玄米茶廳

營業中

休息中

今日出左尖沙咀行街，夜晚試左呢間新式茶餐廳-玄米茶廳。五寶飯今晚想食燒味，所以試左呢度嘅五寶飯，碟飯有5款餸，分別係燒鴨，燒腩仔，切雞，叉燒同紅腸，燒味水準平均唔錯，但我覺得最驚豔嘅係燒腩仔同叉燒，燒腩仔肥瘦相間，塊皮燒得好香脆，入口整體唔會覺得好柴好乾。叉燒係瘦叉為主，但咬落好淋同好入味，表面有少少焦脆。XO醬海蝦球滑蛋飯 平時食開係普通滑蛋蝦球飯，見呢間餐廳竟然會配埋惹味嘅XO醬一齊食，即刻order左一份黎試下。呢度嘅滑蛋煎得好好，唔會過老，仲食到裏面蛋汁，碟飯總共有5隻非常新鮮彈牙而又冇咩雪味嘅海蝦球，而最特別嘅XO醬，佢嘅少少辣味加咸香真係有畫龍點睛感覺，用黎配埋碟飯食一流。香脆炸鮮蝦雲吞 小食嗌左呢款炸雲吞，雲吞餡除左有鮮蝦外仲有少少肥豬肉，炸雲吞外邊炸得酥脆但入面餡料唔會好乾，上碟有7粒，可以配埋沙律醬同泰式辣醬一齊食。繽紛益力多 紅豆冰 兩杯特飲都係跟餐所以加$15，繽紛益力多係益力多加左好多菠蘿粒，飲落酸酸甜甜，非常解膩。紅豆冰入面紅豆香甜軟糯，加埋冰凍淡奶，好適合呢餐飯飲。

餐廳位於廣東道遊客區，店內有唔少旅客用膳。餐廳裝修新淨光猛同一般茶餐廳唔同，坐得舒服。崩沙腩幼麵 $78湯底清甜牛骨湯，無味精口乾感，飲到底都唔口渴，加分！崩沙腩嘅腩位半肥瘦，燜得夠淋又入味，筋膜位爽口，份量足！而幼麵爽身唔會淋pat pat，掛湯力OK。 跟餐送飲品加錢升級紅豆冰，紅豆煲到起沙，椰香夠濃，甜度適中。黑蒜油叉燒滑蛋飯 $82黑蒜油香氣突出但唔會搶喉，撈飯一流，食完唔會滿口蒜味。而叉燒半肥瘦蜜汁款，食落唔乾柴。 滑蛋火候控制好，蛋汁撈飯超治癒🥰雜果賓治（+$9升級）經典懷舊味，甜爽解膩。 炸雲吞 $50雲吞外皮金黃酥脆，無油膉味，咬落「咔嚓」聲夠治癒。蝦肉+豬肉比例剛好，蝦味鮮明。 配埋蛋黃醬同甜辣醬雙拼，點咩醬都夾

玄米茶廳(香港) 地址: 香港尖沙咀廣東道68-80號恒利大廈地下3A號舖電話:而家香港架茶餐廳越來越高質，自己食飯但求隨意飽肚，呢間玄米新開張無耐，個門口都裝修都新又乾淨，有碟頭飯同燒味，港式粉麵等點了杯紅豆冰，令人懷念呢！$88 xo 醬蝦球滑蛋飯，大蝦彈牙，xo 醬辣辣地，好下飯架！蛋超多蛋汁好滑，撈埋勁香，蛋多過飯，好crazy ,蛋白質十足！點多個炸雲吞，豬肉同蝦，幾重胡椒味！，好大隻仲比兩個醬添！

尖沙咀高質茶餐廳，提供多元化港式地道美食，包括炒粉炒麵、焗飯、咖喱、牛腩粉麵，環境舒適企理，每日lunch hour也座無虛席。厚切牛舌煎得好香，外層香脆，口感爽脆，帶有濃香牛味，淋上帶甜的豉油汁，味道提升不少，再配上煎蛋及蔥花更添惹味。當炸雞脾遇上漢堡飽，份量好大，將香脆且軟嫩多汁的炸雞脾，加入到鬆軟長麵包中，很創新的配搭，味道也很夾。魚蛋及魚片選用新鮮魚肉，嚴格挑選，製作出彈牙的魚蛋，口感爽彈。

玄米茶廳係一間地道既港式茶餐廳，服務員做嘢爽手，態度親切。金牌牛三寶麵（牛腩、牛筋、牛肚）材料鮮嫩，湯底香濃，仲有啲微辣。脆炸芝麻雞翼外脆內嫩，香氣撲鼻，食完一口難忘。紅豆冰清涼解渴，甜度啱啱好，仲有勁多紅豆！粒粒西多士搭時令沙律同美式薯角，非常豐富，炸得好香脆。手工製綠豆玄米餅香甜可口。整體嚟講，食物精緻美味，地道正宗，食完仲想再點。服務貼心親切，環境舒適溫馨，絕對係一個食得開心又滿足嘅用餐體驗。好推薦比鍾意港式茶餐廳嘅朋友黎試下。

