玉璃

營業中

休息中

早前同事推介的飲品之一，味道的確令人難以忘懷，由於只此一間，今天難得路經此區，當然不能錯過。芝芝芒芒 底部放滿粒粒鮮甜芒果蓉，再以新鮮芒果打成濃郁的汁，最後再倒入既濃厚又綿密的鹹香芝士奶蓋，即使整杯飲用後也絕不會覺得膩；整杯完全沒有冰塊，大大杯，會有一定的飽肚感，非常適合夏天飲用。另外還有多款全日供應的吐司，適合繁忙的上班一族選購。而且於11am前購買還會免費配送指定飲品，非常優惠。可惜我今天不太餓試不到，下次有機會必定要再來試試。

行過見到依間台式飲品店 依家天氣幾熱 飲杯野真係可以好好解暑😎咁岩見到最近做緊promotion （星期五 禁用田：逢星期六日可以用優惠價（$25）買指定野飲 （2款） 其中仲有已經比較少飲既 「黑糖珍珠牛乳」最後就簡左平平地既黑糖珍珠牛乳，出面一段都成：30-30以上，以佢依個做promote真係勁抵。等得好快 一陣就會到 。 份量方面，一到手真係岩岩一手拎到 想拎全圖終須到位番門口😂味道方面 珍珠幾彈牙 可能冇完全搞混關係 所以飲到底下既牛乳係冇乜味 黑糖味道岩岩好 唔會好甜。

一間兩位年輕人開的手搖店我成日黎 一經過就黎大家經過都一定要試下！熱就飲白桃無禁膩就金鳳！芝士奶蓋必加！飯後甜品可以飲抹茶！快啲黎試！！！！！唯一缺點 好遠😩如果返工係附近就好了 一定日日飲🥺

難得地試到間芝士奶蓋係鹹甜味嘅！😆推薦鐘意鹹甜味既你地飲👍🏻👍🏻👍🏻同同事合共叫左3杯。我叫左杯熱既芝士奶蓋凍頂烏龍，一飲面果啲芝士奶蓋，「就係佢，我要既鹹甜味😋」珍珠方面，我同事話都唔錯，我個人鐘意奶蓋，所以就冇試珍珠😂茶味方面被芝士奶蓋搶左，可能呢款茶要凍先出色😂 另外，熱飲如果可以係透明包裝睇到會更開心，易分解又可裝熱飲既透明杯，唔知有冇呢🤔下次要試凍嘅，今次試唔到住🥲

行過見到有紅豆宇治綠茶，張相幾靚就買杯試下。紅豆軟綿微甜，略嫌綠茶味不夠強。店主細心pack 好飲品，杯口加張紙令我就算拎住行都唔怕瀉出來。整體飲品質素中上，價錢$34亦合理

黑糖珍珠鮮奶兩個女女既最愛，但因太好賣，剩返最後一杯，佢哋話兩個share 飲🥰紅豆牛奶細女改咗紅豆牛奶，味道似傳統紅豆冰，但因為紅豆打碎晒，所以紅豆叶味更濃更有沙感芝士金鳳芝士夠濃滑，配埋金鳳烏龍，好爽😆

💁🏻‍♀️ 位於灣仔的高質木系文青風茶飲店，裝潢簡約望落好舒服，出街一定要買杯茶飲先精神！今日就飲佢醒下神🥒🫡 飲品都係即叫即整🎀►🍇芝士龍果 700ml $32用新鮮火龍果調整的火龍果沙冰，面層有一層好厚的奶蓋，店員教我地可以就咁飲先品嘗奶蓋，再放飲管飲沙冰或者撈埋佢地飲，奶蓋陣咸香芝士味真係好令人上癮😙，沙冰🍧食到火龍果籽同火龍果肉，解暑一流。►🟠粒粒柚茶 500ml $26杯頂有層紙係防漏，相當細心，用左新鮮柚子粒粒，真係真材實料👍🏻柚子唔苦，入口好清新🍃，相當解渴。►🍑白桃蜂蜜蘆薈 500ml $28以烏龍茶為茶底，蘆薈份量好多，一口接一口的新鮮蘆薈，好健康✨飲落比較清甜香純。♡⋯⋯總結⋯⋯♡ ☻ 4.8/5 口味幾岩我，真材實料又高質，而且店員好有禮貌又細心，幾鐘意呢間茶飲店🥰💕

