狀元粥麵 (已結業)

在慈雲山用餐，繁忙時間仍見到這間食店有座位，於是入內一試。要了炒麵及粥。老實說，兩者也沒什麼特別，與外面一般食店吃到的沒有兩樣，無甚特色，不過我個人認為仍屬可以入口之列。

早幾日同朋友落去慈雲山食飯,間間都爆晒人無位,預備走既時候,經過地下見到狀元無咩人,一向都有去買早餐,食品都唔錯,咁就入去啦,排隊買票既時候同平時唔同,今日有d唔係幾順眼,有個好似著住厨房衫既人企在門口,大佬啊,你成身油咁就唔好出黎影響人食慾啦唔該,同間餐館格格不入,,ok,是但啦,第度又無位,咁我地order左個炒飯,一個粥同兩個小菜,等左十分鐘左右,菜陸續上喇,真係精彩,大家有無食過深黃色既楊州炒飯?人地d炒飯就白色既,呢度d炒飯咩解究咁有特式.個粥更唔使講,一陣油(益)味,想點啊,個小菜,一個係啫啫雞,一個係水汪汪既蒜容炒菜,啫啫雞勁大雪味,個炒菜仲神奇,好似湯咁,唉.....雖然價錢平,咁都要注意下品質掛,唔通貴公司只重外表賣相就算?好希望你地認真咁檢討下.我地同你d侍應投訴d食物有問題,佢地都算好,即刻幫我地換,又有傾有講,好似好朋友咁,但講講下,頭先出現在門口果位白衫先生忽然出現,態度又不太友善,我地同d侍應講咩佢都搭嘴,講到我地好似無理取咩咁.......總之,一句講晒,貴公司再係咁只求賣相好,不理品質為何,叫人點黎幫襯.

突然想去食粥不過慈雲山無咩粥店所以同個fd去左狀元食叫左個牛肉粥同齋腸個fd就叫左干炒牛河牛肉粥真係好清....清到水咁咩味都無個齊腸又好鞋=_=d豉油一食就知係1比99咁溝水得個黑字fd個牛河等到我差唔多食晒先黎=_=佢話d牛肉成舊牙膠咁咬著可以去打拳....XD呢d野真係試一次就算了

下午12時前我去慈雲山分店食粥 ，當時收銀員陳冰玲同另一個同事在聊天，於是我等了一陣佢地傾完我先講野。我要一個外賣，一個堂食，於是我特別分開兩張單叫。當我拎住張單去搵位坐既時候，發現堂食點解會冇比號碼牌等侍應送堂食既餐比我，睇下原來兩張單都出左外賣，於是即刻通知收銀員，收銀員都未聽得清楚就走左入廚房。最後，外賣同堂食既餐係調轉左，我同送餐既侍應講，佢話聽到係咁，於是叫收銀員埋黎，收銀員話我係咁講，如果要轉外賣加一蚊，咁粥同餃子咪要無端端比多兩蚊 ! 佢仲話唔滿意就搵經理講! 我會邊樣拎走邊樣堂食會唔知咩 ? 係佢未聽得清楚就即刻跑入廚房，而家竟然要我負責，仲叫埋我搵經理添 ! 之後就再冇人理過我。今時今日有 d 咁服務態度，慈雲山間舖係咪佢開架 ?大晒 ! 我唔想要嘈完先食野，就食完先搵經理，點知經理又出左去，無奈將要拎走既粥放返落攪錯堂食既外賣碗到，餃子就放係粥面 ，返去仲要自己食返，點比人食 。收銀員錯左唔認，仲大大聲話外賣就比多一蚊，唔係錢既問題，實在收銀員服務態度太差啦 !

見有周年酬賓大優惠, 早餐及下午茶時段有特價$13餐 蘿蔔糕--落太多水, 煎過的蘿蔔糕仍然水濕濕, 而且會食到一舊舊未切絲的蘿蔔 免牛粥--味道如白粥般清淡, 免牛好少, 全部都好碎, 有少少生菜絲及粉絲, 粉絲應該係跟免牛搓作一起, 現在粉絲還粉絲, 免牛還免牛

狀員....我食過好幾次,如果食粥品的話, 都還可以 不過食其他野, 例如乾炒牛河的話, 我就大大力建議你 「不要」 !乾炒牛河既牛肉係冇咩牛肉味的, 河粉唔係一條條, 係一團團的 ~~~23 蚊..... 俾多佢速度方面 .....我試過好幾次嚮呢度叫外賣, 可以等15分鐘 - 20 分鐘都未搞掂.所以買外賣的話, 至好俾完錢, 拎張飛再嚮中心兜返轉. 咁就岩岩好啦。

幾日前到狀元吃了一個乾炒牛河,可以用兩個字去形容,(難吃),牛肉太熟,河粉超熟,大家有吃過河粉是夾不起的嗎?狀元的就是了,炒牛河有什麼可能會一團團的,夾下去可以將整團河粉夾起來的,沒色沒味,河粉炒完有什麼可能還看得到白色的?用$33元吃一個這樣的河粉,實在........回想幾個月前的炒牛河就好吃得多了,希望狀元能夠注意一下啦,幾經辛苦才在慈雲山找到一間地方不錯價錢便宜的食店.......

第一次食開心餐-- 鳳爪排骨盅頭飯$12,再加$3熱檸茶等了五分鐘左右,有兩隻鳳爪,三件排骨,一小碟甜豉油味道都幾好,肉唔算肥,唔算多味棈,不過可惜整盅飯都唔熱,只是微暖令飯及餸都凍凍硬硬的,食得唔開心

狀元粥麵開舖前一直都係海皇粥店既舊址，大家都係主力賣粥，講真狀元粥麵既味道真係唔及海皇！不過，我都時不時會幫襯，因為$12-$13左右一個粥，都幾平丫！同埋店內環境比起以前海皇就真係乾淨好多。平時我係食開魚片粥（d魚片好多骨！！！！！呢一點真係輸晒俾海皇啦），味道比較淡，但係其實都ok，自己加返少少鹽／胡椒就好味好多架喇！另外，個XO醬炒蘿蔔糕／XO醬炒腸粉都幾好味呀！

好久無來,因有太多更好的選擇早餐炒麵: 顏色好淺,未夠豉油,最差的是麵又乾又硬,大部份食唔到,因根本未熟透狀元雞粥: 粥底普通,雞亦不夠嫰滑凍豆漿: 淡如水不知為何每次都要等好耐及叫好多聲才有人來執枱