呢日在尖沙咀行街，之後午餐時間去玄米茶廳 我哋叫咗幾樣食物：金牌牛三寶麵 （牛肚、牛腩、牛筋）味道都幾好，唔會太鹹，牛腩汁湯底，幼麵彈牙忌廉濃芝士焗海王（蝦球，魚柳，帶子）魚柳好大塊，外脆，肉質有彈性帶子都幾彈牙、有鮮味，幾大粒；蝦球爽口，肉結實炒飯底幾香，加埋白汁食好味首創Juicy單骨雞髀漢堡拼美式薯薯角好有水準，旁邊嘅沙律菜調味都唔錯，新鮮雞髀漢堡好打卡😂雞髀肉好多，包內有少少沙律醬調味，港式風味嘅創新burger郊外油菜菜心都幾翠綠凍檸茶甜味茶味剛好，在熱天消暑開胃凍功夫奶茶奶茶茶香好足，入口滑順，很不錯

玄米茶廳的迎賓玄米茶，獨具特色，帶來淡雅茶香。燒鴨油雞飯既不油膩又有香味，搭配蔥油中華沙律，每一口都非常滿足，絕對是下飯之選。香濃馬來咖哩牛腩飯有濃郁椰奶香，牛腩肉質軟嫩，下面還藏有酥香脆薯角，侍應真心沒介紹錯！油菜新鮮可口，份量十足，加上愛心耗油，簡單菜式卻令人十分過癮。經典法蘭西多士用粗粒花生醬沾滿蛋漿包住炸至酥脆，咬口十足，搭配香甜牛油煉奶，滋味無敵。完美收尾是香濃的經典紅豆冰，再加熱檸水，讓整頓餐點圓滿落幕

廣東道好耐都未試過有茶餐廳，所以，萬眾期待有呢間新開嘅茶餐廳，開咗之後，都令到成條廣東道好興奮而這間茶餐廳都係值得比高分，每個星期嚟一次都唔會厭，因為太多食物可以選擇，傳統嘅茶餐廳食物之外，還有廣東嘅粉麵，還有燒味等等..而且性價比高，午餐就算凍飲都唔會好似其他茶餐廳咁加錢今日我自己揀咗雞扒，加煎蛋午餐，可以見到塊雞扒大堍，而且煎蛋係啱啱煎好的，熱辣辣好好味其他同事簡直午餐都好好味午餐人均都唔需要$80

牛三寶麵 大家好今日到了尖沙咀廣東道一間新開既玄米茶廳食野發覺呢間茶餐出品既食物質數都唔錯首先既度有自助既玄米茶可以飲幾多杯都得食品方面叫左牛三寶麵即係牛腩牛肚同牛筋首先湯底有牛味牛腩牛肋位置都好炆得好腍牛肚係用左金錢肚麵質都彈牙唔重硯水味仲包左油菜同埋一碟中華海草跟住係西多士呢度既西多士炸得唔會好油膩同埋己經加左煉奶唔需要再加糖漿仲有花生漿餡主菜係土魷肉餅煎蛋飯呢個肉餅都幾厚身外皮煎得好香脆裏面都有好多土魷同埋有好惹味既葱油調味仲有兩隻太陽蛋送飯食係一流主食己經包左冷熱飲飲品就點了凍檸茶和凍奶茶好正常既港式風味總括呢間店坐落比較多遊客既廣東道茶餐廳來計算係比較高質而且位置都坐得闊絡價錢合理大家都可以試下

今天我和老婆到尖沙咀的玄米茶餐廳享用晚餐。這家餐廳離尖沙咀站步行約五分鐘，位置非常方便，讓我們輕鬆找到。一進餐廳，店員就熱情地迎接我們，讓人感到十分親切。餐廳的環境也很舒適，裝潢簡約而不失雅致，適合用餐和聊天。整體氛圍讓我們倍感放鬆。老婆點了「即叫即煎土魷肉餅煎蛋飯」，這道菜色香味俱全，土魷肉餅外脆內嫩，搭配著香滑的煎蛋，讓人一口接一口，十分美味。她還點了一杯「雜果賓治」，清新的果香讓整個用餐體驗更加愉快。我則選擇了「金牌牛寶麵」，裡面有牛腩、牛肚和牛根等豐富配料，湯底濃郁，麵條彈牙，讓我感受到一種滿足的幸福感。此外，我還點了一份「蠔油菜心」，清淡的蔬菜與豐富的肉類形成了良好的搭配，讓整體餐點更為均衡。最後，我點了「繽紛益力多」，酸酸甜甜的口感為這頓豐盛的晚餐畫上了完美的句號。整體而言，今天的晚餐體驗非常愉快，食物美味，服務周到，是一次值得推薦的用餐經歷。如果你也在尖沙咀，別錯過這家玄米茶餐廳！

