犬茶

營業中

休息中

依家無得去旅行，唯有喺香港四圍玩同搵食呢個weekend入咗長洲，天氣開始有啲熱行過見到有新鮮生果茶，又有冷氣，順理成章入去坐低飲杯茶解解渴叫左杯橙子飲得出係新鮮生果沖平時好怕啲生果茶/珍珠奶茶用調味劑沖又甜得滯、味道又假呢一杯唔會太甜，味道剛剛好環境唔錯，日式風格，有打卡位最鍾意係望到佢沖茶嗰個位見到佢乾淨衛生，我都飲得放心題外話，門口隻柯基好乖好聽話店員都好 nice 同佢吹左2句店員妹妹話狗仔係店長「湯圓」飲完嘢同店長影咗幾幅相先走人

熱辣辣天氣路過呢間新鋪頭，見到有隻好可愛既歌基起門口同人玩，佢係店長叫湯圓🐶，好得意呀～ 所以就入去睇睇，鋪頭裝修好日式有個靚靚打卡位，冷氣又夠凍所以決定坐底試下～店員好有禮貌又好nice 咁介紹有乜好飲，我就叫左「滿杯橙子」，自己本身好鍾意似水果茶，飲得出呢度用新鮮水果沖出黎，味道好fresh 又解渴！ 而且仲有好多料，飲完仲有得食～～價錢唔貴只係3x 蚊。味道又比起出面好得多！店長-湯圓好可愛，又乖，又唔驚人。茶好飲又有得嘆冷氣又有得同湯圓玩仲有同老闆吹下水～ 一定會再幫襯呢～！ 推介👍🏻👍🏻👍🏻👍🏻👍🏻

好耐無去長洲玩，周圍行發現一間試業中的飲品店，店面外仲有一隻可愛狗店長湯圓😍！店中環境舒適唔錯，更設有日本風櫻花打卡位，店員有禮貌、細心推介飲品！飲品方面:係新鮮水果製作，即叫即整，所以要悉心等待下！飲品當中更配有該款切粒水果粒，口感超好！仲有綿滑奶蓋配搭水果茶超好飲🤤👍🏻👍🏻👍🏻期待下次再黎，試其他飲品！😁而店中更有為狗仔設有特調飲品，今次為我家毛孩揀左「狗狗西瓜特調」，份量大碗，有西瓜粒畀狗仔食，味道係水果純天然甜！不過因份量大主人需要幫助下先飲少D份量！🤣

來長洲小島兩日一夜的小島渡假😁傍晚在海邊散步，都出汗了，又不想喝太甜的飲品，冷泡茶是不二之選。平日喜愛綠茶，但店中沒有純綠茶的飲品，故選擇了冷泡桂花烏龍。打開瓶蓋，一陣桂花香氣撲鼻，烏龍茶雖然醇香😋，但不會完全遮蓋桂花的味道。瓶子上印有狗狗的logo，十分可愛，回到渡假屋後都不捨得丟棄，家人建議我再加入和暖水進行「二次冷泡」，雖然茶香沒有初嚐時強烈，但依然有舒心的桂花味。$25的冷泡茶，可以喝到兩次👍🏻，真是意想不到！

今晚同女朋友去長洲兩日一夜，不過冇晚市堂食，唯有買返去食啦。見到呢一間茶飲店，不過可能太夜啦，大部份嘅水果都已經售罄，店員介紹我飲芝士茶，咁就試下四季春啦 😋芝士奶蓋四季春，大杯。芝士好滑，而且唔係嗰啲死鹹或者死甜嘅芝士，係鹹口嘅芝士奶蓋，仲要個奶蓋係好多，一啲都唔孤寒。😂😂😂茶味方面，淨係飲茶會飲到好香嘅茶味，如果撈埋芝士飲，個茶味就會弱左。呢間茶飲店係有冷泡茶買，有桂花烏龍，金鳳茶王，白桃烏龍，不過就冇淨四季春買。打完卡就返出去lu 😂😂 繼續我嘅搵食之旅。

