玥屋

營業中

休息中

#大角咀玥屋 我的珍藏壽司愛店，今次同朋友去仲試咗師傳嘅隱藏菜單：珍寶生蠔($50/隻），前後食咗15款壽司料理，埋單都只需人均港幣$85。🍣三文魚、火炙三文魚、火炙三文魚腩作為三文魚控嘅我，每次嚟親都必點嘅三文魚三兄弟😂🙌🏻 三文魚油脂均勻鮮美，同醋飯融為一體，口感絕佳！本人超級大推！🦐甜蝦、辣三文魚、蔥吞拿魚甜蝦鮮甜無腥味；辣三文魚辣味好夠，但又唔會死辣，食到三文魚味，味覺衝擊超刺激；蔥吞拿魚又係我一試便愛上嘅壽司，超巨型又好味，鍾意食吞拿魚嘅朋友仔，千祈唔好錯過！🐚吞拿魚、象拔蚌、帶子、赤貝吞拿魚肉質肥美、象拔蚌帶子赤貝呢三款貝類三兄弟，亦都係我每次嚟到都會不斷encore嘅，每一啖都係新鮮同埋超正嘅口感，推介比大家！🌸希靈魚籽、玻璃蝦、黃金魷魚、花之戀至於呢幾款係我今次第一次點嘅，以上全部平均每樣都係港幣$5-$13 ，超高CP值！🤫珍寶生蠔(隱藏菜單)今次嚟師傅推介限定菜單珍寶生蠔，真係手掌咁大隻超誇張，加咗啲蔥花同埋啲酒點綴，味道係會令你流連忘返嘅，雖然港幣$50/隻，不過人生點都要試一次嘅！📸同場額外壽司師傅喺我哋面前製作壽司，別有一番風味🤤；玥屋目前只接受電話預約☎️逢星

好耐無食 星期一打左去book即晚佢夜晚分6點同7點半時段我覺得職員態度都okay 無其他人講咁差🤣主要叫左呢d:生蠔2隻 夠大隻 不過蠔味淡左d燒三文魚奇脆卷 有6大舊 抵食之餘又好食👍🏻蔥吞拿魚腩卷 有6件填滿吞拿魚蓉👍🏻花之戀 蟹籽夠多 三文魚都夠厚芥辣八爪魚 又係成件軍艦填滿 呢個芥辣味夠 其他壽司全部都正常發揮 都夠新鮮 可以一件件咁叫一個人去食都得埋單$400幾夠曬飽 間中去食下都唔錯 當然唔好預坐得耐/坐得舒服🤣

去開奧運呢邊，當然要支持下小店小店空間唔大，大約有8個位，好彩無訂位都剛剛好有位我地揀左特上壽司定食，燒三文魚奇脆卷同埋散叫壽司特上壽司定食，因為無左白玉豚，轉左蔥呑拿魚腩，整體好抵食，有11件壽司同埋1件手卷，食材都幾新鮮燒三文魚奇脆卷就係見OpenRice都幾多人推介，食落中間脆脆地，都幾得意辣味三文魚都幾好食，不過紫菜淋左墨魚原來每件壽司都有兩件墨魚，有驚喜花之戀都幾扺食，HKD 16/件玥屋蛋，HKD 6/件，又係抵食之選整體來講，食左HKD 286，真係好抵食，怪不得咁受歡迎，有機會會再幫襯👍👍

### 大角咀的壽司小店食評如果你在大角咀尋找一間值得一試的日本壽司小店，這裡絕對是個不容錯過的地方。還提供新鮮美味的壽司，讓每位食客都能感受到正宗的日本風味。#### 食物質素**海膽壽司** 這裡的海膽（Uni）是我最愛的選擇之一，質地柔滑且味道鮮甜，搭配一片海苔，口感更是絕佳。每一口都能感受到海洋的鮮味，讓人忍不住想再來一份。**壽司拼盤** 他們的壽司拼盤同樣令人驚艷，各種生魚片都非常新鮮，特別是鮪魚和扇貝，肉質鮮嫩，入口即化。店內的蛋捲（Tamago）也值得一試，甜度適中，帶有微微的香氣，令整個拼盤更加豐富。#### 環境與服務小店空間較細，但服務人員親切友善，能即時回答你的問題，並根據你的口味推薦適合的菜品。#### 總結大角咀這間日本壽司小店以其新鮮的食材、精緻的料理，成為了我心目中的最佳壽司選擇。無論你是壽司愛好者還是初次嘗試，這裡都能滿足你的味蕾。

傳統日式小店，3個店員埋頭工作，努力制作。食材新鮮味道一流，刺身三文魚🍣吞拿魚扇貝夠冰凍鮮甜可口，鰻魚大大條燒汁味道一流，鮮肉餃子香脆可口😋，北寄貝墨魚爽口新鮮。不同類型嘅軍艦都係裝到滿到就嚟跌🤩。性價比一流，全部手握壽司，好過機器整一百倍，10蚊以下有多款刺身選擇，壽司平均都係$9-18，仲要無加一，太抵食啦😍😍🥰。店舖細細，得9個位，想食要提早電話卜位了，食個日都好多人打電話問位，老細都話當日已full，所以好多人幫襯😍。地點: 大角咀出名多小店就一定架啦，今次穿過滙豐中心落到地面就望到餐廳喺對面馬路地舖。環境: 地方細細，我哋喺吧枱上面望住師傅用心工作用心製作，所以適合兩三個朋友嚟食飯。價錢: 埋單$150一個人，無加一，性價比一流👍🏻👍🏻👍🏻。

