玉子冰室

營業中

休息中

呢間嘅芝蛋治烘底超級好食，佢個麵包係用牛油煎過，所以超級香😍呢度附近嘅茶餐廳嘅芝蛋治烘底我都試過，都做唔到呢個質素🤣🤣之前飲過佢熱好立克，亦都唔係好似其他餐廳好似飲水咁樣，佢係落足好立克粉的。👍🏻都試過佢其他早餐例如火腿通粉，都係好高質。而且早餐嚟講佢都算幾平，兩份早餐外賣自取$68。不過之前食過佢晚飯就有啲貴，同埋冇咁有驚喜。總之就超推介佢嘅芝蛋治烘底，希望佢可以keep到呢個質素！❤️

駿業街間新茶餐廳，聽同事講唔錯，今日落去試吓早餐如何？餐牌簡單易明，而且款式也很多。下午茶款式也不少，而且價錢也平宜。吉列魚柳 $45（配茄汁豆+3.6牛乳炒滑蛋＋ 薯餅＋丹麥多士）薯餅新鮮熱辣，炒蛋香滑，魚柳也炸得不錯，可惜為份量比較少。豬扒 $45（配茄汁豆+3.6牛乳炒滑蛋＋ 薯餅＋丹麥多士）豬扒沒有鹼水味，煎得也非常之香。茶餐廳當然唔可以缺少港式奶茶，茶味香濃，奶味較少。餐廳基本上質素不錯，而且客人也很多，下次可以再試吓午餐。

香港人番工真係大壓力，今日我都要ot 整埋d 野先走得，夜晚收工經過依間冰室，無咩人排就入去食個快飯，估唔到質素都唔錯。門面黎講唔算靚，但內里裝修幾好，用左大地色調感覺幾舒服。今日就叫左佢個晚餐B，巴黎芥末醬聽落有d 特別！即叫即焗熱辣辣，份量都唔細！雞扒都幾大塊，本身應該有醃過味道幾夠，肉質都keep 到幾滑既，唔錯。味道黎講依隻芥末醬比我想像中甜左d，但芥末既味道都幾出，好易入口。另外因為叫左薯菜既原因，芥末醬配薯菜又意外地夾喎，唔錯。晚餐包左餐湯同餐飲，依個價錢黎講都算係甘。今日比佢依個配搭吸引左，覺得唔錯，下次會再黎試下其他野👍

其實呢個都食過好幾次，覺得唔錯。今次叫左一個日式玉子鰻魚飯。先講件鰻魚，都幾大件，同埋個汁都幾香。飯又唔會太多，啱啱好。不過特別一提嘅係，個飯叫左日式玉子鰻魚飯，以為啲「玉子」係日式玉子，不過上枱時見到嘅係香蔥炒滑蛋，雖然食落去都唔太差，不過就唔係太襯個名。