某一日見到呢間位於灣仔新開張既茶飲店做緊特別優惠，作為一個奶蓋狂熱fans，梗係支持下啦👻芝士金鳳(M size無糖少冰，期間限定$20，自家製凍玉+$5)第1眼就覺得M Size個杯好得意😍成個桶仔咁，唔好睇佢細細個，容量有500ml㗎。見到厚厚既奶蓋未飲已經先加分，而奶蓋既質素亦無令我失望。質地好滑唔太杰，奶香較重但亦有芝士香味🧀，配合埋帶有少少甘香既金鳳茶底，整體味道好清新，飲落好順喉。配料方面加左佢地最近先新出既產品：自家製凍玉🧊同奶蓋一樣，配料都比得好重手，成個杯底都係😳，味道甜甜地，口感有啲似愛玉但再爽口啲，不過size就切得細粒左啲啲，用粗飲管唔係太吸到上嚟，如果呢方面可以改善下就更好了🙇🏻‍♀️除左飲品唔錯之外，店員既2位年輕人都好有禮貌，因為凍玉係佢地既新產品，所以好主動過嚟問意見等佢地可以做得好啲，而且裝修好靚仲有打卡位，睇得出佢地好用心經營👍🏻👍🏻值得支持

路經灣仔道，見到開咗間新嘅手搖飲品舖頭。我點左杯芝士金鳳 ，有500ml同埋700ml兩種size揀。今日 500ml做緊promotion，特價20蚊杯。750ml就賣32蚊 。本來想叫微糖去冰嘅500ml，但店員哥哥話最盡衹做到半糖。咁好啦，半糖就半糖，照殺。衹見店員好辛苦咁人手用枝棍將啲冰搞到融。烏龍茶落左少許糖漿，飲落唔澀。奶蓋帶有忌廉芝士嘅微鹹味。啱啱好中和咗茶嘅甜味。飲落仲有些少未融嘅冰粒，睇在店員咁辛苦去搞融啲冰嘅份上，好評，值得一試。

今日經灣仔行到身水身汗，見到呢間飲品店—玉璃，望到個Menu都幾吸引，有齊芝士奶蓋、珍珠奶茶、純茶、黑糖珍珠鮮奶等等嘅種類，於是買嚟解解渴，順便帶杯比屋企人🥰茉香水果茶飲落非常清新，茶底係用綠茶，相當清爽唔會太澀，加上叫咗半糖，甜度啱啱好仲帶少微甘，夏天解熱又解渴，仲要勁足水果料，有西瓜、橙片等等，清涼感level up ☺️芝士金鳳都係我最愛之一，金鳳果然茶底香濃，啱晒我呢啲茶迷，有埋濃郁creamy芝士奶蓋嘅加持下，更加係好飲，texture真心打得唔錯😙雖然玉璃唔係啲咩過江龍，但飲品嘅質素都好出色，仲好貼心加層防漏紙👍🏻經過嘅時候值得一試，支持吓本地小店❤️

今日去左灣仔嘅event活動前想食個輕便嘅lunch所以就去左玉璃食左個toast同飲左杯野😋佢地係年輕人開嘅手搖 做嘅飲品同食物都好有心機 💖多啲特別嘅口味 同出面常見嘅唔同所以我都好鍾意🥰仲有店入面超多貓貓擺設我勁鍾意😻😻（拉下有圖😽😽）-🥩🍞芝士蘑菇醬燒牛吐司 $32我比較鍾意食鹹味嘅吐司😝呢個就啱晒我入面有好香嘅煎蛋🍳、健康嘅蘑菇🍄、邪惡🤤芝士🧀、同埋大大件牛肉🐮😍真係超足料 加埋佢地調配嘅醬汁😍好好味😋-🧊🌹玉薔薇 $23食鹹野就緊係要配返杯甜嘅手搖啦😉呢杯玉薔薇有好清香嘅玫瑰味😍入面加左佢地自己整嘅凍玉 係甜仲有朵真花係入面🌹飲同打卡都咁正呀😝-🧀🍹芝士金鳳 $20另外朋友都叫左一杯芝士金鳳cheese golden Phoenix😳店員推介話係佢地嘅招牌黎🤩呢隻金茶非常之香同回甘 仲有啲果香味添🥰啲芝士奶蓋鹹鹹甜甜配搭得超好呀👍🏻😍

