玉子造屋 (已結業)

約左朋友係將軍澳，諗起玉子造屋既滑蛋飯好唔錯，於是就黎左食晚飯。好耐冇食餐牌都係差唔多，但有我最鐘意食既半熟玉子。我地叫左兩個飯蕃茄咖哩豬軟骨飯配半熟玉子$85蕃茄汁濃郁，個豬軟骨好有咬感，炒飯加左和風調味，而半熟玉子好滑好流心。洋蔥磨菇汁雞肉飯配半熟玉子$75雞肉幾滑，洋蔥汁好開胃，飯量都夠。可以加$25配套餐，有飲品，面豉湯及和風黑醋汁沙律。岩晒餐前點綴，沙律都清新。日式炒野菜$45炒野菜勝在乜都有，燒汁炒得十分入味。綠茶紅豆窩夫$68綠茶雪糕配上紅豆，窩夫即叫即整，好重蛋味又鬆脆。

朋友住將軍澳，今日去探佢特登去果邊搵下有咩食！之前將軍澳係個美食沙漠，想搵間餐廳食飯都無咩好食。近年將軍澳發展得好快，愈來愈多餐廳進駐商場，美食愈來愈多。我見到有間玉子造屋，主打玉子料理。我入去食個lunch。menu入面有個鰻魚飯特盛，三食好吸引，我叫左試下。鰻魚香嫩無骨，厚厚鰻魚肉加上醬汁燒得好香口。飯粒加左飯素超惹味！茶漬飯好清甜！我叫左餐廳人氣既熔岩漿班戟，入口空氣感好重好輕盈，蛋味濃香，做得好出色！

放假最好的節目就是 去食好東西放假的節奏就是瘋狂去玩，經過昨天由海洋公園去馬灣，晚上再玩埋AIA⋯ 今天完全不想動，就由一個悠閒的午餐開始吧。即興地去咗將軍澳，發現了一間叫玉子做屋的餐廳，價位可以接受，感覺不錯，午餐就在這裏解決吧！我點了咖喱漢堡飯，包着飯的蛋就像一朵玫瑰花很美！火子爸點的特盛牛扒丼賣相也很好，我偷吃了一口牛扒，真的不錯！以上食物加$25就可以有麵豉湯；沙律及餐飲，價格合理。看到有班㦸供應，當然要點來或做甜品！店員提示製作需要20分鐘，點餐同時點埋班㦸，吃飽後甜品便剛好出現了。還擔心會太飽吃不下甜品，怎料這個pancake真的像空氣般鬆軟，實在有驚喜！ 看到他有一個很實惠的二人下午茶餐，看看下次有沒有機會試一試。

今日黎到將軍澳中心搵野食係將中地下的玉子造屋比佢既menu吸引，皆因本人十分喜歡食蛋，而哩間餐廳主打係玉子，有不同製法！ 小食我地叫左蟹籽沙律，沙律不知道用了什麼菜，非常爽口，配試沙律醬同蟹籽，十分開胃，清啖健康！ 主食叫左豚肉生姜燒及紅酒汁煮漢堡扒飯，那個鋪滿係飯上的滑蛋好香滑，漢堡扒數量只有一件，size亦是夠飽肚的，紅酒汁不會太搶味，不用多久，全部已在我胃里面豚肉生姜燒配生蛋黃一隻，弄穿蛋黃後與飯混合，提升成個dish的層次！ 最後還點了鰻魚玉子燒，鰻魚份量十分多，配上少許燒汁，好惹味！

同老公出街食飯，如果唔係事先食過好味，再同佢去食。十次有8次都係中伏的，今次都係一個伏，點解，幾時開始有個咁既魔咒呢雖然話依間野都想試左好耐，但結果真係唔試好過試呢。唔試，就咁行過見到D相好似幾好味咁，幾吸引。試過，真係失望，冇下次了。加25蚊的普通湯和沙律，就係開水的湯，超市一包包有賣果D，唔會唔好飲。加45蚊的蜆湯，另外重有幾個前菜唔記得影相。前菜都係芝麻章魚仔果Ｄ，但依個蜆湯比普通麵士湯難飲囉。完全唔值得加錢。唐揚炸雞，豬軟骨蛋飯，係好安全的食品類，炸野好難唔好食。但一定唔可以稱得上好味囉。貴到嘔既牛肉乾飯。特盛牛扒，唉～同個圖差好遠，唔好味，唔值，就算半價50蚊都比多佢。好彩依個飯係同老公2份，如果再叫一個其他野，都唔覺得會好食。最正常的兩杯檸茶。好囉，試過冇下次，唔駛再心思思想試，真係唔值得一試。