店鋪唔大，最多同時坐到8-10個人。不過性價比超高好好食又平，仲可以散嗌單件壽司唔怕食唔曬又可以食多幾樣🤭，最開心係喺屋企附近可以外賣翻屋企食。，師傅仲話因為今日啲蝦有少少參痴仲送多兩隻俾我地食。海膽同三文魚籽壽司好出色😋😋😋其他壽司都好好味，唯一油甘魚刺身有啲咬唔開。最後叫咗兩個生蠔埋尾就不過不失，但同好朋友食得好開心🫶🏻花之戀 海膽 三文魚籽 燒三文魚腩 鰻魚 燒帶子 帶子裙邊 黃金魷魚 全部都好好食

好難book的壽司小店！要逢星期一就打去book個個星期壽司性格比高，味道都不錯種類都有不少選擇的。不過餐廳座位好少，窄窄的，所以想同朋友聚聚吹水就唔係好選擇了，加上員工服務態度有待改善！

舖仔細細 約8-10個位，但一入門口就見到壽司吧枱，可以睇住師父成個製作過程 (順便偷望下其他人嗌左D乜，參考下😂)裝修唔係特別靚，都係木面為主，好有穩世小店既feel5個人黎食，安排左吧枱既左邊，岩岩好夠一排5個坐，右邊係可以坐2-3人，舖內仲有一張高枱都係坐2-3人，會有少少逼既感覺因為師父會直接將壽司放係面前既盤，所以就分開左2邊落單，2個+3個咁落單，係寫紙仔之後遞比師父，唔夠喉可以之後問師父拎返張紙黎加單不過記得一定要訂位預約，食緊途中都見到有好多人入嚟但係已經無位坐$8三文魚腩好好味，油香重不過黃金魷魚，個人覺得就偏咸，但魷魚新鮮既蟹籽沙律$25真係有驚喜，有別於平時食到既，因為師父會先將沙律醬, 青瓜, 蟹柳, 蟹籽 撈勻左之後再放一堆蟹籽上面，蟹籽好新鮮，全部脆卜卜$5三文魚 $13帶子 $8三文魚腩帶子冇得輸，好甜$6 玥屋蛋都係必食玉子燒上面會印有“玥屋”，打卡必備生蠔超大隻超新甜建議訂位時留定/早少少黎，因為隨時賣曬$7芥辣八瓜魚都係偏咸油金魚(無記錯的話應該係)仲有叫左鯖魚刺身講真第一次食秋刀魚刺身，幾特別，冇骨又唔腥，師父會排到🍃一塊葉既形狀，仲有一碟秘製醬汁

今次為大家推介平民版既omakase ❤想食omakase好耐但一直都覺得好貴無機會試到今次比我發掘到平民版真係算係初嘗😋😋大家去前最好打電話book左先❗❗鋪頭座位只有7個位我係下午茶時段好彩所以walkin都有位入座後無耐都有人入黎佢地有book枱佢地壽司種類都有幾多仲有手卷 刺身 小食 前菜...由於我係選擇困難症 所以我簡左F餐 特上壽司定食 $115有11款壽司同一件油甘魚手卷😍😍(吞拿魚，白玉豚，三文魚腩，劍魚腩，油甘魚，帶子，赤貝，甘蝦，鰻魚，海膽，玉子)滿足哂我所有願望最重點係有海瞻呢個價無得輸師傳仲因為吞拿魚唔靚所以改左蔥吞拿魚腩鋪頭細細 有3位師傅 即叫即做 整完就會放係你面前同omakase 感覺好似😊😊啲魚腩好油香 勁正❤ 帶子都大大粒好鮮甜件件食落都好正燒三文魚奇脆卷$70 必點✨一條卷有6件外面係燒三文魚 入面包住脆脆一次過食到兩種唔同口感😋😋三文魚籽 $25 (2件起)同外面既好唔同食落硬爽 每粒都好似爆珠咁好驚喜😍😍另外 仲叫左自選魚生飯 $40起可以簡自己鐘意既魚生玥屋大角咀海景街44號地舖