在灣仔一帶完成了工作，還未到午飯時間，當下突然下着傾盆大雨，街上的行人也十分狼狽，正遇上這一家茶飲店「玉璃」，本來都僅是路過，但只好走進店內避避雨。這場雨下得很長，雖然店員都沒有多言，但我亦不太好意思，加上天氣還是很悶熱，故此，買杯凍飲消消暑，靜候大雨停下來。鋪面比好些茶飲店寬闊，而看上去，店內環境亦十分整潔，裝修簡簡單單。提供多款飲品，以分類計，有純茶、季節沙冰、牧場牛乳、芝士奶蓋、手調……等等。飲品確實出色，所以，也追加兩杯，請同事一嚐。更提供吐司美食，如8:00am-11:00am早餐時段購買吐司，更配上茶啡，是在附近工作客人的福音。順帶一提，學生或醫護更有減$5優惠，而且，聽店員講，遲些更計劃會每日推出$20一杯飲品優惠，實在令人期待。消暑最好就是喝沙冰，芒果更是至愛，這「芝士芒芒」（$36）用料十足，又夠大杯，面層更加了芝士奶蓋，絕對愛死。奶蓋非常好喝，濃厚鹹香，口感細滑柔順，而下層沙冰亦打得幼細綿密，完全無冰粒感，芒果香味清甜且濃郁，原來還有芒果肉；最後，兩者拌勻，是出奇地夾，喝罷暑氣全消。另一杯「茉香水果茶」（$36）亦看得出很足料，以茉莉茶作茶底，味道清香，加入了非常多

店員強烈推介下 試左杯芝士金鳳 味道出奇地咁夾 👍👍有驚喜好味道 奶蓋芝士味夠有口感 配埋茶飲唔會有膩既感覺 茶就揀左金鳳 都幾香有茶味 起碼唔係死甜野飲先 整體感覺良好 小店黎講有質素

第3次幫襯！！個奶蓋超級好飲！同埋啲茶好香 珍珠都好好咬今日見人地飲白桃蜂蜜蘆薈 就叫多杯黎試下啦真係勁fresh 同埋啲蘆薈超大粒 夏天禁熱可以飲番杯 勁涼爽❄️之前有食過佢個個蘑菇肥牛三文治 都勁好食🤤 如果經過不妨去試吓🥰同埋佢依家裝修越黎越靚 打卡都唔錯呀🫶🏻

呢排日日都33度以上行出街個人都㷫合合真係要整番杯台飲消消暑醫護 學生仲可以-$5 👍🏻—————————————————————要消暑最好都係飲沙冰仲要加埋厚芝士奶蓋😍奶蓋+芒果沙冰味道超夾沙冰入面仲有粒粒芒果肉一啖入喉暑氣全消友人就揀左白桃蜂蜜蘆薈聽個名都知係小清新口味香香白桃茶加上甜甜蜂蜜爽口蘆薈另一消暑解渴嘅選擇最後店員推介佢哋嘅香芋牛乳中島都忍唔住買多左杯🙈芋蓉係手打而且無落任何色素所以睇落去真係好淡好淡嘅紫色無計對於芋頭中島係接近零抵抗力🤷🏻‍♀️從外觀去睇同中島喺台中飲過嘅非常接近飲落味道都還原到8成❤️此外小店都有做吐司早餐仲包茶/啡有機會都想試吓—————————————————————◈ 芝士芒芒 $36◈ 白桃蜂蜜蘆薈 $29◈ 香芋牛乳 $31