行行下將軍澳中心，見到有間日本野，就諗住試下，點知又真係幾好食喎。首先，我地嗌左午市特選定食-鹽燒鯖魚配迷你明太子燒飯團同埋迷你蟹棒冷烏冬，配熱蜂蜜綠茶（$78）。成個定食望落去好有日本嘅感覺，份量有好多，鯖魚好大條，迷你明太子燒飯團都唔係好迷你，仲送埋麵豉湯，田園野菜沙律同埋特色前菜。整體都唔錯。.另外，我哋仲嗌咗個咖喱漢堡飯配半熟玉子旋風蛋配凍奶茶（$88）。咖喱汁好濃郁，漢堡扒又好厚又好有肉汁，旋風蛋就好滑，成個配搭都非常之完美，係日式嘅感覺啊！.甜品方面，我哋就嗌左呢個牛乳熔岩醬班戟（$68）。Pancake食落好鬆軟，牛乳熔岩醬上面仲配埋杏仁，仲有朱古力脆波波，同埋威化餅，成個層次真係好豐富呀！.另外，我哋仲嗌左個珍珠奶茶窩夫（$46）。兩舊窩夫細細地好啱食Tea嘅份量，窩夫上面除咗有好多粒珍珠仲有珍珠奶茶嘅醬。令人驚喜嘅係側邊仲有兩三粒芋圓食，一啖窩夫一啖雪糕，配搭好完美呀！

將軍澳中心各類食肆齊備，食店位於商場內，地方清潔舒適。午餐款式多，點了午市精選定食。厚切吉列豬扒脆漿香脆，大大件很有咬口，質感十足。照燒牛扒煎得香口，鲜嫩腍滑，肉汁豐富不油腻，夠晒美味。明太子飯糰很香脆，迷你得嚟份量合適，明太子醬蓉塗在飯糰上，咸香可口。迷你义燒湯拉麵玉子蛋黃流心，义燒腍滑，配以彈牙拉麵，熱暖湯底鮮甜。綠茶红豆芭菲以清甜紅豆配清香綠茶雪糕，很凉快感覺。紫薯芭菲嘅紫薯爽甜香脆，雪糕也是紫薯味，感覺清新。配以冰凍奶茶，甜度適中，好一頓美味嘅午餐。

成日經過呢間舖頭都冇入去食，琴日終於心血來潮入左去食。入到去既第一個感覺係，間舖唔算太大，但係都係卡位既梳化黎，所以環境都幾舒服。望到個餐牌，其實都同D有咖哩或者玉子飯賣既日式餐廳一樣都係嗰幾味野，唔算太吸引，所以有D揀唔落手，求其叫左個咖哩吉列豬扒飯算。等左成15分鐘先到，有D耐，但係賣相係靚既，個旋風蛋炒得唔錯，唔會好似普通炒蛋咁易散，其餘都係普通咖哩飯咁，冇咩特別。真係貴左D，同埋要加25蚊先有野飲，唔算太抵。

最近都很少來將軍澳，相約了朋友於是便提議在玉子造屋吃晚飯。玉子造屋最有名的是半熟流心玉子。半熟玉子三文魚拼雞肉飯$92可以一個價錢吃到兩種配菜，三文魚配上忌廉汁，很creamy, 雞肉飯是蘑菇洋蔥汁，同樣肉質juicy, 流心玉子很滑嫩，而飯底是日式的海苔飯，經調味後口感十足。半熟玉子蕃茄咖哩豬軟骨飯$85至於蕃茄汁豬軟骨都十分推介，煙韌的肉，加上很濃郁的蕃茄汁。日式炒野菜$45亦加配了套餐，有湯，沙律及飲品。原味楓糖班戟$45pancake 好鬆軟重蛋味，加了糖漿更加甜。

這家店我吃過好幾次了，主要是位置方便、價錢合理、菜式合我胃口。不過也有吃過的朋友不喜歡，正所謂：「青菜蘿蔔各有所好」。原來餐廳除了玉子、火鍋外，還有石板燒，甜品除了鬆餅，還推出了芭菲。⭐️火山燒牛肉丼$118牛肉丼由一片片薄切牛肉堆砌而成，還舖了菜，牛肉上還有一顆生雞蛋，外型討好。牛肉可以沾特製醬汁吃，入口夠味。⭐️特盛鰻魚丼三食$118儘管新菜式不少，但我最愛的一定是這份鰻魚飯，鰻魚入口又嫩又香，配搭米飯絕對一流！而且份量很足，吃完鰻魚丼已經很飽了！⭐️芒果熔岩漿班戟$68班戟淋上濃稠的芒果醬更香，配搭兩根芒果百力枝，芒果醬的芒果味道很突出，入口香氣迷人，配搭鬆軟的班戟，不俗！