玥屋是名副其實的小店，目測最多只能容納9名食客，而吸引人的地就是價格實惠但質素不錯的壽司刺身。在狹小的餐廳裏，3個師傅在吧枱前工作，他們氣氛融洽。雖然他們和食客的距離十分近，但和我們的交流很小，印象中除了傳遞食物時必會說的「唔好意思」，便沒有其它任何溝通LOL。光顧了特上壽司定食和散叫了15件壽司，特上壽司定食包括了11件壽司和一件葱油甘魚手卷，散叫壽司中有不少和定食重覆。定食中最有驚喜的是白玉豚，軟滑肥美，朋友也認同呢。赤貝爽身彈牙，帶子都算鮮甜軟綿。但是葱油甘魚手卷的紫草一點也不爽脆，很難咬開，所以吃手卷吃得有點辛苦，也影響了手卷的口感和美味，是一大敗筆。定食價格只是$115，但整體質素算是不錯，overall感覺每件都是新鮮，不會將貨就價。散叫當中的墨魚、馬刀貝和象拔蚌，是定食中沒有的，價錢是每件$5-8。相當不錯呢，他們都是肉質緊緻爽彈，有咬口但不會過於煙韌。不過散叫的蔥吞拿魚腩和玻璃蝦有點普通，雖然價錢不貴，但沒有什麼令人回味之處。散叫的壽司每件是$5-20左右，質素和定食的一樣，新鮮不會「梅」。阿薯認為玥屋能夠成為大角咀其中一間令人難忘的餐廳，是因為它價錢不高，百餘元有十多

12點正即刻打去book位，因為餐廳座位唔多，如果book唔到位午飯時間應該冇乜希望。12點準時嚟到入座，期間keep住有好多外賣單，喺區內好受歡迎，門口仲可以泊車。重口味人士應該好鍾意呢個，辣辣地好惹味，上面嘅脆脆有唔同口感，食落去好得意。呢一個中間同樣包住脆脆，面頭用三文魚包住，同樣係一次過食到兩種唔同嘅口感，不過食一件都足夠，食得多會有啲漏。國切三文魚飯份量十足，只要食材新鮮，其實都唔會出錯，可以一試。底下飯量十足，啲飯仲有調味撈埋漬物，可以解膩。呢個同一般玉子壽司唔一樣，特別在有兩層玉子中間夾住一層飯，鍾意食蛋朋友一定要叫。

今次去咗一間隱世嘅小店，佢嘅壽司價格都比較親民，如果想對自己好啲，又咁多budget 都不妨可以嚟試吓呢間小店👍🏻✨三文魚脆脆卷-呢個係我最鍾意嘅壽司，佢係三文魚腩同一啲炸面整嘅卷物，佢嘅三文魚非常肥美，而且用火槍炙過，所以整體食落有三文魚嘅甘香，仲有一啲天婦羅卜卜脆嘅口感，層次非常豐富。✨白玉豚-唔係太多地方都有呢隻魚買，佢係一隻比較淡口嘅魚嚟，不過都有油脂嘅甘香，唔鍾意太重口味嘅朋友可以試吓。✨帶子-佢嘅帶子好大粒，食落非常之鮮甜，加上價錢都好親民，絕對係必食之選。✨甜蝦-甜蝦大隻得嚟，仲要非常彈牙鮮甜，所以最後每人都嗌咗多咗round嚟食！✨玥屋蛋-其實即係玉子燒壽司，佢係屬於甜口嘅玉子燒，有好香嘅蛋味，最重要係佢嘅賣相好靚，仲有玥屋嘅標誌，拎嚟打卡就一流啦！最緊要係師傅整完壽司會直接放喺你枱面個玻璃架上面，完全係平民版嘅Omakase！提提大家，佢係位於奥運站同大角咀之間，基本上喺奧運站行5分鐘就可以到么不過依間舖頭嘅位置唔大，得八個座位，所以大家如果想去嘅就記得要打電話去book位啦🤣❤️📍玥屋（大角咀）大角咀海景街44號地舖💵＄250

大角咀呢間壽司店岀名食物質素唔錯，性價比高，特登嚟試下。餐廳得8個位，想去之前記得先訂位。私心推介葱吞拿魚腩壽司同燒三文魚奇脆卷，大大舊好足料。燒三文魚奇脆卷面頭嘅三文魚好厚好肥美，三文魚包住啲脆脆幾特別🥰汁燒帶子係用紫菜包住，但係嚟到嗰陣紫菜已經冧咗，食落口感一般。而其他壽司都好新鮮，價錢又唔貴，最平$5就有交易，大家可以試下。Overall rating (5粒⭐️為滿分)味道：⭐️⭐️⭐️⭐️服務：⭐️⭐️⭐️環境：⭐️⭐️⭐️性價比：⭐️⭐️⭐️⭐️✨想睇更多食評就記得follow - hk holiday diary

店員依然係西口西面, 不過依個係佢地特色,有時好想安慰下佢地😂 俾點士氣.不過食物質素真係高, 性價比之選！我散叫左10件壽司+1件火炙帆立貝, 入面包括2件三文魚子 + 1件海膽軍艦,先至講緊total HKD148.壽司上嘅刺身個size叫做正常啦, 最好味應該係帆立貝,我初頭以為壽司上, 點知係摺紫菜, 燒完 入口好香口.其他10件壽司味道就正常、新鮮,對得住依個價有餘, 特別鐘意三文魚子飯亦都唔會好酸! 合格！.店舖個size好細,建議兩個人黎食會比較好

食物質素參差，沒有太多選擇，舖頭極細，衛生欠佳！！！！！！！雖然價錢便宜，但服務質素極差！！！！外賣壽司師傅對客人態度猶如仇人如果你喜歡俾錢買難受值得一試！！！