王家沙．花樣年華 (太古城中心)

營業中

休息中

今日同老公🙋‍♂️去太古城行 行到肚餓就見到有間上海菜🏠 因為有段時間冇黎呢度食 就入左去試下 佢個門口⛩雖然唔喺好大 但行入去裡面就好深 好大 幾多客喺度食梗…裡面的員工都幾好態度 環境舒適 坐既位置都幾舒服 ☺️我老公一坐底就即時叫左個小籠包 我同佢講使咩咁急😏... 佢就話黎度出名 一籠有五隻小籠包 細細粒肉鮮多汁...食落真喺唔錯😂之後我地再叫左碗🍜 紅燒牛腩擔擔麵(中辣) .牛腩炆得好麻 湯濃好飲溫泉蛋賽螃蟹🥚 .D蛋白好滑好香老壇酸菜魚🐟 . 酸度適中 亦唔會好辣 好開胃老公知我鐘意食湯丸 特登安排一碗薑茶湯丸俾我🥰🥰🥰……….夠薑味 湯丸裡邊喺黑芝麻 甜度又剛好 讚👍👍👍

同朋友聚餐， 4個人黎太古【花樣年華 ・王家沙】餐廳 ，環境尚算幾好 ，餐廳裡面擺設左好多櫻花 感覺舒適回到那些年 青春活力🌸🌸入座前需要登記安心出行 或填紙仔 ，餐廳亦提供基本嘅搓手液 ，今次我地一早預先訂左枱 所以黎到唔使等...見到餐牌有新嘅菜式所以試下**精選滬式涼菜拼盤**裡面有 蒜蓉青瓜 鎮江肴肉 四喜烤夫 皮蛋豆腐 醉嘉美雞，可以試哂五款味道，人總是貪心的😝😝**金網燒鴨包**外層熱騰騰 內裡柔軟帶汁，包底金網脆脆的 **明爐原條桂魚絲** 魚肉嫩滑 餐廳用鐵板出 下層用慢火燒住 保證夠熱 夠哂貼心👍👍**黑鬆露河蝦仁**濃濃嘅黑鬆露散發出香味 同河蝦仁都幾夾 又唔使剝殼 我女朋友至愛**奶油津自** 唔係新菜式但想食 因為喺屋企好少煮黎個菜式 所以叫黎食，味道果然唔錯😋😋之後當然要試下甜品**貴妃紅棗糕**好香嘅紅棗味 即叫即蒸夠熱 **奶皇小麻球**朋友指明要食 外形似煎堆仔 但裡面係奶黃 食落唔會太甜 第一次食 又真係幾好喎😉😉

見好多年無食過王家沙晚巿唔洗等位就試下唔試由自可，一試中大伏🙄酸辣湯係全晚最大伏💀💀💀💀💀唔知食緊乜，唔酸唔辣唔夠熱，仲要有青豆係入面，最後係要自己加醋先勉強入到口🤷🏻‍♀️胡椒餅好明顯一早整定，完全唔熱，亦都無肉汁🤷🏻‍♀️京醬肉絲係就係夠熱，但係得4塊皮實在係太少囉，塊皮仲要又厚又韌🤦🏻‍♀️醉雞見到好多雞骨都仲好紅，搞到啲酒都有陣腥腥地既味🤡招牌炒飯係唯一夠熱+比較ok既野總括黎講，呢個價錢比啲甘既質素係不能接受！！

悠悠閒閒先係真正既放假🤗 以前喺太古返工(真係幾遠下😆)，屋企來回都去到轉台灣😂上星期放假約左舊同事食飯，佢提議附近既王家沙都唔錯☺ 食飽可以快快趣返公司。我地每人叫左1客一人豪華lunch set🥢 個餐都好多野食好夠飽😋·🔹️一人豪華自由選  HKD$118******************************◾點心拼盤拼盤包括生煎包🥠及煎餃🥟各一件，兩款都漲卜卜，結實又飽滿🤩 生煎包裡面都幾多湯汁💦 煎餃皮則厚左啲，生煎包略勝一籌呢~·◽湯羹是日老火湯🥣 / 正宗酸辣湯🌶 二選一，同朋友都揀左要酸辣湯。湯入面配料都幾豐富😚 荀絲、冬菇絲、木耳絲、肉絲等，味道唔算好辣，酸味就好夠👍 質感濃稠，一小盅份量都幾多，幾飽肚的。·◾小菜 (配白飯 / 陽春麵一碗)都有幾多選擇，分別揀左四川回鍋肉🐖及紅燒獅子頭🦁烤菜，份量適中。四川回鍋肉味道少少甜，但完全無辣度😆 同平時食到嘅有點不同。回鍋肉係薄切既瘦肉片🐖煮得好入味，好適合配白飯吃🍚而紅燒獅子頭入口好快已鬆開，醬汁味濃🤤 而我則喜歡口感較結實點的。·◽飲品自家製鮮豆漿🥛唔會好甜，感覺較健康呢~

