街市)

營業中

休息中

見係雜誌有人介紹就試下，試完以後唔會再食。我同同事們係叫外賣平台，叫咗芋泥肉鬆蛋吐司、花生醬培根起司蛋餅、鮪魚吃玉米蛋餅。首先可能係我同同事們既問題，因為條蛋餅係無切開而我哋又唔係好習慣，因為成條食好麻煩。個芋泥肉鬆蛋吐司係甜到爆，裏面啲芋泥無敵凍，個吐司係超硬！ 👎🏽 花生醬培根起司蛋餅，花生醬少到，淨係見到好薄一層啡色嘅嘢。 成個蛋餅都係無敵鹹👎🏽 我唔知有冇錯但我見好多舖頭整蛋餅個皮同埋隻蛋係會一齊煎嘅但係好明顯呢一間鋪頭個蛋同蛋餅個皮係分開整所以根本你覺得所有嘢都好散開😅鮪魚蛋餅三個字：好難食！有時啲野食，唔係人哋影得靚就好食！ 不能相信廣告！

星期一中午約一時，我買了份J4 芋泥肉鬆蛋吐司。收銀員叮囑一句：「因為即做需要等一等。」賣相相當吸引，巴不得立即吃一口。肉鬆很多，吃耐了會覺得好鹹。芋泥有芋頭香，但是又太甜。吃了一半已經不太想吃下去，要繼續吃又很鹹又很甜的食物，全靠白麵包稍為中和。應該是餡料很多而令食物味道過重，但餡料不足又沒有那個吸引賣相。 芋泥自製的話可以不加這麼多糖一開始想只拿著一半吃，卻撕不開三文治的包裝紙。

早幾日去咗中環街市行一陣，好多小食、嘢飲，今次食呢間係ig成日見人食，今次終於食到啦台式蛋餅我都好鐘意食，仲可以揀捲餅/蛋餅捲餅係厚身啲，蛋餅薄啲輕盈啲，所以我都拿唔起嚟影相啦花生醬培根起司蛋$37饀料好夾，花生醬又香，好食，輕食可以揀蛋餅鮪魚吃玉米$40呢個因為揀咗捲餅，厚身啲，食落飽肚感都重啲，吞拿魚粟米又係perfect match，捲餅要讚好好食好脆，仲有葱花香👍🏻春芽綠茶$22凍到咁，飲返杯熱綠茶舒服晒伯爵歐蕾$29鐘意earl grey點會唔試呢款呢，歐蕾喺法文含鮮奶嘅飲品，飲落就係earl grey味嘅奶，2個味都香，要咗少甜啱啱好～

芋泥肉鬆蛋吐司🍞（$35） 6.5/10份量比想像中少同芋泥較稀薄，因為menu圖係切開一半影，實物就係原片上。芋泥偏軟綿，基本上食唔到芋泥粒，大飯桶鍾意冇顆粒口感，所以呢款幾啱口味。味道方面芋泥同美奶滋醬都係少甜Level，同鹹肉鬆夾埋都幾好食，正正常常冇乜特別。可惜佢奶香🥛同芋頭味都唔夠突出，所以主力都係食到甜味。隻蛋🍳亦都偏老咗少少，同埋唔重蛋香，口感較為單薄。個吐司好似冇烘過咁，即場食都feel唔到脆口同烘嘅感覺，稍為失色。Extra comment:•新年期間，有靚靚揮春可以拎㊗️•中環街市店面setting少奇怪，搞到排隊同拎餐都係同一個位•左右隔離都係小食店，另外有幾張小枱俾大家企住食•原來佢已經有6間分店6️⃣Ig@ ricebucket_sis

🧋犀牛犀牛🧋爆谷奶茶 $22爆谷奶茶冇爆谷味🤣但係呢就有個蜜瓜奶嘅味 鍾意飲蜜瓜奶嘅人可以試吓👀👀———📍 中環皇后大道中93號中環街市2樓242A號舖#food #foodie #foodiehk #foodiehkig #hkfoodie #hkfood #hkfoodblogger #hkfoodshare #goodfoodhk #foodieinternationalchat #中環美食 美食 #lol_中環 #lol_犀牛犀牛