長洲街坊對於台式飲品店應該比較陌生🫣因為平時要飲台式飲品都要出返香港，長洲終於有台式飲品店拉😆😆之係試過一次芒果奶奶，嗰一杯d芒果肉係底，然後加鮮奶，我冇攪勻就飲咗一啖，結果比我飲晒d芒果肉😂今次一於叫番一杯我最鍾意既芝芝芒果！飲落比起平時既果汁口感濃稠一d，芝士奶蓋口感吾錯，有d芒果肉系入邊增加口感，好耐冇飲過d甘好飲既飲品。甘大杯我都飲吾晒，令左返屋企慢慢飲，不過放耐左之後飲落會甜d，可能個原理同雪糕一樣拉haha

好熱呀 😵‍💫 同女朋友嚟長洲，人山人海，好彩比我搵到一間有座位嘅飲品店，如果唔係女朋友一定詐型啦。一揀就坐最入邊嗰張枱，貪佢冷氣涼呀嗎叫咗兩杯飲品，一杯係滿杯百香果，另一杯係金鑽鳳梨。店員姐姐話金鑽鳳梨係今日新返嘅水果，咁try try la 坐喺度一路睇住佢整，見佢除咗用金鑽鳳梨之外，仲加咗粒青檸，所以飲落都酸酸甜甜。見到白色嘅泡泡，仲以為係奶😂 原來唔係。除咗有金鑽鳳梨嘅味道之外，仲有淡淡的果肉係飲品入邊，真係估佢唔到， $38可以有新鮮嘅生果。

今日嚟到長洲，食完是蛋，走過來，試吓呢一間新開嘅台式茶飲店，不過裝修好日本。叫咗杯芝芝西瓜，咁我就唔食芝士嘅，所以就走芝士，西瓜汁入邊仲有一條西瓜，小朋友要咗杯珍珠奶茶。兩杯加埋$70。今日係紅日，好多人，等咗大約20分鐘，飲品終於到手。不過呢啲情況梗係相機食先啦，入邊有棵櫻花好大棵。珍珠奶茶有啲甜，建議可以叫少甜。珍珠都幾多，我應該叫少珍珠，因為本身我都飽飽地。冷氣都足夠，不過希望座位可以多啲。

幾好喎，呢度可以揀甜度，不嬲唔鍾意飲太甜，咁我就揀左微甜。 我都幾鍾意飲抹茶嘅，無論蛋糕定係飲品，我第一個選擇都會係抹茶，見到有芝士奶蓋抹茶，咁就叫咗個最少嘅甜道試吓。同出邊嘅抹茶有啲唔同，出邊有啲係只係得個甜字嘅抹茶，呢度除咗飲到抹茶味，配埋個芝士奶蓋估唔到都幾夾女朋友叫咗杯水果茶，酸酸甜甜啱晒咁熱嘅天氣，仲會有餐具俾我哋食入邊嘅水果，細心點可以加分希望呢度遲啲可以加啲桌上遊戲俾人喺度玩。唔好浪費咗咁大嘅地方。

長洲好多人啊，今日超級熱。但係唔係好覺有茶飲店經過見到有間紅紙都未滅嘅飲品店咁就試吓新嘢啦平時飲品通常都會飲珍珠奶茶，但係店員推薦我飲水果，珍珠奶茶都飲到悶所以今次選擇飲水果茶水果茶中有果肉，仲有得揀茶底（綠茶/四季春），今日飲四季春，甜度都有得揀，可以跟返你嘅口味揀返你要嘅味道。我覺得杯水果茶入口清甜，茶味甘香，仲有嗰果肉可以俾我食，有西瓜有蘋果 正啊。飲完咁大杯水果茶其實都飽飽地，西瓜都有兩條真係抵飲。ps 呢杯水果茶$38