母親節正日當然要同外母過啦，所以我地自己提前慶祝。今次揀咗好耐冇食既上海菜，呢度既母親節套餐入面既食物勁children friendly，除咗我哋覺得好味之外，小朋友都食得好開心。前菜拼盤阿女最鍾意係青瓜，主角媽咪最鍾意係醉雞。至於蟲草花螺頭燉雞湯簡直係落重料，我哋當然覺得好正，最估唔到係連阿囡都成碗飲晒👍🏻主菜有黃金蝦，邪惡但美味。上海話梅骨，甜甜酸酸，阿囡食咗勁多。又諗計亦係另一個重點，阿囡一見到已經按耐不住，直情成碟黎。奶油津白都係邪惡但美味，加埋小籠包，真係飽到攬住個肚。結尾係貴妃紅棗糕，10分滿足。老婆滿意之餘，阿囡亦都由頭食到落尾，最緊要係成屋女人都開心🥳

11點23分入座11點51分都未有任何食物上枱追問先話壞左爐頭得返一個爐煮嘢食仲要俾阿姐大大聲話返轉頭「幫你追左入面喇」宜家我錯咩阿姐？我等左半個鐘先第一次問你咋喎壞左爐頭無問題...都係意外但係你入座時你話聲俾d客聽等d客自己決定有無時間等丫最終12:09分無辦法再等帶住個女空住肚上堂期間仲要不停放客入座又完全唔出聲話爐有問題嘢食普通仲要咁樣既管理不知所謂！

午餐有兩款，我哋每人揀咗個一人豪華自由選$118。呢個餐相當豐富。首先會有點心拼盤，係生煎包一個及煎鍋貼。生煎包個底幾脆，入邊有肉汁，味道唔錯，煎鍋貼皮就厚皮少少，味道都唔錯。之後就揀個湯羹，我哋揀咗一個酸辣湯一個老火湯。酸辣湯飲落有啲似碗仔翅，夠足料，味道酸酸地少少辣。老火湯味道亦都相當夠，飲得出真材實料。小菜揀咗四川回鍋肉，佢少少辣唔會太辣，好惹味。回鍋肉係薄片，份量都唔少，配飯一流。另外揀咗支竹豬手煲、啲豬手夠入味，皮又夠滑，支竹「索」晒味唔錯。飲品叫咗熱豆漿、熱菊花蜜。基本上相當豐富。

番工成日都要諗食咩真係好辛苦，今日就同同事去左王家沙-花樣年華見到新出的lunch set有點心拼盤，湯 ，主菜，白飯/陽春麵 $118好抵食呢😍😍😍老火湯好足料味味濃郁😋十分入味酸辣湯酸辣湯十分入味，用料好足👍🏻上海話梅骨話梅骨炸得很脆口，酸甜汁調配得，配陽春麵一起食十分夾，美味可口！京蔥爆牛肉牛肉鮮嫩多汁，炒起來更入味，十分香口，配飯或麵一流最後仲有點心有上海生煎包同煎餃，新鮮出爐，好香脆可口，好豐富的午餐🥣飲品飲品方面分別簡左菊花蜜和豆漿，菊花蜜滋潤一下，好啱呢個天氣飲；而豆漿唔會好甜，味道唔錯👍🏻

今日去到太古城，食肆消費滿350蚊有5小時免費泊車，太吸引了，但大部份美心集團食肆都冇呢個優惠，所以我地選擇左去王家沙。食物方面，每樣食物都好精緻，味道都可以，特別欣賞醬茶鴨，配埋蝴蝶包，非常夾👍🏻環境方面，疫情下，我地4位大人，一位兩歲小朋友，可以隔一膠版坐6人枱，不算太遠的距離，而且環境清靜，欣賞👍🏻價錢方面，性價比不過不失，食物係好食，精緻，但算細碟，我地共5人食左6個小菜，2個前菜，2個點心。才剛剛好夠飽。所以人多不防叫多d😂

Came to Taikoo on a weekdays afternoon. Has always craved for some comfort food to dine in with my parents. They really love Shanghainese food!We seated at a table of 4, the shop was pretty packed on a weekday’s afternoon! We ordered this set that was really generous in portion! Three almost couldn’t finish two of the sets! 一人豪華自由選 $118 (點心拼盤、是日老火湯、小菜、飲品) 點心拼盤It came with 生煎包、煎餃子！We definitely loved it！We got caught up by the sweet flavors lying underneath the dim sum, giving it a slight twi