經過中環街市突然很想買茶飲，被這間店的姜B吸引了目光，發現原來這裡有很多茶飲選擇，還有各種台式小食吐司😍😍😍不過因為買了其他食物，這次只好喝飲品好了。伯爵歐蕾 $29作為人氣飲品，伯爵茶風味的確是比較濃厚，奶和茶的比例剛剛好，品嚐到茶香又有滑溜鮮奶伴隨入口，加上大杯裝價錢相當實惠，性價比高。其實這裡有套餐組合，蛋餅/吐司配飲品有折扣優惠，作為下午茶或者輕食也不錯～😋

經常到此店的分店買嘢，但中環依一間經常沒有部份嘅貨品，喂咁呢兩次係經OpenRice外買自取，兩次都會沒有部份配料或貨品，點會電話詢問更改其他，但呢次沒有合適我的可以更換，居然叫我自己問OpenRice退配料錢，是你哋無仲要我自己去問，用呢度預先下單就係唔想等唔想煩，而且仲態度惡劣話店好忙無人得閒，最終咪又係在店退現金比我🙄

很少寫評論，但係這個店身處中環街市實在令人失望。首先外賣自取下單時間係下午4:30，不是繁忙時間，我只係外賣一份芋頭肉鬆三文治。我足足等了35分鐘，問過店員兩三次只不停告訴我未有，完全冇道歉意思。至於三文治質素亦完全覺得不需要值得半小時以上等候。除了我之外，其他顧客等候時間亦非常長。至於食物：原來只是白麵包+肉鬆+芋泥。芋泥太甜，肉鬆也偏甜，整體沒有層次。唔覺得有咩特別，亦都不好吃。這個地標屬於特色地點，希望此店可以提升質素。

飲品甜到死，無下次！我唔會再幫襯！我叫咗杯熱嘅芋頭鮮奶$36，少甜，但最後杯嘢甜到完全飲唔到，飲咗兩啖就掉咗。特登叫咗少甜都仲咁甜，都唔知佢哋落咗幾多糖。我本身都係一個鍾意食甜野嘅人，但今次真係甜到接受唔到，相信無人接受到佢嘅甜度。白白浪費咗$36！！！！！！垃圾，令我忍唔住要打食評。佢哋究竟有冇試過味先拎出嚟賣架，甜到同飲糖水無分別。希望店舖可以負責任d，做好產品先拎出嚟賣！而唔係求求其其咁做生意。

中環食晏，週圍都好多人，唔係等位就排隊等外賣。今日去咗中環街市，有一排檔仔都係専做外賣。見到呢間條隊得一兩個人，又係輕食類，又見唔係有多地方有得食台式蛋餅，咁就決定試下呢間。雖然係即叫即整，但又唔使等好耐，啱晒我呎d要趕返公司做野嘅打工仔。最緊要係一個肉鬆蛋餅都係30蚊，完全飽肚，又唔傷荷包。個外賣攞到返公司都仲熱，個皮仲係脆餐廳無因為繁忙時間而煎唔透，呢個大讚，可以再食。而味道方面，係最穩陣的肉鬆蛋，味道無驚喜，四平八穩。

夜晚喺中環，想食平啲都幾難，本來想食四季常餐，不過之前已經食過，貪新鮮嘅我結果走咗去對面中環街市幫襯犀牛犀牛。呢度提供兩款 combo：主食加廿蚊配飲品，或者主食加38蚊配飲品，炸物同沙律。好想試後者，不過我知自己一定食唔哂，最後剩係叫咗芋泥肉鬆蛋吐司配黑珍珠奶茶。吐司賣相唔算靚仔，入面嘅餡料側埋一邊，又冇對切開兩份，呢度要扣分。味道方面，芋泥同肉鬆係甜，蛋就係鹹，幾樣嘢夾埋一齊，都算冇咩違和感，唔錯，不過麵包就略嫌烘得唔夠，香脆感欠奉。由於冇紅茶，杯奶茶臨時轉咗烏龍茶底，本來都打定輸數會唔好飲，不過又比想像中好喎，黑糖珍珠算入味，有咬口，奶茶嘅茶底雖然唔算好濃，但係都合格嘅，以呢個價錢嚟講我收貨啦。