這間出名吃玉子既飯店在將軍澳十字路口位，經常經過，很常去試好耐，難得見Openrice 有coupon 優惠，就即管試一試。我們吃了2個set, 一個加$25有飲品同沙律湯，另一個加$45有飲品同比較高級既前菜三小碟，湯只是多2粒蜆仔主菜點了咖喱吉列豬扒旋轉玉子飯同牛扒鵝肝飯最好因為用coupon換2個蛋布丁，普通..結論：用左openrice coupon都感覺好貴，服務又嘛嘛，叫極都冇人招呼，不會有下一次，完。

玉子造屋食物方面:被旋風蛋的造型吸引，點了紅酒汁漢堡飯，賣相有點強差人意，碟邊沒整理乾淨大大扣分呢！這個旋風蛋是蛋包飯，蛋十分幼滑，有牛奶/牛油的香味，裡面的飯有香料調味，但很硬，有點懷疑未熟透。 紅酒汁不錯，漢堡扒要熱食，冷掉一點點會覺得油膩。就這個飯來說不太滿意，可能其他菜式配旋風蛋比較好。 梳乎厘pancake需預早20分鐘下單，所以在點主食時已一併下單。輕輕搖了一下碟子，看著那不動如泰山的pancake已知過熟，切開一小塊果不期然，太熟。 味道就是普通吧，就算再光顧玉子造屋都不會再點。環境方面:坐在收銀旁邊的枱，是外露在商場的部分，有滴水問題。服務方面:侍應未有問是否用餐完畢已經趕著收碟，而我碟上還有大半的飯。總結: 最impressed的只有旋風蛋。

放了半天的假， 加上慶祝考完試， 又係時候出動搵好嘢食充充電.。近近哋過咗去將軍澳中心嘅《玉子造屋》， 食物多樣化，有拉麵，玉子親子丼， 意粉特色甜品等等。 午市時段學生更有85折優惠！特盛鰻魚丼三食$118雖然唔係鰻魚專門店， 這款鰻魚丼三食做得非常別緻。 鰻魚飯上 鰻魚醬汁分量剛剛好， 唔會過多 令到個飯好濃味。 米飯夠熱，混入的嘅飯素和芝麻粒嘅香口，更增添飯嘅味道。 鰻魚肉夠厚又肥美， 也沒有什麼細骨， 一口咬落味道豐富～第二種可加入生磨芥末， 醃蘿蔔，紫菜碎，幼蔥粒， 味道更豐富。 第三種食法 加入熱茶製作茶泡飯， 會相對減低鰻魚較膩的感覺， 不妨一試！跟餐加$45 餐前三小食和大蜆味噌湯。 估唔到三食也非常精緻。 牛舌漬物， 帶子裙邊 和中華沙律～ 三款都美味！ 大蜆味噌湯 果然有不少蜆肉， 落足料！凍奶茶唔錯， 有茶味唔會太甜！白桃梳打$31有好堅嘅白桃味， 唔係一般藥水桃味。 而且仲有粒粒桃肉👍👍茄汁芝士龍蝦意粉$98龍蝦意粉裏面仲有絲絲嘅蟹肉， 材料豐富。 龍蝦亦容易起肉， 不過海鮮味道就偏淡 。 意粉個汁偏向似中式嘅上湯龍蝦伊麵， 所以茄汁和芝士味道並唔重。 意粉是我

人生第一次寫食評，身為將人去開popcorn 的話，間中也會去玉子造屋吃，雖然經理的臉口服務其差，不過食物確是不錯，但相信再不會去了，事因本星期六去點了一個二人下午茶，點餐時已特別查問可否走醬，待應答可以呀，因為全場三四台客，好快便上來熱食，當班戟上來時居然有醬，告知待應卻黑著臉拿回，然後大約近半小時再送上，吃了一半，士多啤梨剛進口時發現有一小蟲在餐碟上爬行，即把🍓🤮吐出來，待應到來説句，哦不好意思替你更換，我拒絕了因不想再等半小時，便埋單離去，請大家留意🐛

呢間已經係我地屋企人中意去食既top list之一，對佢地既食物都有一定信心，今日我又冋常叫左至愛牛扒鵝肝飯阿😍😍呢個組合真心無得輸，絕對帶俾到你味蕾上既大滿足阿，牛扒時間掌握得不錯，咬開入面都仲見粉紅，不會太熟及老,好食既。然後鵝肝份量亦不細份，煎完既香味令人流曬口水🤪🤪，味道都係yummy,仲要提提流心蛋絕對流心，仲好細心加左煎香既蘋果，醒神開胃，唔會啩，飯底亦灑上香濃汁底，真係眨眼就忍不住食曬，十分推介