想喺長洲飲珍珠奶茶好耐，遲遲都未有一間好飲嘅 最近終於喺長洲新開左唎間！門外有一隻狗仔，相當可愛！！店內仲有一棵櫻花樹可以打卡影相！記得入去睇下！去過幾次，試咗大紅袍珍珠奶茶、蜜瓜奶奶、芝芝桃香烏龍、 滿杯百香果，以下會逐一點評：1）大紅袍珍珠奶茶。茶味香濃，有少許回甘，奶茶飲落都香滑。珍珠可能係太夜買，有少少淋，不過都煮得入味！建議選擇甜度微糖~評分 7.8/102）蜜瓜奶奶。足料！果肉好多好多好多！甜度適中，整杯配搭個人覺得好清爽，奶味十足，鍾意飲奶不妨試試！評分 7.8/103）芝芝桃香烏龍。芝士奶蓋好creamy，芝士和奶混合濃度恰到好處，桃香烏龍飲落好清新，唎杯我真係超鍾意飲！評分 9/104）滿杯百香果。百香果比較酸，果肉充滿！ 整杯感覺好fresh！如果怕酸建議糖度選正常就好！評分 8/10總結：試業中新店舖值得一試！同埋真係入去打個卡！真靚嘅！

多年未到長洲，長洲很多人很迫，但這條街卻人跡罕至。見到這間茶飲店時，店員姐姐熱情招待，盛情難卻。聽她介紹說，這裏的招牌是芝士奶蓋，其實我對芝士興趣不大，不過既然有緣，就挑選了我最愛的火龍果配搭芝士奶蓋。呷上第一口，都是火龍果肉，她告訴我可以先攪勻果肉再飲。隱約喝到些少茶味，我向店員查詢，店員姐姐告訴我這個原來是果茶，不過我忘記了那是什麼茶加火龍果了。最後才喝到芝士奶蓋，芝士味濃淡適中，即使我對芝士的興趣不大，也吃得津津有味。整體來說，餐廳整潔，環境舒適，飲品味道不錯，價錢尚可（30多元一杯），不過位置不近大街，要由海邊轉入去。

奶蓋夠香夠濃，芒果夠甜夠新鮮，非常足料！店內裝飾優美，又設有打卡位，好多細緻精美位都藏有犬茶，門外更有鎮店之寶可愛又乖巧，新開張生意已經好好，相信他日必定成為長洲地標！

搬入嚟長洲無幾耐，聽街坊講呢度好似冇珍珠奶茶舖。琴日經過門口見到好多人，原來新開左間野飲舖 個姨姨就話芝士奶蓋同水果出名，不過我麻麻地芝士，咁就同細佬妹一人一杯最普通嘅珍珠奶茶試吓。本身諗住佢係好Hea好甜嘅珍珠奶茶，點知飲落去都幾有驚喜 茶味濃不特止，仲好香，而且珍珠唔係淋pat pat 果種，係煙靭嘅。 質素對得住$32/杯，圖中係大杯。等茶果時個姨姨叫我地入去參觀下，話入面有棵樹 真係有棵樹 😂 有啲人係到打卡不過我唔影啦 😂

難得假期入長洲玩，見到有間新開嘅台式野飲舖，梗係要試下啦✨舖頭主打係芝士奶蓋，口感綿密，味道啱啱好，令人一試難忘今次飲嘅係芝芝桂花烏龍，桂花味好出，配埋奶蓋簡直100分‼️行入去仲有個櫻花樹打卡位，令人好似去咗日本咁❤️再加上位置闊洛，坐得好舒服，環境都係打造成日式風格，味覺視覺同時滿足再加上員工服務態度極好，會同你詳細介紹每一杯野飲嘅材料同口味推廣，亦都唔會唔耐煩，對選擇困難星人友好🤣每次入長洲一定會再幫襯，出餐速度都好快，人多唔洗等好耐