今日去尖沙咀海港城， shopping完之後覺得有啲敘舊咁，想搵啲比較平嘅嘢食，跟住就發現咗依間茶餐廳，每個茶餐都唔係好貴，而且幾好食！我哋坐低叫咗個雙拼飯，以及招牌XO醬蝦仁炒蛋飯，我覺得性價比超高！尤其係個招牌XO醬蝦仁炒蛋飯，賣相靚，蝦仁爽，最重要嘅係個XO醬，真係超香超好食！令到成個菜式提升到另一個層次。另外雙併燒味飯，燒腩仔皮脆，油雞豉油超香，最開心係竟然有前菜～😋我哋仲叫咗個炸吞做小食，感覺幾特別～最後，我覺得可以當甜品嘅紅豆冰，紅豆好好味。不過，最另外喜出望外的是薄荷朱古力！調得超好飲！而且出邊比較少可以有薄荷朱古力飲，所以令到我成個晚餐都有一個圓滿嘅感覺。

在尖沙咀返工，會跟同事們去這間位於海港城對面的茶記吃午餐，算多種類，粉麵、燒味、各類西式飯意粉等。是日點了常餐，金絲火腿仿鮑米粉/韓仔麵配火腿/雜菇奄列$50及五香牛筋瀨粉套餐$68。食物夠熱，多士香脆，牛筋淋及入味，飲品熱檸茶，茶味香濃；之前試過燒味、燒鵝等也okay.最緊要係抵食，尖沙咀這個地區食乜都貴，我們這些上班族但求找到又平又好食嘅地方！座位也好坐，環境算整潔，餐飲的凍飲也不用加錢！等位通常也不會太耐😆

平時諗起茶記都會覺得價格會優惠夠平民化,估唔到尖沙咀既遊客區都有,同朋友二人食,叫咗幾樣食物,諗住舒服坐下傾下計,難得店員又唔會摧你走,慢慢嘆!先叫個XO醬海蝦球滑蛋飯,夠晒大碟全部大大隻既海蝦都有好多隻,配埋滑蛋加XO醬好香口,之後再叫個淨雲吞,大大粒雲吞都係大大隻蝦,好有口慼,依間茶記都幾足料,估唔到,最後再叫個四寶飯,熱辣辣上枱,先食個叉燒,有咬口,肥瘦適中,欣賞幾好味,油雞就夠滑口唔會老,再睇睇餐牌原來仲有好多選擇,佢地有至尊燒鵝,見到門口掛出嚟滴晒油,下次要嚟食,又有焗飯,係我最喜歡既懷舊經典焗豬扒飯真係要嚟試!眼見都幾多遊客幫襯，待應都人手充足👍

尖沙咀廣東道買名牌就大家都知，最近我竟然發現咗一間新開嘅餐廳坐立響廣東道門市，咁梗係要去試吓啦本身我以為呢度淨係食牛腩麵，疑惑人生中點解都可以開響租金咁貴嘅地方，入到去發現我有乾坤，原來佢係一間咩嘢食都有嘅高級茶餐廳室內環境寬敞，坐得舒服， QR code落單，仲有阿茶可以俾你斟，即使係平時見開嘅菜式，都擺設得很配搭這條街的形象，在這裏逛街上有一個又快又有儀式感嘅用膳體驗，都可以嚟試吓野食方面，揀左雙拼燒味飯$85, 揀咗燒腩仔同叉燒，食豬肉，最怕啲肉韌，不過無論係譚仔同叉燒，都唔會諧霎霎，仲要好大碗飯，一定食得飽。另外試咗一個好吸引嘅主食，招牌XO醬蝦球滑蛋飯 $88, 蝦球一啲都冇縮水好大粒，滑蛋配埋靈魂醬汁真係餸哂成碟飯都未夠喉叫咗個鮮蝦淨雲吞 $52諗住當係小食，點知一上枱原來都大碗到可以當係一個煮食，今日真係食到捧住個肚都係每人百幾蚊，呢個價錢響呢個地段食嘢抵啦

今晚過黎尖沙咀行街，記得有人POST過附近有間餐廳既叉燒食好好食,所以過黎試下。我地叫左個例牌叉燒,黑蒜油叉燒滑蛋飯，同埋招牌牛腩面套餐。先黎係黑蒜油叉燒滑蛋飯，外觀上睇黎色澤誘人，叉燒紅亮且肉塊較大，蛋好滑嫩，覆蓋係米飯上，同叉燒搭配相得益彰，整體造型令人人好有食慾,，食落口雞蛋既嫩滑同叉燒的緊實口感相互補充，飯吸收左叉燒同雞蛋既香味，食落好滿足，仲有點綴既蔥花增添咗一絲清新，提升左整體既風味層次，黑蒜油既調味恰到好處，鹹甜適中，依味菜係味道上十分唔錯。之後黎左例牌叉燒，外觀黎睇叉燒切得好均勻，表面泛著光澤，烤製得岩岩好，食落外皮略帶啲焦香，內裡軟嫩多汁，叉燒既肉質肥瘦岩岩好，脂肪適中，又有嚼勁。最後係招牌牛腩面，牛腩塊大夠厚實，紋理清晰，燉煮得好入味，容易入口，湯汁一食就知係經過長時間熬製，濃鬱醇厚，吸收左牛腩既精華，非常滋味。#玄米餐廳