王牌·圍一叉燒

營業中

休息中

出名叉燒好好味，黃昏日日都排晒長龍！今日試吓迷你燒鵝瀨下午茶餐$46，連埋凍檸茶成為$49分量幾多，熱辣辣，燒鵝都唔錯，肉質幾香濃😍。不過，湯底就一般般啦！比較同類集團嗰啲下午茶貴$10 、$8，明顯分別就係燒鵝或者鴨，計味度同價錢，都係集團式嘅抵食，冇得揮！公司治就真係麻麻哋啦！靠伴碟的菜切靚佢，實質內容跟一般茶餐廳差不多，講真唔敢食嗰啲生菜！杯凍檸茶都係普通茶餐廳貨色😢環境一般啦！仲要兩人迫埋一邊卡位坐，如果大隻啲都覺得唔舒服！千祈唔好諗住搵朋友喺度慢慢嘆，好似普通嘅茶餐廳環境，食完就要快啲走啦！整體來說，小小失望囉⋯⋯要平靚正就要搵集團式，要傾偈又唔好咁cheap,可以去環境好啲嘅茶餐廳，其實價錢都係同呢間差唔多！

開頭以為餐廳好細，原來仲有上層，但上層熱啲焗啲，好在用餐當日天氣涼啫。一坐低，未落單，呀姐已經放低兩碗例湯，湯清微甜夠味（不含味精，的確，之後無口渴）。XO醬滑蛋蝦仁拼叉燒飯（$64）凍檸檬茶（+$5）賣相不錯，份量正常。蝦仁有四大隻，爽口但無咩味；叉燒約有五片，大細厚薄適中，肥瘦均勻，肉質軟嫩及爽口，味道不錯；滑蛋炒得剛好，唔會太老；XO醬不是炒埋落啲蛋度，而只係放一pat係面，頗辣少咸但鮮味欠奉。蜂蜜叉燒脆豬（$38）凍檸檬茶（+$12）叉燒超大舊，又夠厚，肉質嫰，一啲都唔嚡，口感十分豐富。脆豬夠脆，表面淋上蜜糖。PS：只收現金。

嚟開大圍必定食嘅燒味飯~今日經過開大圍，就掛住呢度嘅燒鵝油雞飯~可能今日係平日嘅關係，唔需要等位就可以安排入座~♡♡燒鵝油雞髀飯點知咁好彩仲免費升級燒鵝髀同油雞髀鵝髀雞髀啖啖肉，啲肉多到差啲食唔晒

大埔圍一分店買一斤外賣义燒，同收銀職員講半肥瘦兩次均無反應，態度冷淡，回家發覺全部瘦义，柴皮難咬，無香味，衰過煲湯豬肉，成碟食剩哂，記憶中人生最差嘅义燒，極度失望。

今天自己一個人去了大圍吃下午茶兼晚餐，選擇了圍一叉燒餐廳，下午茶相當抵食，相當值得幫襯！店員服務態度不錯，安排我一個人坐上層，亦都禮貌地比餐牌我。燒鵝瀨粉味道不錯，瀨粉軟腍度適中，有兩條菜心點綴，燒鵝也非常美味嫩滑，值得一試。唯一美中不足係湯底有啲太鹹。凍檸茶少甜味道都不錯，新鮮檸檬🍋。食到飽飽都只係$49，相當抵食，但係大家要留意呢間餐廳只收現金。總括嚟講，呢間餐廳抵食又好好食，下次絕對會嚟再幫襯👍。

大圍 📌【 王牌 • 圍一 】雖然我唔係成日幫襯茶餐廳，但係都真係想好評一下大圍呢一間【 王牌 • 圍一 】茶餐廳，因為每次食都係 Keep 到水準，名副其實 「快」「靚」「正」🥢首先贏盡地理位置。 大圍火車站 A出口一出，唔使一分鐘就到達。 不過今次我嗌外賣 ☺️🥇叉燒牛乳炒蛋飯 先講叉燒，肥瘦適中，燒得勁香，仲要叉燒勁大舊，加埋牛乳炒蛋，仲要 Present 得好靚，有賣相又足料兼份量十足，真係完全冇得輸，絕對係王牌中嘅王牌🥇🥇香煎雞扒公仔麵 （出前一丁）記得之前幫襯【 王牌 • 圍一 】下午茶食過豬扒包，記得佢個豬扒都好Juice，今次我就嗌咗個雞扒試下。 我發現雞扒係好食個豬扒，首先個雞皮炸到好香脆，呢下已經好加分，而我從來未食過扒餐粉麵塊煎扒竟然會落香草🌱 好impressed，成件事好高質，顛倒咗我對茶餐廳嘅睇法。 講返塊雞扒係勁 juicy，連埋皮一齊食，勁邪惡😈 x100，但係勁 • 勁 • 勁正呀 🤤檸檬🍋 有3塊，仲要係厚切嘅，有誠意💓⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊹⊰⁠⊰⁠⊹⊰⁠⊹⊰⁠⊹⊰⁠⊰⁠⊹⊰⁠⊹⊰⁠⊰⁠⊹⊰⁠餐廳 🥢 【 王

點解無人介紹早餐？我日日早餐都去食。最出色係沙爹牛肉麵。其次豬扒同牛扒麵勁大份好低食，推介佢地辣椒油加埋黎食。佢早餐湯底唔同其他餐茶廳味度，跟餐片牛油多士又好食，真心推介去食下佢哋早餐。