見佢喺中環街市開應該唔會中伏，所以走咗去試。都見有好嘅評分所以以為都唔會唔好飲。中環下午人流都多，要排隊，要等。想話試吓佢哋啲台式飲品。揀咗白珍珠烏龍奶茶。買單$30，其實都係正常珍珠奶茶價錢，可以價錢接受。ps 如果飲得人嘅話。但係真心太難飲，有色嘅水，珍珠冇口感出面軟淋淋… 有啲嘔心。好似隔夜左嘅糖加水加隔夜珍珠⋯⋯講真完全冇乜茶味，白珍珠唔好飲真係白色嘅珍珠冇乜內涵，冇味，得個甜字，😨一世人飲咁多杯珍珠奶茶呢杯最難飲！ 勸大家唔好嘥quota⋯⋯我最後飲咗一兩啖頂唔順，直接將佢倒咗入垃圾桶。

I ordered the sandwich J4 (mashed taro, egg and meat floss) at around 1pm. The wait was around 20 minutes given it was the peak hour.When I got back to office, I started eating and realised the mashed taro was missing, making me returning to the store to find out what was going on. The sandwich tasted poor (the egg was over cooked) and the bread was not crispy at all.Initially the staff denied the mistake until I showed them my receipt. While they tried to offer me a replacement, the wait time w

中環街市內有多間食肆，多數以外賣為主今日就試下呢間，有售賣芋泥吐司嘅店舖店內有售賣蛋餅，吐司，及隊款台式飲品呢間店舖係台灣過江龍，咁我諗應該都唔差吧我今次就揀左芋泥肉鬆吐司，見佢餐牌寫有兩款combo，一個係加$20，可以揀餐牌內$30或以下飲品另一款combo係加$38，除左揀飲品，仲包一個無負擔沙律，同是日炸物一款（但太多野了應該食唔落，所以揀左第一款combo算了）包裝好靚，除左印有自己品牌名稱同logo可愛嘅犀牛之外，整體望落似中國古代清花瓷器三文治餡料都好足，煎蛋上面灑上黑胡椒調味，芋泥將肉鬆黏實，三樣餡料混合一齊連麵包放入口，口感好豐富$35但個飲品就麻麻啦，叫左烏龍奶茶，飲落冇茶味咁滯，同事見我飲個陣，望到飲管內啲飲品顏色係似偏向奶嘅顏色下次應該未必會買飲品了整體見佢店舖都乾淨企理，店員亦好有禮貌，仲有貼左幾張姜濤poster，同埋有個IG相片框，有姜濤細個嘅肥仔樣，可以用呢張相片框影相，相信店主都係姜粉吧，我就唔係姜粉所以冇影相了

中環街市一小時遊👻 犀牛犀牛🦏 其實我平時唔係好食蛋餅呢啲嘢，但上次食過外過入面有薯餅嘅，就一試難忘，見到咁多人推介，我又嚟試下，叫咗嗰韓式醬燒牛五花，等咗大約10分鐘左右就有得拎，佢嗰捲餅係的確做得幾出色，但嗰餡料嘅配搭度就有啲扣分🥴 唔係唔好食，但稱唔上好食😅 呢嗰質素，$47嚟講真係好貴，我話好食嗰次都只係$28🤔 不過佢外賣袋嘅gimmick嗰啲係真係好有特色，飲品我叫Openrice 啲人咁樣講，我都唔敢叫😂😂