太古城中心既花樣年華有好抵食既lunch set, 點心拼盤 + 湯 + 主菜 + 陽春麵都係$118，叫兩個餐同朋友share 主菜仲正。之前有試過呢度既酸辣湯，今次揀左老火湯，排骨蘿蔔好足料，調味剛好，幾欣賞。主菜叫左乾煸四季豆同上海話梅骨，四季豆惹味，幾新鮮條條都嫩口。話梅骨炸完仲脆脆地，撈均酸甜既醬汁好開胃。呢兩味同陽春麵十分配搭，很下麵 。最後點心有上海生煎包同煎餃，同同出爐熱辣辣，包底仲脆口。熱豆漿同菊花蜜都有水準，食到好飽，係呢邊做野黎食個brunch 唔錯。仲有其他點心食，下次散叫點心試下先。test_taikoo______________________________🏠 王家沙．花樣年華 (太古城中心)📍太古太古城道18號太古城中心2期1 樓101號舖💵 $118 🌼 Working vibe 🌼‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾........

星期日一家人晚飯，叫咗8個餸，食物質素每況愈下，味道麻麻，尤其前菜「雞絲粉皮」，粉皮份量夠，但雞絲只有幾條，覺得縮皮得好緊要。員工不夠，冇人加熱水，態度亦麻麻。埋單時，我向負責收錢嘅員工(當天特定一位黑衫女員工負責埋單)展示我手機上嘅「Cityplaza LIVE+」會員卡(e-card)，因為應該會有9折，但該名黑衫女員工好快咁話今日冇9折，話因為今日係假期而reject我。於是我翻查網上資料，發覺沒有說明星期六日或假期不適用，只有某些日子不適用，我再向她求證，佢當時冇再reject，亦冇話要問吓經理或叫我等陣，就直接出過張有9折嘅單比我，即係話呢個員工唔誠實，明明應該有9折點解話冇？而佢自己又可以話事，即刻俾返個9折我？我相信好多Cityplaza嘅LIVE+會員都可能俾佢reject 過！Anyway，不愉快用餐經驗，我下次都唔會再去。

嗌左個酸辣湯麵完全唔辣唔酸，仲要收我$78。酸辣湯內嘅份量很少，酸度亦都不足，非常之起稀。另外叫了一個口水雞價值$98，份量非常之少，雞得雪藏雞味，辣到亦沒有。似普通烚雞加豉油，辣醬可以完全唔辣，真係好另外上海素餃$58餡料OK但是皮很硬。及蟹粉小籠包味道正常但蟹味偏淡，另外都是皮偏硬即是乾身，上黎的溫度是暖，沒有小籠包應該的熱度，但價錢合理$78 5隻。幫襯大集團 連鎖店就希望有一定正常質素，價錢唔平但質素又無，咁真係非常失望

講真唔使等位，都預咗一般，無唸到多年之王加沙系列搞成咁酸辣湯麵$78⋯⋯味道較淡，唔可以話難食但又唔係好食😐蘇式鮮肉小籠包子$58望到都見到好厚皮，絕唔係皮薄餡靚，不過肉汁都鮮甜，勉強合格😌鮮肉生煎包$52圓轆轆好得意😎⋯⋯咬落好多肉汁，呢餐飯最好食😋蒜茸拍黃瓜$42估唔到手拍青瓜咁普通的小菜，真係做得咁普通....無蒜茸味，差😡唔喜歡食中式餐之原因是俾埋好多雜費花生$12⋯⋯無食都要俾茶費$24😞可惜二人餐$288唔啱食，無人排隊都係要小心😢

未食過質素如此惡劣嘅上海菜 - 王家沙花樣年華@太古等位時見佢有海量嘅外賣開始猶豫 - 一係出菜會好慢，一係質素變差。但仲有一張枱就到，行到好攰費事周圍搵嘢食又要再等過，食過佢其他分店覺得不錯，於是繼續等。好不幸俾我估中，結果係後者。兩個人食四百幾蚊垃圾之作，食到一肚氣！所謂炸黑毛豬扒擔擔麵，係柴皮薄削冇豬味只有咸味嘅豬扒（真係黑毛豬扒？），上菜時賣相已經唔開胃，加上溝到好淡冇哂味嘅擔擔麵，係冇花生味完全冇辣味，麵質差。之後嚟個又乾又瘀嘅雪菜毛豆百葉，大量乾柴百葉，冇乜雪菜冇乜豆。小籠包都唔掂，大小不一，扁扁榻榻，完全沒有滿足感。紅油抄手沒有紅油，係豉油底，加啲辣醬喺面，餃子都係乾乾的，化食物為腐朽，莫過於此。環境：昏昏暗暗服務：差，人手不足，遞手沒人理，侍應見到別過臉走開，結果見到有人入單就自己行埋去遞紙太劣質，不會再光顧。