行咗幾間茶餐廳都覺得價錢好貴行到王牌覺得價錢合理就行咗入去入到去有驚喜，成間餐廳爆人雖然係午飯時間，服務都好好，一嚟就俾咗兩碗湯我哋。見到人哋嘅燒味同滑蛋叉燒飯都好靚好吸引！所以自己都叫咗個滑蛋叉燒飯份量超大份，賣相超級吸引超有食慾！而且味道好好，覺得好抵食

燒味飯十分一般，燒肉勁硬，叉燒正常，燒鵝凍哂又硬又難咬，懷疑一早整好哂啲飯同肉，放到凍哂，覺得仲衰過街邊啲$30燒味外賣$64-$68一個燒味真係不了！冇下次！要打200字先可以比分，懶得打！

呢間茶餐廳叉燒燒腩仔好大舊又足料，叉燒俾半肥瘦，口感唔錯，又濃厚既蜜汁味，燒腩仔塊皮又脆，絕對唔輸蝕！至於賣相好吸引既滑蛋叉燒飯，份量超多，細食既人可以同人share, 炒蛋好滑身，叉燒又多，飯又唔硬！晚餐會送例湯，足料又唔覺有味精，好好飲

極度唔推薦今日買嘅半斤肥叉，實在是讓人失望透頂。首先,叉燒的外表並不吸引人,色澤暗淡,缺乏叉燒應有的焦糖色澤。而且切面粗糙,看起來毫無精心製作的痕跡。入口後,問題就更加嚴重了。叉燒的肉質異常乾澀,咀嚼起來相當費力,完全失去了叉燒應有的柔軟多汁口感。即使沾上所謂的"叉燒汁",也難以掩蓋肉質乾澀的缺陷。汁液味道更是乏善可陳,既不夠甜蜜,也缺乏叉燒獨有的香氣。作為一道地道的粵式名菜,叉燒的製作並不複雜,但餐廳卻未能掌握其精髓。我真誠地建議餐廳重新審視自己的烹飪工藝,並聘請經驗豐富的粵菜師傅,為食客呈現一道真正美味可口的叉燒佳餚。

大圍地鐵站A出口一出就見到，位置好方便。午餐時間嗌咗一碟皇牌叉燒滑蛋飯，包例湯熱飲，大碟又抵食。滑蛋好滑，叉燒就普通，份量好多，最後食唔晒，略嫌調味比較鹹，不過呢個價錢幾抵食。飲品加咗$5轉薑蜜奶茶，不過味道唔係好夾，有啲奇怪，下次應該叫返普通奶茶算。餐廳有兩層，環境比較擠迫，需要搭枱，當日人流好多，有一部份係街坊，仲有好多遊客（應該係新加坡或者馬來西亞），不過都唔需要等位。當日天氣好熱，餐廳內冷氣唔夠，都係食到出晒汗。.王牌·圍一叉燒 (大圍)大圍大圍道100號天寶樓地下8號舖

好多人都話圍一嘅叉燒好正，今次終於有機會試下。 第一次嚟感覺有啲地方淺窄，可能因為放咗好多枱，但亦因為多枱所以就算係星期六午餐時間，客人相當多，仍然好快就有位。嚟到當然要試吓「燶邊肥美腩叉飯」啦！嘩！一試難忘，肉質軟腍，口感一流，非常香口，食完咁正嘅叉燒真係返唔到轉頭，外面好難再搵到咁好味嘅叉燒。五十幾蚊一碗飯，但係絕不欺場，又大碗又好味，CP值非常高。另外都想推介「王牌叉燒炒滑蛋飯」，又係非常大碟抵食，碟飯起碼用咗三、四隻鷄蛋，而且好多叉燒，雖然唔係燶邊肥叉，但佢個蜜汁好野味，叉燒亦好有口感。我覺得兩款叉燒各有特色，但都係無懈可擊👍🏻👍🏻

4份1下莊燒鵝158蚊用細飯盒裝😡😡😡王牌燒鵝的外賣體驗令我感到非常失望。我花了$158元購買了四分之一隻燒鵝，但外賣盒裡只有一塊鵝腿和幾件肉塊。不僅如此，這些食物份量非常少，除了份量問題，我也發現這些肉塊非常肥膩，吃起來令人不舒服。考慮到這個價格，我對這次的外賣體驗感到非常失望。我不建議大家嘗試王牌燒鵝的外賣。

兩位點單姐姐係我面前，我揮手大叫：寫嘢 唔該！ 都冇得都回復，唔知係盲定係聾，我叫得勁大聲，隔離臺都望住我，麻煩唔好帶住個死人耳機ok？今次已經係第三次，請問本餐廳要行去點餐姐姐面前落單嘅？兩位點單姐姐係我面前，我揮手大叫：寫嘢唔該！都冇得都回復，唔知係盲定係聾，我叫得勁大聲，隔離臺都望住我，麻煩唔好帶住個死人耳機ok？今次已經係第三次，請問本餐廳要行去點餐姐姐面前落單嘅？兩位點單姐姐係我面前，我揮手大叫：寫嘢唔該！都冇得都回復，唔知係盲定係聾，我叫得勁大聲，隔離臺都望住我，麻煩唔好帶住個死人耳機ok？今次已經係第三次，請問本餐廳要行去點餐姐姐面前落單嘅？